العرسيه باللحم مع ترشه الزبيب بطريقه اهل المضيبي يميييييييييييييييي دشوا وجربوها

[الصارميه]

مرحبا صبايا كيفكم

حابه اخبركم طريقه العرسيه باللحم مع الترشه الخاصه باهل المضيبي اللي ما استحلي غيييييييييييييييييييييييي ييييرها وانصحكم تجربوها واوعدكم بتخلصوا مرجل العرسيه ف اي مناسبه خخخخخخخخخخخخخخخخخخخخ


اولا العرسيه
العيش

بالنسبه لعدد الاكواب حسب الكميه اللي تريديها وحسب نوع العيش اللي تستخدميه تعرفي الكميه المتوقعه تسوي ف مله كبييره تغسليه بالماي وترخفيه تخليع ع جنب


اللحم او الدجاج

جيبي لحم غنم يستحب وبالكميه اللي اللي تريديها يعني لو حجم متوسط سوي مال 5 كيلو لحم واغسليه وسويه ف صفريه ع النار وسويله ملح وثوم وهيل فقطط لا غير وسكري عليه لين ينظج من ينضج خليه شوي يبرد وبعدين ابدي فتييه قطع صغيره وبدون شحم لازم طلعي الشحم والعظم برا من تخلصي خليه ع جنب . ملاحظه لمل ينضج اللحم لا تنشفي كل الماي اللي فيه خلي السوب ماله شوي عشان بنسويه ف العرسيه

الدجاج : قطعي الدجاج قطع متوسطه وحطيه ع النار مع شويه ثوم وفلفل اسود وملح وهيل ونفس الشي لا تنشفي السوب تبعه


**** الحين نبدا نسوي العرسيه جيبي صفريه واسعه حسب الكميه سويلها ماي خليه لين يغلي وكبي العيش عليه بعد ما تتخلصي من الماي تبع العيش المرخف وتكبي عليه اللحم او الدجاج والسوب وتقيسي الماي بحيث ما يكون ناشف ولا يكون واجد لين يصير ماي ماي لازم تكون العرسيه وسط ومتماسكه وتظيفي عليه الملح والزيت او سمن حسب الرغبه وتخليه يغلي مع بعض لين تشوفي بدا العيش يتشرب الماي بس ما نشف عاد خفي عليه النار وغطييييييييييه



الترشه يمممممممممممممممممم

المكونات : زبيب احمر منظف من الخشب , عسل يفضل دبس او عسل نحل حلو , قرفه , ثوم ,فلفل احمر وليمون


الطريقه بعد ما تنظفي الزبيب من الخشب لو ما جاهز ترخفيه ف ماي ف مله مال ربع ساعه تقريبا بعدين تجيبي خلاط وتسكبي فيه الزبيب مع شوي ماي عشان لا يخترب الخلاط وتخلطي لين ينعم ع الاخر وطلعيه تسويه ف صفريه ع النار تظيفي له الثوم مخلوط عشان ما يبين والقرفه مقمشه او مقمشه ونص مال اكل وفلفل احمر نص مقمشه خفيف وعسل مال جلاص ماي عادي وشوي ماي وسط يعني لا تترسي الصفريه وخلاص تخليه ع النار ينضج الزبيب مع المكونات مال نص ساعه يمكن ع نار متوسطه لين يجهز يكون ثقيل شوي يعني وسط لا انه ناشف ولا انه ماي ماي وخلاص سكري النار يعتبر جاهز


*** بالنسبه للعرسيه شيكي عليها لو نشف الماي خلاص وحاولي تحركيها شوي شوي ما تقلبيها بس بالمقمشه مال خشب حركي كل مره جزء واذا جاهزه طلعيها م النار وابدي عمليه ( النجر ) اللي هي خلظ العرسيه البعض منهم يسوي بملعقه خشب او بزور النخيل او في مكاين خاص كانها دريل نخلطي بها العرسيه لين ما يبن شو مكوناتها يعني تصير عجينه كل شي منهرك فيها

**** التقديم
تسوي العرسيه ف صحن والترشه ف مله صغيره ةتغمصي العرسيه ع كل لقمه ف الترشه


وهنا وعااااااااااااااافيه واول مال احصل صور بنزلها لكم

[قهر الماضي]

اممممممم شكلها لذيذه
في انتظار الصور
تسلم ايدك

[فجر الهدى]

ماشاءالله طريقة كثير سهلة وحلوة
بس لو منزله صورة الموضوع بيكون احلا^_^

[فجر الهدى]

ماشاءالله طريقة كثير سهلة وحلوة
بس لو منزله صورة الموضوع بيكون احلا^_^

[فجر الهدى]

عرسيتنا^_^

[الصارميه]

