عدسات FX-R v3 التركيب من أيدي ... الموضوع متجدد

[العدل اساس الملك]

الســلام عليكم

غبت عنكم فتره لااااه


هههههههه

المهم هذا الشهر بديت اعمل تجربة بنفسي الي هو تركيب عدسات الاف اكس ار الجيل الثالث
عندي ليت كنت عارضنه للبيع محد بغاه
قلت ليش ما اجرب العب فيه
قبل كل شي تابعت مواضيع في منتديات اجنبية بخصوص تركيب هذه العدسات وكيف الاشياء الي تطلب تكون معك عشان تضبط معك صح
شاركت معهم وستفسرت بعد ذلك شفت اموري انها بتكون طيبة
قلت يلا نبداء العملية



هذا ليت الي بغينا نلعب معاه شوي فيه عدسه اتش سفن جاهزة ونريد نبدلها بعدسه الاف اكس ار المشكله انه هذه العدسه صغيره مقارنة بالاف اكس ار يعني سالفة لازم في قص وحفر ولصق وكل الناس تبتعد من هذا شي وحتى بعض اصحاب المحلات .. بس فيه اشياء لازم تكون متوفره معك عشان تضبط معك الامور بخصوص هالشي والحمد الله انا وفرتها
بعد فتح ليت هذه مقارنه بين عدسة الاف اكس ار والاتش سفن الي جاية في ليت جاهزة







صح نسيت اوريكم شي
بعد ماطلبت عدسات مع لمبات D2S
جربت الاضاءة قبل كل شي عن اسويه ... بصراحه اضاءة لذيذه ماعرف هل لذتها طالعه من العدسه ام لمبات .. لان لمبه الي راح استخدمها اسمها موريمتوا أكس بي لون 4500k
حسب تجربة من شركة تي ار اس بان هذه لمبات قريبة من اداء لمبات اوسرام وافضل من فيلبس وطبعا من هذا نوع يوفر للاتش ون والاتش سفن ونفس الاداء اذا كانت جودة العدسه ممتازه
طبعا هذا فيديو للاضاءة
شوفوا الفرق بينه اضاءة في العدسة جديده وبين عدسة ميني اتش ون فرق كبير جدا


نكمل معكم صور
هذه صور توضح الصعوبة الي راح توجهني في تركيب هذه العدسه في مكان العدسة الاتش سفن







طبعا عشان نعمل القص والتوسيع والحفر عشان يتناسب مع العدسه
نبغى حاجه اسمه دريمل
هذا دريمل طفحلي حياتي
خمس اياااام وانا ادور عليه خفت ان ماحصله هنا في سلطنه واضطر اطلبه من النت وانتظر مره
دورت اول شي في البلد ماحصلت
دورت في مسقط في كارفور والصناعية وماحصلت
وشفت حد هنا يبيع دريمل في سبلة بس مشكلته بعيد في صحار
وبعد 5 ايام اكتشفت انه موجود في سلطنة وتحديدا في روي .. نسيت اسمه المحل بس موجود معه كل انواع دريمل انا كنت محتاج حال اي دريمل فاخذت اقل نوعيه لانه رخيص

هذا هو دريمل ... جبناه .. ينفعنا بعده حال سن سكاسكين حال لحم العيد لانه مابس يقص .. يسوي عدة وظايف اخرى غير القص




بعد القص صرنا نتهيا حال صبغه للون الاسود
فكرت اصبغه اسود لانه بلاستيك ليت الي قدام جاي لونه اسود وراح يطلع رهيب مثل شكل عدسات في نسيان بترول الجديد حول العدسه جاي اسود



بعد صبغ


والحين الكل يستال يالله الحين قصيت وحفرت
كيف راح تثبت العدسه فيه !؟
سهله
فيه حاجه اسمه لحام او غراء لاصق يجي 2 في كرتون طبعا انا طلبته
واحد جاي لونه اسود وثاني رمادي
سكب شوي من رمادي وشوي من الاسود
وخلطه مع بعض في ثواني فقط
بعدها حطه في مكان تبي تلحم فيه او تلصق فيه العدسه
شركة تي ار اس متخصصه في هذا الامور توفر هذا لاصق وتنصح الزبائن يستخدموه اثنا تثبيت مثل هذه العدسات وشفت تجارب في منتدى اجنبي واليوتيوب بخصوص هالشي وتجارب ناجحه
وهذا الغراء راح تخلي العدسه ثابته وماتهتز



بعد الترهيم
شوفوا الحين الفرق بين القديم والجديد






هذا الخطوه جلست عليها فتره طويله ومتعب بصراحه
بس لما جيت في الثاني كان اوكي وخلصته في يوم

