هل ستخسر دولة الإمارات لو صار عندنا مولات ؟؟

**هو الله** · 04/12/2011 09:42 AM

صراحة تعبنا من كثر م نطالب بانشاء مولات ومراكز تجارية للتسوق ...حالنا حال الإمارات ياخي....قاصر هذا السيتي سنتر الشطفة ومركز البهجة البايخ وبريق الشاطئ التعبان والباقي لا يذكر.....ياتجارنا .....ياحكومتنا .....نبغى مولالالاااااات ومراااااكز تسوووووق مثل الإمارااااات أصلا فضيحة علينا مانصدق كل إجازة نطش عالإمارات...حكومتنا ما تستحي ولا كيف؟؟؟ لا يكون في اتفاقية تجارية بين عمان والإمارات انه عمان ماتبني مراكز عشان الشعب يروح دبي ؟؟؟ انزين نحن ايش ذنبنا نخسر مصاريف وفندق وبترول ؟؟؟ تجارنا مايقدرو يبنو مول ؟؟ والله ما قصر الفطيم سوالنا السيتي سنتر ولو انه يباله تعديلات شوية...مثل زيادة دورات المياه واماكن الصلاة؟؟ وزيادة محلات عالمية ثانية .....لكن يالله احسن من لاشيئ...صراحة نطالب بمراااااااااكز تجااااااااارية ومولالالالالااااااات ..... يا تجااااااارررررنا تحررررركو سوولكم مشرووووع تكسبو منه ويستفيد منه الشعب ياااااناااااس يااااعااااااالم....

**معاذ** · 04/12/2011 09:43 AM

ليش دايما تربطو المواضيع بالامارات

**ذئب السلطنة55** · 04/12/2011 09:43 AM

صح كلامك بس يوم شي فلوس نسويلك

**Ameer but Aseer** · 04/12/2011 09:45 AM

ما بتخسر ولاشي

لأن أصلآ بيرفعوا الأسعار عشان يحصلوا فايدتهم

أنا هالمحلات التجاريه معذر منهن

الأملرات تعزك ^_^

**lionelinho** · 04/12/2011 09:47 AM

ما بتخسر بس بتتأثر بشكل ملحوظ جدا

حتى لو سووا مولات للأسف بتكون الأسعار نار حلها حال أي شي ثاني

**تاكيشي** · 04/12/2011 09:47 AM

اﻻمارات غييير

يكفيك ابن بطوطه واﻻمارات مول

**فهد اليحيائي** · 04/12/2011 09:47 AM

الرقي بالتفكير يعلم ويدرس وأسلوب الكلام يعلم وقد تربى عليه ومن يفتقد هذي الصفات فلا ضير أن كتب ما كتب

أختي العزيزة اذا خاطرك بمولات على قولتك في أكثر من طريقه على علشان تطرحي موضوعك وأنتقي الكلمات المناسبه
لا تخلي عاطفتك تتحكم فيك , الله يصلح حالك

**تاكيشي** · 04/12/2011 09:48 AM

اﻻمارات غييير

يكفيك ابن بطوطه واﻻمارات مول

**حمراوووي** · 04/12/2011 09:49 AM

والله نحن ما بس نحتاج مولات وتسوق .....
نحتاج للكثير من الأشياء ....
الحدائق والمتنزهات والاماكن الترفيهيه العملاقة ....
اولادنا لا يشوفوا حيوانات على الطبيعة .يا يشوف في الصور أو يشوفونها خارج البلد .....ياخي هذا استثمار والناس بتدخل بفلوسها وتستفيد الدولة
اولادنا ما نحصل لهم حدائق بها انواع مختلف من الالعاب وتناسب جميع الاعمار ......
لا يوجد العاب فيها مغامرات مع ان السلطنة تتميز بتضاريس ولا اروع ممكن استغلالها في هذا الجانب ..
لا ولا ولا ولا .....واللاءات تعبتنا بصراحة .....
كل شيىء نحتاجلة موجود في الإمارات .....
ما حالة هذي بصراحة ...
صحيح انه بلادنا تملك الكثير من المقومات الطبيعية ، لكن بنفس الوقت لا يوجد الا القليل من المرافق الخدمة في هذي الاماكن ...
و الاطفال يحتاجون للكثير من التسلية ..
والله الواحد يتتكلك ويتكلم لين تدب رياته ...
تعبنا من الصراخ ولا من مجيب ....

