((( تجمع أمهات حواء ))) .............................2

[فجر جديد]

الس الحوش اخاف اجلسهن فيه لأن منطقة بيتي جديدة والعناكب مثل ابو شبك والعقارب والثعابين وما شابه مرة متواجدة بكثرة .... حتى مع المبيدات مؤخرا كزن زوجي لاقي بو شبك في الحوش
انا اجلسهن وياي في المطبخ بما ان مساحته كبيرة فوق الـ 25 متر مربع يعني شيء مساحة حالهن يلعبن ويركضن فيها .... بينما اغسل الصحون وانظف الاسطح ....... حتى هناك يكتبن واجباتهن ......
لكنهن يسودن عيشتي .......ماما فجر دغزتني ......ماما شهد دحلتني ...... ماما فجر قرصتني ..... ماما شهد عضتني .... ماما فجر شلت دفتري ...... ماما شهد سحبت شعري ......ماما فجر ما تخليني العب وياها ....... ماما شهد شلت شباصتي يعني مرة يخلوك تلعني ابليس الف مرة ... خاصة يوم تكوني مصدعة
غرفتي ممنوعة عليهن لكن لما احتجت وانتي بكرامة ادخل الحمام اضطريت اشلهن وياي وهنا يبدعن


بس لازم يوميا انظف كل الغرف مالت الاستخدام اليومي عشان الربو إلي اعاني منه وبناتي ....... والمنطقة جديدة وللحين ما فيها وايد بيوت ويدخل لها الغبار بكميات كبيرة حتى لو اسكر الابواب والدرايش

كلمتهم اكثر عن مرة بالزين وبالحرمان من العابهم ومن التلفزيون ومن الهدايا حتى اني اعاقبهم بغني ما اكلمهم
ما ادري ويش فيهم مما راحت الخدامة وبناتي متجننات وصايرات عدوانيات وعصبيات والبكاء معاهم جدا ببيسة

[لمستي للتصميم]

الس الحوش اخاف اجلسهن فيه لأن منطقة بيتي جديدة والعناكب مثل ابو شبك والعقارب والثعابين وما شابه مرة متواجدة بكثرة .... حتى مع المبيدات مؤخرا كزن زوجي لاقي بو شبك في الحوش
انا اجلسهن وياي في المطبخ بما ان مساحته كبيرة فوق الـ 25 متر مربع يعني شيء مساحة حالهن يلعبن ويركضن فيها .... بينما اغسل الصحون وانظف الاسطح ....... حتى هناك يكتبن واجباتهن ......
لكنهن يسودن عيشتي .......ماما فجر دغزتني ......ماما شهد دحلتني ...... ماما فجر قرصتني ..... ماما شهد عضتني .... ماما فجر شلت دفتري ...... ماما شهد سحبت شعري ......ماما فجر ما تخليني العب وياها ....... ماما شهد شلت شباصتي يعني مرة يخلوك تلعني ابليس الف مرة ... خاصة يوم تكوني مصدعة
غرفتي ممنوعة عليهن لكن لما احتجت وانتي بكرامة ادخل الحمام اضطريت اشلهن وياي وهنا يبدعن


بس لازم يوميا انظف كل الغرف مالت الاستخدام اليومي عشان الربو إلي اعاني منه وبناتي ....... والمنطقة جديدة وللحين ما فيها وايد بيوت ويدخل لها الغبار بكميات كبيرة حتى لو اسكر الابواب والدرايش

كلمتهم اكثر عن مرة بالزين وبالحرمان من العابهم ومن التلفزيون ومن الهدايا حتى اني اعاقبهم بغني ما اكلمهم
ما ادري ويش فيهم مما راحت الخدامة وبناتي متجننات وصايرات عدوانيات وعصبيات والبكاء معاهم جدا ببيسة

تعرفي أيش تسوي تو . . . . . روحي اليوتويوب . . . ودوريلك على مقاطع من برنامج سوبر ناني ( وبالاخص إلي إسمها جوي )

هذي المخلوقة تعرف كيف تتعامل مع اليهال خاصة العنيدين وإلي يبكون وايد و العصبين وكل الانواع إلي تخطر في بالك

خذي منها كم فكرة وطبقيها على بناتك . . . بس عاد يحتاجلها شوية صبر . . . على الاقل يمكن بتقدري تسيطري عليهن شوي

[فجر جديد]

متابعة للبرنامج من ايام انا حامل فبنتي الاولى
وطبقت كل شيء من افكارها تقريبا بس ما جاب فايدة
اعتقد انه البنات يسون كذا لأنهن يفتقدن الخدامة
لأن في المعتاد ما كانن يسون كذا

حتى ركن العقاب وكرسي العقاب حتى التطنيش والتجاهل .......

