تجربتي فـــي تركيـــب اجزوزات LS 460 في سيارتي GS بـــالتفصيــل وبالصور

[سفير الواسطة]

السلام عليكم أخواني

طبعا أحد الأعضاء طارح موضوع تركيب اجزوزات 460 على افالون 2011
ورديت عليه ف تجربتي في تركيب هالاجزوزات في سيارتي GS 300 موديل 2002
حطيته كموضوع مستقل حتى الكل يستفيد او عشان تكون عنده خلفيه ف كيفية تركيب هالاجزوزات

طبعا مر التركيب بعدة مراحل وراح اسرده لكم بالتفصيل


هذه صورة الاجزوزات تم جلبها لي من الامارات ب 37ريال قبل سنة تقريبا





وهذه صورة سيارتي قبل التركيب




طبعا ركبت الاجزوزات ع طول ف البنفر بدون أي تفصيل او فيبر جلاس بحيث تم قص البنفر حول الاجزوزات القديمة
وتم تثبيتها بالمعجون والبلوط فقط كما ف الصورة



كما ملاحظين ان الاجزوزات مظهرن مب حلو بحيث ماخذات حيز كبير ف البنفر ومب على مستوى مستقيم
فما عجبني شكلهن ،،،، عزمت اني اعمل تفصيل فيبر جلاس عشان يضبطن صح
وراح تشوفون السيارة لما كانت ف المصنع يعملولها الفيبر جلاس في مراحلها الاخيرة













تم الانتهاء من عمل الفيبر جلاس وبعدها وديتها الجراج عشان الصبغ
وظهرت السيارة بهذا المظهر











الحين شوي ظهرت بشكل احلى عن قبل
ولكن حسيت انه بعدها يبغالها تضبيط فرجعتها مرة ثانية المصنع
بحيث يكون الخط اللي اعلى الاجزوزات يبدأ من نصف البنفر الجانبي الى نصف البنفر في الجانب الآخر
فظهرت كما بتشوفون في الصور











هنا تعدلت وصارت أكشخ وبعد مرور اكثر من شهرين جتني فكرة ان الخط بين الاجزوزات حبيته يكون
متواصل من اسفل الاجزوز الاول الى اسفل الاجزوز الثاني وصبغ اجناب الاجزوزات بالابيض
فظهرت كما بتشوفون ف الصور











بعد ما ظهرت بهالشكل ابقيتها كما هي الى يومنا هذا والحمد لله اموها طيبة

كانت عندي افالون 2006
وكنت افكر اعدلها واعمل لها زوائد فيبر جلاس
وعدلتها بالفوتوشوب عشان لما اروح المصنع اخبرهم يعملولي مثل اللي ف الصور
ولكن ما عزمت لاني بعت السيارة
وهذه هي صور السيارة اللي عدلتها بالفوتوشوب













هذه كانت تجربتي مع تركيب اجزوزات ال460
وكلفتني تقريبا 70 ريال من غير سعر الاجزوزات 37 ريال
العملية كانت متعبة بعض الشي في مكوث السيارة في المصنع ثم الجراج
تحتاج الى صبر حتى تشوف السيارة مثل ما تتخيله ف عقلك


اتمنى اني افدت الجميع ف طريقة التركيب
تحياتي للجميع

[سيباوي كول]

شكرا لك عزيزي تجربه رائعه و عمل موفق ولكن يحتاح الى صبر

وانا من النوع اللي ما صبور في شي يخص سيارتي

[ViiP]

دائماً تعديل السيارات ينمي في الشخصو خصلة الصبر

سيارتي في الصيانة من ٢٨\٠٣ وإلى اليوم!!! وإن شاء الله يطلع شي يرضيني

السيارة جميلة أخي وتعديل جيد

[خليل يعقوب]

عمل جميل
وبالفعل زي ماذكر احد الاخوة
هو الانسان يحرك نفسه ويجرب مرة و2 و3 لا شك بانه راح يتحول من فكرة ثم محاوله الى عمل حقيقي
طبعا الاخطاء واردة وهذا يحصل مع الجميع . ومن هذا الخطأ الانسان يصبح ناجح
بارك الله فيك

[سفير الواسطة]

بارك الله فيكم أخواني على المرور
وبالفعل العمل هذا يحتاج صبر وانتظار
يعتمد على زحمة السيارات اللي ف المصنع
وعلى الستايل اللي تريده والوقت اللي قد يستغرق تنفيذه بالاسابيع يعتمد على الستايل اللي تريده وعدد العمال اللي بيشتغلون فيه
من غير عند الانتهاء من العمل بيجي دور الصبغ وهذا ف جراج
واحتمال الشغل يضبط واحتمال ما يضبط يعتمد على حسب خبرة العمال
واذ ما عجبك الشغل لا تيأس
خبرهم بالأشياء اللي تريد يعدلوها
المهم لا تطلع السيارة من المصنع الا وانت راضي عن مظهرها

[hasooon]

