للبيع صقر ( جير شاهين )

[Victor 99]

السلام عليكم ,,,
للبيع صقر هجين بين الجير والشاهين العمر سنتين ..
مكان تواجد الطير : مسقط - السيب
السعر 650 ريال
الجادين الرجاء التواصل على هذا الرقم 97773555

الصور
http://up80.s-oman.net/MNvyQ.jpg

[هشام العزاوي]

اخوي سعرك واجد واجد غالي انا اشتريت واحد من فترة طويلة من عند عضو في السبلة بمبلغ 60 ريال كم آخرك في الصقر يا اخوي وهل احصل معاه القناع والقفاز إذا راح اشتريه منك يا اخوي.............

اللهم صل على ( محمد) وعلى آل ( محمد)

[صقر العوامر]

ياخوي سعرك وايد غالي والصقر مهجن وصعب تحصل فيه هذي القيمة
اذا يكفيك عنه 60 ربال أبشر وفالك طيب

[ss 04]

جدا مبالغ في السعر
من فتره صاحبي جايب واحد من مسندم ب45
وفي عمان يتراوح سعره بين 40 الى 60 مثل ما تفضلو الشباب
هذا من اصغر الاانواع
راجع سعرك عزيزي

[راعي الولع]

نحره ابيض من المنبا وقفره افطح من الطيـن
وراسه كنها البيضه مـع الجنبيـن مفقوشـه
وانا باخذ من طيور الخواجه جير مع شاهيـن
هذاك اللي تقـل كبـده علـي الحـذرات منهوشـه
هجين وكاسبن خبره ويلعبهـا علـي الحبليـن
ولا فرّخ من اهزال الطيور وهـد فـي حوشـه
توصو عند جيناتـه وحطولـه مـن النوعيـن
شجاع ويسبق افروخن علي الصيدات مخروشه

الجير شاهين من أفضل الطيور الهجينة وسعرة رايح فوق
والأخوان اللي يقولوا سعرة ب60 و50 وأنه أصغر انواع الطيور اظنهم يظنوة شرياص مع احترامي
بس اخوي اللي عارض الطير الحين وقت قرنسة الطيور والسعر ينزل شوي وأنا من اسبوعين محصل طير حر صافي فالعين بألفين وخمسمائة درهم مع العلم انة وقت موسم الصيد يوصل عشرين الف وطالع وما منعني من شريتة غير الحدود

[ازعاج]

هذا ما شرياص عشان يكون سعره ٦٠ و٤٠ ريال شباب هذا شاهين وما فيه لا تهجين ولا غيره بس زين تراعى الشباب بالسعر عزيزي

[امبراطور البلوش]

مسكن طاحوبه الشباب الله يعونك

[Victor 99]

أخواني الي تقولي ب ٤٠ او ٥٠ تقصدو الشرياص مثل العصفور وما يحب أبدآ عند الصقارين وسعره بالعاده ما يزيد عن ال ٣٠ ريال ورجاء لا تتفلسفو فأشياء ما تعرفوها وخليكم على الحمام والعصافير . الجير من أكبر أنواع الصقور وأشرسها ويتواجد في الغرب والدول البارده والشاهين من أسرع أنواع الطيور وينقسم إلى نوعين بحري وجبلي ويتواجد في الدول العربيه والاسيويه وهذا هجين بين الاثنين . رجاء الي جاد يتواصل عل خاص لقلة دخولي السبله وشكرآ .

[Victor 99]

أخوي مثل هل طير عمره ما إنعرض فالسبله والظاهر إنك ما تعرف أنواع الطيور
وحتى إذا بعتلك إياه ب ٦٠ حرام ما أضنه بيعيش عندك أكثر من يومين .

[Victor 99]

أخوي مثل هل طير عمره ما إنعرض فالسبله والظاهر إنك ما تعرف أنواع الطيور
وحتى إذا بعتلك إياه ب ٦٠ حرام ما أضنه بيعيش عندك أكثر من يومين .

[من يحبك كثر ما أحبك أنا]

بالتــــوفيق

[شيخاااان]

ملف مرفق 1080061

[سمسار]

اخواني لا تبخسوا اشياء الناس الطير فعلا مثل ما ذكر صاحب الموضوع جير شاهين ومن سلالة طيبة يعني مكس جير مع شاهين ماخذ السرعة من الشاهين والقوة والشجاعة من الجير وهذا من تفريخ المزارعة مثل فالكون سنتر وغيرها المعروفة في مجال تفريخ الصقور ...واللي يقول 50 او 60 ريال هذا مثل ما قال صاحبنا يقصد الشرياص او الشبوط ....اخواني نحن الحين في وقت ربط الطيور يعني اللي ماله في الصقور احسن له ما يتحمل ذنبه ويموت عنده لان في هذا الوقت يبغاله معاملة خاصة ومكان خاص بارد وتكثر الامراض في هذا الوقت وبالتوفيق للجميع اونا ارى ان السعر شوية فوق وان شاء الله تراعي الشباب في السعر

[Victor 99]

تسلم أخي سمسار على التوضيح وإنشاءالله الي له رغبه فالطير
براعيه فالسعر .

[kRaisi1455]

موفق في البيعة

[yahya344]

بالوفيق اخي في بيع الطير يستاهل
عرضة ع ناس تعرف قيمة الطير وانا اخوك ان شاء الله تحصل اكثر من هالسعر
لا تعرضه ع مربي الكناري والحمام والصفارد

[آخر نمور السلطنة]

موووووفج يا راعي الطيــــر