رحلة سياحية ترويحية "بدية" ذآت الرمال الذهبيه

**ريم الرميثي** · 08/02/2017 12:05 AM

.
‎‏

‎بيييب ببيييييبب
‎يله بنات دشو الباص

‎

ابعده ناجص حد

هينيه @كمست

لحظه اتصل لها ،،

‎‏ريّوم: كمست وينج غناتيه

‎‏كمست: جايين تو انا و @مجرد قاتلة ..
‎‏
‎ريّوم: فديتكن زين انترياكن

‎‏
‎‏لين نترياهن بشوف العدد جـآن كامل

‎السايج @نور الهدى 11
‎‏نوار: هنا

‎@رياح الصدق
‎‏ريحون: موجوده

‎@شواطئ الذكريات
‎‏شطشط:هنا حبيبتي

‎@العذراء الحزين
‎‏عذرذر: موجوده

‎@صمود
‎‏صمدمد: هنا انا

‎@قلم مختلف
‎‏قلم:هنيه

‎‏@SERENITY18
‎‏سيري نتيه: :كرخه

هنا:

‎@غيمات
‎‏غيمات:ييس

‎@الكونزيت
‎‏كونزيت: Yes I am here

‎@ربيع التفاؤل
‎‏ربيع: موجوده

‎‏
‎@طيف الشعور
‎‏طيفو: مآيوده

‎@أعجوبه
‎أعجوبه: هنا هنا قدام

@أوزان I
أوزان : هنا

‎‏

‎‏ريّوم :بنات شفتن اللوحه الترحيبية لـ ولاية بدية؟

شو شعار ولاية بديه؟

‎‏سيري نتيه: ::كرخه

شايفه نخله بس ماعرف نخلة ايش::

‎‏شط شط: اظني المبسلي صح؟

‎‏ريّوم: هيه المبسلي

‎‏

‎‏
‎العدد كامل ، و وصلن الغرشوبات

يله نوار حركي الموتر اول شي بنسير حصن المنترب بما انه التجمع في مركز الولايه وهي قرية المنترب ،، لين نوصل بعلمكن عن قرى ولاية بديه /المنترب ،الغبي ،الشاحگ، الراكه ، الحويه، الواصل ،الظاهر ،الشارق ،الياحس ، هاتوه و قرية يديده اسمها شوف العين ..

‎‏

‎‏

**ريم الرميثي** · 08/02/2017 12:05 AM

‎‏

‎‏ريّوم :وصلنا ،هالحصن مرمم تقريباً عام 1996 من وزارة التراث القومي والثقافه ،وشي في الواصل قلعه ، وشي حصون أيضا بس صغيره فـ الغبي والشارق والحويه ،

‎‏ريحون: شكله كبير واجد من داخل..
‎‏ ريّوم: هيه وايد عود ،يله كل وحده تأخذ راحتها وتتجول وتصور

‎‏

‎‏

‎‏ريّوم: احينه الجو جداً عجيب شرايكن نسيّر على الافلاج والنخيل؟

‎‏غيمات ، كمست ،سيرنتي ،ربيع التفاؤل ::احلى شي

‎‏عذرذر : حلو جو النخيل والافلاج كما سمايل

‎‏ريّوم: هيه وايد مريح جو النخيل والافلاج ، فـ بديه تقويباً 25 فلج وأكثر

‎‏كونزيت:so nice

‎‏

‎‏ريّوم: احينه وجت غدى ، بنروح العزبه
‎عسب نسوي غدانا ع الحطب

‎‏عذرذر: انا بسويلكن الشاي بعد الغدى

‎‏ريّوم: وانا برم ألذ عرسي

‎‏

‎‏ريّوم :وزهب العرسي

‎‏

‎‏عذرذر : وهذا الشاي

‎‏

‎‏

.

**ريم الرميثي** · 08/02/2017 12:05 AM

‎‏

نوار: وين الحين نروح؟

‎‏ريّوم: احينه وقت الروناات

سوجي صوب نادي بديه للسيارات

‎‏قاتوله: حمممماس ي خي

م يصير احنا نسوي رالي

‎‏ريّوم: هي صراحه رياضة ممتعه جداً ،بس خطيره فيه ناس متخصصين لـ هاي الأمور

‎‏قاتوله: ي خي خاطري اجربها

‎‏كمست: حتى انا

‎‏ريوّم: فالكن الطيب فديتكن بس عقب يوم بنسير المخيم بنخليهم يطلعوبنا فوج العراجيب

