((( تجمع أمهات حواء ))) .............................2

[ام رزان]

ما شاء الله التجمع صار 4 صفحات بسرعه

اليوم كنت مشغوله الصباح ما قدرت ادخل

امهات عندي مشكله واتمنى تساعدني ف حلها....بس بما ان اغلبكن يدخل الصباح راح اعرض مشكلتي بكره الصباح بإذن الله

[ريم الأريام]

ريم الاريام
اشرقت و انورت
برنامج السوبر ناني صراحة ما أثق فيه.. اشك انه تمثيل..يعني بالنهاية يمثلوا ان الاطفال نفعت معهم السياسة ..ما احد امكر عن الغرب في هالسوالف..اوين اتوماتيك يحلوا المشاكل..
بخصوص حميتك.. لو مكانك بصراحة بامسكها على صو ب و باخبرها ان اسلوبها ما يناسبني و اتمنى تعدله،اذا استجابت..جميل..و اذا ما استجابت و عادتها فعاد اذا اهانتني علانية اهينها علانية، الاكرامتي و كبريائي ما اجامل فيها اي مخلوق.. و بعدين اقاطعها ما اكلمها .. و اقطع علاقتي معها.. ايش فايدة العلاقة اذا ما تطيقني و ما اطيقها؟


فجر
عليك يا فجر بكتاب مصطفى ابو السعد تقريبا هذا اسمه ..رهيب هالشخص في كتب سلوكيات الاطفال..ولدي يوسف عنيد مووت و اكتشفت ان الطفل العنيد ناقصه حنان و يعاند للفت الانتباه و فرض شخصيته ..و من ضمن نصائح الكتاب ان الام ما تصرخ على الطفل العنيد و تطلب منه بالزين و بالحب و الطيبة و بالفعل..ولدي يوسف اذا نازعته مستحيل يستجيب و لو اضربه و لو اسوي فيه اي شئ.. بس لما اكلمه بالزين و اطلب منه بالطيب يعمل و ينفذ كل شئ حرفيا ..


فجر..البنات الحين فاقدينك..انتي لاهية عنهم بشغل البيت و الصراخ و العصبية ..من كذي بيزيدوا يجننوبك عشان يلفتوا انتباهك..ما تقدري تشغليهم معك؟دوري لهن اي شغل ممكن يساعدوك به عشان تشغلي وقتهم و بنفس الوقت تحسسيهم انك تهتمي فيهن..


حتى اولادي صايرين شرسين من يوم ما راحوا المدرسة و يقولوا كلام وسخ يسبوا بعض "كلب" ..بس الامور طيبة الحمد لله .. احاول اشغلهم اوقاتهم بهواياتهم؟يحبوا الرسم بالفرشاة موووت..يبحوا يسقوا الزرع بالبيت ..فيه امور بسيطة يقدروا عليها الاطفال عشان نتحكم في فوضتهم

في حالة ريم الأريام خليها تتحكم في بيت اهل زوجك يعني ويش فيها اهم شيء ما تتحكم فيك وفي بيتك هيه ساكنة وياهم وانتي لا هيه تشوف يمكن انها اولى بأنه كلمتها تمشي بما انه بيتها بعد بينما هو مو بيتك

صباح الخير ماميز,,,,,

بعدكم على موضوع الشغالة!!!؟؟؟ مافي موضوع جديد اليوم؟؟؟
ايش رايكم نشوف حل لمشكلة (ريم الاريام)

من وجهة نظري احس زوجة حميك تشوفك صغيرة وعلى نياتك,,,, بس انتي تقدري تحلي هالشي بأثبات شخصيتك ورايك بحدود المعقول في تجمع بيت العائلة,,, ولا تبيني لها ابدا ان مواقفها تستفزك لانها اذا لاحظت ذلك تفرح وتعتبره نصر لها,,,, مرات زوجة الاخ لما تسكن في بيت اهل زوجها تكون عمتها معتمدة عليها في كل شي,,, انتي حاولي تكوني عنصر مفيد ومتعاون ,,,

