فضفضة ... جاني اكتئاب

[أم محمد7777]

بسم الله الرحمن الرحيم

شخباركن عزيزاتي

اولا بغيت اكتب فقسم حوارات حواء بس مالقيت ايقونة كتابة موضوع ف إذا كان الموضوع فالقسم المخالف يتم نقله مع جزيل الشكر...

بنات انا جيت اتكلم هنا لان ماعندي احد اشكي له

اعرفكن بنفسي خريجة جامعة السلطان من 5 سنوات تقريبا ... متزوجه وعندي ولد وبنت


ما اعرف من وين ابدا .. انا من تخرجت وانا احاول اسوي مشاريع بسبب قلة الوظايف .. محتاجة ماديا جربت كل شي ممكن يخطر فبالكن بس بحكم المكان الي اعيش فيه ابدا مانجح معاي شي

كل شي يطلع له اشياء تخليني اوقف

احس صار لي اكتئاب ... وظيفه ما اقدر اتوظف اي مكان زوجي مانعني يا مكان حكومي او مدرسة كأنه بكيفي

وضعه المادي هو بعد صعب وانا متفهمه هالشي بس مايالي طلعت ولا بغيت اشري شي الا يقولي انتي دفعي ... اذا بتدفعي العشا والبترول انا بشلك


طيب من وين لي
هو بامانه لما كان وضعه زين كان مايقصر بس مهما كان مايقولي كذا

قدمت اكثر من مكان يمنعني بحكم الراتب شوي ... طيب انا راضيه اقضي احتياجاتي ... مايرضى

لا روضات ولا مدارس خاصه لان الرواتب ١٥٠ بس

جلست الليل مع النهار ادور وظايف الكترونيه او عن بعد مالقيت وتقريبا ٩٩ بالميه مواقع وهميه


فتحت مشاريع منزلية توزيعات محد طلب ... وجبة افطار للمعلمات محد طلب ... مشاريع بحوث وعروض محد طلب ... طلب عن طريق المواقع اونلاين محد طلب ... اشتغلت ع الكورشية قالن غالي ولا طلبن ... خيطت كميم بس تعبت الكمه تاخذ ٤ اشهر وتجيب ٥٠ او ٦٠ ريال ابدا ما مجدي ... طبخت حلويات ومحاشي منع عليي اوصل يقول ماشي بنت عرب تتخاطى الشوارع ولما قلتلهم يستلموا من البيت تضايجوا اهل زوجي لان رجال غرب يجوا وما ارتاحوا



قلت اكمل دراستي اتسلى ماشي ميزانيه ... قلت ادرس فالبيت حتى لابتوب ماعندي ولا اقدر اشري


اريد اقل شي يكون لي مردود اقضي اموري ... مع ان المفروض زوجي يصرف عليي بس غاسله يدي لين اقل شي ٥ سنوات

من غير هذا عندي الدسك ووقفت علاج لان قالوا احتاج جراحه وخفت اسويها وعندي اختناق اعصاب فاليد ومقرر لي جراحه فاليد


يعني مصفعتني الحياه من كل صوب


الصلاه اصلي وقران يوميا اقرا والاذكار ما اخليها بس احس نفسيتي تعبت كم سنه وانا صابره وامشي اموري وانا ساكته


حبيت افضفض واقول عسى ردودكن تريحني وشكرا لكن

[أنثى90]

الله يكون في عونك عزيزتي وان شاء الله مرحله وتعدي

وصدقيني هذي الظروف الصعبه اللي نمر فيها هي اللي تقوينا وتكون نقطه تحول ف حياتك

الظروف اللي تمري فيها صعبه وان شاء الله بيتحسن وضعك

اول شي تحتاجي تجلسي مع زوجك تقنعيه تتوظفي عشان تساعديه ويتحسن وضعكم المادي

ثاني شي ليش ما تفكري تساعدي طلاب المدارس ف واجباتهم ودروسهم
يعني فتره العصر يجوا الطلاب بيتكم وراجعيلهم دروسهم مقابل مالي بسيط تتفقي مع الاهالي عليه خاصه الحين اغلب الموظفات ماعندهم وقت يدرسوا اطفالهم ولا عندهم ميزانيه لمدرس خصوصي

الفكره الثانيه انك تمسكي اطفال تربيهم تسوي حضانه منزليه امسكي طفلين كل طفل ب ٥٠ ع الاقل وكذا يصير عندك مصروف شهري اقل شي ١٠٠ ريال