‎‏

‎‏ريّوم : يله بنات حاولن تاخذن كل الي تحتاينه من الباص لانه بيشلونا سيارات المخيم ، اهم شي الكاميرات بنات لا تنسن عشان نصور المخيم والبوفيهات وننزلهن فـ سبلة ترويح القلوب عسب الشباب يتغايرون

‎‏

‎‏ريّوم :الطريج طويل،طولن بالكن

‎‏

‎‏ريّوم :وصلنا المخيم

هجووم

‎‏

‎‏ريّوم: تعبنا

شرايكن نيلس على الضو والشاي ع الحطب
‎سمعن هـآ الجصيد كاتبتنه انا يوم صغيرونه تقريباً اول زياره لي لـ بديه

‎‏.
.

‎‏

‎‏

‎‏اتبسم وتبتسـم لـي شـفاتـي ** ليا امدحتج ريم الرميـثيه
‎انتي امي وانتي العز وغلاتي ** وانتي كل اهلـي والاولـيه
‎انقضى فيها عمري وحياتي ** وعلمتني كيف أصيرلها وفيه
‎عمري بعدج تنتهي امنياتي ** وحياتي عقبها ماهي بـ هنيّه
‎تردي الروح ي حبي وغناتي ** بـ اسمها تبتسم الشفه النديه
‎بلاد العز بـ اعلى القبيلاتي ** الحجري والعويسي والوهيبيه
‎بـ اسمها ينتمي شكلي وحلاتي**وبهواها صارت آلامي خفيه
‎وبـ قراها أنشدها بـ اغنيـاتي ** المنتـرب والغبـي والحـويـّه
‎وبـ ارضها اتطمن فـ حياتي **وبـ سيوحها تهّب ريحٍ قويـه
‎وفـ قبرها اتشوف فـ مماتي ** وارجد بـ أرضج نومه هنيّـه
‎اتعالى ليا قالو أصلي وذكرياتي**واعتلي بأنها جذوري بدويه
‎أتفاخر ليا قلت بأحلى ابتساماتي**وافتخر بأنها دياري بديه
‎واختمج بـ الحب باخر ابياتي** وتفداج روحي دامها الحين حيه
‎‏

‎‏طيفو: صح لسانج ريّوم

‎‏ريّوم: صح الله بدنج

‎‏طيفو:بس يبغالها تعديل

‎‏ريّوم : واااااايد يبالها ولكن هذي كانت اول محاولاتي لـ كتابه شعر ،لذلك م عدلت فيه موليه ،انتي تعرفين جصايد عن بديه خبرينا عنها
‎‏طيفو:- @طيف الشعور
‎‏

‎ولينة الفراش لها نسيم يعيد لكل تائهة هداها
‎إذا بسطت شمائلها لنفس حشت بلطيف أفراح حشاها
‎تفوح بها رياح المسك لكن بلون الورس قد خضبت رداها
‎إذا نشرت محاسنها بأرض فكثبان البسيطة من مداها
‎إذا ما قمت مستويا عليها كأنك قد علوت على سماها
‎يبيت ضجيعها فيها بأمن إذا ما نام تحرسه صباها
‎‏

‎‏طيفو: هاه بنات عرفتن من كاتب هـ الأبيات عن بديه؟

‎‏

‎‏دعوة لشباب الترويح لـ الجواب عن السؤال
‎@نور البشرية @NITRO @أهلا هلا بك @الشاب الحكيم
‎@متكئ ع قمر @الرجوع من الماضي @أنا تو مخلص صايح @جاي عندكم @El Sol @السحاري122 @الهدقان @armada
‎والجميع

‎‏

.

**NITRO** · 08/02/2017 12:13 AM

ماشاء الله , حد ماشالتنه معاش @ريم الرميثي

ذكر الله قاصر كل بنات الترويح شالتنهن

استمتعنا حقيقة بالجولة ودايما بدية مميزة برمالها الذهبية ,والمتعة بو هناك
واشوفكن قمتن تخمسن ومن هناك تقولن ماتعرفن لبر تسوقن