من وحي تجربتي حاليا بعدني ساكنه في بيت زوجي(بعد شهر يجهز بيتي) بس في ملحق خاص فيني ,,,, غرفة وحمامها وصالة ومطبخ,,, لما يجي الويكند يجتمع الاخوان والاخوات معنا فالبيت,,, ودايما عمتي تاخذي برأيي في ابسط الاشياء لانها تعودت علي بعد عشرة 7 سنوات,,,,, ولكن لما يجين زوجات حمي يكونو مرات مثل الضيفات ومرات يريدو يكونو الكل فالكل!! اعطيهم مجال يعطو رايهم لان احس حالهم من حالي كلنا فالاخر زوجات الاخوان,,,,

ياما صارت مشاكل بين الاخوان بسبب زوجاتهم,,,, فلا تخلي نفسك في مثل هذي المواقف,,,

مرحبا ماميز
ريم
انا اقول حاولي ما تعطي مجال لزوجة حميك انها تنتقدك في شي او تحرجك قدام اهل زوجك حاولي في الويكند تصحي من وقت
وتسوي ريوق وتنظفي ولو حاولت تقولك شي وقفيها عند حدها انا مثلك زوجة حميي الاصغر اكبر مني ومخلايه الكل في الكل وانا
كأنه مالي وجود عمتي تستشيرها في كل صغيره وكبيره بس انا مخلايه حال الطبيخ وكم مره اذا عمتي غلطت وسالتني عن شي اقولها
ما اعرف روحي ساليها هيه ويحبنها وايد بس انا اطنش وحسبي الله ونعم الوكيل
فجور
بالنسبه لمقص الاظافر والمقص العادي كلهم فوق وفي غرفتي استخدم لاولادي اكواب وملاعق بلاستيك والسكينه ارفعا فوق بس عاد
ولدي الكبير ما شاء الله عليه صايير يجيب كرسي وينزل على كيف كيفه
بخبركم شو سوا في شهر رمضان
راح جاب المقص وقص شعره من قدام حتى لحد الحين شعره بعده ما رجع مثل قبل وجاب حبوبي مال المباعدهوقصصهم حبه حبه
وحط الشعر مع الحبوب مع بعض في مكان واحد ولما اكتشفت الجريمه ضربته ونازعته وقلتله الحين من وين اجيب حبوب رد علي
بكل برود روحي اشتري غيرهم
عاد ما يقهروا غير شويه بتصرفاتهم حتى لو الواحد ما يريد يضربهم همه يجبروه

مشكورات بنات ع الرد


كيان النور نورك


فجر الله يعينك ويسهلها عليك





فيه حاجه بنات نسيت اذكرها
ان زوجي وعمتي كانوا مسافرين بفترة العيد للعلاج فالخارج

وعمتي كانت موصيتني باهم الاشياء اللي بنسويها فالعيد بحكم اني ولله الحمد ست بيت ودائما تستشيرني فكل صغيره وكبيرة رغم اني ما ساكنه معاهم لان زوجه حمي ما تعرف طريق المطبخ وين


ولما سافرت عمتي حاولت زوجه حمي تفرض سيطرتها وتخبر الكل انها هيه ست البيت فغياب عمتي!!!



مع اننا سمنه ع عسل ع قولتهم


بس هالعيد روتني وجه ثاني حشى ما سويت شي ولما كانت تسال عمي عن ترتيبات العيد يقولها انا خبرت ريم خلاص تقول له ما عليه خبرني انا بعد وصارت تكسر كلمتي قدام الشغالات وانا كذا

بس سكت احتراما لعمتي وعمي وانا ما متعوده سوالف الحريم تطلع للخارج بس هالمره ما قدرت اتحمل ولما رجع زوجي خبرته قلت له ما قدرت اتحمل

وقالي انا بتصرف والحين انا خايفه من ردت فعله لاني ما احب المشاكل


وفوق هذا عمتي اول ما رجعت جلست تسالني ايش سويتن وايش عدلتن وهيه توشف علي بنظرات حسيتها بتاكلني


وللحين احس معاملتها لي متغيره واحاتي القادم ايش بيكون

[فجر جديد]

