صبغ السياره .. اللي صبغ يتفضل

[المهدلي]

عسى الجميع بصحه وعافيه

كل مره ادخل واشوف مواضيع صبغ السياره بس بدون فايده يا اخون هذا المنتدى للاستفاده وتبادل الاراء ... مثال : انا اريد اصبغ واريد كراج او ورشه درجه اولى طبعا بشوف اراء الشباب اللي حاصل ف اراء وايد بس هل احد جرب معاهم المطلوب من الشباب اللي كان يبحث عن ورشه وحصل عليها وصبغ سيارته يفيد المنتدى ينزل موضوع جديد يشرح فيه التفاصيل ووجهت نظره وين احسن الورشه ولا الوكاله وهل في فرق بينهم عشان اللي يريد حاجه ف المنتدى يحصلها وانا من ضمن الناس اللي يبحث عن ورشه درجه اولى وما يهم السعر وشاكر تعاونكم

[البرنس الصغير]

اذا ما يهمك السعر عليك بالوكالة

وكالة الحشار انا مجرب والصبغ عندهم تمام بس شوي القيمة غالية

ويعتمد على حجم ونوع السيارة واللون المطلوب للصبغ

وكذلك عندك مركز العناية بالسيارات بالحيل في محطة شل قبل معرض الاتحاد

كذلك جربت صبغت عندهم ولله الحمد الامور طيبة

بس صبغ البنفر الامامي يكلف في حدود 60 ريال عماني

[zr1farsi]

طيب يالبرنس وين تنصح ابي صبغة مصنع مو وكالة ما ابي اشوف حبات وتموج في الموتر وين اروح الحشار ولا العنايه .

[NITRO]

بنظري ماحد يجيب الوكالة بالصباغ

لانه جربنا وصبغنا اول الايام تشوفها تلمع مع مرور الزمن الصبغة تروح لمعتها وتوضح انها مصبوغة

لكن الوكالة تبقى على ماهي

والشباب يمدحو مركز العناية جرب روح حظك وقارن بين سعر مركز العناية والوكالة

[البرنس الصغير]

طيب يالبرنس وين تنصح ابي صبغة مصنع مو وكالة ما ابي اشوف حبات وتموج في الموتر وين اروح الحشار ولا العنايه .

الاثنين نفس الشي اخي العزيز

والضمان موجود

ومثل ما تفضل اخي العزيز صبغ الوكالة ما حد يجيبه وعلى مرور الزمن ما يتأثر بسرعة مثل الكراجات
ومركز العناية نفس الوكالة صبغهم ممتاز جدا ( عن تجربة )

[zr1farsi]

الاثنين نفس الشي اخي العزيز

والضمان موجود

ومثل ما تفضل اخي العزيز صبغ الوكالة ما حد يجيبه وعلى مرور الزمن ما يتأثر بسرعة مثل الكراجات
ومركز العناية نفس الوكالة صبغهم ممتاز جدا ( عن تجربة )

تسلم حبيبي تعال وكالة ال OTE وشوف صبغهم كيف معفن تكره موترك وتعافه
يمدحون بصبغ وكالة الرنج والحشار بس ثقل الجيب .

[بطل عمان]

جراج تكنيك بالغبرة درجة اولى

[Tiida BoYz]

عزيزي كم موضوع نزلوه عن الصبغ مليت اقول وين احسن ههههههههه
ع العموم انا صابغ سيارتي ف العنايه يلي ف المعبيله بصراحه صبغه محترمه كأنك صابغ ف الوكاله ,,, وولكن ف السعر شوي يضرب

[خارج~التغطيه]

كراج تكنك في الغبره رقم وااااااااااحد حتى الوكاله مايضبطوها صح من واقع تجربه بس سعرهم غالي شوي

[borla]

تكنيك فالغبره افضل مكان للصبغ لا تقرب الوكاله

[المحيط الهادئ]

بالنسبة للتكنك اسعارهم مرتفعة تقريبا بين 600 و 700 على حسب السيارة مر عندهم وبيخبروك بالسعر

[خط السماء الوطنية]

أذا تقدر شوف ف البريمي أو العين أسعارهم مناسبة

[رادار متحرك]

أي كراج فيه بنجالي لا تقرب صوبه ولو فرن؟!!!!!!!!!!!!!!!!

