تعلم كيف توقف سيارتك بين سيارتين بالفيديو + مقاطع أخرى

[العقاري]

السلام عليكم ورحمة الله وبركاته..

كثير منا يواجه مشكلة في إيجاد موقف فالعمل او المحلات او حتى امام المنازل.. الله يعينه

بس المشكلة لما توقف خلف سيارة تحاول توقف السيارة سااااااااااااااعة وانته تغلي فسيارتك واكيد تقول:
من معطي ذا المخلوق الليسن!!!!!
انته مو تقول؟؟
وأحيانا من العصبية البعض تفتر وتنزل من السيارة وتقوم تدلي السايق كيف يوقف السيارة او توقفها بدله
(بس من فوادك تقول عساك تدعم ويطيح البنفر)

المهم جايبلكم مقطع يشرح كيف توقف السيارة بين سيارتين امامك وخلفك..
(خاصة للهنود-بعده ماشي فايدة- و70% حال حريم و40% حال الشباب)

وعلشان اسهل عليكم الموضوع بأشرح المقطع أول وبعدين شوفوا المقطع تمام..


1. إبحث عن الموقف.. ويفضل ان يكون مساحة الموقف اطول من سيارتك على الاقل متر..

ملف مرفق 631668


2. إستخدم إشارة الانعطاف لتنبيه السيارات في الخلف..

ملف مرفق 631669


3. قف بمحازاة السيارة الامامية..
ملف مرفق 631670


4. إترك مسافة مناسبة بين سيارتك والسيارة التي بجانبك..

ملف مرفق 631671


5. عند البدأ بالرجوع للخلف أدر المقود بالكاااااامل بسرعة متوسطة..
ملف مرفق 631672


6. إستمر بالرجوع الى ان يتقابل الباب الخلفي لسيارتك بزاوية الصادم الخلفي -البنفر- للسيارة التي بجانبك..
ملف مرفق 631673


7. إبدأ بإرجاع المقود بشكل معاكس ببطئ مع الرجوع للخلف..

ملف مرفق 631674


8. بعد الدخول فالموقف تقدم وارجع بالسيارة لوضعها بشكل مناسب ومتوازي للموقف..

ملف مرفق 631675


9. يفضل وضع السيارة فوسط السيارتين الامامية والخلفية.... وخلصنا

ملف مرفق 631676



وهذا مقطع الفيديو

ملف مرفق 631677


وهذي شوية مقاطع تصب في نفس الموضوع إضغط على الصور

لا تجربوا هذي الطريق..
ملف مرفق 631678

حتى الاطفال أحسن عنا
ملف مرفق 631679

تو مو ذي الحالة!!
ملف مرفق 631680

[عيسى الجرداني]

خمس نجوم يالعقاري *****

ياما شفنا حالات من هذا القبيل ونزلنا نأشر ربع ساعة
وياما شفنا سياراتنا مشخوطة من الزاوية ههههه

لعل هذا الموضوع يوضح الطريقة بشكل مبسط

[العقاري]

خمس نجوم يالعقاري *****

ياما شفنا حالات من هذا القبيل ونزلنا نأشر ربع ساعة
وياما شفنا سياراتنا مشخوطة من الزاوية ههههه

لعل هذا الموضوع يوضح الطريقة بشكل مبسط

5 نجوم مرة وحدة ! ! ! ! !
أسميني جبتها من أول رد
مشكور على النجوم الخمس بارك الله فيك

موضوع المواقف تراها هالكنا.. ماشي مواقف.. واذا شي بتغيضك الناس لحد ما توقف.. طبعا اذا بعدك ما حصلت سيارة واحدة في موقفين!!

اذكر مرة فمواقف الدوام حصلت سيارة أجرة مغطية 4 مواقف !!!
أفتر راسي وقلت تو مو ذا !! وعصبت وكتبت له رسالة فورقة وعلقتها على سيارته..

وان شاء الله بانزل موضوع في السبلة العامة قريبا عن الايقاف الخاطئ

[Bo issa]

طريقة سهلة لاكن ماتنفع ف الزحمة

[engell]

مشكوررر خيو وزين بعد للهنووووود

[ترانيم الأمل]

سهل جداً..

بس تشكر

[RANGE ROVER]

عادي انا اوقف سيارتي سيدة من اول يوم ليسن..