ماميز حبيباتي لا تنسن تخمن الردود العادية وتخلن الردود إلي تتكلم عن المواضيع إلي نطرحها بس عشان يظل الموضوع لأطول فترة ممكنة تسلمن حبيباتي

ام رزان قلبي ننتظرك وموضوعك على احل من جمر

بخصوص موضوع الأمس .....
عند بنت حمي نفسها إلي قصت يدها بالجلاص .... مرة فتحت فرن ودخلت داخله وسكرته على روحها
عشان كذا يوم بنيت مطبخي خليت الفرن مرتفع عن الأرض

نفس البنت مرة شالة سكارة فيها مرق ساخن وكبته بالغلط على روحها وجلس لها المرق بكل خضارة وسمكه على بطنها وحرقها حرق معتبر ظلت شهور تتعالج منه ولليوم علاماته في بطنها
ومن هالموقف صرت ما اخلس هالأشياء ابدا على طرف البنج ...... والمقالي والصفاري يوم اطبخ ما اخلي مقابضها على الصوب المفتوح اخليها على الصوب الداخلي للطباخة واحطها في عيون الغاز الداخلية بعد

[فجر جديد]

ريم الأريام الحين وضحت الصورة
بس ارجع واقولك هيه اقرب الظن سوت كذاك لأنها تشوف من وجهة نظرها انه بما انها ساكنة وياهم في البيت انها اولى بأدارة امور البيت منك انتي
ما انها اقدر منك .... لا ..... اولى ....... طنشيها وخليها والمرة الجاية لو عمتك طلبت منك شيء ردي عليها بكل لطف انك تفضلي انها توصيها هيه منعا للحساسيات وعمتك بروحها راح تفهم
يكون لو باكر صار شيء بيعرفوا انك ما غلطانة وانك في السليم

[لمستي للتصميم]

صباح الخير . . . . .

بنات حاسة بصداااااااااااااااااااااا ع في جهة عيوني اليسرا . . . . . أحس عيوني تنبض من الصداع

فجر . . . . بنت حميك . . . . وين أهلها . . . . ما شاء الله عليها . . . . . يحتاج يخلوا بالهم أكثر عليها بعد كل هذي المواقف

ذكرتيني ببنت ولد عمتي . . . . . راحت السطح بغفلة أهلها . . . .وطاحت من السطح لين الارض . . . . الله ستر بسترة . . . . البنت ما صابها غير شوية رضوض وكسر في إيدها.

ريم . . . . مثل ما قالت فجر . . . إذا كلفوك بالاهتمام ببيت أهل زوجك اعتذري. . . . وخلي زوجة حميك هي إلي تمشي البيت . . . . بس أنت لا تسوي حساسيات بينك وبينها ولا تسوي مشاكل . . . بس عرضيلها مساعدتك بين فترة وفترة . . . . ف الاخير لما بتشوف نفسها مضغوطة . . . . بروحا بتطلب منك المساعدة

[فجر جديد]

دائما يراقبوها لكن تغافلهم
يوم حرقت نفسها امها دخلت الحمام وهيه طوالي على المطبخ

لما دخلت في الفرن امها كانت قدام باب المطبخ تلم كيس الزبالة عشان تعقه

ويوم كسرت الجلاص وقصت يدها الخدامة كانت واقفة جنبها بس معطتها الظهر

ومرة كانت تركض وتزحلقت بماي اختها إلي اصغر عنها كابتنه على الأرض ةسيدة تضرب بحد الجدار
وورم راسها بشكل .... كلنا خفنا يوم شفناها
في اطفال تحسين من كثرة حركتهم معرضين للحوادث

كنت اروح عند طبيبة اتعالج من اثار الذئبة الحمراء علي بزيادة الوزن بسبب حقن الكورتيزون والستيرودز
لقيت ام تخبرني تقول سفرت خدامة ومنها ما دخلت غرفتها
والخدامة كانت حاطة دوى تسليك بواليع في غرفتها على شكل احجار ملونة
وكانت ملبسه عيالها ومجهزتنهم عشان بيجيوها ضيوف
تقول اول ما دخلوا الضيوف وبديت اسلم عليهم البنت والولد طلعوا حجرة الخدامة وشالوا هالدوا وكلوه
وهيه في نص السلام سمعت الصريخ عقت ضيوفها وركضت للعيال
لقت البنت لاحسة حبة ملقمة الباقي لأخوها
البنت احترق لسانها شوي بس الولد الظاهر بلعه ومرجعنه وكامل فمه من برع ومن داخل محترق ومكان ما مرجع الزولية كلها ذايبة