تسلموا ع المرور حبايبي مشكله الحين متوحمه ع العرسيه من امس ههههههههههههههههههههههههه ه قلت اخليكم تتوحموا معي ههههه واخبركم الطريقه بس جد جربوها وادعولي لان طعمها ماشي مثله

[الصارميه]

ع فكره في طرق كثيره للترشه بالتحديد ويختلف حتي ف نفس الولايه وفي منهم يسوا فيها لحم وكبد وبهارات وطماط ومدري شو عشان تكون ثقيله ويحلوها ع العرسيه بس هالطريقه من احترامي للي يستخدمها انا ما تعجبني ابدا واستغفر الله اتلوع منها بمجرد ما اشوفها بس جربوا طريقتي وشوفوا الفرق لان الزبيب كافي ان يخلي الترشه ثقيله مع العسل والثوم والقرفه وفلفل الطعم فظيع ما تعرفي حلو او حامض شوي عشان الزبيب مع فلفل عشان كذا مافي داعي تخلطوا اشياء واجد ويخترب الطعم ولا تحلوها كانها صالونه ف العرسيه كانه صالونه وعيش بس غمصوا شوي ع كل لقمه لاني ما احب هالمنظر كنه مرقه
جربوا وخبروني رايكم

[لولية]

شهيتينا يالصارميه على العرسيه.وهو في أحلى من عرسيه أهل المضيبي
يبدعوا فيها .في وحده تسويها من تاكلي منها ماتشبعي .بس الترشه غير
مانحطلها عسل يكون مسوين سح مع ماي يكون من فتره ونستخدم الماي
مع الزبيب...
خلاص ضربت بالراس بنسويها اليوم

[الصارميه]

شهيتينا يالصارميه على العرسيه.وهو في أحلى من عرسيه أهل المضيبي
يبدعوا فيها .في وحده تسويها من تاكلي منها ماتشبعي .بس الترشه غير
مانحطلها عسل يكون مسوين سح مع ماي يكون من فتره ونستخدم الماي
مع الزبيب...
خلاص ضربت بالراس بنسويها اليوم

فديتك حبي انا بروحي خاطري فيها ههههههههههههه عشان كذا منزله الموضوع وبالنسبه لطريقه الترشه اعرف زمان كانوا يسوا سح بس الحين نستخدم الدبس او عسل واليوم روحي وسوي نفس طريقتي ورسلينا الصور وخبريني رايك بالطعم

[المحبة الطاهرة]

فوادي فيها

[الصارميه]

فوادي فيها

فديتك سويها ورسلي لنا الصور

[براءه86]

يالله ضربت في الفواد

تو فوادي فيها

وانا في الدوام ولا غدا ولاهم يحزنون


اوف ذي العرسيه بو ما نذوقها الا في العيد

[أنهار 90]

فوادي ف عرسيه ..

جوعتينا من الصباح ي اختي

[رقيقه وحيل محبوبة]

احنا نضيف لها صبار (تمر هندي) لا حلوه ولا حامضه بس تميل للحلو لان العسل يغلب بس تخف حدة السكر من الترشه...
ونسوي العكس دجاج ف العيش ولحم ف الترشه....
مسقط

[ميار500]

����الحين يبداء اسوي العرسيه للافطار مع الترشه

[تيما]

سلم يدك من كم يوم خاطرى فى عرسية

[label]

اختي الصرمة

اشكرك من الاعماق

اعطيها الوصفه للاهل عشان يعلمو عليها الشغاله من فترة ادورها

[الإخلاص]

ماشاء الله

احب العرسية جدا
بس بالدجاج ماصار اني جربتها باللحم

فكرة الترشة جديده على متعودين عليها فيها زبيب وثوم وسكر وكبد وغيره وحد يسوي لها صلصة
عني ما احبها حارة لكن احبها تحرق شوي

[asma al busaidi]

نحنا ما نضيف اي دهن للعرسيه الا وقت الاكل

ونحن اهل الداخليه نسوي الترشه بالزبيب والخل يلي تسويه امهاتنا
يعني ننقع الزبيب لمده 3 ساعات واكثر
وفي الخلاط نخلط الزبيب المنقوع وخل وثوم
وعقب ما نطحنه نخليه يثور في النار واذا ما حاره نضيفلها شوية سكر
وشوية بهار
ونقدمها بارده ما حلوه وهيه ساخنه تاكل مع العرسيه

[واسطة العقد]

ماشاءالله
العرسية جميلة في كل منطقه
احنا نضيف دنجو في الترشه مع الزبيب وشويه لحم او دجاج ماتكون ثقيله كثير .

[maysharqia]

����الحين يبداء اسوي العرسيه للافطار مع الترشه

هههه العرسية يلها سنتين