[odai]

طريقة السيفك مرة وحدة جربتها لكن كانت ابو الفنان
لكن ترى توقف السيارة ريوس ما يحتاجلها شي

[hmd-dmx]

اذا السيارة بو قدامك ووراك واقفه ع خط واحد ما مشكلة
نحن عندنا الهنود ابدا ما يوقفو سيده تشوف السياره ع الرصيف و الدبة ف الشارع
تحياتي

[بطل عمان]

عاد خصيمتي يوم " ***** " يحاول يوقف في مثل هذه المواقف . خمسين مره رايح جاي .

[العقاري]

اذا كلكم تعرفوا توقفوا زين عجب سيارت من اللي أشوفها واقفات غلط!! عاد الحين تريدوا تعقوها حال الهنود بس! :عيار
البعض من العجلة يوقفها اي كلام!

[odai]

اذا كلكم تعرفوا توقفوا زين عجب سيارت من اللي أشوفها واقفات غلط!! عاد الحين تريدوا تعقوها حال الهنود بس! :عيار
البعض من العجلة يوقفها اي كلام!

1+
احيانا الي يكون مستعجل ما يخلصه يوقف سيده

[العقاري]

1+
احيانا الي يكون مستعجل ما يخلصه يوقف سيده

وايش ذنب الاخرين ما يحصلوا موقف علشان مثل هذولا الناس؟؟

[FastCode]

BMW 2011 توقف بروحها على جنب الفئه الخامسه

[راعي الافراح]

الحمدلله ماعندي مشكله في التوقفيف خصوصا اني متعود على سوبر بان

[HASSASOMAN]

المشكلة إذا كان زحمة ووراك طابور وراصين فيك
كيف بتوقف
أقصد سوق مطرح وروي
مشكور يالعقاري على التقرير الجميل

[العقاري]

المشكلة إذا كان زحمة ووراك طابور وراصين فيك
كيف بتوقف
أقصد سوق مطرح وروي
مشكور يالعقاري على التقرير الجميل

هنا عاد وقف مال اي كلام
بس لا تزعل اذا شفت ألوان على سيارتك

[بدوي من واشنطن]

تسلم على الفيديو والشرح

[said85]

زينه حال مطرح

لكن زين اذا حصلت مساحة متر زيادة

وعاد بتحصل كدس سيارت خلفك ينتظر حضرتك ترجع وتقايس

هذا اذا سلمت من دعمه لا قدر الله

مشكور اخي على الطرح

[odai]

وايش ذنب الاخرين ما يحصلوا موقف علشان مثل هذولا الناس؟؟

ترى الي فلوسه فايشة يقدر يدفع 35 ر ع مخالفة يسويها
لكن انا عن نفسي اوقف سيده خوفا من شيئين
1-واحد خسف يشحف سيارتي
2- مخالفة محترمة
لكن الشيء الاساسي انه ما حلوة الحركة

[جولنار92]

وحدي ماعرف اوقف حتى فالمواقف العادية

خخخخ بس ماعرف كيف الوقفة جات سيدة وقت التراي

[العقاري]

وحدي ماعرف اوقف حتى فالمواقف العادية

خخخخ بس ماعرف كيف الوقفة جات سيدة وقت التراي

لأن فالتراي فيها 5 ريالات اذا رسبتي.. هههههه

[borla]

الحمد لله أعرف ارجع
تسلم ع المعلومه

[luminass2008]

لا تعلم الرجال فنون القتال..

[العقاري]

لا تعلم الرجال فنون القتال..

ما كل الرجال يعرفوا فنون القتال.. في رجال تستغرب من ممسكنهم السيارات!!

[العقاري]

زينه حال مطرح

لكن زين اذا حصلت مساحة متر زيادة

وعاد بتحصل كدس سيارت خلفك ينتظر حضرتك ترجع وتقايس

هذا اذا سلمت من دعمه لا قدر الله

مشكور اخي على الطرح

وبعده في بعضهم يرص سيارته بسيارتك بحيث ما تقدر ترجع!!

[خارج~التغطيه]

زين لو ادارة المرور يظيفوا هالاختبار في الاستماره (الكتشه)

[blue262]

مشكوووووووووووووووووووووو ووووووووووور

[NAIF IBRI]

مشكور حبوب

[العقاري]

زين لو ادارة المرور يظيفوا هالاختبار في الاستماره (الكتشه)

صدقك.. زين يسوا ذا الإختبار بعد وبشرط ما تتقدم مثل الدرامات هههههه