تقول الأم جاني انهيار عصبي
ولدي ظل سنيين يتعالج ما يقدر ياكل شيء لأن الدواء ذوب له احشائه ومن رحمة ربك انه رجع ولو ما مرجع ولدي كان بيموت
تقول لحد قريب وهو ما يصدر يشرب شيء ساخن ... وعاد عمره 15 سنة والسالفة صايرة له وعمره 3 سنوات

تقول انا حتى ما كنت اعرف ان الخدامة حاطة شيء مثل هذا في غرفتها
يعني ثواني تكفي للطفل انه ياذي نفسه او حد من إلي حوالينه من الأطفال

[فجر جديد]

يا الس كثر ما تخلي بالك على الاطفال ربة البيت ما تقدر تسوي كل شيء ...... يعني مهما كان هيه بالأخر انسان يتعب يريد يروح الحمام يريد ياكل ...... ولما ما معاها حد الطفل ممكن يسوي كثير في هالدقيقة ..... انا في هالفترة صايرة مثلا ما اكل ابدا ..... اتريق واجلس لحد الساعة 7 المساء من دون عشاء عشان ما اغفل عنهم .... وانتي بكرامة ما ادخل الحمام لحد ما ابوهم يرجع بس لاني اخاف ويش ممكن يسوا في هالكمين دقيقة ..... تخيلي الوضع..... طبعا ابدا ما سهل انا استعجب من هذيلا إلي دائما يذمون الأمهات غلي معاهم خدامات من دون التفكير في حالة هالأم الصحية وراحتها يعني بأمانة زمن الرسول ما كان لاي حد خادمة .....
بنتك صغيرة للحين وحركتها محدوده خليها تكبر وتبدأ صدق تتحرك
مشاكلهم تزيد من عمر 3 سنوات وفوق

على طاري الحضانات التعليمية تاخذ من عمر سنة ونص راجعي التجمع القديم تكلمنا وايد عن موضوع الحضانات وبالتفصيل الممل

[ام رزان]

صباح الورد والفل والياسمين لاحلى مامييزز

ريم الاريام... انا رأي من رأي فجر اتوقع انها تحاول تفهمك بما انها الاكبر المفروض ام زوجك تعتمد عليها ويمكن تصرفها كان غيره ف نفس الوقت

اليس...سلامتك الغلا ما تشوفي شر

فجر مشكوره حبيبتي ع سعة صدرك راح اطرح مشكلتي ويمكن الكل يستفيد منها

عندي بنت عسماويه وهي الوحيده بين اخوانها عسماويه يمكن عشان كذا ما عارفه احل المشكله

هي عمرها 7 سنوات وانا من العاده لما يوصل عمرهم 5 سنوات اعلمهم الاغتسال من النجاسات وانتو بكرامه

بس هاالبنت معذبتني ما ترضى تغسل لانها تستخدم اليسار ف كل شي حتى الاكل وبما اني مفهمتنها ان اليد اليسار تكون احيانا نجسه وفيها جراثيم وما يصير ناكل بها ترفض تتغسل بيدها ...وسبحان الله ما قدرت اخليها تاكل باليمين تستصعب رفع الاكل باليمين

ياريت الي عندها طفل عسماوي تخبرني كيف قدرت تقنعه ياكل باليمين

[فجر جديد]

ام رزان انا اكتب وارسم واستخدم اليدين بشكل متساوي ....
لليوم اسهى واحيانا من دون قصد اكل باليسار وزوجي دائما ينبهني

بأمانة كانوا يضربوني على يدي وقت الأكل في صغري لحد ما تعودت
لكن للحين ما اني 100 % متعودة بعدني اسهى وانسى ما اني متعمدة

[ام رزان]