[المهدلي]

الشكر لكل من شارك ف الموضوع ونريد الشباب اللي صابغ يطرح وجهت نظره للورشه اللي صبغ فيها وينصح الاعضاء فيها

[المهدلي]

شي جديد شباااااااااب

[آل عمير]

صبغ في وكالة النيسان نزوى وما بتندم ابدا او في جراج ربيعه نزوى الصناعية

[Sands lover]

اذا ما يهمك السعر عليك بالوكالة

وكالة الحشار انا مجرب والصبغ عندهم تمام بس شوي القيمة غالية

ويعتمد على حجم ونوع السيارة واللون المطلوب للصبغ

وكذلك عندك مركز العناية بالسيارات بالحيل في محطة شل قبل معرض الاتحاد

كذلك جربت صبغت عندهم ولله الحمد الامور طيبة

بس صبغ البنفر الامامي يكلف في حدود 60 ريال عماني

أخي البرنس الصغير ،

كم قيمة صبغ السياره صالون في وكالة الحشار . مثلاً ماكسيما 2006 .

[blue262]

انا دايماً اقول الصبغ ما مهم وين يكون
الصبغ يعتمد عالشخص اللي يصبغ لك


شئ وكالات صبغهم زبالة!!
شئ اخت عندها لانسر الجديد كانت منزلة موضوع ان البنفر الامامي فيه خدوش وتريد تصبغه وماتريد توديها الوكالة لانهم بيطولوا
قلت لها خليني اشوف السيارة اذا فعلاً محتاج البنفر للصبغ او فقط بوليشات وبرش بينت

لما شفت السيارة انصدمت!! قلت لها السيارة فيها حادث في البابين صوب اليمين؟؟
قالت ايوا كيف عرفت؟؟
قلت لها الصبغ اي كلام!! وين مصبوغة؟؟
انصدمت اكثر لما قالت لي (( الوكالة ))


الخلاصة قبل لاتصبغ في اي مكان شوف السيارات اللي مصبوغة عندهم وبعدين قرر

ملاحظة: لا الوكالة ولا الكراجات تقدر تصبغ نفس صبغ المصنع
هناك روبوتات تصبغ وترش بالمللي

[tick]

كراج تكنيك بالغبره ومركز ابو هاني للسيارات خلف وكالة البورش وملتن بوش ف روي وعندك الحشار ف غلا والصقري للسيارات ف غلا الصناعيه وكراج العنايه ف الحيل او المعبيله او كراج المستقيم او كراج المعتصم ف المعبيله
والشباب بعد ما قصرو افادوك جزاهم الله خير
موفق خير عزيزي

[tick]

وطبعا الأسعار تختلف تقريبا من ٣٠٠ ولغاية ٦٠٠ ريال

[zr1farsi]

شكلي بهون عن الصبغ وبروح اجلد الموتر في الامرات دام في ضمان 5 سنوات .

كل 3 سنين ببدل لون الموتر ليه ما امله وبيعه .

[blue262]

شكلي بهون عن الصبغ وبروح اجلد الموتر في الامرات دام في ضمان 5 سنوات .

كل 3 سنين ببدل لون الموتر ليه ما امله وبيعه .

المشكلة الجماعة مانعين الجلاد عندنا مثل كل شئ جديد و متطور لازم ينمنع عندنا

[شراع بركاء]

الوكاله الافضل مهما كان ع الاقل يعطوك ضمان للصبغ ما يتغير اللون
انا قبل اسبوع مطلع سيارتي من الوكاله صبغت البنافر والجنب والحمد لله سيارتي تقول وكاله مع اني انخرفت بس مرتاح لنه ما اشوف فرق في اللون والاحلاء في الوكالة انهم يبطلو البنفر كامل ويركبوه كما هوه بدون نقص اغراض مثل بعض الورش
بس اخوي اذا تدور رخيص وشغل مضبوط ما شي غير انك تروح الشارقه يومين زمان شغلهم ولا اروع ويكاد يفوق شغل الوكاله من ناحيه الاتقان والشغل والصبغ