طلب مساعده عاجل جدا السياره فيها مشكله... التيما موديل 2006

[حب الخالق]

السلام عليكم ورحمة الله وبركاتة .

اخواني بارك الله فيكم اللي مر باهالمشكله او سمع عنها ياريت يفيدني .
زميلي عنده التيما 4 سلندر موديل 2006 خليجي , السياره خاليه من اي مشكله كهربائيه الحمدلله لاحظنا انها تنقص ايل باور وخذينها الجراج واتضح ان البم ضايع ومحتاج سيلات وكذالك تبين انه المكينه تليك ايل ومحتاجه سيل كرنك .
المهم وفرنا الاغراض وكاله والعامل في الجراج ماقصر اشتغل في السياره ونزل المكينه عشان يبدل سيل الكرنك والجازجيت .
كنا مسلمينه السياره امس العصر واليوم العصر خلصها الحمدلله وغير زيت المكينه والفلتر وزيت الجير
ولكن لما حاول يشغل السياره ترفض تشتغل وجرب كم مره وماشي فايده
تأكد من توصيل الوايرات شافهن في مواقعها الصحيحه .
اللي لاحظناه
1- اول ماتشغل السويك مراوحة المكينة تشتغل تلقائيا !!
2- لم نشغل السويك الليت مال السيكيوريتي شغال ومايبند المفروض يبند ويشتغل ( على شكل ومضات )

المهم جبنا لها شخص يبرمج السيارات .

الرجال حاول فيها وماشي فايده
جرب مره وقال حطو السويك شغال لمدة ساعتين وبعدها بنجرب مره نسوي لها برمجه وراح تشتغل وللاسف ما اشتغلت !

الشخص راعي البرمجه يقول كل حاجه تمام بس فيه لوك في السلف شكله تقفل ورافض ينفتح !
وبيحاول باكر فيه واذا رفض شوفوه في الوكاله وطلبوه !!


ولما سألنا ليش شو دخل هذا الشي في تنزيل المكينه قال هذا سيكيوريتي السياره وكل الالتيما من موديل 2005 وفوق كذا يجين !!


اللي مافهمته انا كيف هذا اللوك تقفل واصلا ماحد لمسه كل الشغل كان تنزيل المكينه وتبديل سيل كرنك فقط وهذا الشي سهل وبعيد كل البعد عن الكهربه !!

السياره امورها اطيبه وما اشتكينا من سلف وغيره قبل لا ندخلها الجراج !

الحين السياره في الجراج وبصراحه ماعارفين شو نسوي فيها



فيدونا بارك الله فيك وفي ميزان حسناتكم

[nawaf1992]

وعليكم السلام

أخوي نزل الموضوع في سبلة السيارات وراح يفيدوكـ أكثر ...

[Abu Adam.Vip]

اتوقع كمبيوتر السياره اخترب عندك وعمل بلوك للسياره لانه صار تغير فالمكينه
يحتاج تبرمج الكمبيوتر هذا والله اعلم
نزل الموضوع في سبلة السيارات وان شاء الله يفيدوك الشباب

[حب الخالق]

الموضوع نزلته في سبلة السيارات اخي ونزلته هنا لانه الزيارات لهذا القسم اكثر .


عسى نطلع بفايده ويمر علينا واحد من الاعضاء مر بهذي المشكله

[الأمور طيبه]

باالتوفيق

[حب الخالق]

ييييييييييييييييييييييييي يييييييييييييييييي