نصيحه كل عروس (نصيحه من ذهب)

[بسومه الحلوه]

ب[CENTER][CENTER][CENTER]سم الله الرحمن الرحيم
شخباركم خواتي ..
ابا كل وحدة ادش الموضوع يكون صدرها وسيع وهادية ومسترخية
واباها تستشعر النصيحه بتمعن

ودرسي اليوم بيكون بعنوان
(( My home Bath spa ))



______________________________________________

اولا حبيباتي وخواتي النصيحه اليوم بتكون عن اهتمامج الشخصي وقت الاستحمام
وخاصه اني لقيت بنات واااااااااااااااااااااااا ااااااااايد وخاصه العرايس طايحات في اشياء وااايد غلط
وانتبهوا يا بنات ترا مب كل شي تقرونه في الانترنت من خلطات ومواضيع صح
بعضهم يسوون الشي بجهالة والبعض الاخر بتجارب ترجع عليهم بنتيجة عكسية
____________________________________________

بذكر قبل كل شي الاخطاء اللي متابعتنها في هذا القسم وغيره من الاقسام وغيره من المنتديات
- استخدام العطور بطريقة غلط
- شراء العطور الغير مناسبة للجسم
- شراء المستحظرات الرخيصة
- استخدام المنتجات بطريقة غلط
- الاهتمام بمناطق معينة واهمال اخرى
____________________________________________

الحين بنبدأ
بطريقة الاستحمام الصح لكل وحده حابه الاسترخاء والانتعاش وخاصه العرايس والمتزوجات

اولا نجهز عدة الاستحمام



(( دايما العطر ياخذ منا من 20 الى 30 يوم حسب استهلاكنا))
نصيحتي دايما اشتري العطر + الشامبو + الشاورجل او الصابونة + كريم الجسم + البودرة + الديودرنت )) من نفس الماركة ونفس ريحة العطر
وبتكون ريحتج مميزة من فوق لين تحت بنفس الريحه .. شعرج جسمج والمناطق الحساسة
وخليه بحجم الوسط عشان كل شهر تغيرين ريحتج
ونحن في اليوم نتسبح مرتين والعرايس طبعا اول ايامهم يتسبحون اكثر من مره ف هاطقم بيخلص معاكم بسرعه صدقوني




ثانيا شغلي المكيف في الغرفة وعطري السرير والزولية والكراسي بعطر خاص بالمفروشات ومتوفر في جميع محلات العطور +


حطي المدخن في الغرفة بكسرة عود وصكي باب الغرفة واتفضلي دشي معاي الحمام .
__________________________________________________ ___

1- شغلي الشاور ومرري الماي على كامل جسمج



2- اغسلي شعرج بشامبو واشطفية



وحطي البلسم واتركية على شعرج




3- بندي الشاور وخذي مقشر الجسم بطحالب من بودي شوب وابدي وزعيه على جسمج بالكامل ولا تنسين رقبتج من ورا وجتوفج وظهرج واسفل ظهرج وخذي فرك بحركة دائرية مدة 10 دقايق طبعا مع الليفة مالته اللي على شكل قفازات





4- اشطفي بس جسمج بالماي بدون شعرج وخذي الصابونة او الشاور جل وتسبحي فيه بطريقة العادية واغسلي شعرج من البلسم



5- الحين خذي صابون خاص للمنطقة الحميمة واغسلي المنطقة من الخلف الى الامام واشطفي بماي دافي



6- انتي الحين نظيفه وصار وقت الاسترخاء
البسي الروب وغطي شعرج بالفوطه واظهري من الحمام بعد ما تشغلين الماي في الحوض وسيري اشربي عصير بارد في غرفتج المعطرة وارجعي.

في الحمام بتكونين انتي مجهزة الحوض بماي دافي الى حار نسبيا



8- اضيفي له فنجان زيت بيبي جونسون + فنيان ملح واسترخي فيه 10 دقايق





9- بعد الاسترخاء بتلاحظين ان جسمج عليه طبقة من الزيت وطبعا مغطيه هالطبقة كامل جسمج
لا تنشفينة .. على طول فوق الزيت حطي براحة ايديج

(( مسك العروس )) من عبد الصمد القرشي ( يكون غليظ ) ومرري على جسمج وخاصة اماكن النبض مثل قلبج ورقبتج ومعصمج .



بعدين خذي عود القطن وحطيه في مسك الغزال بعد من عبد الصمد القرشي واللي هو (( مسك الطهارة)) ودخلي العود داخل المنطقة الحميمة نفس لما تنظفين اذنج وطلعيه ومرريه من برع
(( وهاي الطريقة الصح )) وتكون مره وحده في الشهر بعد الدورة الشهرية فقط.