وان شاء الله تحصلي وظيفه حلوه ويقتنع زوجك فيها

مع ان الحين القطاع الخاص ميزاته ورواتبه افضل بكثير من القطاع الحكومي بس كذا قناعة اغلب الناس يفضلوا الحكومه ع الخاص

[أم محمد7777]

والله سويت اعلان لدروس خصوصية ولا احد عبرني

حضانه يمكن ما بكون قد المسؤولية عشان الم الظهر واليد حاليا

صدقيني حاولت اقنعه بس هو قناعاته غير وانا ما احب اسبب مشكلة او اتوظف غصب عنه مهما كان زوجي ومن ٨ سنين حاولت اقنعه بالهدوء بس رافض ... لكن حظي سيء فالمشاريع الخاصه


شكرا حبيبتي ع ردك

[أنثى90]

والله سويت اعلان لدروس خصوصية ولا احد عبرني

حضانه يمكن ما بكون قد المسؤولية عشان الم الظهر واليد حاليا

صدقيني حاولت اقنعه بس هو قناعاته غير وانا ما احب اسبب مشكلة او اتوظف غصب عنه مهما كان زوجي ومن ٨ سنين حاولت اقنعه بالهدوء بس رافض ... لكن حظي سيء فالمشاريع الخاصه


شكرا حبيبتي ع ردك

لاتقولي حظك سيئ كل شي فيه خيره وفي التجاره دايما لا تتوقعي تنجحي من اول تجربه
الموضوع بياخذ وقت لين الناس يتعودوا عليك ..
بخصوص الدروس الخصوصيه اذا اولادك يدرسوا رسلي ف جروب المدرسه او حتى تخبري المعلمات اي حد يسالهم يخبروهم عنك

وعسى خير عزيزتي وكلي امرك لرب العالمين

[أم محمد7777]

برسل ان شاء الله وعسى القى اقبال

اشكرك جزيل الشكر

[أنثى90]

اختي نصيحه تابعي موقع بتروجوبس تنزل وظائف شركات نفك وغاز
ومادايما يشترطوا الخبره
وعلى شهادتك بتستلمي ما اقل من ١٠٠٠ في شركات البترول
تنميه نفط عمان من فتره نزلت وظايف للخريجين بدون خبره والحقتهم بتدريب فالصحرا للبنات والشباب براتب ٨٠٠ فتره التدريب وبعد التدريب يوظفوهم وطبعا ما اقل من ١٠٠٠

اعرف بالنسبه لوضعك صعب تداومي ف الصحرا خاصه معك اطفال بس اهم شي تحاول تقدمي معهم فرص واجد حلوه وما تتفوت

[أم محمد7777]

فالصحراء بيرفض رفض قاطع ... بس انا بتابع الموقع عسى يكون شي وظايف ما فالصحراء


عسى الله يبعثلك السعادة فحياتك مثل ما حسستيني بالامل

[أنثى90]

امين يارب شكرا عزيزتي

[Specialty English]

نسأل الله لك اختي أن يفتح لك أبواب رزقه..
و يرزقك من حيث لا تحتسب..

[أم محمد7777]

اللهم امين يارب العالمين وياك حبيبتي

[حلم ميت]

الله يوفقك اختى
فعلا الحين صعب جدا وظايف



اشوف الحين كثير من صديقات ومن اهل يعرضن تجاره ف واتساب وياخذن فايده منها
جربي تدوري محل او حرمه تتعاوني معها تسوى ترويج حال منتجاتها

[أم محمد7777]

الله يوفقك اختى
فعلا الحين صعب جدا وظايف



اشوف الحين كثير من صديقات ومن اهل يعرضن تجاره ف واتساب وياخذن فايده منها
جربي تدوري محل او حرمه تتعاوني معها تسوى ترويج حال منتجاتها

مثل ماقلتي كثير

يعني عايلتنا كلهن يبيعن كماليات او بخور او يسون مكياج يعني ما وحده وثنتين عشان كذا مافي فايده ابدا اذا اريد شي لازم يكون غير ... من غير ان شي من الناس مايعجبهم تسوي وهمه مسوين نفسه


انا ما اريد اكون سلبيه احاول اكون ايجابيه قد ما اقدر بس للاسف هذا الواقع

[ورد الزعفران]

اختي نصيحه تابعي موقع بتروجوبس تنزل وظائف شركات نفك وغاز
ومادايما يشترطوا الخبره
وعلى شهادتك بتستلمي ما اقل من ١٠٠٠ في شركات البترول
تنميه نفط عمان من فتره نزلت وظايف للخريجين بدون خبره والحقتهم بتدريب فالصحرا للبنات والشباب براتب ٨٠٠ فتره التدريب وبعد التدريب يوظفوهم وطبعا ما اقل من ١٠٠٠

