ارتفاع حرارة مركبتي عند الوقوف

[مخبت]

السلام عليكم
عندي مازدا MPV
عند السير بالمركبة الأمور طيبة
ولكن عند الوقوف لفترة 10 دقائق أو اكثر ترتفع الحرارة فوق النصف وتصل أحيانا لقريب الخط الأحمر
وعند ارتفاع الحرارة المروحة تعمل بدون توقف
طبعا تم تنظيف الراديتر وإلغاء البوية
طبعا هذا الموقف ما يصير دائما
أحيانا الأمور طيبة وأحيانا ترتفع الحرارة
وعند إيقاف المحرك (يعني يوم نسكر السيارة) لمدة دقيقة أو دقيقتان ترجع الأمور طبيعية وما كأن صار شي

أفيدونا جزاكم الله خيرا

[كوسوفو]

المشكلة ف البوية

حاول تفحص البوية واذا ما فاد شلها

خل السيارة بدون بوية وشوف الفرق

وربما تكون مشكلة ف الوتر بم

[قلم الأمل]

هل ينقص الماي في راديتر السيارة ؟
اذا ينقص الماي ضيف مادة في ماي الراديتر اسمها ستوب ليك " بالعربي أوقف التسرب" ، ممتازة كثير
صارت عندي نفس المشكلة وكل شي سليم ، طلع السبب ف النهاية هو وجود اتربة خارج الراديتر" في ثقوب الراديتر " تؤثر على عملية التبادل الحراري للراديتر فقمت بتنظيفه بماي في مغسلة بضغط عالي والحمد لله الامور طيبة والحرارة ممتازة

[مخبت]

جزاكم الله خيرا
الماء ينقص عند ارتفاع الحرارة والتي تسبب فوران الماء ونقصه
البوية مشيولة
والراديتر تم فتحة وتنظيفه بسيخ حديد
وبدون فائدة

ما الحل

[بطل عمان]

واضح انه هناك مشكلة بالتبريد اما انه الراديتر ما يادي الغرض الي عليه اما من خلال عطل داخلي بالراديتر او احدى الانابيب بها تسريب .. قد يكون ايضا عندك مشكلة بالهيد بالمكينة

[الهدوء الذي يسبق العاصفة]

اذا الماء ينقص عندك
ف تكون المشكلة في جازجيت الهيد

اما اذا كان غير ذلك اخبرك طريقة علشان تعرف الواتر بامب عندك شغال او لا
شغل محرك السيارة وافتح غطاء الرديتر
شووف الماء هل يدور داخل الرديتر او هو ع حالة سكووون ؟؟
اذا كان ما يتحرك اذا ف عندك الواتر بامب مب شغال ..

اما اذا كان الواتر بامب شغال .. والسيارة ما تنقص ماء ..
اذا مشكلتك اما ان تكون بسبب المراوح دورانها ضعيف وهو الأمر الأول .. وبعدها الرديتر ..

[قلم الأمل]

جزاكم الله خيرا
الماء ينقص عند ارتفاع الحرارة والتي تسبب فوران الماء ونقصه
البوية مشيولة
والراديتر تم فتحة وتنظيفه بسيخ حديد
وبدون فائدة

ما الحل

بما انه فيه تسريب ،واضح انه المشكلة تهريب من الانابيب او مشكلة بالهيد ، في هذه الحالة كحل بسيط ومجدي بإذن الله جرب مادة stop leak ممتازة كثير وراح تغلق اي تهريب وقيمتها رخيصة ب بنصف ريال شوفها من محلات قطع الغيار ، فقط ضيفها مع ماي الراديتر وانتظر النتيجة المرضية باذن الله

[Tiida BoYz]

واضح انه هناك مشكلة بالتبريد اما انه الراديتر ما يادي الغرض الي عليه اما من خلال عطل داخلي بالراديتر او احدى الانابيب بها تسريب .. قد يكون ايضا عندك مشكلة بالهيد بالمكينة

+1

..................

[مخلص قابوس]

أخي إذا كانت الحرارة ترتفع عند الوقوف فقط وأثناء السير بالسيارة تنزل الحرارة المشكلة من المروحة ( أتوماتك المروحة) أو ( كلتش المروحة)..

