مرحبا ... اذا اكلت اكله في الاصل ماتحبها بس اكلتها بدون ماتشعر ... تعالوا نشوف شو السالفه بالضبط

[عبدالعزيز222]

... مرحبا

... شخباركم ياحلوين يارب تكونوا بخير وصحه وراحة بال

...هذا الموضوع من فئة المواضيع الخفيفه والمريحه والمرنه في نفس الوقت ... طبعا اغلبكم اذا ماكان كلكم في اكلات معينه مايحب ياكلها ... ولما تسأله عن السبب ... يجول مااعرف المهم اني مااحب هالاكله وبس ... وفي حقيقة الامر ... انا لاحظت هالشئ وبكثره ... لكن المفأجاه ان كل هذول الناس اذا جبتلهم هذه الاكلات من غير مايعرفوا راح ياكلوها وينبسطوا منها ع الاخر مثال اذا كان حد عندك في البيت ماياكل لحم الابل او البقر فقط ياكل لحم الماعز او الظأن ... ورحت واشتريت لحم ابل او بقر وطبخته بطريقه جميله راح ياكله اكثر ومستحيل يشعر بالفرق انا عندكم مثلا دائما اجيب لحم ابل للبيت وعمرهم مايشعروا فيه بس اذا كلمتهم عن لحم الابل وفوائده يجولوا ... مستحيل ناكل واحسهم متضايجين لمجرد ذكره ... وهم مايدروا انهم كل يوم ياكلوه ... في مره كان لي صاحب مصري وجالي انتوا يااخي بتأكلو سمل (القرش)ازاي ده بياكل البني ىدمين ... وجلس عاد المصري .. تخيل لو اصطت سمكة قرش وحصلت فيها ايد او رجل ... جلتله في خاطري ماعليك انا براويك .... المهم في يوم من الايام خليت الوالده ربي يكرمها بالعافيه ويشفيها ... ويعافي امهاتكم وامهات المسلمين ... خليتها تسويلنا (بغيل) اكله صوريه يمكن يسوها في مناطق ثانيه بس باسم ثاني وهي عباره عن سمك القرش يفوحوه بالملح والكركم بعدين يفتتوه ويخلصوه بالثوم والكزبره والليمون ... اكله جميله جدا .... المهم وديت لصاحبي هالاكله ومن كثر ماعيبته كان بياكل صبوعي معاها بعد ماخلص وشرب الشاي ... خبرناه ان هالاكله هي سمك القرش الي بياكل الابني ادمين ... وفي احتمال كبير انك اليوم تغديت على ايد او رجل حد من الاوادم ... المهم وغيرها وغيرها من هالسوالف

... حاولوا انك تأكلوا وماتسألوا كثير اذا الاكل عجبكم عشان ماتنصدموا
... لان المسأله اتصور نفسيه فقط ... لان اغلب الناس الي يكرهو اكلات معينه هم في الاصل لم يجربوا تلك الاكلات ....

... استمتعوا باطايب الطعام ... وصحتين وعافيه

[Queen Elizabeth]

[]

[عبدالعزيز222]

... مرحبا

... كيف لون الخط احسه وايد غامج صح ...

[شرق الجزيرة]

سبحان الله

[مالك شبيه]

بابلوه وبسسس

[نرجسية الملوك]

من العنوان أحس اني اشوف تلفزيون انت مذيع وتعرض مثل تقرير للمشاهدين خاصه لما
تقول تعالوا نشوف شو السالفه هههههه ما علينا..
يا عبد العزيز بيصير هيك دايم ولما تخلص عاض صوابيعيك ودك ترجع ههههههه

[أبو هاني العجمي]

شو السالف النظاره ناسنها فالبيت

[مالك شبيه]

... مرحبا

... كيف لون الخط احسه وايد غامج صح ...

اللون غاوي بس الخط واااااايد كبيير

[انا وصاحب ظلي]

... مرحبا

... كيف لون الخط احسه وايد غامج صح ...

