أفضل نوع مخفي حراري!

[ربان المحبه]

هلا بالجميع!

حاب اركب مخفي حراري النوع الاصلي لكامل السيارة
والسيارة جديده ف ياليت تدلوني على افضل نوعية يضمن عدم دخول الحراره او التقليل بأكبر قدر ممكن
تعرفوا الدنيا لاهوووووب

مع الاسعار اذا ممكن
ومشكورين مقدما

[NITRO]

اهلا بيك عزيزي

اي عازل بتقنية النانوسيراميك هو الافضل حاليا وحسب علمي انه الشركات اللي حاليا معهم النانوسيراميك هم جيوشلد ولومار وماركة الخنجر وزيبارت اعتقد
والارخص اعتقد هم فن للسيارات ماركة الخنجر

هن طبعا يقللن الحرارة (يعني الحرارة بتحصلها موجودة)

وفيه نوعيات مع لومار(اير بلو)وفن للسيارات(كرستال)
هذي العوازل تجي شفافة وماكأنك مركب عازل وقويات جدا بالعزل

الاسعار الافضل انك تزور الفروع بنفسك لانه يمكن عندهم تخفيضات او ماشابه

[شبح السبله]

Action

[terbo911 343]

من ناحية تقليل الحرارة ..

تكون بشكل بسيط .. ومثل V- COOL .. ما حسيت بالفرق قبل وبعد التركييب .. ومرات الاهوب يحتبس داخل

النانوسيراميك. .. اشوف الشعب يركبووه .. لكن ما جربت


موووفق اخي

[alostorh10]

اشوف اغلبيتهن سيما خت مقزح

افضل اركب نوع عادي مال 40 ريال فلمين فوق بعض اشوف العزل مره ما يحتاج

[Green flash]

انا مركب بو مال 5 ريال صح تركيب بايخ بس الحمدلله الحراره خفت
و افضل انواع لومار احس
شوف في سبله مستلزمات واحد يجيبلك المخفي
و في محل يركبه و كله يجي 90 او شوي اكثر
طبعا حسب عزل ووو
بس افضل من وكيل
من عنده يمكن ب 90 و عند وكيل 180

[nissan-lover]

انا جربت في كول ف سيارتي السابقه
ما اقول ماف حراره لكن لما تشغل المكيف ثواني وتبرد السياره
السكان ما يحتر
المخفي زين والحلو فيه ضمان كم سنه
السعر كان ف حدود 300

وحاليا مركب 360 بس علشان ما اظلمهم مركب مال رخيص عزل 75 تقريبا
رخيص وقريب من أسعار المخفي العادي
فيه عزل حراره لكن ما لهذيك الدرجه لكن يساعد = يمكن لاني مركب الرخيص
التركيب ممتاز
الضمان 4 سنوات مقارنه بسعر المخفي اشوفه شي زين ..
السعر 80 تقريبا

نصيحتي مخفي 360 وشمسيه بريال ونص والمون روف مرفوع والدنيا بخير
بالتوفيق

[CarGuy]

ما في مخفي يساعد اذا توقف سيارتك تحت الشمس, المخفي يفرق يوم واقف تحت الظل و بعدها تروح مشوار.
جربنا V kool, Johnson و Zeibart و صراحة ما شي فرق ملحوظ بينهم. بس التركيب مال جونسن ما زين.
في كول اغلى شي حوالي 300
جونسن 180
زيبرت ما متاكد بس حوالي 200
صراحة من هذيل الثلاث انصح زيبرت لانه عندهم كمبيوتر يقص المخفي, بس يكتبو اسم السيارة و موديله. و يقص بالضبط مقاس الجامات.

كاني سويت دعاية حال زيبرت

[teves oman 11]

واحد من أصحااابي ركب قبل اسبوعين تقريباا من لومار بتقنية النانو سيراميك ويقووول شي رهيب لانه جرب الفيكول ع سياراتهم السابقة ويقولي شفت هذا أفضل...

واتوقع قالي القيمة ب300 جرب ورووح شووف ايش عندهم والاسعار ولا تتسرع....موفق

[MICHEAL PLATINI]

لمخفي زين
بس سيارتي بدون مخفي وعادي
بس اشوف لجامة تجي سودا فالشمس كذا من الوكالة جاي, والحمدالله مشي الحال ما احس بحرارة

شباب يركبو لومار ينفع ويقلل لحرارة وسعره ما واجد غالي مقدور عليه
موفق

[واحد غريب]

شوف لا تركب مخفي بقيمه فوق 100 ريال كلهم ما يفيدوا
عندنا اصلن المخفي بروحه يصرخ يبى حمايه من الشمس

والجماعه عندنا ضرب فلوس والحياه تمشي والشمس موجوده

والحين عاد جاينك الشتاء مراح تحس بقيمه العازل الي راح تركبه
اذا ركبت غالي ولا رخيص كلهم واحد النتيجه

[CarGuy]

لا ما كلهم واحد
واحد من سيارات البيت حاطين فيه مخفي بو 30 ريال, الحين صارله سنتين بس و اللون راح.
في فرق بينهم لكن اتفق انه اسعارهم فوق

[silver bullet]

بو رخيص يروح لونه ويقل كفاءته

ركب لك ماركة احسنلك