زيت المحرك

[ابن الشرقية]

السلام عليكم ورحمة الله وبركاته

لدي سيارة سوناتا موديل 2006 - قطعت تقريباً 235 ألف كلم

منذ فترة وجيزة لاحظت اني كلما أغير زيت المحرك يصير أسود بعد فترة وجيزة
بمعني اني غيرت اليوم زيت المحرك بعد مرور حوالي أسبوعين تقريباً يصير لون الزيت أسود ، يعني تقريباً بعد 1000 او 2000 كلم
العادة كنت قبل أغيره كل 5000 كلم


هل المشكلة في المكينة أم غيره
أتمنى منكم الأفادة

[شبح السبله]

كل كنت تواضب عالتغيير؟! مع الفلتر؟! كيف مستوى الايل ؟! نوعيه الزيت ممتازة ولا؟!

هو شي طبيعي اللون الأسود بس أنت تقول بمره ينقلب أسود

[صاروخ بطئ]

جرب تخلي الغير على الفاضي وجرب ادوس
لو طلع دخان ابيض من اجزوز في احتمالية ايل يحترق يعني مشكلة في المكينة

[ابن الشرقية]

كل كنت تواضب عالتغيير؟! مع الفلتر؟! كيف مستوى الايل ؟! نوعيه الزيت ممتازة ولا؟!

هو شي طبيعي اللون الأسود بس أنت تقول بمره ينقلب أسود

- نعم كنت اواضب على التغيير كل 5000 كلم + الفلتر
- مستوى الأيل -- كان في حدود المعقول -- يعني وسط ما ينقص واجد بذيك الدرجة
- نوعية الزيت : من ثلاث سنوات أستخدم زيت بي بي فيسكو 2000 الدرع الحراري

[ابن الشرقية]

جرب تخلي الغير على الفاضي وجرب ادوس
لو طلع دخان ابيض من اجزوز في احتمالية ايل يحترق يعني مشكلة في المكينة

جربت أخي
ما يطلع دخان لا أبيض ولا أسود
فقط تطلع ريحه

[شبح السبله]

كيف سواقتك؟ و بعدين اللون الاسود لابد منه و شي عادي الا اذا كنت لما تعبي ايل جديد و ع طول ينقلب اسود

[Benjamin Button II]

مكينتك ماشيه كثير ، أحياناً يصير وير فرنج البساتن ويمكن تخلط زيت وبترول شوي فيسود الآيل بسرعه خصوصاً إذا عندك rich زايد فالماكينه ، نفس الشي هل لاحظت الماكينه ترفع حراره شوي أكثر عن قبل ؟!

عموماً أنصحك تسوي flush لإنه أشك عندك sludge فالماكينه ( ولو انه جونا حار ) وغير الأويل اللي تستخدمه ، فيسكو ٢٠٠٠ قدييييم ذا مال الطيبين ، جرب تحط كاسترول ماجناتيك 10w40 ( لا تخاف مناسب لماكينتك ذا ) ونفس الشي دوس عالموتر شوي شكله سواقتك هاديه ، وبالتوفيق .

[ابن الشرقية]

عموماً أنصحك تسوي flush لإنه أشك عندك sludge فالماكينه ( ولو انه جونا حار ) وغير الأويل اللي تستخدمه ، فيسكو ٢٠٠٠ قدييييم ذا مال الطيبين ، جرب تحط كاسترول ماجناتيك 10w40 ( لا تخاف مناسب لماكينتك ذا ) ونفس الشي دوس عالموتر شوي شكله سواقتك هاديه ، وبالتوفيق .

تسلم أخي وبارك الله فيك
وان شاء الله بغير نوعية الزيت إلى النوعية اللي ذكرتها وأشوف كيف الوضع
وبدوس عالموتر بس هيه تو ما هادية كثير يعني في حدود المتوسط
شاكر لك مرورك وافادتك

[شبح السبله]

مكينتك ماشيه كثير ، أحياناً يصير وير فرنج البساتن ويمكن تخلط زيت وبترول شوي فيسود الآيل بسرعه خصوصاً إذا عندك rich زايد فالماكينه ، نفس الشي هل لاحظت الماكينه ترفع حراره شوي أكثر عن قبل ؟!