انا استشرت دكتوره لما كانت صغيره قالت لا تجبريها ولا تضربيها لان الإنسان العادي المخ عنده نشيط جهة اليسار والعسماوي العكس

بس المشكله ان دايما ملابسها الداخليه وسخه لانها ما تحب تستخدم ايدها...وكل مره اخليها تغير لا تطلع منها ريحه

صرت انبها قبل لا تاكل شي اذا مغسله ايدها او لا لاني صرت اتقزز من الوضع

هي ترفض الاغتسال لانها تقز ايدها....كيف اقنعها؟؟؟؟؟

[فجر جديد]

انا بروحي احاتي هالهم ام رزان لاني بادية مع شهد اعلمها تتغسل بروحها
+ اخاف ما تستوعب الطريقة الصح وتسبب لعمرها التهابات

يمكن بعدها صغيرة تعرفي في هالسوالف تختلف مقدرات الأطفال وكل طفل له مقدرته انا ما احب اضغط عليهم .... اعلمهم بس اظل وياهم لحد ما احس انهم خلاص ما محتاجين مساعدتي
اعتقد الحل الصواب أنك ما تضغطي عليها وتخليها على راحتها بس تظلي تحاولي تعلميها ومصيرها تتعلم .....

[ابتسامة صمت]

صباحم ورد ماميز
فجوره
ما شالله بنت حميك حركتها زاااايده والله يعين أهلها ويحفظها
لازم يديروا بالهم أكثر لأنه هذي النوعيه من الأطفال معرضه بشكل كبير للأخطار
ريم الأريام
تصرف حميتك نابع من الغيره
حاولي تنطنشيها ولما تروحي بيت أهل زوجك لا تحتكي فيها كثير عشان لا تصير بينكم مشادات وخلي أكثر المهام عليها
لأنها هيه تريد تحس أنه هيه الأساس فأعطيها أللي تريده
في الأخير لما تحس أنها مضغوطه راح تتراجع شوي عشان تفتحلك المجال لمساعدتها
أم رزان
أنا أواجه نفس مشكلتك بس أنا بنتي تستعمل يدها اليمين بشكل طبيعي
مشكلتها أنها ما تريد تغسل بأيدها تتقزز من هذا الشي
وكل ما أحاول ما تتقبل
صارت تغسل من دون ما تستعمل أيدها وتستعمل التيشو بعدين
بس أحس بعدني ما مقتنعه

[فجر جديد]

ام رزان جربي سوي مثل ابتسامة صمت علميها تسوي بالتيشو كبداية لحد ما تتعود وبعدين علميها بإيدها

[ام رزان]

ابتسامة صمت...شي طبيعي ف البدايه ما يتقبلوا انهم يقوموا بهاالمهمه بنفسهم....انا عانيت مع خواتها الي اكبر منها بس ف الاخير لازم يقتنعوا

هي متعبتني لانها عارفه انها بتاكل بنفس اليد....قالتلي تريد تستخدم اليمين ف التغسيل بس انا رفضت عشان تتعود ان اليمين للاكل واليسار للغسيل

فجوره...هي تستخدم التيشو اكيد بس ما يغني عن الماي

بصراحه متلعوزه معاها

[لمستي للتصميم]

بنت زميلتي نفس الحالة . . . بس تستخدم إيدها اليمين . . . .ولما يسألوها ليش ؟

تقول أنها ما تقدر تتحكم بأيدها اليسار . . . . مع أن البنت كبيرة فوق 7 سنوات

[ابتسامة صمت]

ابتسامة صمت...شي طبيعي ف البدايه ما يتقبلوا انهم يقوموا بهاالمهمه بنفسهم....انا عانيت مع خواتها الي اكبر منها بس ف الاخير لازم يقتنعوا

هي متعبتني لانها عارفه انها بتاكل بنفس اليد....قالتلي تريد تستخدم اليمين ف التغسيل بس انا رفضت عشان تتعود ان اليمين للاكل واليسار للغسيل

فجوره...هي تستخدم التيشو اكيد بس ما يغني عن الماي

بصراحه متلعوزه معاها

بالفعل صعبه تتعود تغسل باليمين لأنها تستعملها بالأكل
تعرفي أنتي أول شي لازم تعوديها أنها تااكل باليمين
أبكذا راح تغسل باليسار لأنها تكون خلاص تعودت أنه اليمين تكون نضيفه للأكل
حاولي حتى أخواتها ينبهوها عند الأكل وأخوانها وكل المحيطين بيها بس مش بعصبيه
يعني لما تشوف الكل ينبهها راح تتعود أن شالله

[كيان بلقيس]

كيفكن ماميز..