[فجر جديد]

على فكرة الس راح احكي لي موقف صار لبنت حمي عمرها 5 سنوات
البنت تحب شيء اسمه غسال الصحون كل ما شافت الخدامات يغسلن سحبت كرسي ووقفت وياهم تغسل
من 6 شهور البنت غافلت الخدامة وانتاولت جلاص تغسله والخدامة كانت جالسة تقحر الصفرية فيها عيش محترق
البنت مسكت الأسفنجة ودخلتها في الجلاص وجلست تفركه
بالغلط وهيه تدفر الاسنفجة داخل الجلاص تزحلق الجلاص من يدها وضربت الجلاص بقوة بحافة المغسلة
انكسر الجلاص ويدها داخله
ومع قوة الضربة يقطع لها الزجاج لحمها من تحت الاصبع الابهام
وقام الدم يرش رش وصريخها صريخ وارتبشت امها
ودوها المستشفى وسيدى يدخلوها للخياطة
خاطوا يدها فوق ال 12 غرزة وهيه صريخها صريخ وصياحها صياح
وظلت لفترة تحت المراقبة لأنهم كانوا متخوفين انقص عليها عصب

الدكتور يقول لأمها انتي محظوظة لو داخلة الزجاجة شوية اكثر كانت بتقص لها العصب والاصبع بينشل خلاص طول عمرها!!!!!!!!!!!!!!!!!!
البنت لليوم بعدها ما تقدر مرة 100% تحرك اصبعها طبيعي

[زوجة رجل مهم]

صباح الخير ماميز,,,,,

بعدكم على موضوع الشغالة!!!؟؟؟ مافي موضوع جديد اليوم؟؟؟
ايش رايكم نشوف حل لمشكلة (ريم الاريام)

من وجهة نظري احس زوجة حميك تشوفك صغيرة وعلى نياتك,,,, بس انتي تقدري تحلي هالشي بأثبات شخصيتك ورايك بحدود المعقول في تجمع بيت العائلة,,, ولا تبيني لها ابدا ان مواقفها تستفزك لانها اذا لاحظت ذلك تفرح وتعتبره نصر لها,,,, مرات زوجة الاخ لما تسكن في بيت اهل زوجها تكون عمتها معتمدة عليها في كل شي,,, انتي حاولي تكوني عنصر مفيد ومتعاون ,,,

من وحي تجربتي حاليا بعدني ساكنه في بيت زوجي(بعد شهر يجهز بيتي) بس في ملحق خاص فيني ,,,, غرفة وحمامها وصالة ومطبخ,,, لما يجي الويكند يجتمع الاخوان والاخوات معنا فالبيت,,, ودايما عمتي تاخذي برأيي في ابسط الاشياء لانها تعودت علي بعد عشرة 7 سنوات,,,,, ولكن لما يجين زوجات حمي يكونو مرات مثل الضيفات ومرات يريدو يكونو الكل فالكل!! اعطيهم مجال يعطو رايهم لان احس حالهم من حالي كلنا فالاخر زوجات الاخوان,,,,

ياما صارت مشاكل بين الاخوان بسبب زوجاتهم,,,, فلا تخلي نفسك في مثل هذي المواقف,,,

[كيان بلقيس]

ريم الاريام
اشرقت و انورت
برنامج السوبر ناني صراحة ما أثق فيه.. اشك انه تمثيل..يعني بالنهاية يمثلوا ان الاطفال نفعت معهم السياسة ..ما احد امكر عن الغرب في هالسوالف..اوين اتوماتيك يحلوا المشاكل..
بخصوص حميتك.. لو مكانك بصراحة بامسكها على صو ب و باخبرها ان اسلوبها ما يناسبني و اتمنى تعدله،اذا استجابت..جميل..و اذا ما استجابت و عادتها فعاد اذا اهانتني علانية اهينها علانية، الاكرامتي و كبريائي ما اجامل فيها اي مخلوق.. و بعدين اقاطعها ما اكلمها .. و اقطع علاقتي معها.. ايش فايدة العلاقة اذا ما تطيقني و ما اطيقها؟


فجر
عليك يا فجر بكتاب مصطفى ابو السعد تقريبا هذا اسمه ..رهيب هالشخص في كتب سلوكيات الاطفال..ولدي يوسف عنيد مووت و اكتشفت ان الطفل العنيد ناقصه حنان و يعاند للفت الانتباه و فرض شخصيته ..و من ضمن نصائح الكتاب ان الام ما تصرخ على الطفل العنيد و تطلب منه بالزين و بالحب و الطيبة و بالفعل..ولدي يوسف اذا نازعته مستحيل يستجيب و لو اضربه و لو اسوي فيه اي شئ.. بس لما اكلمه بالزين و اطلب منه بالطيب يعمل و ينفذ كل شئ حرفيا ..


فجر..البنات الحين فاقدينك..انتي لاهية عنهم بشغل البيت و الصراخ و العصبية ..من كذي بيزيدوا يجننوبك عشان يلفتوا انتباهك..ما تقدري تشغليهم معك؟دوري لهن اي شغل ممكن يساعدوك به عشان تشغلي وقتهم و بنفس الوقت تحسسيهم انك تهتمي فيهن..


