حلوياااتي لعيد الفطر.. إهداء لكل غاليه بمائده حواء

[سكون الليل]

مرحبا أخواتي حبيت أحط لكم وصفاتي لبعض حلويات العيد بموضوع مستقل
الفكره بالموضوع هو عرض تجربتي لكل وصفه جربتها واعتمدتها سواء معروفه أو لا بما إنه اغلب حلويات العيد متعارف عليها
بس الفرق في الوصفه ومدى نجاحها


بعض الوصفات حطيت الطبق النهائي لها بما انه عيد ونعمل كميات كبيره فصعب علي أحط المقادير وغيره
الوصفات بكميه مناسبه بس بإمكانك مضاعفه الكميه



قبل لا ندش بالموضوع تفضلوا عشقي الابدي














راح نبدأ بالمعمول السهل

[سكون الليل]

المعمول السهل بحشوه الجوز



وصفه سهله ممكن تغيرين الحشو ليكون تمر
ملاحظه: بإمكانك حفظه بعلب زجاجيه وبالثلاجه لمده ما راح يتغير طعمه


هذا معمولنااا







المقادير:



5 أكواب طحين ممكن تحتاجين ل 4 اكواب فقط
كوب سكر بودر
م ص فانيلا بودر او شومر مطحون
فنجان حليب سائل
450 جم زبده لينه

مقادير الحشو : كوبين جوز مجروش - ملعقتين سكر - م ص ماء ورد يخلط



الطريقه:



تخلطين السكر والزبده والفانيلا بالخلاط الكهربائي لمده 5 د بعدها اتضيفين الطحين بالتدريج حتيى تتكون عجينه
اخر حاجه اتضيفينها هي الحليب اتضيفين شوي وتعجنين وكذا لحد ما تخلصي الكميه
وخلصت عجينتنا سهله
لتشكيل المعمول راح تحتاجين لقوالب المعمول الخاصه البعض من الخشب وهي الشكل التقليدي او البلاستيك
هذا شكلهم







طبعا راح تاخذين من العجين بحجم حبه الجوز وتحشينها بالجوز او التمر تكوريها وتحطينها بقالب المعمول
تخبزينها بفرن وسط وخلاص المعمول جهز ممكن تحطين رشه سكر ع الوجه بس اذا تمر ما يحتاج
المعمول السهل بشكل النهائي طعمه هش قريب من البسكويت

[سكون الليل]

بسكويت أصابع جوز الهند




وصفه ولا أسهل وطعم لذيذ

هذا هو بسكويتنا







المقادير:


كوبين ونصف جوز هند
كوب طحين
كوب سكر بودر
بيضتين + م ص فانيلا
نصف كوب زبده لينه


الطريقه:

تخلطين البيض والسكر والفانيلا بعدها الزبده وتكملي خلط بعدها الطحين وجوز الهند وبسس
فيه أسهل من كذا
راح تتكون عندك عجينه شوي لينه حاولي تبللين ايديك بالماي لتسهيل تشكيل البسكويت لاصابع
يخبز بفرن حار لمده 10 د فقط لا غير من الاعلى والاسفل



وجهز بسكويتنا حلو نريح نفسنا بحلويات سهله ولذيذه بالعيد

[سكون الليل]

بيتي فور









مافيه احد يستغنى عنه البيتي فور بالعيد هذا الوصفه معتمدتها من زمان هشه وخفيفه وسهله التشكيل

الطريقه موجوده بالهرابط كنت مسوتها بالكيس الحلواني


http://avb.s-oman.net/showthread.php?t=1531605&page=2




وهنيه نفس الطريقه بس بأداه تشكيل البيتي فور

وهذه هي







وهذا البيتي فوور جاهز
حطيت لكم الاشكال والحشوات








الحشو كتغير ويعطي شكل مميز وطعم استخدمت الكريمه الجاهزه والبعض مربي فرواله
هذه الكريمه الجاهزه فكره حلوه للأطفال










وهنا المجموعه كلها

[نور الكون]

ما شاء الله
لذيذ بيس
من وين الاغراض

[إرتقآء]

سكون
مشتاقتنك واااجد ،
وين مغيبه ؟



فديتك ما شاء الله عليكِ
روووعه خاصه البيتي فور
ما تعزمينا أنا والشله

[بنوتة بركاء]

تسلم اناملك
مبدعة تبارك الرحمن ..

