سكنات كلية مجان

[رفيع الشان92]

هلاااا بالاخوان الاعضاء !!
وبطلاب الكليه " كلية مجان "

راح ادش بموضوعي بدون مقدمات
وهو اللي يخص طلبة الكليه اللي ماخذين سكن داخلي
وبما ان موضوعي عن السكن راح اتكلم بكل شفافيه ومصداقيه
لاني احد هؤلاء الطلبه الذين يسكنون بالسكن الداخلي


اولاً. من ناحية الخدمات !!

الكليه لا توفر اي خدمه او ميزه قد يستفيد الطلبه منها .. مثل "موقع السكن بالنسبه لما يحتاجه الطلاب من خدمات , مسافة البعد بينه وبين حرم الكليه , وايجار السكن الذي هو لا يستحق نصف ما ندفعه من اجله وهذي هي الحقيقه , وغيره الكثير.... "
واللي يزيد الطين بله مثل ما يقولو .. انه هذا السكن صارله فتره طويله بدون ترميم ولا اهتمام من قبل الكليه اساساً , وهذا ما رأيته بأم عيني ع عكس الكليات الخاصه الاخرى !!
هذا ويقال انه كليتنا اقدم كليه خاصه , يعني هذا المفروض عندها الامكانيات وتعرف كيف توفر الراحه للطلبه والطالبات وتوفر احسن الخدمات بأنسب الاسعار!
وبالكليات الخاصه تبدل سكنات طلبتها كل سنتين اقل حاجة , وفي سكنات حلوه ومرتبه وحديثه واوسع من سكن كليتنا ومع ذالك سعر الايجار اقل بكثييير من السعر اللي ندفعه لي سكنات كليتنا .




وثانياً . من ناحية الموقع :


بصراحه اول مره اشوف سكن طلبه ف قمة جبل !!
يعني بحياتك يا أخي الطالب شفت سكن ف قمة جبل ؟
وبعيييد عن كل الخدمات , الطالب ترا انسان وحاله من حال البشر !!
يعني يريد ياكل ويشرب ويصلي .... كل هذي الخدمات بعييده وااجد عن السكن واللي يزيد المسافه انك تنزل من قمة الجبل لأن السكن هناك ولما ترجع تطلع هذاك الجبل مررره !
يعني هذي بروحها ضعف المسافه اللي مشيتها من اجل الوصول الى احد الخدمات
واتمنى يتم نقل هذا السكن ف اقرب وقت ممكن لانه بصرااحه حاله يرثى لها للي يعيش فيه !
وعندي كثييير نقاط بس الهدف واااحد .. هو :
1. نقل السكن الى مكان احسن وقريب من الخدمات
2. تخفيض قيمة الايجار الشهري اللي هي 60 ريال عماني الى النصف او حتى اكثر من النصف بشوي
3. تخفيض من عدد الطلاب بالغرقه الواحده من 4 طلاب الى 3 اقل حاجة.
4. توفير خدمات للطلبة من قبل الكليه مثل " الانترنت ، زيادة عدد النقلات ف الايام الدراسييه من والى الكليه , تخصيص ايام معينه بالاسبوع لخروج الطلبه بأشراف من الكليه ".

والله يا ناااااس تراااانا بشر
وين كليتنا ووين الكليات الثانيه
ويقولك انه هذي السنه كليتنا زادت ارباحها ما ادري كم مليووون يعني بالله عليكم وين هذي الارباح ووين الخدمات والتطور الى الاحسن !!
كليتنا مقارنة مع الكليات الاخرى راح تكون ف آخر القائمه بالنسبه للخدمات والسكنات الزفته
يعني بس اربحو كم مليون وخلااااص
يا اخي طورو من خدماتكم طورو من سكناتكم

اتمنى احد يتفهم الموضوع هذا ويوصله للاداره الكلية اذا يقدر

[Mr.Fox]

تو حتى الشباب يوم يطلعو بمشرف
سمحلي جاتني ضحكه

[رفيع الشان92]

ما لازم مشرف
يعني تشرف عليها الكليه بتوفير الباص والسائق هذا قصدي

واتمنى الرد بجديه ف هذا الموضوع

[Mr.Fox]

بالتوفيق ان شاء الله
الله يفرج عليك
سكنات الكليه الداخليه فعلا محتاجه وقفه مع الجهات المختصه لو توجهو رساله رسميه لوزاره التعليم العالي او تقاطعوهم استأجرو خارج وحدكم ....

[رفيع الشان92]

لا الوزاره اللي تتحرك ولا الادارره اللي ترد علينا
واذا استأجرنا بالخارج وما معانا وسيلة نقل هذي وحدها مشكله بعد

[سجين ذكرياتي]

لو تكلمنا لحد بكرة ما راح نخلص ومحد بيسمع لنا

[سجين ذكرياتي]

اسمح لي اخوي على هالمداخلة ..

1- مبنى الكلية يفتقر الى العديد من الخدمات مثل [ مواقف ضيقة +الحمامات وسخة ولا شي سائل ولا تيشو +الكانتين وسخ +والمغاسل وسخة ومتعطلة +خدمات الكانتين زفته ].

2-ماشي استراحات للطلاب +لا يوجد مكان مهيأ يستريحوا فيه الطلاب بس يوجد كراسي من حديد والتكيف ضعيف جدا كأنك مشغل دفايه .

3- المواقف كل يوم نحصل سياراتنا ملحوقه ووفيها ضربات ف البنفر والباب وشموخ !!
واحيانا لما نوقف برع نحصل مخالفات من الشرطة !!

4- التكيف ضعيف جدا ف الكلية وما قادرين يغيروا المكيفات + المكتبة كل شي ممنوع فيها +اللاب اغلب الاجهزة عطلانه!

وين كل هالفلوس تروح وناهيك عن الدراسة غالية معهم جدا..

[رفيع الشان92]

والله تسلم يا اخي ع الاضافه الحلوه !!
ولا تنسى اني انا ذكرت الخبر اللي قريته بالجريده
بانه كليتنا هذي السنه حققت ربح تقريباً 7 ملااايين !!
يعني كل هذا ما قادرين يرتبو الكليه والسكن
7 ملايين يبنو كليه غيرها مع سكناتها وهم ما متحركين ابد

[Apache]

الله يعينكم

[طموحة للعلآ]

انززين لو تستاجرووا خارجي يككون افضل من هالشي كامل

الله يعينكم بجد .

مووفقين