تراني امس حلمت ايات غلقت الموضوع قبل ما يكمل الحد الاقصى من الردود لاننا ما ملتزمات بقانون الاستثناء.. اشوف ماخذين راحتنا بزيادة في هذا الجزء.. رجاءا دردشوا و باخر اليوم خموا الردود الجانبية و حاولوا دمج الردود برد واحد عن يتحقق الكابوس ..

اليوم كنت احضر حفلة العيد الوطني بمدرسة اولادي.. لما تكونوا كلكم حاضرين بانزل كمين صورة عشان اريد نصائح بخصوص الازياء العمانية للولد و البنت .. اريد افكار للتكشيخ و اماكن لبيع ازياء مختلفة للاولاد.. كويتي او يمني..

فجورة
حصلت لك كمين فكرة بخصوص بناتك .. اشتري لهن سيكل اذا ما عندهن ..السيكل تسلية يحبوه الاطفال..و نفس الشئ اشتريلهن رسوم زمان من سوق السبلة دام انهن بنات : سالي و عنابة و السيدة ملعقة .. هذي الرسوم اللي تشد البنات.. و لا تحطي لهن وقت مفتوح..يعني حدهن ساعه وحدة بس يوميا.. و من وقت لثاني طلي عليهن و سوي نفسك مستانسة بالرسوم وفرحانه لهم انهم يشوفوا شئ حلو و اذ عندك وقت شوفي معهن شوية (تحملي) .. انا بنتي عندها عيد لما نجلس على الرسوم لما يطلع يوسف مع ابوه .. لانهم ما يخلونا نشوف براحتنا..

ام رزان
برايي .. لا تغصبيها و تعقديها .. التيشو كافي جدا للنظافة الشخصية بدون استخدام اليد ..

[كنوز الشوق]

مساء الخير ماميز
كيان
انا استخدم طريقة الرسوم عند ولدي احطله اياهم على الكمبيوتر وينسى العالم في ذاك الوقت وطبعا عنده عاده تعلم يسويها من لما جبت
اخوه اعتقد انها ناتجه عن الغيره وهيه انه يمص صبعه حاولت اخليه يترك هذا الشي بس ما في فايده المهم من اشغله الكمبيوتر يجلس
يمص صبعه ويشاهد باستمتاع وطبعا ابوه ما مقصر كل رسوم زمان حاطله اياهم في الكمبيوتر
ام رزان
حاولي مع بنتك بالتيشوا اللي تكون رطبه وحاولي مثلا تخليها تلبس قفاز في ايدها اليسار وقت الاكل وشجعيها لحد ما تتعود تراه الامر
محتاج صبر مثل لما نعلمهم يروحوا الحمام ياخذوا وقت لحد ما يتعلموا وان شاء الله بتتعلم

[وبنفسي أفتخر]

مسى الخير
حبيت اشارك معاكم حبيابتي ياليت تضيفو إسمي ف قائمة...
أم لطفل عسول حبيبي قلبي عمره 3 شهور ...
فديتكن ماميز ...

[ام رزان]

اشكركن الغاليات ع النصائح وان شاء الله راح ابتدي من الاول معاها

حاليا تفضل تاكل بالملعقه مثل خواتها وهذا ف رأي افضل ...بس بعد باليسار

وبنفسي افتخر...حياك الله معانا ...منوره

[آيات 0]

ما شاء الله
قصصكم وسوالفكم ومواقفكم تجبر الواحد يدخل ويتابع اول بأول
بس عاد الوقت من وين اجيبه عشان اشارك بينكم واحط لكم متاعبي تحلوها

[ابجديه]