اعرف بالنسبه لوضعك صعب تداومي ف الصحرا خاصه معك اطفال بس اهم شي تحاول تقدمي معهم فرص واجد حلوه وما تتفوت

أختي ممكن الرابط
@أنثى90

[ورد الزعفران]

أختي صاحبة الموضوع الله يكون ف عونك
ويرزقك من حيث لاتحتسبي
عليك بقيام الليل
والاستغفار
و ان شاء الله الله يفتحلك أبواب الرزق

[ibtkar]

أختي العزيزه كان الله في عونك

انا اشوف المشكله من زوجك مامساعدنك
ومعقد الأمور والحياه ماتحتاج كذا
ف ابسط الاشياء رفض الي هو الطبخ
بالرغم انه بزنس الطبخ مردوده جميل جدا الي يحبن يتفنن ف الاكل هو اذا حاب ومهتم في حياتكم ودخلكم المادي هو يساعد في توصيل

بختصار هو ماهامنه ساعدتك وراحتك
والرجال لاتتنازلي معاه واجد
لازم تفرضي، رأيك
جامعيه ودارسه ما اشتغل ف اي
وظيفه ليش؟؟؟
هل هذا شرط من قبل زواج انك م تشتغلي
اذا لا
اهلك لازم يدخلوا ف موضوع ويشوفوا حل
لاقادر يوفر لك الحياه الكريمه الميسوره وفوق هذا يسمعك كلام
اسمحيلي انا هذا ما اسميه رجال
لان رجال الحقيقي يفعل المستحيل ويضحي
علشان سعاده زوجته
زَوجي على عيني وراسي
بس ف النهايه لكل شي حدود ما اعيش حياه تعيسه
والدنيا واسعه وفيها حلول

[عهد ووفاء]

زوجك رجل اناني جدا ما من حقه يقولك اذا تريدي تطلعي دفعي العشاء والبترول اذا من حقوقك
خلي حد من أهلك يكلمه يا يخليك تشتغلي او يعطيك مصروف شهريا.. اقترح عليك اذا عندك سيارة تأخذ الطلاب المدرسة بسيارة خاصة.. عندك مشكلة في ترويج المنتجاتك

[صبروامل]

أختي العزيزه كان الله في عونك

انا اشوف المشكله من زوجك مامساعدنك
ومعقد الأمور والحياه ماتحتاج كذا
ف ابسط الاشياء رفض الي هو الطبخ
بالرغم انه بزنس الطبخ مردوده جميل جدا الي يحبن يتفنن ف الاكل هو اذا حاب ومهتم في حياتكم ودخلكم المادي هو يساعد في توصيل

بختصار هو ماهامنه ساعدتك وراحتك
والرجال لاتتنازلي معاه واجد
لازم تفرضي، رأيك
جامعيه ودارسه ما اشتغل ف اي
وظيفه ليش؟؟؟
هل هذا شرط من قبل زواج انك م تشتغلي
اذا لا
اهلك لازم يدخلوا ف موضوع ويشوفوا حل
لاقادر يوفر لك الحياه الكريمه الميسوره وفوق هذا يسمعك كلام
اسمحيلي انا هذا ما اسميه رجال
لان رجال الحقيقي يفعل المستحيل ويضحي
علشان سعاده زوجته
زَوجي على عيني وراسي
بس ف النهايه لكل شي حدود ما اعيش حياه تعيسه
والدنيا واسعه وفيها حلول

فعلا كلامك صحيح مئة بالمئة

صراحة لو مكانها مااتحمله ولا بجلس معه دقيقه لحد مايشوفلنا حد من اهله او اهلي حل

لانه جدا اناني وماتهمه راحتك وسعادتك

كان الله في عونك اختي

امثال زوجك وعقليتهم القديمة كثييرين ولكن لا تتنازلي ابدا عن حقوقك

اما يوفرلك مصروف شهري او يوافق تتوظفي

واذا توظفتي خلي راتبك كامل حلك وحرميه منه ادب

كان الله في عونك اختي بجيك اكتئاب غصبا عنك

[أم محمد7777]

أختي ممكن الرابط
@أنثى90

@ورد الزعفران

سوري الغاليه تو انتبهت لردك انا سجلت فالموقع وهذا رابطهم


https://www.petrojobs.om/en-us/Pages/Home.aspx




اتمنى يفيدك

[أم محمد7777]