احيك صراحة اخوي، بالنسبة اذا بغيت افصل نفس الكت الي عملته بالفوتوشوب، اقصد بالفايبر جلاس وين بالضبط وكيف بالنسبة للاسعار ؟

[سفير الواسطة]

احيك صراحة اخوي، بالنسبة اذا بغيت افصل نفس الكت الي عملته بالفوتوشوب، اقصد بالفايبر جلاس وين بالضبط وكيف بالنسبة للاسعار ؟

بارك الله فبك

بالنسبة لموقع المصنع فهو ف مسقط/المعبيلة الجنوبية/الصناعية
حددت الموقع عن طريق الخريطة وعسى انها تفيدك اكثر





بالنسبة للاسعار يعتمد على نوعية الستايل اللي تريده
فمثلا الزائدة الامامية للأفلون اللي ف الصورة قد تكلف بين 30 الى 40 ريالا والخلفية بين 50 الى 60 ريالا
هذا من غير تكاليف الصبغ

[NITRO]

ماشاء الله عليك مبدع وصاحب ذوق رفيع صراحة
والحلو فيك انك ماتوقفت وكان عندك ثقة انه لو سويت كذا بتطلع اهيب
احييك على عملك الرائع

الله يعطيك من خيرها ولاتبيع السيارة
وفيه فئة من الافالون تجي بنفس تخيلك ومقاربة




اللي يريد السيارة
http://sharjah.dubizzle.com/ar/motor...PQ%3D%3D&pos=1

الى الامام دوما

[hasooon]

بارك الله فبك

بالنسبة لموقع المصنع فهو ف مسقط/المعبيلة الجنوبية/الصناعية
حددت الموقع عن طريق الخريطة وعسى انها تفيدك اكثر





بالنسبة للاسعار يعتمد على نوعية الستايل اللي تريده
فمثلا الزائدة الامامية للأفلون اللي ف الصورة قد تكلف بين 30 الى 40 ريالا والخلفية بين 50 الى 60 ريالا
هذا من غير تكاليف الصبغ

بارك الله فيك اخي مشكوووووووووووووور

[blue262]

شكراً على مشاركتنا لتجربتك الجميلة

والأجمل هو عدم توقفك للنتيجة الأولى إنما عدلتها و ضبطتها أكثر


موفق

[supa snake]

تعجبني المشاريع الشخصيه جدا في عالم السيارات
ولكن جزوز كامل او كت باك فقط

[blue262]

تعجبني المشاريع الشخصيه جدا في عالم السيارات
ولكن جزوز كامل او كت باك فقط

أعتقد إنها Tips فقط

[سفير الواسطة]

شكراً على مشاركتنا لتجربتك الجميلة

والأجمل هو عدم توقفك للنتيجة الأولى إنما عدلتها و ضبطتها أكثر


موفق

التجربة الاولى كانت عشان اشوف كيف بيظهر شكل الموتر من الخلف
فكانت النتيجة غير مرضية
فابتكرت تصميم آخر عشان اخلي قياسات الاجزوزات مناسقة للبنفر وايضا متناسقة مع انابيب اجزوزات الوكالة
فكانت تجربة صعبو وخاصة انه لازم تضبط القياسات وفي حالة ما ضبطت راح يختل مظهر السيارة من الخلف

[سفير الواسطة]

تعجبني المشاريع الشخصيه جدا في عالم السيارات
ولكن جزوز كامل او كت باك فقط

فقط بدي كت تفصيل عزيزي

[عـزيز النفس]

بصراحه شغل مضبوط وطالعه السياره وحش
واحلى شي سويته لما خليت الخط يوصل من طرف الجزوج ل الطرف الاخر


استفسار اخوي اذا عندي صورة بنفر بأمكان المصنع يسولي نفسه؟
بس انا ما اريد زوايد اريد بنفر كامل..

[Marwan R34]

تجربة رائعة
يعطيكـ العافية

[سفير الواسطة]

بصراحه شغل مضبوط وطالعه السياره وحش
واحلى شي سويته لما خليت الخط يوصل من طرف الجزوج ل الطرف الاخر


استفسار اخوي اذا عندي صورة بنفر بأمكان المصنع يسولي نفسه؟
بس انا ما اريد زوايد اريد بنفر كامل..

تسلم ع الاطراء الطيب عزيزي

طبعآ بأمكانه يعملك بنفر كامل

[سفير الواسطة]

تجربة رائعة
يعطيكـ العافية

الله يعافيك عزيزي

تسلم ع المرور

[العدل اساس الملك]

حلووو طالع الشكل السيارة
موفق

[alostorh10]

الاجتهادات الشخصيه دائما ينتج عنها رضى صاحبها

جميل جدا اخي
وتعديلك طالع ضبط

[سفير الواسطة]

الاجتهادات الشخصيه دائما ينتج عنها رضى صاحبها

جميل جدا اخي
وتعديلك طالع ضبط

الاهم ف الموضوع ان اذا شكل الشغل ما عجبك فتأكد انه ماراح ترتاح لمنظر السيارة لآخر يوم هي عندك

[sir 99]

بالتوفيق