حتى اولادي صايرين شرسين من يوم ما راحوا المدرسة و يقولوا كلام وسخ يسبوا بعض "كلب" ..بس الامور طيبة الحمد لله .. احاول اشغلهم اوقاتهم بهواياتهم؟يحبوا الرسم بالفرشاة موووت..يبحوا يسقوا الزرع بالبيت ..فيه امور بسيطة يقدروا عليها الاطفال عشان نتحكم في فوضتهم

[فجر جديد]

في حالة ريم الأريام خليها تتحكم في بيت اهل زوجك يعني ويش فيها اهم شيء ما تتحكم فيك وفي بيتك هيه ساكنة وياهم وانتي لا هيه تشوف يمكن انها اولى بأنه كلمتها تمشي بما انه بيتها بعد بينما هو مو بيتك

[فجر جديد]

كيان مرة خبرتك انه فجر كانت تعاني من هذي المشكلة وبالفعل اسلوب الحب نفع وياها

انا حاسة مثل ما قلتي ان البنات مفتقدين الخدامة وحاسين انهم فقدوني انا بعد بما اني توقفت العب وياها وتوقفت اجلس وياهم نسولف ... حتى توقفت امسي عليهم بالليل ... ابوهم يوديهم وانا انشغل بغسيل الحمامات وتنظيف غرفتي
ويسون كل هذا بالعمد عشان التفت ليهم حتى لو بعصبية ومنازع وضرب
حتى شهد تحاول تركض حواليني وتشاكسني عشان اخلي إلي بيدي واجلس العب وياها
ولفترة توقفن ياكلن ويصرن اني اجلس وياهم اكل ولو قلت لهم اريد اغسل الصحون او اخم يرفضن ياكلن ويصيحن
مدرسة شهد بالمدرة طرشت انه شهد صايرة وايد تسوي حركات بالصف عشان تلفت انتباهها وتتكلم بصوت عالي وتعصب لو ما التفت ليها
ومدرسة فجر تقول فجر صايرة مكتابة وما تتحرك وما تستجيب بالصف ليها

بس المشكلة كيف اقدر احل هالمشكلة .... ما اقدر اجلس العب وياهم وافضي نفسي ليهم مثل اول .... ما عندي وقت ....
الحل الوحيد أنى نسرع اكثر واكثر في إجراءات الخدامة يكون توصل الاسبوع الجاي وترجع حياتي طبيعية مع البنات

احس اني السبب لاني عودتهم دائما اني فاضية حالهم بس ..... والحين ما طايلة اجلس وياهم ابدا .....


سوي باس للكتاب لاه اخلص اقراه ارجعه ليك ويش رايك؟

[فجر جديد]

سالفة حادثة بنت حمي خلتني افكر اطرح موضوع مهم دائما اعتبره من اولوياتي
حوادث المنازل والأطفال

ويش هيه الاشياء إلي تحرصين عليها عشان تجنبن عيالكن الحوادث المنزلية


عن نفسي اكواب وملاعق وصحون بناتي بلاستيك
الاشياء الحادة مرفوعة دائما حتى مقص الأظافر ( مرة اخوي الصغير شاح اخوي إلي بعدي بمقص اظافر وسكنته جاته في العين بس ربك سلم وضربت جنب العين ما العين بالنفس منها تعقدت)
يوم كانوا وايد صغار الدرج عليه شايلد دور والحين معلمتنهم محد يركض في الدرج ويمسكن الدرابيز
ممنوع عليهن دخول اي منطقة بأرضية رطبة وشارية بكت فيه صورة تحذير وشارحة لهم معناها
معلمتنهم اخطار الكبريت ومساوئة بالأناشيد وبفكرة برنامج تغلط تستاهل

الحمام ما يدخلونه بروحهم ابدا حتى بالليل يجيونا يصحونا عشان نروح الحمام وياهم


اي افكار ثانية؟؟؟؟؟ مشاركاتكم ماميز

[زوجة رجل مهم]

كيان مرة خبرتك انه فجر كانت تعاني من هذي المشكلة وبالفعل اسلوب الحب نفع وياها

انا حاسة مثل ما قلتي ان البنات مفتقدين الخدامة وحاسين انهم فقدوني انا بعد بما اني توقفت العب وياها وتوقفت اجلس وياهم نسولف ... حتى توقفت امسي عليهم بالليل ... ابوهم يوديهم وانا انشغل بغسيل الحمامات وتنظيف غرفتي
ويسون كل هذا بالعمد عشان التفت ليهم حتى لو بعصبية ومنازع وضرب
حتى شهد تحاول تركض حواليني وتشاكسني عشان اخلي إلي بيدي واجلس العب وياها
ولفترة توقفن ياكلن ويصرن اني اجلس وياهم اكل ولو قلت لهم اريد اغسل الصحون او اخم يرفضن ياكلن ويصيحن
مدرسة شهد بالمدرة طرشت انه شهد صايرة وايد تسوي حركات بالصف عشان تلفت انتباهها وتتكلم بصوت عالي وتعصب لو ما التفت ليها
ومدرسة فجر تقول فجر صايرة مكتابة وما تتحرك وما تستجيب بالصف ليها