وهذا بعد ماخلصت كامل في تركيب العدسه







عرفتوا الحين ليش صبغته بلون الاسود

طبعا وش باقي لنا الحين في هذا التجربة
تشيك على وزنية العدسه اذا كانت مايله او سيده
انا شيكت عليها اليوم وحسب قياسي انا كيف راح يكون ثابت ليت على سيارة وزنية بتكون اوكيه
بس مامتاكد لحد ماثبت ليت بدل ليت الحالي الي في سيارة
انا كان مفترض ترهيم اعمله مع تشغيل الاضاءة في العدسة بس نسيت

وشي ثاني تسكير ليت .. طلبت سيلكون جديد اصلي من موقع الامزون وايضا هذا نوع يوفر من موقع شركة تي ار اس وبعض شركات الي مختصه في هذه الامور
هذا سليكون يضمن لك بان 3 او اكثر ماراح يتسرب لك شي داخل ليت اذا استخدمته صح



هذا هو سليكون

وهذا فيديو يوضح كيف تركبه عشان تغلق ليت


طبعا هذا الموضوع راح يكون متجدد لحد ماتظهر النتيجة التجربة
خلال هالاسبوع او سبوع الجاي ان شاء الله بتظهر النتيجة

بصراحه لو نجحت هذه التجربة مفكر اني اعمل ترهيم ليتات لسيارات ثانية سواء ان كانت عدسات هذه او عدسة الاتش ون وراح اوفرها للبيع
بنكسب فيها خبره والرزق خاصة انا الحين قريبا وبتخرج وبتكون معي فتره بين وظيفة وبين التخرج
مثل مايقولوا بداية الغيث قطره

تابعوا معنا النتيجه

[thug626]

يعجبني الشخص اللي يحاول و يشرح بروح طيبة امثالك
بعكس الشخص اللي يتفلسف و ينتقد الاخراين من الاعضاء و يستهزء و هو أصلا صفر على الشمال
أحييك عزيزي على هذا الشرح الرائع و التجربة الفريدة كثر الله من أمثالك

[سيباوي كول]

ما شاء الله عليك تقرير متكامل و الكامل الله


تشكر عزيزي و الله يوفقك يا رب

[كوكب الأرض]

ما شاء الله عليك تجاربك ممتازة
ونفس الوقت تفيد نفسك وتستفيد منك الناس
وعقبال نسمع عنك فاتح محل لنفس تجاربك

[فارس الحروب]

شغل عدل
بنستفيد منك خصوصا انا ناوي من فتره اغير عدسات الوكالة

[terbo911 343]

ما شاء الله عليك ...

ما مقصر في العدسات وامور الإضاءة ..

ومطول الغيبات جاب الغنايم ..



تشكر صديقي ومتابعين معك

[العدل اساس الملك]

يعجبني الشخص اللي يحاول و يشرح بروح طيبة امثالك
بعكس الشخص اللي يتفلسف و ينتقد الاخراين من الاعضاء و يستهزء و هو أصلا صفر على الشمال
أحييك عزيزي على هذا الشرح الرائع و التجربة الفريدة كثر الله من أمثالك

تسلم اخي على مرورك ..

[العدل اساس الملك]

ما شاء الله عليك تقرير متكامل و الكامل الله


تشكر عزيزي و الله يوفقك يا رب

تشكر على مرورك ^^

[العدل اساس الملك]

ما شاء الله عليك تجاربك ممتازة
ونفس الوقت تفيد نفسك وتستفيد منك الناس
وعقبال نسمع عنك فاتح محل لنفس تجاربك

ان شاء الله ^^
وتشكر على المرور

[العدل اساس الملك]

شغل عدل
بنستفيد منك خصوصا انا ناوي من فتره اغير عدسات الوكالة

بس ولايهمك احنا حاضرين خخخخخ

وش نوع سيارتك ...

تشكر على المرور

[العدل اساس الملك]

ما شاء الله عليك ...

ما مقصر في العدسات وامور الإضاءة ..

ومطول الغيبات جاب الغنايم ..



تشكر صديقي ومتابعين معك

تسلم على مرورك ^^

كنت باغي انزل من اول مابادي اشتغل عليه بس قلت احسن انزل موضوع لما اكون قريب اخلص

[ghreeb aldar]

ماشاء الله شغل عدل وتجارب جميييييله جدا

بالتوفيق ان شاء الله

[ghreeb aldar]

بس ولايهمك احنا حاضرين خخخخخ

وش نوع سيارتك ...