عموماً أنصحك تسوي flush لإنه أشك عندك sludge فالماكينه ( ولو انه جونا حار ) وغير الأويل اللي تستخدمه ، فيسكو ٢٠٠٠ قدييييم ذا مال الطيبين ، جرب تحط كاسترول ماجناتيك 10w40 ( لا تخاف مناسب لماكينتك ذا ) ونفس الشي دوس عالموتر شوي شكله سواقتك هاديه ، وبالتوفيق .

أحسن ايل أنصح فيه دايماً 5W-30 أو 10W-30 مناسبات للجو معنا و السيرفس كل 10 الاف ^^ الايل الي أنته وصفته زين و أقرب ما يكون للايل الي هو يستعمله

و Sludge يقدر يشله من المكينه ب منتجات AcDelco أو SeaFoam و هالطريقة Safe للسنسرات و هالشي تكلمنا عنه سابقاً في موضوعي

المنتج حالياً متوفر مع OTE و يقدر الأخ يشتريه و يسويه فالوكالة أو أى مركز خدمة و ما يحتاج يدوس السيارة و يجلدها

لأن هالاوساخ لاحظناها في محركات جديدة ما كملت 40 ألف بطلنا البلك و شفنا بلاوي داخل

[ابن الشرقية]

أحسن ايل أنصح فيه دايماً 5W-30 أو 10W-30 مناسبات للجو معنا و السيرفس كل 10 الاف ^^ الايل الي أنته وصفته زين و أقرب ما يكون للايل الي هو يستعمله

و Sludge يقدر يشله من المكينه ب منتجات AcDelco أو SeaFoam و هالطريقة Safe للسنسرات و هالشي تكلمنا عنه سابقاً في موضوعي

المنتج حالياً متوفر مع OTE و يقدر الأخ يشتريه و يسويه فالوكالة أو أى مركز خدمة و ما يحتاج يدوس السيارة و يجلدها

لأن هالاوساخ لاحظناها في محركات جديدة ما كملت 40 ألف بطلنا البلك و شفنا بلاوي داخل

تسلم أخي وبارك الله فيك
بأذن الله راح أجرب النصائح اللي ذكرتها

[شبح السبله]

تسلم أخي وبارك الله فيك
بأذن الله راح أجرب النصائح اللي ذكرتها

بارك الله فيك و بعدين للمعلوميه الايل الي تنصح فيه الوكاله ل سيارتك هو 5W-20 بس ذا خفيف و أنت متعود عالثقيل ف استمر هالنوعيه الي تاخذها بس من كاسترول أو موبيل ون و تأكد أنه SN

[بطل عمان]

قم بالامور الي وجهو بها الاخوة شبح + بنجامين وان شاء الله امورك بالسليم .

[Benjamin Button II]

أحسن ايل أنصح فيه دايماً 5W-30 أو 10W-30 مناسبات للجو معنا و السيرفس كل 10 الاف ^^ الايل الي أنته وصفته زين و أقرب ما يكون للايل الي هو يستعمله

و Sludge يقدر يشله من المكينه ب منتجات AcDelco أو SeaFoam و هالطريقة Safe للسنسرات و هالشي تكلمنا عنه سابقاً في موضوعي

المنتج حالياً متوفر مع OTE و يقدر الأخ يشتريه و يسويه فالوكالة أو أى مركز خدمة و ما يحتاج يدوس السيارة و يجلدها

لأن هالاوساخ لاحظناها في محركات جديدة ما كملت 40 ألف بطلنا البلك و شفنا بلاوي داخل