بس المشكلة كيف اقدر احل هالمشكلة .... ما اقدر اجلس العب وياهم وافضي نفسي ليهم مثل اول .... ما عندي وقت ....
الحل الوحيد أنى نسرع اكثر واكثر في إجراءات الخدامة يكون توصل الاسبوع الجاي وترجع حياتي طبيعية مع البنات

احس اني السبب لاني عودتهم دائما اني فاضية حالهم بس ..... والحين ما طايلة اجلس وياهم ابدا .....

نفس المشكلة عندي بنتين ولاني متفرغه لهم دايما بس الحين لظروف حملي ماقدر العب معهم واجلس معهم مثل قبل,,,,, بس الاطفال لازم يحسو بالهشي!!
نفسية الحامل كثير تأثر على البيت,,,, يعني مرات اريد اقفل على نفسي الغرفة ولا اشوف احد!!!

بس الحمدلله هذي كلها اشياء مؤقته وراح يرجع كل شي الى سابق عهده,,,

[فجر جديد]

زوجة رجل مهم ..... نفس الشيء مع بناتي يطلعن قبلي للمدرسة وانا اكون لسة في البيت
ويرجعن وانا خلاص في البيت لاني ارجع قبلهم من الدوام يعني فعليا ما يحسن اني ترتكتهم ورحت الشغل لأنه دوامي محصور بنفس ساعات تواجدهم بالمدرسة

[كيان بلقيس]

فجر جديد..اختيارك للموضوع ممتاز.. باذكر مشاركتي بعد شوي باذن الله ..
بخصوص بناتك عندي سؤال:وين زوجك؟عنده دوام اضافي او شئ يشغله عن المكوث معكم هذي الفترة لحد ما توصل الخدامة؟ اشوف احسن تجنيده يلعب معاهم و يعطيهم اهتمام..الطفل طفل و نظرتها للامور و الحياة كطفل..يريد يستمتع و يلعب و يعيش حياته ..فشئ اكيد ما يراعي الظروف المحيطة و اصلا ما يحس فيها..اللي يشوفه انه محروم عاطفيا و يحاول بوسائله البريئة يحصل على الحب و الاهتمام


جندي زوجك للعب معاهن يوميا و لو ساعه ..يسدهن . و انتي خفي تنظيف و ترتيب..حاليا ركزي على ابسط الاعمال و اقلها ..حاولي تقللي العبء الى اقصى درجة ممكنة ..

ايش رايك يا فجر لو تحاولي ما تحطي بناتك يتعلقوا بالشغالة حتى لو زينة..خليهم يتعلقوا فيك انتي و ابوهم بس..الشغالة تأثر على نفسيتهم لما تسافر و ما اشوف هذا شئ صحي لنفسياتهم و شخصياتهم ..كل ما تجي وحده ..ترووح و اللي يدفع ثمن العذاب النفسي هو الاطفال..هل توافقيني الرايو لا عندك منظور ثاني؟

بخصوص موضوعك:
اهم شئ هو نزولنا من السيارة.. كنت بالأول انزل و ادخل البيت سيدة مع النونو الصغير داخل البيت على اعتبار ان الشغالة بتدخلهم ..بس مرة انا دخلت و طلعت فوق مع النونو و اولادي جلسوا يصيحوا بالحوش ربع ساعه و الحمد لله كان زوجي راجع من وقت و حصل كل ابواب الحوش مفتوحة و الشغالة في المطبخ و انا فوق و الاولاد يصيحوا.. الحمد لله، الله لطف و ما طلعوا.. و عاد خبرني انه لازم اطمن ان الاولاد دخلوا و ما اعتمد على الشغالة..

[قمر ظفار]

صباح الخير امهات ...
فجر الصراحه الله يعينك بس بقولك شغله لا تتوكلي كثير على الشغاله الجديده ما تدري خيرها من شرها
صدقيني فترة وبتنظمي امورك الحين بس شهر محتاسه عشان الوضع كله تغير عندكم
الصبر حبيبتي وطولة البال مهمه ولا ترهقي نفسك وتخلي كل شيء برفكت عادي وخلي كل اللي بالبيت يتعاون معاش
ولا تتطلبي من نفسك فوق طاقتها عادي نحن مشكلتنا نريد بيوتنا تمشي نفس ما كانت الشغاله موجوده
وهذا صعب .... انا ويش تقولي عني انا كانو ثنتين عندي وفجأه ثنتينهم راحو وتوني والده كنت بنجن بس خذيت الامور بهدوء
عملنا جدول انا وزوجي بالمهام في البيت والحمدالله مشت الامور لين ما جت الشغاله والله لو ما بيتي شويه كبير كنت خلاص ماريدهن
والله ما استفدنا غير الكسل حتى عيالنا تعودو على الكسل
والله يكون بعون الجميع ويشفيش يا حبيبتي