[NITRO]

لو كان فعلا الهيد
كان بيكون باستمرار لما توقف ولما تمشي اكثر من100تنزل الحرارة
لكن انت تقول مرة كذا ومرة لا

كيف بالنسبة للغطاء مركب اصلي او نقلي؟
لانه يلعب دور

وودها عند اكثر من اختصاصي للامر وشوف ايش بيقولولك

[NITRO]

لو كان فعلا الهيد
كان بيكون باستمرار لما توقف ولما تمشي اكثر من100تنزل الحرارة
لكن انت تقول مرة كذا ومرة لا

كيف بالنسبة للغطاء مركب اصلي او نقلي؟
لانه يلعب دور

وودها عند اكثر من اختصاصي للامر وشوف ايش بيقولولك

[omangames]

اخوي انته ذكرت انه الماء ينقص عند ارتفاع الحراة وهذا امر عادي فبعد ارتفاع الحرارة الماء يطلع من الخزان الاحتياطي اللي في العادي يجي جنب الرديتر

انته ما عندك ليك او تسريب ماء المبرد بس اهم نقطه هي لاحظ دوران المروحة لما تكون السيارة واقف
المروحة تيجي بأكثر من سرعة او مستوى ، فلازم يكون جميع المستوي تعمل بالمروحه ، وهذي المستوي تعمل تلقائياً تبعاً لقراءة الحرارة

الشي الاخر احتمالية الهيد وارده كثير حتى لو كانت الحرارة تيجي احياناً

اعطيك مثال:
نيسان تيدا ترفع حراره احياناً ومثل ما هو معروف للجميع ان التيدا لا يوجد بها عداد حراره فقط المؤشر ، والمؤشر ما يظهر الا اذا الحرارة كثيرة ( ضاربه التوب )
عند الفحص بالجهاز واثنا القيده كان الجهاز يعطي 89 الى 97 هذي الحرارة عادية ، لكن صار وانه الحرارة ارتفعت الى بعد 100
تم تغير الرديتر والمرواح والثرموستات(البوية) لكن المشكلة لم تحل الى بتفكيك المحرك

[البلاذري]

أخوي اعتقد المشكلة عندك في المروحة وهي اما انها خربانه ما تدور أو انها ضعيف عزمها في التبريد تعبان. ممكن تبدل مروحة جديدة او تركب لها مروحة سيارة ثانية اقوى تدفع هواي بشكل اقوى
...
ما اعتقد الهيد فيه مشكلة لاني صارت عندي نفس المشكلة مالك تقريبا والماي ينقص بدون تسريب --- قال الميكانيكي الاول انه الهيد --- بعدين الشباب قالوا لي لو الهيد تحصل هوزات الماي اللي رايحة من والى المكينة بتنفجر من الضغط اللي فيها يعني ما تقدر تضغطها للداخل لما تمسكها ... وفعلا ما سويت شيء بالمكينة ورحت عند جراج ثاني وبدلت المروحة وراحت المشكلة

[lexus 430 love]

أخووي هذي المروحه ومتأكد
نفس الحركه صارتلي وطلع مروحه ماشغاله

[مخبت]

السلام عليكم
جزاكم الله خيرا على ردودكم القيمة
بالنسبة للمروحة عرضتها على أكثر من كهربائي
وقالوا بأنها شغالة تمام
سأتأكد من مضخة الماء (الواتر بمب) وعسى خير

[واحد غريب]

المروحه ما شغاله عندك روح شيك عليها دام يوم واقفه الاوتماتيك
حق المروحه ما شغال برابر

[مخبت]

عند ارتفاع الحرارة المروحة تعمل باستمرار وقوة ما شاء الله
وفحصتها عند أكثر من كهربائي
وأكدوا لي بأنها ممتازة

جزاكم الله خيرا

[بو حور]

اعتقد من المراوح والله اعلم.. لان السيارة في حالة الحركة ماترفع حرارة.. لأن الهوا يندفع للمكينه في حال حركة السيارة ويبردها,, لكن من توقف تقل كمية الهوا لان المروحة ماتشتغل بالشكل المطلوب..

اعتقد والله اعلم