الى الامام دوما واعتقد انه اول موضوع في قسمنا نتمنى الاستمرارية

والقصيدة من كتابتش 200/200
وخصي بالسلام بنت حياني @كمست

**شواطئ الذكريات** · 08/02/2017 12:15 AM

ما شاء الله

يا زين هالتقرير من الرميثية
زاده حلا بوجود بنات الترويحية

ربي يخلي بدية واهلها
ويحفظ كل من زارها

مناظر حلوة,,
وتقرير موفق ي الغالية , ,
وعسى ف الايام الجاية نزور بدية

القصيدة حلوووه / وتسلمي ع بوحك وحسك
@ريم الرميثي

**الرجوع من الماضي** · 08/02/2017 12:16 AM

حجز للتحرير او التبريد

**مجرد قاتلة** · 08/02/2017 12:18 AM

حجز

حذفوا ردودكم و خلوني اول رد

تك تك

**رياح الصدق** · 08/02/2017 12:18 AM

بدية دايما اسمع عنها وفوادي اروحها

.
بس قالولي ف الصحرا تطلع عقارب

.
.
تقرير ممتاز جدا

.
تسلمي ع الموضوع والرحلة الممتعة

@ريم الرميثي

**قلم مختلف** · 08/02/2017 12:20 AM

عشره قلووب
فنانه بديه
جميييل التقرير أحب بديه ورمال بديه

جميل التقرير والصور غاووويه @ريم الرميثي

**عاشقة عيون البدر** · 08/02/2017 12:44 AM

من اللي،ينجم

تلعبون ف النجوم شكلكم:نجوم متنغثره:

هينوه السؤال

اني اعرف حد صوب المنترب والظاهر وشاحك

**الشاب الحكيم** · 08/02/2017 12:58 AM

الله على بدية ورمالها،،
صحراء باردة في الشتاء ، جو نسناسي ،
وهبوب الكوس ماتفارقك ، عزب البوش كل مكان ،
كروزرات وستيشنات وبيكبات فكل شوراعها ،
أحلى منظر تشوف شايب عمرة 80 يسوق كروزر وشال سبوس للعزبه ،
مخيمات راقية مثل المها والف ليله وليله ،
خوان شمّه موجودين فكل عزب ومحلات وشوارع ،
نسبة الحضر قليله ، قبيلة الحجريين الأكثر فبدية ،
بالنسبة للموضوع عجبني كثير مع تنسيق رهيب ،
مرتب وأفكار حلوة ، أبدعتي خيتي ،
شكراً لكِ وسعدت بالمرور هٌنا ، دمتِ بصحة وأمان ، @ريم الرميثي

**غيمات** · 08/02/2017 02:37 AM

يا الريم..ابدعتي في الطرح ما شاء الله فكل الثناء والتقدير لهذا الجهد المميز..
..الله يحفظ بدية الذهبية واهلها وناسها الكرام..
وشكرا لانكم خذيتوني بالرحلة إني فرحت كثير غيرت جو وكليت هريس

**نور الهدى 11** · 08/02/2017 06:21 AM

حجججزززز

**armada** · 08/02/2017 07:02 AM

.ما شاء الله
تقرير حلو يستاهل ثمان نجوم واكثر
وفقتي ختينا ريم
@ريم الرميثي
ولي نوبا عوده بعدين

**أهلا هلا بك** · 08/02/2017 09:09 AM

@ريم الرميثي
موضوع جمييل الصراحه

المخيمات اللي موجوده حلوه
ومهيئه

أحسن شي عجبني العرسيه

رهيييييييبه شكلها

صح وين @كمست

**ابتسامة الشمس** · 08/02/2017 09:48 AM

تقرير رائع ومميز خيتو ريم الرميثي

وبديه ما زرتها والصور رائعه

بس ليش ما شليتوني معكم

@ريم الرميثي

**وآحد كنوخي** · 08/02/2017 09:48 AM

احلى موضوع عندي

لاني شسمه احب بديه

بارك الله فيك

موضوع مال ابداع

**السحاري122** · 08/02/2017 11:12 AM

يا حلاة بديه روعه بأهلها وناسها ورملها ..
تقري رائع جدا جدا
سلمتي ريمو ..

@ريم الرميثي

**السحاري122** · 08/02/2017 11:13 AM

ممنوع الحجز ..

@ابتسامة الشمس

**العذراء الحزين** · 08/02/2017 11:59 AM

@ريم الرميثي
جميل التقرير
زرت بديه وبيت فيها بس
ما زرت كل خذي الاماكن
عسى نروح قادم الايام

**السحاري122** · 08/02/2017 12:08 PM

وعذروه ما شي مكان ما مدخله فيه وسطه ..

@العذراء الحزين

**MR.COMPUTER** · 08/02/2017 12:19 PM

ماشاء الله ابدعتي اختي فالموضوع بديه حلووه ..

