ضروووووووووووري أبي مشورتكم يا أمهات بنتي صار لها ...

**الغريبه بوطني** · 29/03/2011 01:23 PM

مرحبا حواء السبله الطيوبات
بنوتي من الروضه إنعدت بالجدري المائي أو ما يُسمى بحب البلندو أو بوحميقه !!
ما كنت عارفه شو هالحبه إللي طلعت لها برقبتها ضنيته قطرة زيت محترقه وصار بيه ماي بالحبه وقلت للخدامه لما تقلين شيء لا تدخلي الطفله للمطبخ ..
واليوم الثاني والخدامه تلبسها للروضه تفاجأت بظهرها وصدرها إنه صار فيه كثير حبوب ,
فركظه مثل المجانين للمستشفى ...
إتصلت بأبلتها قالت بالروضه في كم طفل صار له وداوم بعد إسبوع ونقل المرض للبعض !!
شكله منتشر هالمرض هالأيام..
يعني فترة اسبوع مب كافيه عشان الأهل يسمحوا لإبنهم يروح المدرسه... الحضانه للمرض بعدها وتنقل العدوى بسرعه ..
هذي أول تجربه لي بهالمرض أنا صار لي على كبر وحتى زوجي فكيف أتصرف بحالة طفل ...
غير إنها راح تعدي علاوي الصغيرون ..
والوالده وخواتي بعيدين عني كثير

,,شو أسوي بهالحاله ... أُنصحونــــي دخيلكم غير لوشن المستشفى ومشروب الدوا عشان ينتهي هالموضوع بسرعه ..

**ام اليقظان** · 29/03/2011 01:48 PM

الله يعينك اختي ..
ان شاء الله امهااات السبله ما بيقصروا وبيفيدوك
لان ماعندي خبره عن هذا المرض لحد الحين..

**بنت البلد22** · 29/03/2011 01:49 PM

عزيزتي الموضوع عادي وأحسن تجيهم صغار لان لما تجي المحميقه والشخص كبير يعني...الشيمه محد يذكرني

أخوي الشهر الماضي جاته والحمدالله ما صار شي بس أستخدمي السائل اللي من المستشفى وراقبي درجة الحراره واهم شي ما تسبحيها لان طبعا تزيد وأخر يوم غسليها بورق الشريش بعد غليه
والله يشفيها

**فوح العبير** · 29/03/2011 02:20 PM

الله يكون بعونك ، فعلا هي منتشرة كثير هالأيام مع دخول الصيف
وبما انها صغيرة لا تخلي الأمر يقلقك كثير ، لأن الموضوع كله أسبوع وبإذن الله تكون بعافية وخير ،، والآثار مع مرور الوقت بتروح لحالها ، عكس لما تجي للكبير بصعوووبة الآثار تروح وتترك ندب مشوهة بالوجه ،

وهالمرض يعدي بآخر أيامه ، اول ما تبدأ الحبوب تنشف وتتقشر ،
عشان كذا إذا ما تحبي العيال ينعدوا بعديهم ، لو اني أنصحك تخليهم ياخذوه عادي لأن يجيهم وهم صغار أفضل من انه يجيبهم وهم كبار ،،
وإذا تحبي تكثفي علاجها مع اللوشن اللي من المستشفى ، وديها البحر تتسبح لأن الملح ينشف الحبوب الظاهرة ..

ولا تنسي تطمنينا عليها ،،

**ReeMaz** · 29/03/2011 02:46 PM

فعلا منتشر من فتره

امي خبرتني كذا واحد من عيال العيله فيهم وخلتني احاتي ولدي

مع اني على كبري ما صابتني وان شاء الله ما تصيبني

و ما عندي خلفيه عندها الا حاولي ما تخليها تحك وايد

وصح هالمرض يعدي ع اخر الايام

يعني في بدايته ما يعدي لما يقرب انه يخلص يصير يعدي

والله يشافي بنوتج وتتخلص منها بسرعه

**الغريبه بوطني** · 29/03/2011 02:47 PM

أرسل أصلا بواسطة بنت البلد22

عزيزتي الموضوع عادي وأحسن تجيهم صغار لان لما تجي المحميقه والشخص كبير يعني...الشيمه محد يذكرني

أخوي الشهر الماضي جاته والحمدالله ما صار شي بس أستخدمي السائل اللي من المستشفى وراقبي درجة الحراره واهم شي ما تسبحيها لان طبعا تزيد وأخر يوم غسليها بورق الشريش بعد غليه
والله يشفيها

مشكوره عزيزتي على نصحج : وبنفذه إن شاء الله
1- لا أسبحها لكم يوم .
2- أغسلها بورق الشريش بعد غليه .