تشكر على المرور

عنده كامري 2011 V8

[العدل اساس الملك]

عنده كامري 2011 V8

الكامري يركب لها عدسات الهيلا .. الي يسموها الايفوا اكس ار
تركب لها بكل سهوووله بدون قص ولا حاجه
والعدسه هذه ممتازه وسعرها في موقع تي ار اس يوصل بين 60 و 65 تقريبا

لو نجحت هذه التجرية مفكر اشتري هالعدسات واثبتها على شي من سيارات
حجمها كبير بس مامثل الاف اكس ار ...

[nissan-lover]

ربي يوفقك ان شاء الله
وننتظر النتيجه النهائية

[ارادتي تحطم العقود]

عجبني الموضوع بصراحه

ع فكرة انا قمت بهذه تجربه قبل اربع شهور وبنفسي ركبت هذه نوع من عدسات ع سيارتي الكامري 2004 صح العملية متعبه بعض الشي وتحتاج الى صبر بس النتيجه مبهره بصراحه الوان الطيف تظهر كلها وهذه سر عدسات fxr 0.3 طبعا انا ستخدمة معها شمعات اوسرام 5500 k المعروفه بنصاعة بياض الاضائه وقوة الوان الطيف وكنت مستخدم معها مكائن زينون صينيه 55 وات وقبل شهر طلبة مكائن اصليه الهيلا المعروفه بقوة اضائتهاا ولان والحمد الله راكبه ع سيارتي وفليل اضائتها جميله جدا ع فكرة الديم والفول ليت بنفس العدسه يعني ما يحتاج تستخدم شمعه ثانيه للفول ليت, اهم شي تحكم غلق ليت جيدا علشان ما يدخل فيه الغبار والماء وبعد ذالك عيش حيااااتك

1- rقيمة العدسات من موقع ايباي مع شحن تساوي 55 ريال
2-قيمة لمبات اوسرام d2s 5500k الاصليه تساوي 85 ريال
3- قيمة محولات الهيلا الاصليه الالمانيه وليست رومانيه 60 ريال

[العدل اساس الملك]

ربي يوفقك ان شاء الله
وننتظر النتيجه النهائية

جميعا ان شاء الله
والنتيجة باتت قريبه
بكره راح ابدي في عملية اغلاق ليت ..

[العدل اساس الملك]

عجبني الموضوع بصراحه

ع فكرة انا قمت بهذه تجربه قبل اربع شهور وبنفسي ركبت هذه نوع من عدسات ع سيارتي الكامري 2004 صح العملية متعبه بعض الشي وتحتاج الى صبر بس النتيجه مبهره بصراحه الوان الطيف تظهر كلها وهذه سر عدسات fxr 0.3 طبعا انا ستخدمة معها شمعات اوسرام 5500 k المعروفه بنصاعة بياض الاضائه وقوة الوان الطيف وكنت مستخدم معها مكائن زينون صينيه 55 وات وقبل شهر طلبة مكائن اصليه الهيلا المعروفه بقوة اضائتهاا ولان والحمد الله راكبه ع سيارتي وفليل اضائتها جميله جدا ع فكرة الديم والفول ليت بنفس العدسه يعني ما يحتاج تستخدم شمعه ثانيه للفول ليت, اهم شي تحكم غلق ليت جيدا علشان ما يدخل فيه الغبار والماء وبعد ذالك عيش حيااااتك

1- rقيمة العدسات من موقع ايباي مع شحن تساوي 55 ريال
2-قيمة لمبات اوسرام d2s 5500k الاصليه تساوي 85 ريال
3- قيمة محولات الهيلا الاصليه الالمانيه وليست رومانيه 60 ريال

اهلا
ماشاء الله ليت الكامري الي عندك فيه تعب شوي وخاصة انه ضروري جدا تعمل وزنية لما تضبط عدسه داخل ليت
اتوقع فيها خطوه تشغل اضاءة ليت الاصفر العادي ووجهه على الجدار على مسافه 20 او 25 قدام وشوف الخط الي يسمى الكوت اوف وين موجود في الاصفر وعلم عليه بلصق تيب
عاد لما تثبت عدسه وتعمل وزنية ضبط كوت اوف او الخط الي يظهر فيه الوان طيف على لصق التيب تطلع معك وزنية 100% ضبط
اما لمبات الي تستخدمها ايضا ممتازه وافضل من فيلبس وتوشيبا التي تجي في سيارات تويوتا ولكزس وبعض السيارات الانفنتي وراح تحس بان اضاءة سيارتك افضل من اضاءة زينون في هذه السيارات
وايضا بامكانك تشبك الفول العادي للفول العدسه
هذه العملية ممتازه اذا كان واحد يستخدم مكائن مش اصلية لانها تحميتها مش سريعه مثل الاصلي لذلك لما تعمل فول ليت في وقت النهار مايوضح مثل الاصلي
المكائن الهيلا ممتازات في تحمية والاضاءة افضل بكثير من الدينسو وزينون لاندكلوزر VX-R في سرعة التشغيل
بس تحذر تشغل زينون والسياره طافنها لان هالمكائن تسحب كهرباء بشكل كبير عشان كذا تحميتها سريعه