لااااااااااا تستخدم SeaFoam أبداً !!! نصيحه مني .
هذا ياكل سيلات الڤالڤ أكل ... وإذا راحن عليك سيلات الڤالڤ بتلاحظ الماكينه تنقص آيل.
سوي بس مثل ما خبرتك ، غير الأويل اللي تستخدمه إلى كاسترول ١٠w40 أو ٣٠ مثل ما نصحك الأخ وامشي فالموتر مال ٣٠٠ كم .. عقه وحط أويل جديد مره ثانيه وامشي فيه لين ٥٠٠ وعقه وبعدين حطلها آيل مره ثانيه وامشي طبيعي ، وإن شاء الله يتحسن الموضوع معك وإذا ما تحسن معناتها عندك wear فرنج البساتن .

عبي بترول من شيشة المها ..

[شبح السبله]

لااااااااااا تستخدم SeaFoam أبداً !!! نصيحه مني .
هذا ياكل سيلات الڤالڤ أكل ... وإذا راحن عليك سيلات الڤالڤ بتلاحظ الماكينه تنقص آيل.
سوي بس مثل ما خبرتك ، غير الأويل اللي تستخدمه إلى كاسترول ١٠w40 أو ٣٠ مثل ما نصحك الأخ وامشي فالموتر مال ٣٠٠ كم .. عقه وحط أويل جديد مره ثانيه وامشي فيه لين ٥٠٠ وعقه وبعدين حطلها آيل مره ثانيه وامشي طبيعي ، وإن شاء الله يتحسن الموضوع معك وإذا ما تحسن معناتها عندك wear فرنج البساتن .

عبي بترول من شيشة المها ..

حبوب Combustion Chamber Cleaner ما يأثر ولا حاجه و الوكالات نفسها تسويه ^^ أنته جربته؟!

أخوي ابن الشرقيه روح OTE و خلهم يسوا لك هالمنتج حال سيارتك Combustion Chamber Cleaner و دربك خضر ^^

[شبح السبله]

^ يعني إذا الوكاله تسويه خلاص هو صحيح يعني ؟! من متى الواحد يمشي على الوكالات الله يهديك .. ذولا يالله يالله يبدلوا الأويل والفلتر بالعافيه ، حتى الأويل اللي يحطوه زباله مال درامات .

حبوب هالطريقة مافيها أي مشاكل روح أي وكاله و بتحصل معاهم ، مستحيل أي سيارة تصيبها مشاكل منه ! الا اذا الطريقة غلط ، مستحيييييل

شو فيه اويل الدرامات صديقي ؟! أنته لما عندك مبنى و تبا توفر لهم حنفيات ماي بتجلس تصب غراش ماي ولا بتشري براميل؟!

الاويل هو نفسه حتى اويل السانثيتك يجي ف براميل من شركة Mobile 1

[Benjamin Button II]

سوري حذفت ردي السابق بالغلط لما كنت أعدل فيه طشّه وهذا هو الرد المُعدل مره أخرى :

يعني إذا الوكاله تسويه خلاص هو صحيح يعني ؟! من متى الواحد يمشي على الوكالات الله يهديك .. ذولا يالله يالله يبدلوا الأويل والفلتر بالعافيه ، حتى الأويل اللي يحطوه زباله مال درامات .

" إنته جربته " ؟!
ما فهمت .. قصدك يعني جربته وشفته نظف المحرك ؟! هيه تراه أكيد ينظف المحرك .
بس بالنسبه لتأثيره على السيلات تراه أكيد ما ب يبين معك مباشره .
إجابةً لسؤالك .. لا ما جربته شخصياً ولا ناوي أجربه ، بس فأمريكا لما مواترهم يصيرلهن فشل فالسيلات ، أول حاجه الميكانيكي يقولها لصاحب السياره what the hell you poured in your car ? Seafoam ?I

..