[سكون الليل]

الماهوووه السهله










المسمى الاخر هو ( كراااميل) ما تفرق عن الماهوووه بشي أبدا جربوها وادعلولي اذا ارتحتوا من وجع الايد بسبب الوصفه القديمه


الوصفه سهله جدا


المقادير:


ع حسب علبتين أو أكثر حليب محلى
زبده 50 جرام
زعفران
ماء ورد اختياري




الطريقه:


تاخذين علب الحليب وتشيلين الاستيكر الموجود عليها وتحطينها بجدرالضغط لمده ساعه او ساعه ونص فقط

هشكل لازم يكون الماء يوصل لنصف الاصبع اذا حطيتي ايديك على العلبه










بس يجهز تخلينه ليبرد تماما لا تفتحينه قبل لا يبرد ابدا
هشكله بعد ما جهز شفتوا عصر السرعه ههههه








تخلطين معها الزبده والماء ورد والزعفران وع نار بس لحد ماتذوب الزبده فقط
وهذا جهزت زينتها بانصاف اللوز المحمص والسمسم والزعفران










دسمه بس لذيذه راح فيها الريجيم هههه







وده كمان اقرب

[الضيان]

ماشاء الله عليج انا اموووت بمعمول التمر
ربي يعطيج العافية فديتج

[الضيان]

واااااااااااااو الماهووووووو لذييييييييذة وقسم
عجبني صراااااااااااحة
تسلم يدينج لي رجعة ان شاء الله تحمست للماهو
بس لازم فديتج بطنجرة الضغط مايصير يسخن عادي؟
ووين نحطه عشان يبرد؟

[سكون الليل]

ما شاء الله
لذيذ بيس
من وين الاغراض

تسلمين الغلا
مافهمت عليج حبوبه أي أغراض تقصدين
اذا على اله البيتي فور موجوده ف لولو
وقالب المعمول نفس الشي عندهم

ا

سكون
مشتاقتنك واااجد ،
وين مغيبه ؟



فديتك ما شاء الله عليكِ
روووعه خاصه البيتي فور
ما تعزمينا أنا والشله

فديتج موجوده

الاروع مروروك غناتي
حياج حبيبتي تنورينا

تسلم اناملك
مبدعة تبارك الرحمن ..

تسلمين حبيبتي منوره

ماشاء الله عليج انا اموووت بمعمول التمر
ربي يعطيج العافية فديتج

ويعافيج الغلا
نورتي جربيه سهل ولذيذ

[سكون الليل]

واااااااااااااو الماهووووووو لذييييييييذة وقسم
عجبني صراااااااااااحة
تسلم يدينج لي رجعة ان شاء الله تحمست للماهو
بس لازم فديتج بطنجرة الضغط مايصير يسخن عادي؟
ووين نحطه عشان يبرد؟

يسلم قلبك الغلا
ينفع حبيبتي بس راح يطول ممكن ياخذ ثلاث ساعات فالافضل لج جدر الضغط اسرع
عادي بعد ما يجهز حطينه برا الجدر بدرجه حراره المطبخ العاديه

[سكون الليل]

يتبع غدا ان شاء الله

[king of pop]

ما شاء الله عليك .... شاطرة
أحب المعمول

[ريمة عمان]

السلام عليكم...

حبيت اسـألك البيتي فور تشكليهن بالاله بالمخاريط ولا هذيك الدوائر وكيف تشكليهن اتمنى توضحين اذا ممكن؟؟

وفي سؤال ثاني الحليب المركز الغير محلى هو الي ينحط بالشاي؟؟

[أم زهور]

ماشاء الله روعة تسلم إيدك على هذا الإبداع
وكل عام وأنتم بخير

[أم لمار]

سكوووووووون مواكبه لعصر السرعه وبقووووووووه ماشاء الله عليكي

[suaad88]

هلا
الحشوات مال البيتي فور من وين احصلهم؟ اقصد المراهم الصفرا و الوردية

[مغامرة جريئة]

ميرسييييه أأوي
يكفيني أستمتع بالصور

[فجر الهدى]

ماشاءالله سكوني
شو هالفن والأبداع
تسلمين الشيخة ع الوصفات

[شعاع الروح]

حبيبتي سكوووونة بصراحةحلوياتك رهييييييييبة
تسلم يدك يارب
مشكورة هدية جميييييلة جدا جدا

[قلبي ملكي]

تســـــــلم ايدك سكون ابدعتي حبيت المــاهوه فعلا عصر السرعه

[القدر العالي]

تسلم الأيادي
حلويات مميزة
لكل من ترغب في قطاعة المعمول
http://avb.s-oman.net/showthread.php?t=1629344

