كيف اتخلص من المسامات !

[ls3t]

السلام عليكم

شخباركم بنات؟ عساكم اطياب!

حاليا انا ف اجازه وراح اكون ف اجازه فتره طويله

فقررت اني اعتني ببشرتي شوي ... بدل هالكسل اللي فيني

فلاحظت ف وجهي مساماات مفتوحه .. يعني واضحه

ومشوه الوجه

المسامات ف الخدود والذقن وعقدة الحواجب

اريد طريقة اغلق المسامات واتخلص منها

فا لو سمحتوا بنات عطوني حل شو اسوي!

لانه لاحظت نفس اماكن المسامات يطلعلي حب

حتى هالاماكن مسوده من كثر اثار الحبوب

والله مابي بياض ابي بس بشرتي تكون صافيه وموحده

ساعدوني

[قمة التواضع]

حالي من حالج إذا حصلتي حل لا تنسي تشركي أختج فيه

[Alrahbi14]

حاليا ابي اتخلص من الحبوب اللي تارسه وجهي ومشوهته هي هالبقع..
ابيها ترجع صافية مثل قبل
وبعدين نروح للخطوات التالية وهي المسام والخ....

[حيث الأفق]

سمعت النشا يقفل المسام بس جربته فترة طويلة وما فاد لبر لبر ..

بس جايز من بشرة لبشرة يختلف ..

عسى البنات عندهم حلول ..

[حيث الأفق]

حاليا ابي اتخلص من الحبوب اللي تارسه وجهي ومشوهته هي هالبقع..
ابيها ترجع صافية مثل قبل
وبعدين نروح للخطوات التالية وهي المسام والخ....

الليمون مفيد بس إذا بشرتك حساسة حاسبي ..
أنا بشرتي حساسة وبدل لا يقضي على البقع خلا خدودي حمررررررررات وتركته

[دانة العروس]

الشي الوحيد اللي يخفف المسامات وتدريجيا تمسحي وجهك بماء الورد يوميا

زورينا بمركز دانة العروس للتجميل بالمعبيلة الجنوبية
96318922

[Alrahbi14]

الليمون مفيد بس إذا بشرتك حساسة حاسبي ..
أنا بشرتي حساسة وبدل لا يقضي على البقع خلا خدودي حمررررررررات وتركته

تراه هذي المشكلة.. بشرتي حساسة... والليمون بيزيد الطين بله..
حاليا استخدم زيت زيون, و سودوكريم... (الزيت زيتون عشان البقع, والسودوكسم عشان الحب)
واستخدم صابون خالي من العطر, صابون simple من الصيدلية, واذا ما توفر أستخدم دوف الابيض...
والنتيجة بدأت مرضية والحمدلله..
وبدأت أخف, بس اذا توقفت او اهملت شوي على طووول يرجع الحب... البشرة الحساسة مشكلة, يبالها عناية مستمرة مستمرة مستمرة...

[طالبة التقنية]

الغلا عالجي الحبوب اول وبالعلاج بتقل الدهون وبتقل المسام,,


لان طبيعي مكان الحبوب مسااام خصوصا لو حبوب واججد

[***اخت القمر***]

انصحك بماي الورد
حطيه كل شوي قبل الميكب وبعد ما تغسلي وجهك ولما تنامي يعني حاولي تخليه التونك الخاص فيك

بعد سمعت بمهروس الطماطم انه يغلق المسامات بس شوفي اذا بشرتك تحسس منه او لا

واذا كنتي من النوع الي يحف خففي الحف

وان شاء الله خير

شوفي مركز عناية بالبشره يمكن يفيدك

[حيث الأفق]

تراه هذي المشكلة.. بشرتي حساسة... والليمون بيزيد الطين بله..
حاليا استخدم زيت زيون, و سودوكريم... (الزيت زيتون عشان البقع, والسودوكسم عشان الحب)
واستخدم صابون خالي من العطر, صابون simple من الصيدلية, واذا ما توفر أستخدم دوف الابيض...
والنتيجة بدأت مرضية والحمدلله..
وبدأت أخف, بس اذا توقفت او اهملت شوي على طووول يرجع الحب... البشرة الحساسة مشكلة, يبالها عناية مستمرة مستمرة مستمرة...

فعلآ حبيبتي معك حقك ..
ونحنا فينا كسل ..
من شهر أحيدني أبا أسوي صندل وتو بس تذكرت

أنا بشرتي دهنية وهي السبب فتغيير لون وجهي ,, تصوري يديني أبيض عن وجهي

[ls3t]

انا ماااحف

والحب الحمدلله خف/ الله يجزاها خير صاحبة الوصفه

بس حاليا ابي احل مشكلة المسامات والبقع

لكن من اليوم ان شااءالله راح اعمل مكعبات ثلج ماي ورد وان شاءالله احصل نتيجه مرضيه

يسلموووو جميعا بنات ع النصايح جزاكن الله خيرا

[Roseta]

شوفي صيدليه مسقط بابراج الصحوة اللي بالعذيبه
عندهم خبير صيدلي
بيفيدج بالبرودكتس اللي بتفيد حالتج
بلا خلطات بلا وجع قلب


بس اهم شي
خرخشي جيبك

[ملكة الأبداع]

جربي ماء الورد يوميا وان شاء الله المسامات رح تقل يوم عن يوم عزيزتي ..