[فجر جديد]

كيان بناتي معظم الوقت وياي ..... ما اتكل عليهم بالخدامة ابدا
لكن الزين يفرض نفسه .... هذي كانت كاملة من منظور بشري والكمال لله غصبا عنك تحبيها

خلي الأطفال .... انا بكيت بكى يوم ودعتها وهيه تمسكت فيني وجلست تبكي وحالتنا حالة
والله يوم امرض وتجيني نوبات الربو اجلس في المستشفى بالساعات كان توقف حالي وحال بناتي ويوم اتعب نصاص الليالي تقوم من نومها وتجلس ويا البنات لحد ما نرجع من الطواري عمرها لا تذمرت ولا قالت شيء

في ناس تجبرك تحبها غصبا عنك بطيبتها وحسن تعاملك

خدامتي إلي قبل يوم راحت ما تاثرت ابدا


اما عن زوجي يوصل الساعة 5 - 6 من الدوام وعلى طول يبدا يغسل الثياب عشاني مااقدر اغسلهم
وبعدين يكمل مذاكرة البنات عني
مااقدر اطلب منه شيء لانه يرد مهدود حيلة على الاقل انا 3 الظهر في البيت خلاص


بخصوص موضوعنا ..... انا عندي كرسي السيارة بعد والشايلد لوك من اهم الأمور وقص الأظافر .... النزول من السيارة اخليهم مربوطات في كراسيهم وارجع لهم وحدة وحدة ولو ابوهم موجود وحدة انا ووحدة ابوها ...... لو نايمين اجلس في السيارة وابوهم يشلهم وحدة وحدة
بس ابدا ابدا ما اخلي البنات في السيارة بروحهم او الحوش بروحهم اخاف

[فجر جديد]

ولا تتطلبي من نفسك فوق طاقتها عادي نحن مشكلتنا نريد بيوتنا تمشي نفس ما كانت الشغاله موجوده

جبتيها يا قمر ظفار
انا عندي مرض المثالية احب كل شيء مثالي ومتعودة كل شيء في حياتي مثالي
واتعب نفسيا لو بيتي ما كان بيرفكت وهذا إلي متعبني الحين

[AngelEyes]

هلا بنات
كنت في اجتماع خخخخ

قمووره
سالفه ابنك خوفتني
لا تستعيني بالموضوع لأن الولد ممكن يتعقد
روحي المدرسه مره ثانيه و كلميهم و هالمره باسلوب قوي
و اطلبي منهم اجتماع مع ولي امر الطالبه
يا ربي ما سوالف اطفال هذي و تخوف غيرها بعد
و اذا المدرسه ما استجابت ما عندك غير تنقلي ابنك من الصف او من المدرسه نهائيا

كيونه
صعب ان الاطفال ما يتعلقوا بالشغاله
في النهايه هي انسانه و ساكنه معانا بالبيت
و ايضا اذا هي تظهر محبه للطفل طبيعي بيحبوها
انا بنفسي متعلقه بشغالتي
ما شاء الله عليها اخلاق

فجوور
صدقيني الاطفال حاسين بفقدك
و ايضا حاسين انك متضايقه
دائما اقول لزوجي انا لما تعبانه بناتك يتعبوني بالزياده
الحقيقه ان احنا لما نتعب نهملهم شوي و هم بعدين يحاولون يلفتوا الانتباه لا اكثر
حاولي تعطيهم من وقتك شوي
حتة انتي برتاحي نفسيا معاهم

[AngelEyes]

على موضوع الحمايه
انا بطبيعتي وسواسيه
و شغلي زاد الطين بله
اخاف على بناتي كثيييييير
اهم شي عندي كرسي السياره و اتاكد ان الحزام مشدود بقوه
السلالم في البيت ركبت لها باب و اعتقد انتي شفتي الباب
شكله غلط و مشوه المنظر لكن اهم شي ان يمنع البنات من الركوب و النزول و اللعب
لما كانوا صغار كنت حاطه غطا حمايه على كل الكهربا مال البيت
و المطبخ ممنوع دخول الاطفال وقت الطبخ
المقص اخبي عنهم المقصات الحاده
دائما احاول اخليهم قدام عيوني و اراقبهم
استغفر الله الاطفال ربشه و هم بروحهم خطر بحركاتهم
الله يعيينا و الله ارحم امهات الاولاد
البنات يفهموا شويه بس الاولاد ربشه و ما يسمعوا و يحبوا المغامرات

[كنوز الشوق]