أختي صاحبة الموضوع الله يكون ف عونك
ويرزقك من حيث لاتحتسبي
عليك بقيام الليل
والاستغفار
و ان شاء الله الله يفتحلك أبواب الرزق

مشكووورة الغاليه وانا هذا اساسا الي اسويه حاليا

[أم محمد7777]

أختي العزيزه كان الله في عونك

انا اشوف المشكله من زوجك مامساعدنك
ومعقد الأمور والحياه ماتحتاج كذا
ف ابسط الاشياء رفض الي هو الطبخ
بالرغم انه بزنس الطبخ مردوده جميل جدا الي يحبن يتفنن ف الاكل هو اذا حاب ومهتم في حياتكم ودخلكم المادي هو يساعد في توصيل

بختصار هو ماهامنه ساعدتك وراحتك
والرجال لاتتنازلي معاه واجد
لازم تفرضي، رأيك
جامعيه ودارسه ما اشتغل ف اي
وظيفه ليش؟؟؟
هل هذا شرط من قبل زواج انك م تشتغلي
اذا لا
اهلك لازم يدخلوا ف موضوع ويشوفوا حل
لاقادر يوفر لك الحياه الكريمه الميسوره وفوق هذا يسمعك كلام
اسمحيلي انا هذا ما اسميه رجال
لان رجال الحقيقي يفعل المستحيل ويضحي
علشان سعاده زوجته
زَوجي على عيني وراسي
بس ف النهايه لكل شي حدود ما اعيش حياه تعيسه
والدنيا واسعه وفيها حلول

والله وش اقولك ياختي

انا احاول اعذره ما اقولك اني ما اتضايق وايد من هالاشياء بس ياما ناقشته ووصلت علاقتنا لصورة سيئه عشان كذا احاول القى حلول وسط

هو وايد يغار ويشكك وانا اساسا تعبت من هالشي واذا ناقشته يقول يعجبك مثلا تشتغلي مكان مختلط و و و ....

هو انسان شوي معقد لكن ما اريد اغيره بالخلافات احاول اغيره بطريقه ثانيه لكن تبي الصدق صعب


انا والله لو تعرفي كثر شو حابه اشتغل ادرس اكثر شي عشان الثقافه والعلم حرام الي درسته انساه وتخصصي جدا ممتع

لكن الله يهديني ويهديه وعسى الله يسهل لي اموري فالحياه

[أم محمد7777]

زوجك رجل اناني جدا ما من حقه يقولك اذا تريدي تطلعي دفعي العشاء والبترول اذا من حقوقك
خلي حد من أهلك يكلمه يا يخليك تشتغلي او يعطيك مصروف شهريا.. اقترح عليك اذا عندك سيارة تأخذ الطلاب المدرسة بسيارة خاصة.. عندك مشكلة في ترويج المنتجاتك

بصراحه ما من حقه ابدا وهذا الي يضيج بي
احس اوقات يستغلى عليي او اني ما استحق

مع ان لما ناقشته يقول ماقصدي كذا انتي تعرفي ضروفنا شوي صعبه


عندي سياره بس صراحه قديمه ما اامن اشل فيها ارواح احس امانه

[بيارق الحب]

الله يساعدك حبيبتي
أهم شي لا تيأسي وهذا كله خير حالك سبحان الله يمكن كاتبلك الأفضل بس انتي ادعي وادعي الله يلين قلب زوجك وتتيسر الأمور
وثقي في ربك انه كله خير
مشروع مراجعه ومذاكرة لطلاب المدارس حلو
أو انتداب لمدارس قريبة
واهم شي اذا فتحتي مشروع استمري ولا تيأسي في البداية احيانا احباطات وفوائد كثيرة بس مع الخبرة بتتوفقي ان شاء الله
الله يسهل أمورك

[أم محمد7777]

فعلا كلامك صحيح مئة بالمئة

صراحة لو مكانها مااتحمله ولا بجلس معه دقيقه لحد مايشوفلنا حد من اهله او اهلي حل

لانه جدا اناني وماتهمه راحتك وسعادتك

كان الله في عونك اختي

امثال زوجك وعقليتهم القديمة كثييرين ولكن لا تتنازلي ابدا عن حقوقك

اما يوفرلك مصروف شهري او يوافق تتوظفي

واذا توظفتي خلي راتبك كامل حلك وحرميه منه ادب

كان الله في عونك اختي بجيك اكتئاب غصبا عنك

تعرفي حبيبتي

زمان دخلت اهلي فمواضيع وخلافات كانت تحصل بينا

بس الي صار حسيته يبتعد عني ويقول انتي لو عندك شي ناقشيني ماتشوهي صورتي قدام اهلك

هو بالفعل تفكيره جدا مختلف واساسا الفارق فالسن بينا كبير فعشان كذا يمكن اتضايق بيينا ١٠ سنوات يمكن عشان كذا هو تفكيره غير وانا غير ولا قادرين نوصل ل حل وسط