ذبيحتنا هالاسبوع هناك

ياخي شي غير فبدية غاوي

حالش كم نجمه من عندي نوب

**ريم الرميثي** · 08/02/2017 01:41 PM

أرسل أصلا بواسطة شواطئ الذكريات

ما شاء الله

يا زين هالتقرير من الرميثية
زاده حلا بوجود بنات الترويحية

ربي يخلي بدية واهلها
ويحفظ كل من زارها

مناظر حلوة,,
وتقرير موفق ي الغالية , ,
وعسى ف الايام الجاية نزور بدية

القصيدة حلوووه / وتسلمي ع بوحك وحسك
@ريم الرميثي

@شواطئ الذكريات
فديتج شطشط انتي منوره الرحله

**ريم الرميثي** · 08/02/2017 01:42 PM

أرسل أصلا بواسطة قلم مختلف

عشره قلووب
فنانه بديه
جميييل التقرير أحب بديه ورمال بديه

جميل التقرير والصور غاووويه @ريم الرميثي

@قلم مختلف
انتي الاجمل ومرورج الاغوى

**ريم الرميثي** · 08/02/2017 01:55 PM

أرسل أصلا بواسطة عاشقة عيون البدر

من اللي،ينجم

تلعبون ف النجوم شكلكم:نجوم متنغثره:

هينوه السؤال

اني اعرف حد صوب المنترب والظاهر وشاحك

@عاشقة عيون البدر
تسلمين

السوال في اخر الموضوع ،منو كاتب الأبيات فـ بديه وتحديداً الحويه

**ريم الرميثي** · 08/02/2017 01:58 PM

أرسل أصلا بواسطة غيمات

يا الريم..ابدعتي في الطرح ما شاء الله فكل الثناء والتقدير لهذا الجهد المميز..
..الله يحفظ بدية الذهبية واهلها وناسها الكرام..
وشكرا لانكم خذيتوني بالرحلة إني فرحت كثير غيرت جو وكليت هريس

@غيمات انتي شمعة الرحله فديتج

تسلمين ع مرورج وتعقيبج

**ريم الرميثي** · 08/02/2017 02:01 PM

أرسل أصلا بواسطة armada

.ما شاء الله
تقرير حلو يستاهل ثمان نجوم واكثر
وفقتي ختينا ريم
@ريم الرميثي
ولي نوبا عوده بعدين

الأحلى مروركم ع الموضوع ، تسلم اخي @armada

بديه حلوه جداً ، خذ عيالگ يوم من ايامٍ السنه يلي جوها متوسط
لان بردها قارص جداً وحرها مُتعِب جداً
الله يحفظكم

**ريم الرميثي** · 08/02/2017 02:03 PM

أرسل أصلا بواسطة أهلا هلا بك

@ريم الرميثي
موضوع جمييل الصراحه

المخيمات اللي موجوده حلوه
ومهيئه

أحسن شي عجبني العرسيه

رهيييييييبه شكلها

صح وين @كمست

مرورگ الاجمل @أهلا هلا بك
تفضل اي وجت جـآن تبا تطاعمها

تسلم

**ريم الرميثي** · 08/02/2017 02:04 PM

أرسل أصلا بواسطة وآحد كنوخي

احلى موضوع عندي

لاني شسمه احب بديه

بارك الله فيك

موضوع مال ابداع

@واحد كنوخي
يسلم لي مال مرورگ

وبديه ترحب بگ اي وجت

انتم مال الإبداع كله

**ريم الرميثي** · 08/02/2017 02:06 PM

أرسل أصلا بواسطة السحاري122

يا حلاة بديه روعه بأهلها وناسها ورملها ..
تقري رائع جدا جدا
سلمتي ريمو ..

@ريم الرميثي

@السحاري122 تسلم لي عمي

مرورگ أسعدني

انتم وتواجدكم الأروع

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: رحلة سياحية ترويحية "بدية" ذآت الرمال الذهبيه

أدوات الموضوع

البحث في الموضوع

نمط العرض

رحلة سياحية ترويحية "بدية" ذآت الرمال الذهبيه

مواضيع مشابهه

[ معروض ] """""""""""""""""""""(( بوشر الحي التجاري المرحله بسعر ممتاااااز جداااا ،، فرصة))"

بالصور / شارع الموت الاشخرة _جعلان """"""" الرمال المتحركه

مكياج وتسريحات اللمسه السحريه. كوني ملكه اينما كنتي. """""""""""""""""""""""

رحلة إلى مكة والمدينة (روحية " ثقافية " سياحية ) أحجز مقعدك!!!

استفسار بخصوص رحلة الى اوروبا ميونخ "المانيا" زيلامسي"النمسا" انترلاكن "سويسرا" ستراسبورج "فرنسا"

قواعد المشاركة