هاتي عطرج ورشيه على جسمج على بعد 5 سم على الاقل (( هاي اروع مجموعة من فكتوريا سيكرت))



وحطي البودرة على صدرج + خصرج والخصر دايما ناسينة + فخذيج + ظهرج



البسي ثيابج ووقفي تحت المدخن دقيقه عشان تلزق العطور في جسمج بفعل الزيت وتلزق بثيابج

جففي شعرج وبراحة ايديج خذي مسك العروس ومرري مره وحده بس على شعرج وهو شبه مبلول وابدي سشورية

وخلاص انتي تسبحتي صح واتعطرتي صح وريحتي جسمج واعصابج وكل شي صح

زين الحين الامور الثانية ( انج تحطين ميكب خفيف حسب الوقت ) وتستقبلين زوجج

كيف تستقبلينة ؟؟؟؟

هو طبعا بيكون متجنن على ريحتج وريحة الغرفة وعليج
واكيد مليون بالمية بيدش الحمام يتسبح


انتي قبل لا يظهر
خذي فوطة الوجه وحطيها في ماي وحطي على الماي ديتول اخضر ونقطه من عطرج الزيتي المفضل
واعصري الفوطه بالقو

وحطيها في المايكرويف 10 ثواني

وقدميها حق زوجج مع كاس عصير بارد
ول ما بيظهر بتكون الفوطه حاره وبيحطها على ويها بيرتاح وايد وبينتعش وهو يشرب العصير




وبس

__________________________________________________ __

الحين اشياء غلط بنات وايد منكم كانوا وما زالوا يسوونها

- يتسبحون ويغسلون كل جسمهم وينسون خواصرهم ومنطقة الرقبة والظهر
- يغسلون المناطق الحساسة بصابون وعقب بنفس الصابونة يمررونها على باقي اجسامهم
- يتشاركون الصابونة هم ورياييلهم وخاصه لو كانت الصابونة قطع مب سائل
- للمرة المليون يستعملون مكعبات المسك من عبد الصمد القرشي حق المناطق الحساسة
وهو ما يخصه في الجسم نهائيا المكعبات وغيره من هالاشياء خاصه للادراج واماكن التخزين
مثال :
هاذي مكعبات عبد الصمد القرشي اللي البنات متخبلات عليها ويسيرن يحطونها على اجسامهم وفي الحوض


وهاذي نفس المكعبات بس بطريقة كيوت تنباع يا بنات في محلات الانجري والملابس الداخلية مثل
لا سنزا ... اوشو ... سيكرت وومن.... فيكتوريا سيكرت ....لايف ستايل وغيره من المحلات
وتكون دايما 3 حبات في علبة وتكون بروايح بارده للادراج الملابس الداخلية والادراج المغلقة انتي اذا الريحة بارده بخيها بعطر زيتي من برع واستخدميها في التخزين







بهاطريقة تحطينة بالعلاق وسط ثيابج


وهذا النوع اييج رول ورق معطر ينباع في لايف ستايل انتي تفرشينه في الدرج على حسب حجم الدرج عندج وتحطين ثيابج عليه .

(( ارجوكم لا تاخذون خلطات وتخربطون الدنيا من الانترنت والمنتديات )) مكعبات المسك لتخزين فقط


لما تتسبحون وتحطون زيوت على اجسامكم لا تمسحونها بالفوطه لانكم ما بتكونون استفدتوا من الزيت واجسامكم ما بتشربها

خلكم ريضيين وانتوا اتسوون هالامور وخلي في بالج ان هذا الشي بيكون له نتيجة نفسية عليج
ولا تتكيسلون وتقولون عباله
خلي الحمام يكون لج متعة .. وشاركي زوجج لو مره وحده في الاسبوع هالحمام وخليه يشوف انتي كيف ادللين نفسج وادللينه

هالكلام الي قلته ينفع واااااااااااااااااااااااا ااااااااااااااااااااايد حق البنات اللي رياييلهم يداومون شفتات
اما اللي معرسات وعندهم عيال ... هالامور بتسوينها فليل وبقتناع تام وبسترخاء وبالعكس بيكون لها اثر في انج تستمرين بعطائج لعيالج وبيتج بنفس مفتوحه
---------------------------------------------------------------------------------------------

الموضوع/منقول

[متواضعه بهيبتي]

تسلمي للمعلومات الطيبه وان شاء الله تستفيد منها العرايس الجديدات الحلوات والعرايس القديمات بعد ههه شكرا

[فرانشيسكا]

معلومات قيمه
حفظك ربي

[الميمنيه]

معلومات جميلة