[سكون الليل]

عين الجمل (الجوزيه)


من أنجح وأروع الوصفات لعين الجمل ومقاديرها مضبوطه بدون زياده أو نقصان








المقادير:

4أكواب طحين
3 أكواب نشا
500 جم زبده لينه
م ص بيكنج بودر
رشه ملح
بيضتين + فانيلا
كوب ونصف سكر بودره

للحشو: توفي أو نوتيلا وممكن مربى

الطريقه:

تخلط الكونات الجافه (الطحين والنشا والملح والبيكنج بودر) بعدها تخلطين السكر والزبده بعدها اتضيفين له البيض
والفانيلا ثم المكونات الجافه وتخلطين لحد ما تتشكل عندك عجينه

تاخذين من العجينه كور صغيره اكبر بشوي من البندق وتحطينها بحفر اله عين الجمل
هذا شكل الاله الي عندي
لونها يجنن هههه











طبعا ع حسب كل ماكينه انا الي عندي 3 د فقط وتكون جاهزه
تاخذين كل قطعه وتحشينها
وهذا عين الجمل

[سكون الليل]

ام علي بالكريمه والقشطه الطازجه



هالطريقه سهله ووايد والطعم ولا اروووع







المقادير والطريقه:


بف باستري يخبز بالطريقه المعتاده









كوبين حليب - كوب كريمه - نصف كوب او حسب الرغبه حليب محلى - فانيلا
يخلطون وع نار لحد ما يغلي








تاخذين البف بستري وتحطينه بصينيه فرن وتصبين عليه خليط الحليب
بعدها الطبقه الاخيره تتدهنيها بقشطه طازجه ورشه فستق








هنا بعد ما حطيت عليها القشطه







تدخلينها الفرن لمده ربع ساعه وتكون جاهزه

[سكون الليل]

ميني تارت بحشوات مختلفه











وصفه ولا أسهل وحلوه حق العيد


المقادير:


ميني تارت جاهز
اي حشوه سواء نوتيلا أو توفي او مربى


الطريقه : تحشين كل تارت بالحشوه المفضله ويزين بأي نوع مكشرات وغيره


سهله

صوره أخيره

[سكون الليل]

الكوكيز













الطريقه موجوده بالرابط


http://avb.s-oman.net/showthread.php?t=1531605&page=2

هذه كل ماعندي ان شاء الله اكون افدتكم جربوها راح تعجبكم

[سكون الليل]

ما شاء الله عليك .... شاطرة
أحب المعمول

تسلمين حبوبه
منوووره

السلام عليكم...

حبيت اسـألك البيتي فور تشكليهن بالاله بالمخاريط ولا هذيك الدوائر وكيف تشكليهن اتمنى توضحين اذا ممكن؟؟

وفي سؤال ثاني الحليب المركز الغير محلى هو الي ينحط بالشاي؟؟

وعليكم السلام والرحمه
بالدوائر اشكلهم
الطريقه غناتي موجوده بكتيب مرفق مع الاله

ماشاء الله روعة تسلم إيدك على هذا الإبداع
وكل عام وأنتم بخير

تسلمين الغلا
نورتينا

سكوووووووون مواكبه لعصر السرعه وبقووووووووه ماشاء الله عليكي

أكيييد وحده ما تحب تجلس فتره بالمطبخ هههه

هلا
الحشوات مال البيتي فور من وين احصلهم؟ اقصد المراهم الصفرا و الوردية

اهلين
موجودين بقسم الحلويات بكل هايبر ماركت

[سكون الليل]

ميرسييييه أأوي
يكفيني أستمتع بالصور

منوره ياختي
يكفي العين تاكل قبل الفم هههه

حبيبتي سكوووونة بصراحةحلوياتك رهييييييييبة
تسلم يدك يارب
مشكورة هدية جميييييلة جدا جدا

يسلم قلبك غناتي
منوررره من قلب

تســـــــلم ايدك سكون ابدعتي حبيت المــاهوه فعلا عصر السرعه

هههه
يسلم قلبك قلبووو
نورتينا

تسلم الأيادي
حلويات مميزة
لكل من ترغب في قطاعة المعمول
http://avb.s-oman.net/showthread.php?t=1629344

تسلمين الغلا

موفقه

[سكون الليل]

ماشاءالله سكوني
شو هالفن والأبداع
تسلمين الشيخة ع الوصفات

تسلمين مشرفتنا من ذوقك حبيبتي
منوررره ن قلب