**lionelinho** · 04/12/2011 09:49 AM

أرسل أصلا بواسطة معاذ

ليش دايما تربطو المواضيع بالامارات

هذا سؤال عجيب ،، يقولك ما يصدق تجي الاجازة يروح الامارات

يعني هو يروح الامارات تبيه يقول تايلند ؟؟

**عمانية خليجية** · 04/12/2011 09:50 AM

وليش تتمني خسارة الامارات على حسابنا

الله يعزك يالامارات الى الامام دوم يا دار زايد

والله يحفظك يا عمان ويحفظ جميع دول الخليج من شر الحاسدين

**شمال شناص** · 04/12/2011 09:50 AM

المحالات العالمية تريديها عندنا؟؟ هو الشعب معه فلوس عشان يدخل هالاماكن؟

ليش الشركات الكبار ما تجي هنا السبب الوحيد هو ضعف ميزانية الشعببببببببببببببببب .. يخافو يجو لايخسرو

**هو الله** · 04/12/2011 09:58 AM

أرسل أصلا بواسطة فهد اليحيائي

الرقي بالتفكير يعلم ويدرس وأسلوب الكلام يعلم وقد تربى عليه ومن يفتقد هذي الصفات فلا ضير أن كتب ما كتب

أختي العزيزة اذا خاطرك بمولات على قولتك في أكثر من طريقه على علشان تطرحي موضوعك وأنتقي الكلمات المناسبه
لا تخلي عاطفتك تتحكم فيك , الله يصلح حالك

كيف يعني اخوي هل شفتني سبيت حد ؟؟ الواحد مايروم يقول الي ف خاطره

**هو الله** · 04/12/2011 10:01 AM

أرسل أصلا بواسطة عمانية خليجية

وليش تتمني خسارة الامارات على حسابنا

الله يعزك يالامارات الى الامام دوم يا دار زايد

والله يحفظك يا عمان ويحفظ جميع دول الخليج من شر الحاسدين

سمعو ؟؟؟؟ انا سألت : هل ستخسر؟ ...ماقلت اتمنى ان تخسر

**هو الله** · 04/12/2011 10:03 AM

أرسل أصلا بواسطة شمال شناص

المحالات العالمية تريديها عندنا؟؟ هو الشعب معه فلوس عشان يدخل هالاماكن؟

ليش الشركات الكبار ما تجي هنا السبب الوحيد هو ضعف ميزانية الشعببببببببببببببببب .. يخافو يجو لايخسرو

وليش عب كل ما تجي اجازة اول ناس يركضو لدبي اهل شناص

**الريم السروحي** · 04/12/2011 10:05 AM

عمان في مهب الريح

**امبراطور الشعر** · 04/12/2011 10:06 AM

الصمت أبلغ يا وطن

**أبوالونيس** · 04/12/2011 10:07 AM

أكيد بتخسر

**ثق بنفسك** · 04/12/2011 10:08 AM

ليش مايسو مولات واحد يسموه مول مكي والثاني مقبول

الله يعين من وين مساكين عندهم فلوس بعدههن ماتجمعن ف البنك باقي شويه الي تنترس الجونيه

**طبعي الغرور** · 04/12/2011 10:09 AM

تراه وايد ينقص سلطنه بس هل من احد يسمع لا
اكيد لما احد يخبرهم يقول كبار الشخصيات طنش تعش

**هو الله** · 04/12/2011 10:09 AM

أرسل أصلا بواسطة ذئب السلطنة55

صح كلامك بس يوم شي فلوس نسويلك

هذا انتو... كل موضوع تحولوه لإستهزاء محد ياخذ ويعطي عشان صوتنا يوصل للمعنيين

**جرح قلم** · 04/12/2011 10:11 AM

افضل لهم يستثمروا في اروبا
ملايين ومليارات ما ادري وين تروح

بالله عليك دولة طول وعرض ما يوجد بها مستثمر كبير
زين يسوا يشاركة بين كل هامور

اتوقع العمانيين لن يذهبوا الامارات لن الاسعار هناك سوف ترتفع
ويجبر الفقير بالبقاء في بيته

**هو الله** · 04/12/2011 10:12 AM

أرسل أصلا بواسطة أبوالونيس

أكيد بتخسر

ونحن الوحيدين الي مربحينها يعني ؟؟ محد من الدول الثانية ؟؟

**الكلمه الطيبه صدقه** · 04/12/2011 10:12 AM

اخي صاحب الموضوع ... الامارات مابتخسر لكن الهوامير بيخسرو الملايين ... هم يريدوا يعمرو اليلدان "الاخرى" اولى عن عمان

