تقرير رحلتي إلى "تركيا" إهداء إلى المرعبه 11:عيار:

**المرعبه 11** · 04/08/2013 09:18 PM

سلامن عليكوم

خلا نخش دغري ما اعرف اكتب مقدمات

السفره كانت نهاية شهر سته

) والصور متواضعه وما قدرت اخذ راحتي فالتصوير لان الامكنه تعج بالسياح والعوائل الخليجيه

وهذي صورة من السوق الحرة في مطار مسقط تمنيت افوز بهالسياره

وطبعا اول ما وصلنا المطار استقبلتنا اسطنبول بالمطر وما صورت لاني كنت متخدره من التعب

اول يوم بعد الفطور رحنا نكتشف المنطقة حول الفندق وبصراحه موقعه ممتاز حولينه اسواق متنوعه ومطاعم وصيدليه ومنطقه هاديه

مقررين اول يوم إستراحه لكن فجأه وبدون سابق إنذار شفنا اول تكسي يودينا "فيالاند" وهي عباره عن مدينة ملاهي ضخمة تم إفتتاحها بداية سته يعني بعدها ما مشهوره

تذاكرها بالايام العاديه ارخص ونحن من عجلتنا رحنا بيوم عطله وتدبسنا بالتذاكر الغالية

المهم جلسنا فيها من الظهر لحد بالليل والعب اللعبه اللي تبيها حتى عشر مرات

تغدينا وتعشينا فيها وبهذا انتهى اليووم الاول

ثاني يوم رحلة المتاحف والمساجد

البداية كانت مع المسجد الازرق

هذي صوره من الداخل

وطبعا لازم تفسخ نعالك والاجانب لبسوهم لحفان ووزرة

بعدها كنيسة آيا صوفيا وهي مقابل المسجد الازرق

كانت كنيسه ثم جامع والان رجعت كنيسه

صور من الداخل

نقوش الجدران من الذهب ولما حولوها المسلمين الى جامع طمروا النقوش والحين يقشروا الجدران مره ثانيه

هذا العمود فيه شي غريب اللي يكتشفه حاله شي

واشترينا ذره مشويه من عند هذا

وبعدها احلى مكان فالرحله "قصر طوبكابي" قصر السلاطين

اللي يتابع حريم السلطان يفهم معنى كلامي

ما سألتوني ليش احلى مكان

بجاوبكم لانه فيه متاحف تحتوي على سيوف الصحابة رضوان الله عليهم
وبعض من امانات الانبياء عليهم السلام ك عصى سيددنا موسى وسن النبي محمد وسيوفه وشعر من رأسه وعمامته نزلت كم دمعه مني

ما اعرف هل هذي الامانات حقيقية او لا؟اللي يعرف ومتأكد يخبرنا

طبعا ما صورت الامانات لان الصور ممنوعه هناك

وهذي ورود من القصر

بعدينا طلعنا من هناك رحنا هالمول للصلاه والغدى

وهذا كان عشاي هذك اليوم من مطعم قريب الفندق:

للتقرير بقيه

**المرعبه 11** · 04/08/2013 09:18 PM

اليوم الثالث رحلة جزر الاميرات رحله مررررررره فله:بو تقلد السعوديين:

رحلة نص يوم من الغبشه لحد العصر

طبعا رحنالها بعباره شوفوا المناظر

رحنا نستاجر عربه

وبعدين ركبنا الحنطور داير مدار الجزيره

وهذي فواكهتهم

واسواقهم

تغدينا فالجزيره وعسجت هناك يالله كيف كان الجو

هذي صوره عنونه كرديه اشترينا من عند ابوها كرز

اليوم ال ....... حسبوا عني

رحلة البوسفور شفنا قصر نور ومهند

من البسفور

طلعنا تلة العرائس منظر من هناك

اوين اللي يعرسوا يسيروا يصوروا هناك

للتقرير بقية

**المرعبه 11** · 04/08/2013 09:19 PM

وصلنا للجزء الاهم والاحلى والالذ قصر دولمة بهجه

بصراحه فحياتي ما شفت شي مثل هالقصر شي جنان:رجعنا للسعوديين

قصر جدرانه مطليه بالذهب ويقال انه احد اسباب سقوط الدوله العثمانيه

اطنان من الذهب المسائل خسرت الدوله الكثير والكثير

للاسف التصوير ممنوع من الداخل

بس لعيونكم صورت من خارجه

وهذي حديقة القصر

وهذي المغسله صورتها عشان اخذ رايكم فيها ناوية اسوي مثلها لبيت الاحلام

شفنا هذا يبيع سميت وقلنا نذوقه خبز يابس

واليوم اللي بعده رحلة الى بورصة الخضراء

طلعنا جبل الالوداغ وكان الجوء بارد جدا

واللي يحب يستأجر هذا الشي يلف المكان

للتقرير بقية

**المرعبه 11** · 04/08/2013 09:19 PM

بلة

نكمل....