مرحبا ماميز
ريم
انا اقول حاولي ما تعطي مجال لزوجة حميك انها تنتقدك في شي او تحرجك قدام اهل زوجك حاولي في الويكند تصحي من وقت
وتسوي ريوق وتنظفي ولو حاولت تقولك شي وقفيها عند حدها انا مثلك زوجة حميي الاصغر اكبر مني ومخلايه الكل في الكل وانا
كأنه مالي وجود عمتي تستشيرها في كل صغيره وكبيره بس انا مخلايه حال الطبيخ وكم مره اذا عمتي غلطت وسالتني عن شي اقولها
ما اعرف روحي ساليها هيه ويحبنها وايد بس انا اطنش وحسبي الله ونعم الوكيل
فجور
بالنسبه لمقص الاظافر والمقص العادي كلهم فوق وفي غرفتي استخدم لاولادي اكواب وملاعق بلاستيك والسكينه ارفعا فوق بس عاد
ولدي الكبير ما شاء الله عليه صايير يجيب كرسي وينزل على كيف كيفه
بخبركم شو سوا في شهر رمضان
راح جاب المقص وقص شعره من قدام حتى لحد الحين شعره بعده ما رجع مثل قبل وجاب حبوبي مال المباعدهوقصصهم حبه حبه
وحط الشعر مع الحبوب مع بعض في مكان واحد ولما اكتشفت الجريمه ضربته ونازعته وقلتله الحين من وين اجيب حبوب رد علي
بكل برود روحي اشتري غيرهم
عاد ما يقهروا غير شويه بتصرفاتهم حتى لو الواحد ما يريد يضربهم همه يجبروه

[ام سليماني]

ما شاء الله مسولفين وااجد

فجورة,, حبيبتي الله يساعدك وان شاء الله تجي شغالتك بسررررررعة


الشغالات حديث طويل لاااااااا ينتهي..


ظهري يعورررررررررني

[ابتسامة صمت]

صباحكم ورد ماميز
بعدكم ع مو ضوع الشغالات
فجوره
الله يعينك حبيبتي بناتك مفتقدات تواجدك معهن عشان كذا يحاولن بأي طريقه أنهن يشدن أنتباهك
لما تكوني متضايقه حاولي تطلعي ولو 10 قائق برع البيت مع البنات مثلا تودينهن الدكان وبعدين ترجعي تكملي شغلك
شوي البنات راح يخف ضغطهن عليك وراح يحسن بوجودك أكثر
ترى شغل البيت أبدا ما يخلص
أنجل
البنات طبيعتهم هاديه أما الأولاد يا الهي ع ربشتهم
أنا بنتي وولدي ما شالله عليهم هادين ويسمعوا الكلام
أما الصغيرون فهذا أللي بيطلعلي قرون

[ام سليماني]

فجر.. لما وقت الفراغ شغليهن بأي شي.. فتحيلهن براعم او اي شي هن يحبنه وخلي قدامهن فواكه وخيار وجزر
وخليهن يتسلن انا كذا اسوي لاولادي.. بس فيصل يمل ويجي يحبي لين المطبخ خخخخ

[لمستي للتصميم]

مساء الخير أمهات . . .

بخصوص الحماية . . . .

أنا بصراحة تخوفني ملاك واااااايد . . . . خاصة إذا ركضة وبأيدها شي . . . وبالاخص إذا كانت ماسكه قلم . . . هي تموووووت في الاقلام

أغراض ملاك أغلبها بلاستيكية صحنها ومقمشتها وكوبها . . . . مقص الاظافر إلي استخدمه لها مغلف بالبلاستك . . . المقص صغير ونهاية مدببه مو حادة

أخاف ركوبها لدرج عشان تروح الطابق الثاني . . . . ونزولها منه إذا بغت تجي المطبخ . . . . والابواب الخاصة للأطفال ما حصلت مقاس درجنا

وكثير تشل جهاز التلفزيون واطلع البطارية منه وتخليها في ثمها . . . والبطارية تخوف للاطفال

[ابتسامة صمت]

آخر مغامرات ولدي الصغير
ولدي صاير وااايد حركي وما أعرف كيف أتصرف معاه الحين ما شالله عليه يعرف يفتح الأبواب بروحه
الحين كنت أشتغل ألا أسمع الماي يصب
أتاريه داخل الحمام وفاتح الماي وجالس تحته والماي بارد
بعد جايب المجمر مال أمس معه يغسله
وبعد أقل من ربع ساعه كان عندي يعلب وفجأة فقدته ألا أشوفه ماسك ملعقة البخور ويلحسها يععععع
شو أسويبه كيف أقفل الأبواب ؟
وكيف أقدر أتحكم بحركته الزايده ؟؟

[لمستي للتصميم]