ربي يجزاج كل خير ,,ومنكم نستفيد ..

**الغريبه بوطني** · 29/03/2011 02:50 PM

أرسل أصلا بواسطة فوح العبير

الله يكون بعونك ، فعلا هي منتشرة كثير هالأيام مع دخول الصيف
وبما انها صغيرة لا تخلي الأمر يقلقك كثير ، لأن الموضوع كله أسبوع وبإذن الله تكون بعافية وخير ،، والآثار مع مرور الوقت بتروح لحالها ، عكس لما تجي للكبير بصعوووبة الآثار تروح وتترك ندب مشوهة بالوجه ،

وهالمرض يعدي بآخر أيامه ، اول ما تبدأ الحبوب تنشف وتتقشر ،
عشان كذا إذا ما تحبي العيال ينعدوا بعديهم ، لو اني أنصحك تخليهم ياخذوه عادي لأن يجيهم وهم صغار أفضل من انه يجيبهم وهم كبار ،،
وإذا تحبي تكثفي علاجها مع اللوشن اللي من المستشفى ، وديها البحر تتسبح لأن الملح ينشف الحبوب الظاهرة ..

ولا تنسي تطمنينا عليها ،،

مشكوره غلاتي لنصج لي ما قصرتي , بس الدكتوره قالت لا أطلعها خاصه للبحر لأن الهوا ممكن ينشط الفايرس !!
وهذي النصيحه والإستفاده الثالثه من هالطرح

3- أنا بجيب لها ماء البحر بغرشه للبيت وبسبحها بيه ..
شكراً مره ثانيه عزيزتي

**الغريبه بوطني** · 29/03/2011 02:52 PM

أم اليقضان + الفجر للتصميم = ربي يسلمكم وأشكر جداً دخولكم للموضوع ,, تسلمون وربي يحفظ أولادكم ..

**قلبي ملكي** · 29/03/2011 10:49 PM

الله يشفيها يارب عادي حبيبتي كل حد تجيه الحميقه

**عطر رومانسي** · 29/03/2011 11:06 PM

الاخوات ما قصرن:الشريش وماي البحر..

الله يشفيها ويعافيها

**وردة الشتاء** · 01/04/2011 10:46 AM

يا هلا أختي
أنا حالتي من حالة بنتك يحليلنا..
وقمت أسبح بماء الشريش طبعا بعد غليه مع الملح.
أيضا سبحت بماء البحر..
وأبتعدت عن العطور والبخور لأنها تزيد..
والحمدلله خفت واللحين جافه شوي
صحيح راح تعلم بالجسم لفترة بس شو انقول الله يعين..
أنا نفسي أسوي مليون خلطه ولا تبقى فيني حبه وحده
حتى فاتحه موضوع مثلك...
إحنا هنا بالبيت عدينا بعضنا البعض والأغلب فيه...

الله يشفي الجميع يارب

**ام رزان** · 01/04/2011 12:43 PM

الله يشفيها ويعافيها

لا تخافي حبيبتي ولا تحاتي المرض كله اسبوع ويروح

ومثل ما قالن الاخوات عليك بدوا المستشفى وماء البحر

ولا تخليها تجلس ف الحر عشان ما يحكها وبعدين يترك اثر

خليكي طبيعيه ولا تخوفي البنت بالعكس طمنيها ان هذا كل الاطفال يجيهم

والله يكون ف عونك

**الغريبه بوطني** · 01/04/2011 01:52 PM

مشكورت عزيزاتي لردكم الشافي بارك الله فيكم ما قصرتوا

أرسل أصلا بواسطة وردة الشتاء

يا هلا أختي
أنا حالتي من حالة بنتك يحليلنا..
وقمت أسبح بماء الشريش طبعا بعد غليه مع الملح.
أيضا سبحت بماء البحر..
وأبتعدت عن العطور والبخور لأنها تزيد..
والحمدلله خفت واللحين جافه شوي
صحيح راح تعلم بالجسم لفترة بس شو انقول الله يعين..
أنا نفسي أسوي مليون خلطه ولا تبقى فيني حبه وحده
حتى فاتحه موضوع مثلك...
إحنا هنا بالبيت عدينا بعضنا البعض والأغلب فيه...