[شبح السبله]

سوري حذفت ردي السابق بالغلط لما كنت أعدل فيه طشّه وهذا هو الرد المُعدل مره أخرى :

يعني إذا الوكاله تسويه خلاص هو صحيح يعني ؟! من متى الواحد يمشي على الوكالات الله يهديك .. ذولا يالله يالله يبدلوا الأويل والفلتر بالعافيه ، حتى الأويل اللي يحطوه زباله مال درامات .

" إنته جربته " ؟!
ما فهمت .. قصدك يعني جربته وشفته نظف المحرك ؟! هيه تراه أكيد ينظف المحرك .
بس بالنسبه لتأثيره على السيلات تراه أكيد ما ب يبين معك مباشره .
إجابةً لسؤالك .. لا ما جربته شخصياً ولا ناوي أجربه ، بس فأمريكا لما مواترهم يصيرلهن فشل فالسيلات ، أول حاجه الميكانيكي يقولها لصاحب السياره what the hell you poured in your car ? Seafoam ?I

..

صديقي شكلك ماتعرف الامريكان ايش يسووا ، هو لما يسأله هالسؤال ترا لعلمك هما يصبوه ذا فالايل و تانكي البترول

قلت لك اذا طريقتك صح دربك خضر ^^ لا سيلات ولا بطيخ

[NITRO]

بخصوص الاويل جرب تبدل اللي تستخدمه وتستخدم ماركة ثانية مثل موبيل وشوف النتيجة
لانه هناك ايلات بعضها بمرة يتغير لونها

بخصوص بعض المنظفات فالبفعل تأثيراتها تكون عالمدى البعيد
ومرات تكون كثرة الاستخدام هي ماتسبب المشاكل

وبخصوص الوكالات صدقني ياشبح اغسل يدينك منهم
واحد من زملاء الوالد ماخذ جراند شيروكي وحاليا مرماية فالوكالة لانه ماعارفين ايش الخلل
فالوكالة توجد اسهل الحلول عاد نافع او مضر اهم شي تدفع

[Benjamin Button II]

حبوب هالطريقة مافيها أي مشاكل روح أي وكاله و بتحصل معاهم ، مستحيل أي سيارة تصيبها مشاكل منه ! الا اذا الطريقة غلط ، مستحيييييل

شو فيه اويل الدرامات صديقي ؟! أنته لما عندك مبنى و تبا توفر لهم حنفيات ماي بتجلس تصب غراش ماي ولا بتشري براميل؟!
الاويل هو نفسه حتى اويل السانثيتك يجي ف براميل من شركة Mobile 1

شبح السبله .. حبيبي .. مره أخرى إذا الوكاله تسويه مش معناتها إنه أوكيه ، إنت تقول "مستحيل يصيبها مشاكل " إنت تقولها كذا بدون دليل علمي .

بالنسبه للبراميل ، أوووكي معاك بس قصدي شو يضمنلي إنه الأويل اللي فالبراميل هو نفسه اللي أريده ؟! ولّا أنا ما عندي شي ضد البراميل بالنفس أصلاً.

[Benjamin Button II]

صديقي شكلك ماتعرف الامريكان ايش يسووا ، هو لما يسأله هالسؤال ترا لعلمك هما يصبوه ذا فالايل و تانكي البترول

قلت لك اذا طريقتك صح دربك خضر ^^ لا سيلات ولا بطيخ

آآآه أوكيه صح .. نحن هنيه فعمان أحسن منهم
وإذا قصدك لازم نرشه فالإنتيك بطريقه معينه ، ترا بعدهم يسووا كذا .. المهم كل علبه بطريقتها والسي فوم يجي أنواع وكله مضر وماله علاقه بطريقة السكب تراه إلا بيلامس السيلات فالنهايه

[شبح السبله]

شبح السبله .. حبيبي .. مره أخرى إذا الوكاله تسويه مش معناتها إنه أوكيه ، إنت تقول "مستحيل يصيبها مشاكل " إنت تقولها كذا بدون دليل علمي .