[ملكة الأبداع]

حاليا ابي اتخلص من الحبوب اللي تارسه وجهي ومشوهته هي هالبقع..
ابيها ترجع صافية مثل قبل
وبعدين نروح للخطوات التالية وهي المسام والخ....

بخبرك ع خلطه طبيعيه و ان شاء الله تجربيها و تفيدك عزيزتي
المقادير:
حلبه مطحونه و حمص مطحون و لوز مطحون صفار البيض اخلطيهم مع بعض وحطي الماسك ع وجهك قبل الاستحمام وخليه ربع ساعه او اقل وداومي عليه يوميا و ان شاء الله تنفعك و بتشوفي النتائج واضحه جدا طبعا هذا عن تجرربه انا كانت عندي نفس المشكله والحمد لله استخدمتها و اختفت البقع و الحبوب و الكل لاحظ التغيير .

[Alrahbi14]

فعلآ حبيبتي معك حقك ..
ونحنا فينا كسل ..
من شهر أحيدني أبا أسوي صندل وتو بس تذكرت

أنا بشرتي دهنية وهي السبب فتغيير لون وجهي ,, تصوري يديني أبيض عن وجهي

كسل, ونجرب الشي ونشتري جديد, وكلها يومين نتشجع عليه, وبعدين نخليه مركون في الدولاب ولا على التسريحة..

انا بشرتي افتح من يدي, يدي مسمرة من السياقة في الشمس, بس حاليا اجازة اشوفها يدي رجعت ابيضت شوي
انا مشكلتي بس مع الحب وبعدها تتكون هالبقع, ولان بشرتي فاتحة فتبين البقع واااضحة

[Alrahbi14]

شوفي صيدليه مسقط بابراج الصحوة اللي بالعذيبه
عندهم خبير صيدلي
بيفيدج بالبرودكتس اللي بتفيد حالتج
بلا خلطات بلا وجع قلب


بس اهم شي
خرخشي جيبك

تخرخش جيبها زين زين بعد, لكن اذا اشترت بيكون حال فترة طويلة بين 4اشهر إلى 6اشهر...
اذا بتأخذ السيت كامل تقريبا ب36ريال, غسول وتونيك مقشر ومرطب.. طبعا عير الصن بلوك اللي ب11 تقريبا
لكن تراه السيت يجلس 6اشهر
انا جربت عندهم, اشتريت السيت الصغير واستخدمته لمدة شهر, بس ما استفدت لأن كنت استخدم حبوب منع الدورة لأن كنت بروح العمرة, والحبوب هذي بروحها تسوي حبوب وحبوب وحبوب في الوجه
فأتوقع لو اني ما كنت اخذ الحبوب كنت استفدت.. بس انا ما حبيت ريحة الغسول

[Alrahbi14]

بخبرك ع خلطه طبيعيه و ان شاء الله تجربيها و تفيدك عزيزتي
المقادير:
حلبه مطحونه و حمص مطحون و لوز مطحون صفار البيض اخلطيهم مع بعض وحطي الماسك ع وجهك قبل الاستحمام وخليه ربع ساعه او اقل وداومي عليه يوميا و ان شاء الله تنفعك و بتشوفي النتائج واضحه جدا طبعا هذا عن تجرربه انا كانت عندي نفس المشكله والحمد لله استخدمتها و اختفت البقع و الحبوب و الكل لاحظ التغيير .

اولا: عزيزتي يسلموووو على الخلطة...
ثانيا: كانها وصفة بسكويت خخخخخ
ثالثا: ان شاء الله بجربها, مو خسرانة شي..
رابعا: كم الفترة اللي استمريتي فيه عليه؟؟ وبعد كم يوم بانت النتائج؟؟

[تحت الصيانة]

بالنسبه للمسامات فـ احسن شي تحطي ماي ورد بمكعب ثلج وكل يوم تمرريها على وجهك او تجيبي بخاخ وتحطي ماي ورد وتبخي منه لوجهك
وايضا منقوع المُر جدا ممتاز بالشد .. بالصيدليه فيه غسول بيوديرما ازرق جدا رائع للبشره الدهنيه والمسامات
كثري من عصير البرتقال غني بفيتامين سي او حتى اشتري كبسولات وادهني وجهك فيهم ^.^ فيتامين سي رووعه والله من تجربه
وحالياا استخدم جهااز للمسامات ولاحظت نتيجه حلووه خليني اخلص باقي الجلسات وبكتب موضووع عنه