مراحب ماميز
ع سالفه حوادث الاطفال امس ولد جارتي طاح من الطابق الثاني لين تحت والحين ف العنايه المركزه اسال الله له الشفاء العاجل يا رب والله انه احس قلبي يتقطع عليه عمره 3سنوات الله يشفيه يا رب اعوله
الله يحفظلكم عيالكم يا رب

[كنوز الشوق]

هلا ابجديه
الله يشفيه ان شاء الله ويصبر امه

[ابتسامة صمت]

مراحب ماميز
ع سالفه حوادث الاطفال امس ولد جارتي طاح من الطابق الثاني لين تحت والحين ف العنايه المركزه اسال الله له الشفاء العاجل يا رب والله انه احس قلبي يتقطع عليه عمره 3سنوات الله يشفيه يا رب اعوله
الله يحفظلكم عيالكم يا رب

يا الله أنا وااااجد أخاف الوقوع من المرتفعات
عاد أنا أسكن في الطابق الثالث وحدددي أخاف ع عيالي من السقوط
الله يحفظهم يا رب
وربي يشفيه ويعافيه ويريح قلب أمه وأبوه

[لمستي للتصميم]

مراحب ماميز
ع سالفه حوادث الاطفال امس ولد جارتي طاح من الطابق الثاني لين تحت والحين ف العنايه المركزه اسال الله له الشفاء العاجل يا رب والله انه احس قلبي يتقطع عليه عمره 3سنوات الله يشفيه يا رب اعوله
الله يحفظلكم عيالكم يا رب

الله يشفيه يارب . . .


وبخصوص الحوادث . . . نحن نقدر نحمي أطفالنا داخل البيت و إذا كانوا عندنا . . . بس إذا كانوا بعيدين عنا ( في المدارس في الحضانات . . . ) ما نقدر نحميهم

بنتي أخليها عند عمتها لما أروح الدوام . . . من كم أسبوع في بيت عمتها تسكر الباب على أيدها . . . أصبعين ورمن وتغير لون الظفر . . . . وبعد كم يوم طاح ظفرها ملوكة في صبع واحد

كل ما أشوف إيدها قلبي يعورني . . .

صح بنات الاسبوع الماضي وبتحديد يوم الاربعاء . . . ملاك خذت أخر أبر حالها . . . كانن براتين في رجليها اليسار واليمين . . . بس لاحظة أنها بدية تعرج في المشي . . . شو رايكم في الوضع

وانا قلت بخليها كمن يوم وإذا ما رجعت تمشي عدل أوديها المركز . . . . مع ان خلاص ما عاد تعورها رجولها من الابر

[كنوز الشوق]

صباح الخير ماميز
الس
عادي حبيبتي الابر الاخيره دايما تأثر في الاطفال بس بعضهم انا اولادي يضلوا ايام يعرجوا
وبعدين الحمدلله يرجعوا يمشوا طبيعي

[AngelEyes]

صباح الخير ماميز
شو اخباركم
فاتتني وايد سوالف ههه

الس
مم انتظري كمن يوم
شي طبيعي انها ما تقدر توقف او تحرك رجلها لأنها تعاني من الالم
ا

[لمستي للتصميم]

صباح الخير ماميز
الس
عادي حبيبتي الابر الاخيره دايما تأثر في الاطفال بس بعضهم انا اولادي يضلوا ايام يعرجوا
وبعدين الحمدلله يرجعوا يمشوا طبيعي

صباح الخير ماميز
شو اخباركم
فاتتني وايد سوالف ههه

الس
مم انتظري كمن يوم
شي طبيعي انها ما تقدر توقف او تحرك رجلها لأنها تعاني من الالم
ا

بس صار على الابرة أسبوع . . ! !

وهي ما تعورها لما أضغط عليها . . . وتمشي وتركض عادي . . . بس تعرج . . .

[اميرة الحقول]

الحمى هاليومين دور دور حوالين الكل

وولدي مريض ومضايق

وامس عصبت عليه وصرخت فوجهه

وهو حياتي مات صايح

بعده بيبي صغير

[ابجديه]

الس يمكن تخاف تمشي عليها ع بالها بتعورها
دهنيها بزيت زيتون