بالنسبه للبراميل ، أوووكي معاك بس قصدي شو يضمنلي إنه الأويل اللي فالبراميل هو نفسه اللي أريده ؟! ولّا أنا ما عندي شي ضد البراميل بالنفس أصلاً.

يا عزيزي قلت لك اذا صارت لك مشاكل تعال لي و بخصوص الدليل العلمي ف أتوقع أنت نفيت هالشي بدون دليل علمي هالماده الكيميائية تتفاعل في الحراره فقط بعكس الفيول انجكتر كلينر الي يتفاعل بدون حراره و هو أقوى بواجد من ال منظف غرفه الاحتراق و جيب لي هالدبتين و بشرح لك كيف أقوى و كيف يتفاعل

و بخصوص البراميل أقدر أسوي لك طلبيه و البرميل يوصلك ع حسب الاويل الي تباه



هذا 5W-30

55 جالون

طبعاً في الشحن بوفر مساحه من العلب و أيضاً الوقت يوم بجلس أصب

و بعدين يوم أنته تبا الايل تقدر تسألهم مثلا OTE معها ايل 20W-50 حال سيرفس 5 الاف و معها ايل ثاني 5W-30 حال سيرفس 10 الاف

ماشي فرق أبداً في البراميل و العلب هذي الا فقط للعمال و للشركات يفرق معهم

أما أنا ك مستخدم و عندي سيارة وحدة بشتري علب و لما ينقص بزيده بس الوكالة تصبه ب قياس من البرميل و أسهل لهم و أوفر لهم و Save Time بالنسبة لهم

[شبح السبله]

آآآه أوكيه صح .. نحن هنيه فعمان أحسن منهم
وإذا قصدك لازم نرشه فالإنتيك بطريقه معينه ، ترا بعدهم يسووا كذا .. المهم كل علبه بطريقتها والسي فوم يجي أنواع وكله مضر وماله علاقه بطريقة السكب تراه إلا بيلامس السيلات فالنهايه

قلت لك جرب و اذا صار شي تعال ^^ ترا أعرفهن هالخلطات مال هالشباب لازم طريقة معينه و ب دقه

[شبح السبله]

و زيادة ع كلامي قبل شوي جايبين كامري من سيرفس و توها داخله ال 300 ألف ، موديل 2009 هالسيارة و كله سيرفس وكالة و ايل براميل ولا جاها شي أبداً

[Benjamin Button II]

قلت لك جرب و اذا صار شي تعال ^^ ترا أعرفهن هالخلطات مال هالشباب لازم طريقة معينه و ب دقه

أخي الكريم

سادحلي درام إيش كبره حتى الصفحه بصعوبه جلست أحملها من ثقله
المهم إنت بعدك ما فهمتني .. حبيبي .. تراني عارف بوجود هالبراميل المغلقه وبداخلها الأويل الفلاني .. أنا أتكلم عن البراميل هنيه فالوكاله بعد ما تخلص من الأويل الأصلي .. شو يضمنلي إنهم يرموها ويفتحوا برميل جديد بعدين ؟! ترا إلا يعبوا البرميل القديم بأويل عادي وقالك ذا أصلي بعدين .. أنا كمستهلك كيف أقدر أشيك عليه إذا أصلي أو لا .. أنا وإنت ما نقدر !!
ترا قطع غيار ولفقوهن عاد بيعجزوا عن براميل أويل ؟!!
نصيحتي للجميع ... لاااااااا تثقوا فوكالات السلطنه أبداً ، كلها غش وخداااع !! من غير الجهل وعدم الإلمام بصيانة أو إصلاح السياره أصلاً!
وبعدين إنت بنفسك كنت تنتقد أويل البراميل في رد من ردودك والحين جالس تدافع عنه علشان والله اشتغلت فالوكاله ؟!!!

وبالنسبه لل SeaFoam .. تطلب مني أجيك علشان تحطلي ياها بالطريقه الصحيحه علشان أقتنع إنه ما يضر ؟!! ما فهمت يعني بتفتحلي الماكينه بعد فتره وبتشيكلي على سيلات الڤالڤ ؟!!