الله يشفي الجميع يارب

الله يكون بعونكم شكله كثير منتشر هالأيام !!
طيب ماي الشريش المغلي أنا ما أضيف له ملح ّ!!! هل لازم أضيف له ؟؟
وشو الموضوع إللي فتحته عن هالمرض ممكن الرابط؟؟
الله يشافيكم جميعاً ويشافي بنوتي

**JuSt FeeliNg** · 01/04/2011 02:16 PM

حبيبتي المحميقة عادي لا تحاتي ,,

بس واظبي ع الدوا

**راضية بدنياي** · 02/04/2011 10:35 AM

صحيح المحميقه شئ عادي
الحين واايد منتششششششر
وما عليج الا بالسائل اللى يعطوكِ اياه من المستشفى
فلا تخااافين أبداً
الله يشفي طفلتكِ والجميع يا رب ..

**رونة مسقط** · 03/04/2011 10:03 AM

ذكرتيني بعيال خواتي لما جاهم واحد ورا الثاني

اهم شي انج ما تسبحينها بهالفترة لانها جد خطيرة

بعد ما تنشف الحبوب اي من تخلص بوحميقة

سبحيها بماي شريش مغلي امي سوت هالشي لاحفادها
وصج هالمرض يعدى من يخلص

**student2009** · 03/04/2011 02:36 PM

أنا من سنتين جتنا الحميقة انا وزوجي وولدي كان عمرة
شهرين وكانت حالته خطيرة جدا وحرارة 39 وما تنزل وتنوم
في المستشفى 5أيام والحمدلله خف الحب
على طول

بس البقع لحد اللحين موجودة

ملف مرفق 724000

ملف مرفق 723999

**آيات 0** · 03/04/2011 04:46 PM

الله يشفيها لك ..

لا تخافي ام علي
البنات ما قصرن بنصايحهن

كيف علاوي انعدى من اخته والا بعده

؟؟
تراه مو شرط يلقط العدوى .. كل من قرب من هالمرض

انا جتني من فترة وعديت بناتي .. وكان على يدي ولدي عمره شهور وما انعدى

**تيما** · 03/04/2011 09:06 PM

عادى خلى كل اولادك ينعدوا هى ضربة وحدة وتخلصى عندك الشريشة خذيها وفوريها وبعدين سبحى البنت كل الحميقة بتطلع من جسمها بتزيد ثانى يوم وبسرعة بتشفى ولا تنسى ادوية المستشفى

م

**بارونة الليل91** · 06/04/2011 05:20 AM

أرسل أصلا بواسطة فوح العبير

الله يكون بعونك ، فعلا هي منتشرة كثير هالأيام مع دخول الصيف
وبما انها صغيرة لا تخلي الأمر يقلقك كثير ، لأن الموضوع كله أسبوع وبإذن الله تكون بعافية وخير ،، والآثار مع مرور الوقت بتروح لحالها ، عكس لما تجي للكبير بصعوووبة الآثار تروح وتترك ندب مشوهة بالوجه ،

وهالمرض يعدي بآخر أيامه ، اول ما تبدأ الحبوب تنشف وتتقشر ،
عشان كذا إذا ما تحبي العيال ينعدوا بعديهم ، لو اني أنصحك تخليهم ياخذوه عادي لأن يجيهم وهم صغار أفضل من انه يجيبهم وهم كبار ،،
وإذا تحبي تكثفي علاجها مع اللوشن اللي من المستشفى ، وديها البحر تتسبح لأن الملح ينشف الحبوب الظاهرة ..

ولا تنسي تطمنينا عليها ،،

اهم شي..
كل الشفاء

**هيام الشوق** · 06/04/2011 12:41 PM

مرحبا
الله يعينك
انا جاتني قبل سنتين بس حسيت نفسي بموت ورحت مركز الصحي بس ماجابتني البودرة ورحت بدر السماء وعالجوني ب100 ريال ضربوني ابرة يوقف الحبوب وتيبسها وما يطلع غيرها وحبوب عطوني وهى اللي غالية واجد ومراهم للعين والوجه والجسم عشان ماتبقع لانه بعد الابرة ماراح تحسي بحكة وضربت بنتي ابرة تطعيم عشان مايجيها والحمدالله الله يبارك فيها ماصابها

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: ضروووووووووووري أبي مشورتكم يا أمهات بنتي صار لها ...

أدوات الموضوع

البحث في الموضوع

نمط العرض

ضروووووووووووري أبي مشورتكم يا أمهات بنتي صار لها ...

مواضيع مشابهه

مجموعة من أروع الأناشيد إهداء لكل أمهات المسلمين

يا أمهات أرجو المساعدة.................بكاء أبني المستمر

قواعد المشاركة