مرحبا ماميز
ريم
انا اقول حاولي ما تعطي مجال لزوجة حميك انها تنتقدك في شي او تحرجك قدام اهل زوجك حاولي في الويكند تصحي من وقت
وتسوي ريوق وتنظفي ولو حاولت تقولك شي وقفيها عند حدها انا مثلك زوجة حميي الاصغر اكبر مني ومخلايه الكل في الكل وانا
كأنه مالي وجود عمتي تستشيرها في كل صغيره وكبيره بس انا مخلايه حال الطبيخ وكم مره اذا عمتي غلطت وسالتني عن شي اقولها
ما اعرف روحي ساليها هيه ويحبنها وايد بس انا اطنش وحسبي الله ونعم الوكيل
فجور
بالنسبه لمقص الاظافر والمقص العادي كلهم فوق وفي غرفتي استخدم لاولادي اكواب وملاعق بلاستيك والسكينه ارفعا فوق بس عاد
ولدي الكبير ما شاء الله عليه صايير يجيب كرسي وينزل على كيف كيفه
بخبركم شو سوا في شهر رمضان
راح جاب المقص وقص شعره من قدام حتى لحد الحين شعره بعده ما رجع مثل قبل وجاب حبوبي مال المباعدهوقصصهم حبه حبه
وحط الشعر مع الحبوب مع بعض في مكان واحد ولما اكتشفت الجريمه ضربته ونازعته وقلتله الحين من وين اجيب حبوب رد علي
بكل برود روحي اشتري غيرهم
عاد ما يقهروا غير شويه بتصرفاتهم حتى لو الواحد ما يريد يضربهم همه يجبروه

الحبوب أخطر شي . . . .

وحدة من الاهل خلة حبوب السكري على الطاولة . . . جاء ولدها الصغير وكلهن كلهن

تعرفي شو صار فيه . . . . . نزل عندة السكري لدرجة رقم 1 وأغمى عليه ومن حسن الحظ تداركوا الموقف وشلوه المستشفى بسرعة وسويولة تنظيف.

ف رجاءً خلو الادوية بعيد كل البعد عن الاطفال

[فجر جديد]

الس تحصلي من اي كيا ابواب احجامها قابلة للتعديل للدرج

فجر بنتي تروح المدرسة
من كم شهر طلعنا الماميز نتعشى مع بعض
وخليت بنتي مع ابوها وعماتها وجدتها وكانوا كلهم جالسين يشوفوا التلفزيون وفجر تكتب واجباتها
وجلست تقلد سبونج بوب وتدخل القلم في فمها
وعلى غفلة تضرب القلم بالكوتش غلي جالسة عليه ويترد القلم ويشج سقف فمها لحد ما يوصل المنطقة الطريقة وخرقها

وكانوا يريدون يسون لها عملية جراحية وينوموها لو ما ابوها رفض وفضل يوديها خولة

تصوروا كل حد جنبها وصارت هالحادثة
والله الصغيرين مشاكل

آخر مغامرات ولدي الصغير
ولدي صاير وااايد حركي وما أعرف كيف أتصرف معاه الحين ما شالله عليه يعرف يفتح الأبواب بروحه
الحين كنت أشتغل ألا أسمع الماي يصب
أتاريه داخل الحمام وفاتح الماي وجالس تحته والماي بارد
بعد جايب المجمر مال أمس معه يغسله
وبعد أقل من ربع ساعه كان عندي يعلب وفجأة فقدته ألا أشوفه ماسك ملعقة البخور ويلحسها يععععع
شو أسويبه كيف أقفل الأبواب ؟
وكيف أقدر أتحكم بحركته الزايده ؟؟

بناتي على عمر سنة ونص وسنتين تجيهم هالحالة
كنت يوميا اخلي ابوهم يوديهم البحر يفرغوا طاقتهم الزايدة او الحديقة
+ اقفل البيبان وارفع المفاتيح حتى الحمامات اخذ النوعية إلي ممكن تنقفل بالمفتاح من صوب وبالقفل مال الحمام من الصوب الثاني

فجر.. لما وقت الفراغ شغليهن بأي شي.. فتحيلهن براعم او اي شي هن يحبنه وخلي قدامهن فواكه وخيار وجزر
وخليهن يتسلن انا كذا اسوي لاولادي.. بس فيصل يمل ويجي يحبي لين المطبخ خخخخ

هالحركة كانت تنفع معاهم وهو شوي اصغر الحين لو اخليهم كذا يتقاتلن

صباحكم ورد ماميز
بعدكم ع مو ضوع الشغالات
فجوره
الله يعينك حبيبتي بناتك مفتقدات تواجدك معهن عشان كذا يحاولن بأي طريقه أنهن يشدن أنتباهك
لما تكوني متضايقه حاولي تطلعي ولو 10 قائق برع البيت مع البنات مثلا تودينهن الدكان وبعدين ترجعي تكملي شغلك
شوي البنات راح يخف ضغطهن عليك وراح يحسن بوجودك أكثر