[شبح السبله]

^

مثل ما قلت لك أنا ما البلدية ولا حماية المستهلك ، من واقع تجربة مافيهن شي هالبراميل و كل واحد و ضميرة

و للمرة المليون أقولك ال SeaFoam ما يأثر اذا الطريقة صحيحه غير ذلك أباك تثبت لي ! هالمنتجات أنصح فيهن بس تكون شركات معروفه ما أي كلام و الطريقة تكون صحيحه

و بعدين أنت نصحت الأخ يسوي Flush لل Engine ، ترا ذا يضرها و شي طريقة ثانيه مضمونه في الوكالة لأن معها جهاز خاص أو أي مركز خدمة متطور و ك خيار ثاني هو أنك تبدل الايل ع طول ف نفس الأسبوع ب ايل جديد

المهم اذا تبا SeaFoam بنجيب لك

[Benjamin Button II]

^ لا مشكور بروحي بطلب لو بغيته
إطلب لصاحب الموضوع أحسن

[SMOKY NAGATA]

صديقي شكلك ماتعرف الامريكان ايش يسووا ، هو لما يسأله هالسؤال ترا لعلمك هما يصبوه ذا فالايل و تانكي البترول

قلت لك اذا طريقتك صح دربك خضر ^^ لا سيلات ولا بطيخ

مراحب أخوي الشبح ،،

تشكر على معلوماتك القيمة و مساعدتك للشباب . بس أخوي فقط تراجع هذه النقطة ! (هو لما يسأله هالسؤال ترا لعلمك هما يصبوه ذا فالايل و تانكي البترول ) !!

لأنه طريقة إستخدام هذه المادة تيجي على 3 مراحل :-

مرحلة لتنظيف الانجكترات - تصب المادة بتانكي البترول
مرحلة تنظيف نظام التزيت - تصب المادة في نظام زيت السيارة
مرحلة تنظيف الهيد - تصب المادة عن طريق منفذ الهواء للهيد

فاذا كان غير هل الطرق والتي هي تعتبر الطرق الرسمية للإستخدام الصحيح للمادة فأرجو التوضيح لتعم الفائدة. أو شرح طريقتك عن كيفية الاستخدام لهذه المراحل

تحياتي

[شبح السبله]

مراحب أخوي الشبح ،،

تشكر على معلوماتك القيمة و مساعدتك للشباب . بس أخوي فقط تراجع هذه النقطة ! (هو لما يسأله هالسؤال ترا لعلمك هما يصبوه ذا فالايل و تانكي البترول ) !!

لأنه طريقة إستخدام هذه المادة تيجي على 3 مراحل :-

مرحلة لتنظيف الانجكترات - تصب المادة بتانكي البترول
مرحلة تنظيف نظام التزيت - تصب المادة في نظام زيت السيارة
مرحلة تنظيف الهيد - تصب المادة عن طريق منفذ الهواء للهيد

فاذا كان غير هل الطرق والتي هي تعتبر الطرق الرسمية للإستخدام الصحيح للمادة فأرجو التوضيح لتعم الفائدة. أو شرح طريقتك عن كيفية الاستخدام لهذه المراحل

تحياتي

كلامك صحيح، كل شي يباله قياس يعني فالمكينة بس تحط 200 ملي لكل لتر من الايل مثلا جمس دينالي تحط فيه لتر و 200 ملي فالايل هذا بالنسبه للسائل أما ال Spray ما يحتاج ذا كله فقط ترشه من الثروتل لين تخلص العلبه و شي منتجات ثانيه فقط تصبه في الهوز و ب قياس معين ما تجي تصبه كله ، كل منتج و له تعليمات معينة ، موبار معها و ايسي ديلكو معها يعني كلايسلر و دودج و جيب و كاديلاك و هامر و بونتياك و شيفروليه و جي ام سي و ايسوزو و بيوك و هولدن و ووووووو ذيلا كلهن معهن هالمنتج و شركات ثانية بعد