مصروف بامانه كان يعطيني الظلم شين لكن بعد ما جاتنا هالفتره العصيبه وقفه وع اساس واعدني من تتعدل الاوضاع يرده

بحاول ادور فمدارس خاصه بس للاسف دايما اسئل ويقولوا ماشي شواغر لكن مافاقده الامل بستمر

[أم محمد7777]

اشكركن الكل الي رد عليي احس قدرت اطلع واكتب الي فخاطري ف خف الهم الي عندي


الله يسعدكن دنيا واخره

[سيلفا]

كل الهموم سببها المال

ويجي واحد يتفلسف ويقولك المادة وصخ دنيا

حبيبتي الله يرزقك من فضله وصدقيني وااااااااايد حريم عمانيات يعانوا مثلك

محد مرتاح فيها هاالدنيا

[ibtkar]

الله يسهل عليك حبيبتي
ويفتح لك أبواب الرزق
قبل المال
السبب الرئيسي هو فارق العمر
١٠ سنوات فرق كثير علشان كذا هو مايتقبل

[أم محمد7777]

كل الهموم سببها المال

ويجي واحد يتفلسف ويقولك المادة وصخ دنيا

حبيبتي الله يرزقك من فضله وصدقيني وااااااااايد حريم عمانيات يعانوا مثلك

محد مرتاح فيها هاالدنيا

صح معك حق

اقل شي لما بغيت اعالج اعصاب اليد فالرفاعه قالوا احتاج اشعه رحت بسويها قالو فوق ١٢٠ ريال

لعنت الشيطان وطلعت ورحت للحكومه ههههه


اساسا اي شي تبي تسويه يحتاج مال علاج .. دراسه ... حتى لو بغيتي تفتحي مشروع بسيط يحتاج راس مال


الله يرزقنا من واسع فضله جميعا

[أم محمد7777]

الله يسهل عليك حبيبتي
ويفتح لك أبواب الرزق
قبل المال
السبب الرئيسي هو فارق العمر
١٠ سنوات فرق كثير علشان كذا هو مايتقبل

بالفعل فارق العمر وايد له تاثير


حن الزواج معنا كله من داخل العايله وهذا ولد عمي ولما وافقت نظرت لصلاته ومعاملته لاهله وماحطيت فبالي فارق العمر قلت كبير وعاقل وخريج جامعه اكيد بيكون فاهم الحياه

صح عاقل لكن مستحيل يتقبل اي شي تفكيرنا جدا مختلف لكن احاول القى حلول وسط دايما


عسى الله يسخره لي ويسخر لكن ازواجكن

[سيلفا]

يقولك اللي ما تطوله الطويلة اخذيه بالقصيرة


ما اعرف شو يعني بس يمكن قصدهم في الوقت الحالي ارضي بما عندك وزوجك لازم يحط لك مصروف شهري

وحاولي تدوري وظيفة ولو براتب 400 او 300 على الاقل حال اغراضك الشخصية

غير كذاك تراه محد يقدر يشيل هم حد يا عمري

والله يفتح لك ابواب رزقه

[بيارق الحب]

لا عزيزتي لا تخلي شي سلبي يؤثر على علاقتكم مهما قالولك انه السبب المال أو فرق العمر
خلي ثقتك بربك كبيرة واعلمي انه كل انسان يعاني من مشاكل بسبب المال محد مرتاح في هالدنيا
اشتغلنا زادت المسؤوليات والمصاريف بعد .الحمدلله على كل حال
اصبري عليه كلنا نعاني احيانا نحن نصرف على أزواجنا الحياة تفاهم وتساعد .
وكل الي تقدميه احتسبيه عند الله واحتسبيه صدقة
ومن كلامك يبين انه هو فيه محاسن كثيرة بس يمكن متضايق بعد من وضعه المادي وما يحب يعذبك معه في وظائف هو يشوفها ما تناسبك
بس عليك بالصبر والدعاء ودائما خذي الإيجابية والرضا في كل شي يصيرلك
حتى الضيقة إلي فيك مأجورة عليها ان شاء الله اذا صبرتي واحتسبتي
ولا تدري لعله خيرا أو يحدث الله بعد ذلك أمرا