نظارة شمسية

[HARDTARGET]

صباح الخير للجميع ..

موضوع في بالي صارله ثلاثة أيام . كنت رايح مستشفى الجامعه الساعه 2 بالليل وإلا أشوف واحد من الشباب حاط النظارة الشمسية فوق راسة.
قبل أمس كنت بالمطار الساعه 11 وإلا أشوف واحد من الشباب حط النظارة فوق راسة.
وبعض الأحيان ألاحظ ناس تلبس النظارة الشمسية في وقت المساء يعني شمس ما فيه والمغرب أذن ..

السؤال إلي يسدح نفسه. ليش ؟؟؟
ستايل .. عيونهم .. إحتياط عن تشرق الشمس بالليل ..

أرائكم ؟؟

[squ20002]

هلا اخي الكريم ..
اعتقد هالشي عادي .. قصدي وضع النظارة وليس لبسها .. انا شخصيا انكسرت علي نظارتي بعد ما استخدمتها يوم واحد لما حطيتها ف جيبي ( جلست عليها) .. فصرت افضل اخليها ع راسي اامن من الخدوش والتكسر !
اما لبس النظارة بالليل !! تقليد اعمى لبعض المغنين الاجانب ..

[squ2007]

تقليد أعمى لا اكثر

[HARDTARGET]

تحطها فوق راسك ما مشكلة .. بس الساعه 2 بالليل ..

[in the end]

ممكن عشان مسوين عملية لعيونهم لازم يحجبوا الضوء عن العين عشان ما تتأثر

[HARDTARGET]

سلامت راسك محد منهم مسوي عمليه .. كلهم بخير الحمد لله..

[bsateen]

الفشره الزايده واكره شي عندي اللي اشوفه لابس نظارة شمسية داخل المجمعات التجارية
عادي خلي ما الليل وهو لابس نظارة!

[HARDTARGET]

الله يكون في عونهم بس .. بالفعل حتى فالمجمعات التجارية ..

[علمته الوفا وشلون غدر بي]

تو علامك ولدي منزل الموضوع مرتين

[ألماسه]

اعتقد البعض حاطينها طبيه وشمسيه بنفس الوقت

ولما يطلعوا من البيت يمكن يكونوا لابسينها وم ماخذين الطبيه
@@

يعني يلبسوا هذي !

واذا حاطينها ع راسهم بس م اعتقد فيها شي !

م لازم يكون تقليد @

[HARDTARGET]

تو علامك ولدي منزل الموضوع مرتين

بالخطاء خالتي ؟.. سامحيني ..

[الزعيم زعيم]

،،، عجب علينا ألا نحكم
كل على ليلاه
اتفق معك س2 .. شيئ يثر للأستغراب
ولكن
لربما يكون ذاك الشخص هو ايضاً مخجل على وضعها او لبسها في ذلك الوقت
لربما كي يظهر بمظهر الحسن
او
ربما عملية ومجبور كي تحجب قوة الضوء على عينه
او لربما فقيراً يتيزن بها
او
ربما منهكاً من العمل المستديم في تخليص المعاملات وما شابه ولم تهون عليه كسرها بخطأ داخل جيبة ربما لأنه محتاج لها او لسعرها


لنترك ما يهمنا من حولنا ونهتم ما بنا

دمتم بود
الزعيم

[رحيل11]

بعض النظارات ,, تكون تقوية للنظر .. وبنفس الوقت واقيه عن الشمس .. وكانها نظاره شمسيه .. احتمال تكون كذا عند البعض..
واحتمال فشره بعد .. كل شي جائز...

[أنثى دبلوماسية]

صحيح وانا بعد لاحظت هالشي سواء من الشباب او البنات عاد الدنيا ليل وبعدها النظارات معلقة

[جنون العاصفة]

انا احط النظاره بالمجمعات عشان اغازل البنات بدون ما تنتبه وطبعا ما حلوة اجلس احرج بنت الناس بنظراتي عشان ما تدعم السنطوانه

[al_rheeb4]

نوبه :/

البس الشمسيه الطيبة بالليل احيانا لانه عيوني تتحسس من ليتات الشارع والسيارات والاضواء الساطعه
ما تعرفوا بو يقالبه " العشى الليلي "
والي عندهم حساسيه @_@


دومه العماني مظلوم
طاحبين فشره وفشره


صباحكم دنجو ^^

[الحارثي991]

هههههههههههههه
حلوة هذي ( عن تطلع الشمس بالليل ..)
........
هذا ستايل .... فقط لا غير ( بالعماني مرض نفسي ) ...

[قصر الأسيل]

يمكن الرجال دهمان ويفكر نهار مسكين لا تظلمونه..

[عمان الغالية 22]

انا احط النظاره بالمجمعات عشان اغازل البنات بدون ما تنتبه وطبعا ما حلوة اجلس احرج بنت الناس بنظراتي عشان ما تدعم السنطوانه

بختك وتجاهر بعد عيني عينك