بنك مسقط

[مصمم ديكور]

السلام عليكم
يا اخوان ابي اعرف شنو المطلوب عشان الشخص يتسلف من بنك مسقط.
مع العلم انا من توظفت شهرين فقط.
بس فاتح حساب اكثر من سنتين ودخل فيه بشكل شهري مبلغ فوق 100 ريال.هذا قبل عن اتوظف.كنت ادخل فيه
ومن توظفت صار راتبي ينزل في بنك مسقط
مع العلم راتبي الاساسي 360 ريال.وينزل في بنك مسقط الراتب من شهرين.
وياغي اتسلف 5000 الاف.


هل يسلفوني؟؟

لانه سمعت مع احد الاخوان لازم تكمل 6 شهور من تشتغل.

[ضياء خالد]

شهرين بعدك يعني كانك بفترة تدريب تعتبر.
البنوك لازم تظمن انك ثابت بوظيفتك. احتمال صح بعد ستة اشهر
بس اذا مجمع. ليش تتسلف. استخدمهن

[مصمم ديكور]

شهرين بعدك يعني كانك بفترة تدريب تعتبر.
البنوك لازم تظمن انك ثابت بوظيفتك. احتمال صح بعد ستة اشهر
بس اذا مجمع. ليش تتسلف. استخدمهن

اشكرك ع الرد.
والتوضيح

[لولو مرجان]

تعالوا شوفوا حال الشباب ، توه متوظف وعطول باغي يتسلف وراتبه٣٥٠

ياخي اعتبر من تجارب اللي سبقوك وانتظر وذوق المر بس لا تتسلف في بداية حياتك

بعده العمر قدامك لاحق على السلفيات ووجع القلب

[أفواق الوصف]

إنصحك لا تستلف
حالك بسيوء بعدين

[true112]

اخي الكريم يعتمد اذا كانت جهة العمل مسجله ف البنك او لا ولازم تكمل ف جهة عملك بمعنى اذا كنت شغال ف جهه غير حكومية ف لازم تكمل ف العمل ثلاث سنوات وتكون مدة القرض القصوى اربع سنوات بس نصيحتي انك تتصل ع مركز الاتصالات وراح يفيدوك اكثر....

[منير البلوشي]

مو باغلها السلفيه
دخلك جمعيه احسنلك
وبعدين ما ينفع الندم يالغالي
قلت انصحك و احصل الاجر

[AMG E63]

اخوي نصيحة لوجه الله لا تتسلف من البنك خصوصا لو باغي تشتري سيارة او شي غير ذات اهمية قصوى

كثير من الشباب توه مشتغل ورايح البنك يدق سلفية عشان يشتري لكزس 430 او افلون و اخر شي يندم و يتحسف لما يحس راتبه نصه رايح حال البنك

اتوقع البنك يسلفك لئنه هو الى راح يربح في النهاية

[منير البلوشي]

سوي كماي اشتغلت و خذيت جيب شروكي و كل يوم ادور ف سيح و مرتاح لا سلفيه ولا شي كله جمعيات و جاري تجميع المهر و حركات كله من الجمعيات
و اموري طيبه و الله ميسرنها لاني ما افكر ف الربا ولا سلفيات
يوم غايته الفشار و لكزس 480 ما تنفعني