وين احسن مكان لجلب عاملات اندونيسيات في حدود مسقط

[NargesOman]

حبيت استفسر - من تجاربكم الشخصية-

اريد اجلب عاملة منزل اندونيسيه فحابة استفسر وين احسن مكتب فمسقط ممكن اتعامل معاه
ابحث عن المصداقية والضمير
يعني ما يقولولي الشغاله بتيي بعد شهر وانتظر شهرين

سمعت عن مكتب ترس الخليج فمدينة السلطان قابوس... حد جربهم؟؟

ولكم جزيل الشكر..

[عبد السلام التميمي]

بصراحه تعاملت مع الميلادي عام 2000 و كانوا تمام و بعدها العام 2005 تعاملت مع الموسوي اللي مقابل مجمع بوشر الرياضي و كان تعاملهم جداً راقي

و اللحين اتعامل مع ابها العربية في الخوض نفس بناية البيتزا هت و أجمل و تعامل جيد بس بعدني ما اقدر أأكد على التعاملات الآخرى معاهم لأني جديد معاهم و موعد وصول الشغاله ما وصل

اذا وصلت الشغاله بالموعد راح اخبركم و اذا قبل الموعد راح اخبركم

[الساجواني]

ترس الخليج معاملتهم ممتازة
واسعارهم جيدة ايضا
بالتوفيق

[عبدالرحمن الأول]

عندي لك شغالة ممتازة
http://avb.s-oman.net/showthread.php?t=1362463

[المحبة]

انا تعاملي كان مع ابها العربية وما انصح حد يروح عندهم بسبب تعاملهم وتضيعيهم لوقت الزبون
غير التعامل الوقح من الوافده اللي تشتغل معهم هم صح مسويين تسويق ممتاز ان الزبون ما يدفع لما تصل العاملة
لكن طبعا الموضوع ما بالسهل صح ما دافع لكن عاد استحمل بو يجيك والوعود وتضييع الوقت وساير جاي عليهم وفي النهايه فشوش
ترس الخليج عن خبرة ممتازين في التعامل مع الزبون ومع العاملات حتى لو انتهى وقت الضمان للعامله تقدرو ترجعوها عندهم عشان ما يخسرو الزبون وحتى لو وثقتي فيهم انهم يختارو العامله وحدهم امان تعطيهم مواصفاتش
وبالتوفيق

[NargesOman]

شكرا لكل من رد
وشو رايكم فمكتب المميز

[عبد السلام التميمي]

بصراحه تعاملت مع الميلادي عام 2000 و كانوا تمام و بعدها العام 2005 تعاملت مع الموسوي اللي مقابل مجمع بوشر الرياضي و كان تعاملهم جداً راقي

و اللحين اتعامل مع ابها العربية في الخوض نفس بناية البيتزا هت و أجمل و تعامل جيد بس بعدني ما اقدر أأكد على التعاملات الآخرى معاهم لأني جديد معاهم و موعد وصول الشغاله ما وصل

اذا وصلت الشغاله بالموعد راح اخبركم و اذا قبل الموعد راح اخبركم

مثل ما وعدتكم بالأحمر

فالمكتب قال لي 3 أسابيع بالكثير و قد وصلت العالمة أمس يعني 3 اسابيع و مع وجود إجازة عيد الأضحى المبارك في أندونيسيا بلد العاملة و كذلك هنا

و إلى الآن من وجهة نظري ايضاً مكتب ابها العربيه من المكاتب الجيده التي تعاملت معاها