افهموها عاد

وبعدين ليش لما يكتب اي شخص عن الامارات تمسحون مشاركته ...ليش مش لنا الحق نقارن نفسنا بأبناء عمنا؟؟؟ جد والله هم اهلنا قبل لاتكون لهم دوله..واتحداكم احد يقول انه ماله صله ولا اهل هناك ولو من بعيد و جيرانه ..ومن حقنا نشوفهم ونشوف حالنا بيننا شبك ولكن فرق السماء والارض لما تمر من عنده؟؟؟!!!!
...
نحن نغار منهم ...وغيره فيها محبه مانحسدهم ..والله العالم ...وفايديننا للتسوق والسياحه (انا متأكده في مؤامره بعد يخططونها في غلق الحدود ...حسد وعن نفتح عيوننا على تطور الامم)

**رهين الأمل** · 04/12/2011 10:12 AM

العمانيين عندهم نظرة انه همه الوحيدين اللي رافعين اقتصاد الامارات يعني المواطن العماني كانه كل روحة يروح يتسوق بالف ريال

دبي اسمها مركز التجارة العالمي يعني تستقطب ناس من جميع دول العالم

نسبة قليلة من العمانيين تتسوق من المولات الاغلبية تروح للفرجة

والباقين تحصلهم بنايف وهذا الواقع

صدقني دولة الامارات ثرية اقتصاديا لا يمكن التاثير عليها بسهولة

والدليل الازمة العالمية

دبي عالميا اكثر دولة تاثرت واسرع دولة عادت افضل من السابق

**فني محترف** · 04/12/2011 10:13 AM

تحرير التجاره هو من ينعش الاسواق ويفتح روح المنافسه ويرخص الاسعار

لا مول ولا غيره ينفع للاسف عندنا التجاره محتكره موراد السيارات وقطع غيرها واحد موراد المواد الغذائيه واحد وغيرها من الامور من يحتكرها وكيل واحد

ما المساله مول

تحياتي

**معاذ** · 04/12/2011 10:14 AM

البنات واجد بيحوطون

**واحد من الربع** · 04/12/2011 10:18 AM

لو ما راح ولا عماني الإمارات تراها ما بتخسر شيء . . . على بالكم إقتصاد الامارات معتمد على العمانيين!؟

**هو الله** · 04/12/2011 10:19 AM

أرسل أصلا بواسطة تاكيشي

اﻻمارات غييير

يكفيك ابن بطوطه واﻻمارات مول

وليش الإمارات غير ؟؟ اغلب المستثمرين هناك هم شيوخ الإمارات المولات كلها ملك لهم ...وربما هناك استثمار مشترك ..لكن الأهم انه شعبهم مستغني عن التسوق خارج البلد يكفيهم الي عندهم.....

**لحظة آلم** · 04/12/2011 10:20 AM

الله يعين الشعب يحلم من الاماراتي
ابوي الامارات معزوزين ومعلمين كيف يتابعوه مواطنهم وشعبهم
يعنى انته شوف دبي وحدها رئيس وكل منطقة لها رئيس وحدهم
وكذي امور طيبة يعنى الرئيس مع الشعب متعاون
والاقتصاد والميزانية توجد معهم بشكل كبير مثل عندك برج خليفة يوجد فيها الاسهم تصل الى مليارات
يعنى التجارة يسوها بنفسهم بس يستغلوها حال المواطنين في زيادة الدخل الشهري وانشاء حلقات وانشاء بيوت شعبيه وفلل
وانشاء ميزانية لهيئة الخيرات لذوي الاعاقة ,,
يعنى عمان نحلم يسونا نظام توظيف لذوي الاعاقة وانشاء هيئة الخيرية وميزانية لذوي الاعاقة عشان لكل معاق يحصل ملتسزمات الصحية ,,
وتقبلوا وافر تقدير

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: هل ستخسر دولة الإمارات لو صار عندنا مولات ؟؟

أدوات الموضوع

البحث في الموضوع

نمط العرض

هل ستخسر دولة الإمارات لو صار عندنا مولات ؟؟

مواضيع مشابهه

تحذير من شرطة دولة الإمارات العربية المتحدة

إبعاد اللبنانين من دولة الإمارات

قواعد المشاركة