[العدل اساس الملك]

اما الاشياء الي انا طلبتها



عدسات الاف اكس ار
ظفيرة عدسات من شركة موريمتو الي تركب على فيشة الوكالة
لمبات d2s من شركة موريمتو 4500k
مكائن موجوده معي

اما الاشياء للتركيب
عن طريق طلب سيلكون والغراء لاصق
محليا الي هو دريمل
طبعا مااشتريتهن في وقت واحد

[العدل اساس الملك]

وخلصنا
بس شكلي بفتح ليت الي على يسار مره
لان سكرته واخر شي اكتشفت نه مانظفت بلاستيك الاسود .. وفيه تراب شوي
يمكن من عند اروح اركب ليت بخليهم يفتحوه وينظفوه لي ويغلقوه مره بسيلكون
اما ليت ثاني نظفته

[شبح السبله]

مو ذيلا العدسات ما غاويات مالي أحسن بواجد كان باغي تشري

[العدل اساس الملك]

مو ذيلا العدسات ما غاويات مالي أحسن بواجد كان باغي تشري

لو احسن كانن مايجين اصفر
هههههههه
لا مالك الي في ليت جاهزة روعه لانهن انش 3 يعني الاضاءة تكون اعرض
انا الي عندي 2.5

[TONINO707]

شغل جميل صديقي

[Green flash]

كانت فتره لي نيه اغير للعدسات اتش ون
بس مفكر في فكسار 3,0 حال تيدا
بس للحين ماشي ماديه ولا كنت بطلب من معك
بس تتوقع يركبن فكسار ٣انش؟؟
و تتوقع كم لحد ما يبالهم تغير مره؟
و كم تكلفه عدسات ٣انش و مع سيلكون
و ابا زينون محترم بشو تنصحني؟؟

[العدل اساس الملك]

أسف على التاخير
كانت عندي مشكله في كمبيوتر
ماقدرت ادخل
اليوم صلحته
وبعد كنت خارج البلد (سمائل)


المهم ثبتنا ليتات على السيارة
والاضاءة رهيبه بصراحه
التجربه شبه ناجحه
فيه اشياء بسيطة مثل العدسه على يسار شوي بشكل بسيط جدا مايله على اليمين
اما الباقي الامور الطيبه الحمد الله لحد الان
شبكت الفول العدسه مع الفول الاصفر العادي .. الفول بصراحه شي
مفكر اشتري فول هالوجين فيلبس نوعيه اسمها اكستريم فيشن للفول هذا تعطيك اضاءة اكثر من الهالوجين العادي طبعا لون الاصفر قريب من الابيض

اتتركم مع صور
فيه صور ثانية بصورها عن طريق كاميرا احترافية مع فيديو

[العدل اساس الملك]

كانت فتره لي نيه اغير للعدسات اتش ون
بس مفكر في فكسار 3,0 حال تيدا
بس للحين ماشي ماديه ولا كنت بطلب من معك
بس تتوقع يركبن فكسار ٣انش؟؟
و تتوقع كم لحد ما يبالهم تغير مره؟
و كم تكلفه عدسات ٣انش و مع سيلكون
و ابا زينون محترم بشو تنصحني؟؟

اهلا اخي بعطيك روابط الي انصحك تشتري منهن البضائع برسلك اياهن على الخاص

خلي في بالك الي محلات الي هنا ماينفعوك مايعرفوا يركبوا الاف اكس ار

شوف هذا فيديو وفيه طريقة التثبيت


حاول تشتري ليت تجاري من نوع ديبو او تي اي سي المهم يكون ميد ان تايوان وتشتغل عليه
والي عندك الحين خليه كاحتياط لو صار شي لاسمح لله ..

[فارس الحروب]

رائع جدا جدا
مبدع ف التنسيق انواع العدسات

[العدل اساس الملك]

المزيد من صور هناك فيديو انتظر فقط يعمل ابلودنج في يوتيوب

[العدل اساس الملك]

هذا فيديو

انتهت التجربه الحمد الله ..