ساعدوني عندي مشكلة ارتفاع حرارة المحرك وتقطيع بسيارتي صني2002

[عاشق الفردوس2010]

السلام عليكم
عندي 3مشاكل بسيارتي :
1- ارتفاع مؤشر حرارة المحرك الى النصف لما تكون السسيارة واقفه أو بسرعة قليلة 30كم كحد واذا سرعت تخف الحرارة لأدنى درجة واذا شغلت المكيف الحرارة طبيعية لا ترتفع سواء واقفه أو ع سرعة مع العلم المروحة تعمل عندما يصل مؤشر الحرارة الى النصف؟؟ فما المشكلة وما الحل؟؟؟
2- اعاني تقطيع في سيارتي والمشكلة تظهر عندما أستهلك البلكات 8000كم فصاعدا كذلك عزم السيارة يقل أما اذا بدلتها جديدة فتختفي المشكلة والبلكات المفروض كل 20ألف تبدل .. خبروني ناس أنه من الكويلات بدلهن وبتنحل المشكلة وعملت فحص كمبيوتر وظهر أنه الكويل واحد فقط بس اي واحد ما عرفو وعملت فحص كمبيوتر غيره مع صاحبنا العراقي فالخوير وقالي السيارة بخير وعافية كل شي تمام وسألته عن الكويلات وقالي لا تبدلها مافيها شي بس المشكلة ماظهرت أثناء الفحص، للعلم بدلت فلتر البترول وفلتر الهواء وساعة الريس ونظفت الثروتل والمشكلة ما راحت وللعلم التقطيع فقطع فقط عندما تكون السيارة واقفه وفي سرعة 20كم؟؟
3- نفس الشي أحسها تصرف بترول وخاصة في المشاوير البسيطة فريال واحد ربما ل30 كم فقط من السكن للجامعة يحتاجلي ريالين ونص مع انه لا يبعد سوى 5كم أما الخط فتاخذ لكل100كم ريال واحد؟؟
طبعا كل هذي المشاكل عملت فحص كمبيوتر وكل شي تمام // ساعدوني يا ذوي الخبرة

[SaM Alryiami]

يمكن ماي الراديتر يقطر وانت ماعندك خبر

[عاشق الفردوس2010]

يمكن ماي الراديتر يقطر وانت ماعندك خبر

ماشي ولا قطرة والماية يمكن يجلس شهر وما ينقص الا حدود فنجان قهوة

[E7em]

اعتقد والله اعلم المشكله الاولى هي في مروحه الرديتر او انه راس المكينه يحتاج له مخرطه وتغير جازكيت
بالنسبة الى التقطيع اضن انه احد كيبلات البلاكات مو شغال بتعرف هالشي اذا كانت المكينه ترتجف واذا مشيت بها تقطيع شديد والاحتمال الثاني هو مشكله في مخ الجير بوكس بس هاي حاله نادرة تكون بالعادة في السيارات الالمانية مثل الBMW
بالنسبه للصرفيه افحص ابر الكربريتر اذا كانت سيارتك فيها كربريتر واذا انجكتر اعمل له تنظيف او تغير الحقن الا هي الابر
والله اعلم
وننتظر راي اخوان اذا حد عنده اضافه

[عاشق الفردوس2010]

اعتقد والله اعلم المشكله الاولى هي في مروحه الرديتر او انه راس المكينه يحتاج له مخرطه وتغير جازكيت
بالنسبة الى التقطيع اضن انه احد كيبلات البلاكات مو شغال بتعرف هالشي اذا كانت المكينه ترتجف واذا مشيت بها تقطيع شديد والاحتمال الثاني هو مشكله في مخ الجير بوكس بس هاي حاله نادرة تكون بالعادة في السيارات الالمانية مثل الBMW
بالنسبه للصرفيه افحص ابر الكربريتر اذا كانت سيارتك فيها كربريتر واذا انجكتر اعمل له تنظيف او تغير الحقن الا هي الابر
والله اعلم
وننتظر راي اخوان اذا حد عنده اضافه

ألا يمكن ان تكون مشكلة الحرارة من الواتر بمب قبل لا تخوفني برأس المكينة؟؟/ والتقطيع يظهر فقط لما السيارة واقفه او بسرعة 20كم الحين ما ممكن المشلة من الكويلات خصوصا التقطيع والصرفية؟؟

[waleed2828]

اول وحدة مروحة ماشغالة ثاني وحدة ما عرفت احلها

[waleed2828]

ألا يمكن ان تكون مشكلة الحرارة من الواتر بمب قبل لا تخوفني برأس المكينة؟؟/ والتقطيع يظهر فقط لما السيارة واقفه او بسرعة 20كم الحين ما ممكن المشلة من الكويلات خصوصا التقطيع والصرفية؟؟

هذه ما مشكلة مكينة مائة في مائة وما اعتقد واتر بمب اذا واتر بمب بتشوف يرتفع مرة وحدة انت وديها كهربائي وشوف المروحة مراتن يشكل في الصني

[storm999]

مرحبا اخي
بخصوص الحراره انها ترتفع يوم تكون السياره واقفه او تمشي ع سرعه بسيطه فهذا شي طبيعي
حتى لو تلاحظ ان الحراره من توصل النص بتشوف المراوح تشتغل وعلى طول الحراره تنزل وتوصل للربع او اقل يمكن
وايضا يوم تشغل المكيف راح تلاحظ ان الحراره ماترتفع لان المراوح مال الصني يكونوا شغالين direct مع المكيف
فلهذا السبب تشوف الحراره توصل للنص وترجع يوم تكون السياره واقفه او ماشيه بسرعه بسيطه وبدون تشغيل المكيف وهذا يعني ان حرارة السياره طبيعيه
اما اذا مكيف السياره ماكان شغال ووصلت الحراره الى النص والمراوح شغالات ومانزلت الحراره فهذا يعني ان عندك مشكله في الواتربمب او الترموستات او يمكن ان الهيد تعبان
وبخصوص ان السياره انها تتقطع وصرفيتها زايده فانصحك انك تشوف لك كراج محترم.

[الصمت 1]

يا صديقي ارتفاع الحراراه طبيعي عادة كذا في السيارات بس حاول تفحص سويك المراوح اما من ناحية التقطيع فالمشكلة والله اعلم باحد القطع الكهربائية معك الظاهر ضعيفة او فية واير مقصوص عموما النيسان حاله وانا كل السيارات اللي استخدمتهن لحد الان كلهن نيسان يعني اي واحد يشتكي من الكهرباء

[إيكو]

الأقرب عندك مشكلة في الهيد مال المكينية يحتاجله مخرطة وجازيكتات لأنه هذي المشكلة حدثت عند أخوي وغير رديترين ماي ونضف وغير بيبات ومراواح وماشي فيادة وفي الأخير اتضح المشكلة من الهيد وترى تصليحة ما يكلف أكثر من 30 ريال وشكرا

[CaRiZmA]

موفق ان شاء الله..