احاول اطبق هالفكرة إن شاء الله

فجور
بالنسبه لمقص الاظافر والمقص العادي كلهم فوق وفي غرفتي استخدم لاولادي اكواب وملاعق بلاستيك والسكينه ارفعا فوق بس عاد
ولدي الكبير ما شاء الله عليه صايير يجيب كرسي وينزل على كيف كيفه
بخبركم شو سوا في شهر رمضان
راح جاب المقص وقص شعره من قدام حتى لحد الحين شعره بعده ما رجع مثل قبل وجاب حبوبي مال المباعدهوقصصهم حبه حبه
وحط الشعر مع الحبوب مع بعض في مكان واحد ولما اكتشفت الجريمه ضربته ونازعته وقلتله الحين من وين اجيب حبوب رد علي
بكل برود روحي اشتري غيرهم
عاد ما يقهروا غير شويه بتصرفاتهم حتى لو الواحد ما يريد يضربهم همه يجبروه

امس فجور يوم كبت كيسة الشبس ضربتها في يدها ضرب فقدت بالفعل اعصابي وبعدين ندمت وظليت احضنها وانا بروحي شوية واصيح
ينرفزوك بشكل تحسي ما اعرف كيف والله هالأطفال

انا صايرات يسحبن الكرسي ويجلسن يلعبن بالماي والصابون صوب المغسلة ويطشطشن الماي

فجوور
صدقيني الاطفال حاسين بفقدك
و ايضا حاسين انك متضايقه
دائما اقول لزوجي انا لما تعبانه بناتك يتعبوني بالزياده
الحقيقه ان احنا لما نتعب نهملهم شوي و هم بعدين يحاولون يلفتوا الانتباه لا اكثر
حاولي تعطيهم من وقتك شوي
حتة انتي برتاحي نفسيا معاهم

غذا ضبطت خطت العامل الهندي إلي يجي كل نهاية اسبوع برتاح دعيلي

على موضوع الحمايه
انا بطبيعتي وسواسيه
و شغلي زاد الطين بله
اخاف على بناتي كثيييييير
اهم شي عندي كرسي السياره و اتاكد ان الحزام مشدود بقوه
السلالم في البيت ركبت لها باب و اعتقد انتي شفتي الباب
شكله غلط و مشوه المنظر لكن اهم شي ان يمنع البنات من الركوب و النزول و اللعب
لما كانوا صغار كنت حاطه غطا حمايه على كل الكهربا مال البيت
و المطبخ ممنوع دخول الاطفال وقت الطبخ
المقص اخبي عنهم المقصات الحاده
دائما احاول اخليهم قدام عيوني و اراقبهم

والله يا انجولة لو تسوي إلي تسويه بعدهم يغافلوك
عندهم قدرة رهيبة تو سنيك ان واوت
انا يوم كانوا اصغر بعد كنت اغطي الكهربة وكنت اسكر الكبتات والرفوف وكنت احط مطاط الزوايا في حالة السقوط

[ساراريتا]

هلا ريم..
وقفك كثير صعب..
بس ليش هي تريد تفرض شخصيتها..؟!
يمكن فيها نقص معين وتريد تخبيه بهالطريقه؟
برأيي ان لا تعطيها وجه..
انتي اهتمي بنفسك واولادك وزوجك..
وذا بغيتي تطبخي حاجة وهي ما عاجبنها طبخي حالك وحال زوجك واولادك.. وهي خليها تسوي اللي تريده ع كيفها.. ما تتدخل فيك؟!
اتمنى اني اكون فدتك

[فجر جديد]

سراريتا اسفة حبيبتي ما عندي فكرة عن دي كير سنترز زينة
كنت شايفة وحدة اسمها ليتل سيتي في بريق الشاطئ
وكنت اسمع عن واحة مسقط بس ما عندي فكرة عن مستوياتهم

[لمستي للتصميم]

سراريتا اسفة حبيبتي ما عندي فكرة عن دي كير سنترز زينة
كنت شايفة وحدة اسمها ليتل سيتي في بريق الشاطئ
وكنت اسمع عن واحة مسقط بس ما عندي فكرة عن مستوياتهم

فجر . . . .

على أي اساس أختار الحضانة ؟

وتعرفي حضانة في مدينة الاعلام ؟

[فجر جديد]

سمعتها
وعدد الأطفال فيها
وعدد الموظفات القائمات على الأطفال

بس ما اني جربت فما اقدر انصحك بشيء
حدي على الحضانات التعليمية قبل سنة الكنداجاردن

[لمستي للتصميم]

سمعتها
وعدد الأطفال فيها
وعدد الموظفات القائمات على الأطفال

بس ما اني جربت فما اقدر انصحك بشيء
حدي على الحضانات التعليمية قبل سنة الكنداجاردن

والحضانات التعليمية من أي سن ياخذوا ؟

أنا ناوية أدخل ملوكه حضانة . . . عشان بس تتعلم الانجليزية . . . . بس من تكمل السنتين