و لما تحطه في الايل لابد تسوقها مدة معينه و مسافة معينه و الي هي 150 كيلو ك حد أقصى و بعدين عاد تنزل الايل و أنا ما أشجع حد يسوي Flush ب مواد كيميائية للمحرك يكفي بس غرفة الاحتراق و انتهت السالفة الا اذا عنده كل حاجه ب قياس و شغل عدل و ملتزم بالقواعد ما يجي يصب فالايل علبتين و المكينة عاد خلاص تشرق منه و للمعلوميه ذا ما ينفع ل تنظيف الانجكتر ، فقط عشان يكمل عمليه التنظيف الداخليه ، تبا تنظيف انجكتر شوفلك منتج Redline أسعارهم مناسبة و ممتازة

أحنا جربنا طرق واجد بس ما بذكرها عن حد يسويها و تدق مكينته

[SMOKY NAGATA]

كلامك صحيح، كل شي يباله قياس يعني فالمكينة بس تحط 200 ملي لكل لتر من الايل مثلا جمس دينالي تحط فيه لتر و 200 ملي فالايل هذا بالنسبه للسائل أما ال Spray ما يحتاج ذا كله فقط ترشه من الثروتل لين تخلص العلبه و شي منتجات ثانيه فقط تصبه في الهوز و ب قياس معين ما تجي تصبه كله ، كل منتج و له تعليمات معينة ، موبار معها و ايسي ديلكو معها يعني كلايسلر و دودج و جيب و كاديلاك و هامر و بونتياك و شيفروليه و جي ام سي و ايسوزو و بيوك و هولدن و ووووووو ذيلا كلهن معهن هالمنتج و شركات ثانية بعد

و لما تحطه في الايل لابد تسوقها مدة معينه و مسافة معينه و الي هي 150 كيلو ك حد أقصى و بعدين عاد تنزل الايل و أنا ما أشجع حد يسوي Flush ب مواد كيميائية للمحرك يكفي بس غرفة الاحتراق و انتهت السالفة الا اذا عنده كل حاجه ب قياس و شغل عدل و ملتزم بالقواعد ما يجي يصب فالايل علبتين و المكينة عاد خلاص تشرق منه و للمعلوميه ذا ما ينفع ل تنظيف الانجكتر ، فقط عشان يكمل عمليه التنظيف الداخليه ، تبا تنظيف انجكتر شوفلك منتج Redline أسعارهم مناسبة و ممتازة

أحنا جربنا طرق واجد بس ما بذكرها عن حد يسويها و تدق مكينته

أخوي تراني متأكد من كلامي من الأول بس انت لما ضحكت على انه الأمريكان يصبوه في الأيل والبترول قلت أتساءل هل في طريقة جديدة غير عن المتبع معك !

وبعد كذا شرحت الطريقة المتبعة وطلع بالنهاية انه بالفعل المادة تخلط مع البترول و مع الأيل ! بغض النظر عن الكمية والمسافة

القصد هو لو شرحت هذه الطريقة قبل كان افضل من أن تتشابك المعلومات عند البعض .

تحياتي

[شبح السبله]

أخوي تراني متأكد من كلامي من الأول بس انت لما ضحكت على انه الأمريكان يصبوه في الأيل والبترول قلت أتساءل هل في طريقة جديدة غير عن المتبع معك !

وبعد كذا شرحت الطريقة المتبعة وطلع بالنهاية انه بالفعل المادة تخلط مع البترول و مع الأيل ! بغض النظر عن الكمية والمسافة

القصد هو لو شرحت هذه الطريقة قبل كان افضل من أن تتشابك المعلومات عند البعض .

تحياتي

اخوي كل منتج وله تعليمات ما اي عبوة تقدر تصبها في الاويل واحنا كنا نتكلم عن اربع منتجات وانا عطيتك طريقة ال seafoam السائل