بعدها رحنا للشجره العظيمة وهي شجره ضخمه قديمه جدا

رحنا شوينا هنا وتغدينا

اسواقهم

صور من بورصة

الجو كان بارد في بورصه فرجعنا ووصلنا اسطنبول متأخر

آخر يوم حجزنا فهذي السفينه للسهره والعشى

ماشغلي شوكه وسكينه

صوره من شارع الاستقلال

ميدان التحرير

تغدينا من هذي السفينه سندويكه سمك

خلص التكرير والسموحه عالقصور

**المرعبه 11** · 04/08/2013 10:08 PM

هديه حالكم

**مشتهي الضحكة** · 04/08/2013 10:11 PM

هاااااه هذك انتي بو كنتي تصوري

شايفنك

**المرعبه 11** · 04/08/2013 10:13 PM

أرسل أصلا بواسطة مشتهي الضحكة

هاااااه هذك انتي بو كنتي تصوري

شايفنك

هذاك انت اللي لابس دشداشه برتقاليه

فضحتنا

**سايرة هناك** · 04/08/2013 10:16 PM

م شااء الله

متى رحتي؟

م خبرتيني
كنت بروح معااك

حمااس نعم

كتير كتير غاوي

**سايرة هناك** · 04/08/2013 10:17 PM

بس كيف اهداء حالك نوبه؟

اهديه لي

**المرعبه 11** · 04/08/2013 10:21 PM

أرسل أصلا بواسطة سايرة هناك

م شااء الله

متى رحتي؟

م خبرتيني
كنت بروح معااك

حمااس نعم

كتير كتير غاوي

ما اخبر عن حد يوصيني بشي

**المرعبه 11** · 04/08/2013 10:21 PM

أرسل أصلا بواسطة سايرة هناك

بس كيف اهداء حالك نوبه؟

اهديه لي

ما حصلت حد اهديه

**سايرة هناك** · 04/08/2013 10:26 PM

أرسل أصلا بواسطة المرعبه 11

ما اخبر عن حد يوصيني بشي

هههههههههههههههههه
علوه م بنوصيك شي
كنا بنقول نبي سلامتك وشويه مكسرات وبس

أرسل أصلا بواسطة المرعبه 11

ما حصلت حد اهديه

حلو تهدي نفسك
لانه م احد يستااهل

**المرعبه 11** · 04/08/2013 10:28 PM

أرسل أصلا بواسطة سايرة هناك

هههههههههههههههههه
علوه م بنوصيك شي
كنا بنقول نبي سلامتك وشويه مكسرات وبس

حلو تهدي نفسك
لانه م احد يستااهل

لا مكسرات ولا غيره

كلكم تستاهلوا

**سايرة هناك** · 04/08/2013 10:30 PM

أرسل أصلا بواسطة المرعبه 11

لا مكسرات ولا غيره

كلكم تستاهلوا

اهم شي استمتعي وشفتي العالم

وعقبالنا ي رب

**المرعبه 11** · 04/08/2013 10:31 PM

أرسل أصلا بواسطة سايرة هناك

اهم شي استمتعي وشفتي العالم

وعقبالنا ي رب

شكرا

وعقبالك تسيري هناك

**سايرة هناك** · 04/08/2013 10:32 PM

أرسل أصلا بواسطة المرعبه 11

شكرا

وعقبالك تسيري هناك

العفوو
آميين

اقوولك كيف مو عدلو مال المسابقه؟

م يطلع ف التلفزيوون؟

**سايرة هناك** · 04/08/2013 10:33 PM

أرسل أصلا بواسطة المرعبه 11

شكرا

وعقبالك تسيري هناك

العفوو
آميين

اقوولك كيف مو عدلو مال المسابقه؟

م يطلع ف التلفزيوون؟

**تبسم ترى العمر فاني** · 04/08/2013 10:50 PM

غاويات صور

كان شهر السمن

شررردة خخ

يغلد

**ابتسامه حنونه** · 04/08/2013 10:52 PM

رعوووبتي تكرير ولا اروع تسلمين

عب مالش ما اشتريتي فستان جصير ومنتف جصدي مكتف

عجبني العشاء سندويكه سمك

يغلج

**ابتسامه حنونه** · 04/08/2013 10:54 PM

أرسل أصلا بواسطة تبسم ترى العمر فاني

غاويات صور

كان شهر السمن

شررردة خخ

يغلد

شهر البصل مخلص

هذي هديته

واستعادة ذكرياته

شررررردة

**القناص قناص** · 04/08/2013 11:01 PM

**سايرة هناك** · 04/08/2013 11:01 PM

واحليلها المرعبه

م بقيتن شي م قلتنه

م لازم اشرد

**سايرة هناك** · 04/08/2013 11:03 PM

أرسل أصلا بواسطة القناص قناص

مخاالف

بوووكس حالك

**جنون الكلام** · 04/08/2013 11:14 PM

تركيا ..

ينقل لسياحية ..

.
.
.

كنت هنا اعبث ..

**fox 1919** · 04/08/2013 11:28 PM

ماشاء الله المرعبه
عيشتينا فرحله جميله جدا
بصراحه خاطري اروح وبعد هذه المناظر الجميله
ماضني اتاخر سمعت عنها كثير ولكن خلاص لازم اروح
تصوير رائع وتنسيق مبدع وشرح وافي
يعني مرعبه بصح ههههه
وعاد الرحله البحريه ولا اروع
طرح جميل بس لو كتبتي العنوان اهدا لمرتادين سبلة الترويحً
كان احلي منك هههه

**fox 1919** · 04/08/2013 11:31 PM

المرعبه
العمود فيه رخام فسفوري اتوقع صح ؟؟؟؟

**مواطن نزواني** · 04/08/2013 11:41 PM

كتيير منييح :صحك:

عله حوو ع لبخل لي فيش
عن حد يوصيها اعوذ بالله من البخل

انا من اروح سفره اخبركم قبل بشهر عشان توخذو راحتكم في تفكير مو تبيغو اجيبلكم

**ابتسامه حنونه** · 04/08/2013 11:46 PM

فوكس كيف المسابقه ؟؟

**المرعبه 11** · 04/08/2013 11:49 PM

أرسل أصلا بواسطة تبسم ترى العمر فاني

غاويات صور

كان شهر السمن

شررردة خخ

يغلد

انتي الاغوى

راجعي الرد رقم 20

صح انه يغلج

**المرعبه 11** · 04/08/2013 11:51 PM

أرسل أصلا بواسطة ابتسامه حنونه

رعوووبتي تكرير ولا اروع تسلمين

عب مالش ما اشتريتي فستان جصير ومنتف جصدي مكتف

عجبني العشاء سندويكه سمك

يغلج

هناك فايشات الجصيرات

لا كان غدا روتيه وداخله سمكه بكبرها

غلجوله عينه

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: تقرير رحلتي إلى "تركيا" إهداء إلى المرعبه 11:عيار:

أدوات الموضوع

البحث في الموضوع

نمط العرض

تقرير رحلتي إلى "تركيا" إهداء إلى المرعبه 11:عيار:

مواضيع مشابهه

[ معروض ] """""""""""""""""""""(( بوشر الحي التجاري المرحله بسعر ممتاااااز جداااا ،، فرصة))"

تقرير رحلتي إلى "أسبانيا" إهداء إلى "ربيع الأندلس" :مستحي:

قصيدة أحلى الغواني عن السلطنة إهداء لكم""""""""""

قصيدة أحلى الغواني عن السلطنة إهداء لكم""""""""""

قواعد المشاركة

..ابتسم لتزيح الهم من قلبك وتزيح هم غيرك ..ابتسم فلست الوحيد الذي لسعتة الأيام جـمـاعة الإعـتدال الـخـارجة عن القـانون
Flickr