لا زين صديقي
واضح


بس امرات يجبرك الجوووووع تاكل الاخضر واليابس

[Manon]

مممممممممممممممم:/

انا عن نفسي ما احب اكل الموز ابداااا مستحيل يجيني لوعان لو كليته :/
بس اكتشفت اني كنت اكل موز مجفف و انا ع بالي بطاطا خخخخخخخخخخ XD
م اشد غبائي خخخ

[عبدالعزيز222]

اللون غاوي بس الخط واااااايد كبيير

... مرحبا

... عشان صديقنا ابو هاني يشوف لانه ناسي النظاره اليوم في البيت

[ملكة الأحاسيس]

أمبيه أسلوبك يذكرني بالعضو القديم الناصر العربي ما كذا؟

[نرجسية الملوك]

أمبيه أسلوبك يذكرني بالعضو القديم الناصر العربي ما كذا؟

امبيييه هوه بعينه لاه

[انا وصاحب ظلي]

أمبيه أسلوبك يذكرني بالعضو القديم الناصر العربي ما كذا؟

يمكن هووو...؟؟؟؟؟

[رنيم الابداع]

صح واجد تصير

شيء ما نحبه بس لو كنا ما نعرف انه مضيوف للأكل عادي ناكل

بس لو عرفنا ما بناكل منه .. شو فرقت عاد هع

[انا افديك يا اردن]

[MOPR]

ههههه
ذكرتني بالشغاله ما تاكل لحم بقر بس اذا ما حد قالها ان هذا لحم بقر تاكله

[عاشق الغبيراء]

كلوووته اكله ..ما عدى النقانق و البرجر و الكنتاكي ....

[خواطر مبعثره]

ليش لاآإآآأآ.....

[عبدالعزيز222]

... مرحبا

... اخبرك شئ ايام ماكنت في الاردن ... اول مره اكلت المنسف مااستسغته نهائيا ... لاكن بعدين الله لايوريك صرت اذا مااكله في الاسبوع ثلاث مرات او اربع تجيني حاله مثل الهستيريا مدمن منسف...... والمشكله في الاردن مايحبوا الفلفل كثير فكنت اخذ دائما معي فلفل في جيب الجاكيت واول مايبدء الاكل اطلع انا الفلفل

[Hanin4]

وانا كل مره اصطد عن شيء فجاه وبدون اي سبب
عاد الخظار نصها ما حبها
من كذاك نقص معي الحديد فجاه

ممممممم الي فبيتنا ما يحبوا الحليب
مره سخنته ف النار وسويتله هيل وزياده سكر وزنجبيل
واشياء حلوووه تعرفنها البنات

وخلصت الدله

بعدين خبرتهم ترا هذا حليب مراعي

[Hanin4]

كلوووته اكله ..ما عدى النقانق و البرجر و الكنتاكي ....

كنتااااكي

[BeyOnd ReasOn]

ع قول الوالدة "اذا الكبد قابله البطن عور"

[قلبي عماني]

ذكرتني بــالغيل اسميني يعجبني
ويوم عاد ما احصل اسوي معصور عوال خخ
عجبني موضوعك كنه صحن بغيل يم يم

[عبدالعزيز222]

مممممممممممممممم:/

انا عن نفسي ما احب اكل الموز ابداااا مستحيل يجيني لوعان لو كليته :/
بس اكتشفت اني كنت اكل موز مجفف و انا ع بالي بطاطا خخخخخخخخخخ XD
م اشد غبائي خخخ

... مرحبا

... الموز عاد الله يهديك هذا عاد من الاكلات المتفق عليها حتى بينا وبين الحيوانات يعني عليها اجماع بين المخلوقات .. اسهل اكله في العالم شكله حلو وطعمه حلو وسهل الفتح وناعم الملمس لذيذ

[ملكة الأحاسيس]

امبيييه هوه بعينه لاه

يمكن هووو...؟؟؟؟؟

أمبيه نفس الأسلوب ونفس الخط ونفس كل شيء
بس هذا شكله جاي بحلة جديدة "مخمس يعني"

[عبدالعزيز222]

كلوووته اكله ..ما عدى النقانق و البرجر و الكنتاكي ....

... مرحبا

... يااخي هذه النقاق ماطعنا نستد انا وياها ابدا

[دروب منسيه]

شكلك واااحد خداع

سهل أنك تخدع شخص ما يأكل نوع من السمك أو اللحم

لكن إذا ما يأكل السمك أبدا مستحيل تقدر عليه

دمت بعافية

[suad al]

مممممممممممممممم:/

انا عن نفسي ما احب اكل الموز ابداااا مستحيل يجيني لوعان لو كليته :/
بس اكتشفت اني كنت اكل موز مجفف و انا ع بالي بطاطا خخخخخخخخخخ XD
م اشد غبائي خخخ

سبحان الله مثلك ما احب الموز

[ندى الشوق]

الله يسامحك ذكرتني بايام صور وروعتها وعلى سالفة البغيل بالنسبة لي افضل والذ وجبه اكلتها في صور يومها اكلتها في الغدا والعشا وافطار لليوم الثاني