مواضيع من المجتمع مهم جدا...
1-Click Setup for WordPress, Drupal & Joomla!
 
رؤية النتائج 1 إلى 6 من 6
  1. #1
    تاريخ الانضمام
    03/02/2010
    الجنس
    أنثى
    المشاركات
    674

    مضحك مواضيع من المجتمع مهم جدا...

    بسم الله الرحمن الرحيم
    مواضيع كثيرة حبيت أغيرها بالمجتمع وكثير أفكر كيف وشو اللي تغير وخلى الناس كذا مواضيع كثيرة خطرت على بالي بس في بعضها أكثر شيوعا وتكرر حبيت اليوم أتناقش معكم بهاذا المواضيع اللي هيه من مجتمعنا عشان نحنا شباب وفينا العزم والقوه لنغير المستحيل ونكون الأفضل بهذا الزمان المتقلب أتمنى تشاركوني باقتراحاتكم وآرائكم ....




    الأطفال قبل
    كان الأطفال قبل أكثر اجتماعيين أكثر تعاون كانوا يتجمعوا فترة العصر كل أولاد الجيران طبعا يلعبوا بس كانت العاب حلوه وفيها روح الجماعة بخبركم واحد من المواقف الكثيرة اللي تصير باللعب مره كان الأولاد بصوب يلعبوا وكمان البنات وصار تصادم عنيف وقوي الحمد لله على سلامه الأولاد بس البنات كسير وعوير واللي طايحه ضرسها هاهاهاها والله حاله شفتها بهذا الزمن بس ما صار شي تراه لعب ما راح الأهالي يشتكي كل واحد للثاني باللي صار بأولادهم ترا يعرفوا أطفال كذا حياتهم ...
    الأطفال بعد
    أما الحين شو صاير قارنوا بين قبل والحين أعني قبل ما قبل 20 سنه تراه كذا 10 تقريبا تحول سريع ما في أولاد جيران يلعبوا سوى الا و المضاربة ترافقهم ولا في جماعه ما يخلوهم أهلهم يلعبوا خارج أبدا كله مع التلفزيون ولا اليلستيشن وألعاب الفيديو و الكمبيوتر من صغرهم مركب بلهم نظارات والله حرام صايرين ما اجتماعيين ولا يعرفوا حاجه ولما يلتقيوا مع أطفال بالمدرسة كله يبكيوا وما يحبوا يدخلوا صفوفهم لأنهم تعودوا على اللي الناس اللي حوليهم ..أتمنى والله شوي يثقفوا الأهالي ويتغير الحال للأفضل ياليت أعرف الأطفال يحبوا الاطلاع ولأكن كونوا معاهم ورشدوهم للأفضل ..أعتقد الحين اذا سألت واحد من الأطفال عن الألعاب اللي قبل ما أعتقد يعرفوا أسمهن ولا كيف يلعبن ولا حاجه ..
    بتقولوا هذاك ماض والحين القرن 21 طيب إذا تغير كل حاجه لازم يتغيرن العادات والتقاليد والقيم والأخلاق ..الحين اللي أعرفه أنه في أماكن الجيران فيها ما يعرفوا اللي ساكنين جنبهم ولا يتواصلوا ولا يعرفوا حق الجار على جاره نسيوا كلام الرسول ..بس الحمد لله في أماكن ما تغيرها الأعاصير ولا الريح يضلوا أحباب ولو طال الزمن ..





    الاتكيت في البيت
    الاتكيت في البيت ليش ؟؟؟ .............. ليش في أتكيت بالبيت ؟؟؟
    مواقف راح تعلمكم كيف تكونوا مثل ما تكونوا خارج البيت أتمنى تستفيوا وتطبقوا بالحياة ..لاحظوا معي صار موقف بالبيت طاح واحد من أخوانكم أو غلط لما كان يتكلم ولا لابس ملابسه بالقلب ولا سألكم سؤال غبي ..طبعا راح تضحكوا صح ولا لا ؟؟ولا راح تنكتوا فيه طبعا عادي بتقولوا لأنه بالبيت المشكلة أنه بالبيت أما لما يكون خارج البيت وشفتوا مثل هاذي المواقف بتضحكوا؟؟ طبعا تحاولوا تسكتوا أنفسكم لأنه بتقولوا ما حلوه نضحك على الناس ليش أخوانكم ما ناس ولا فضائيين فكروا شوي معي بمنطق أنتوا ما كلكم أقول بعضكم لهجة كلامهم بالبيت غير ولما يطلعوا يعدلوها شو يعني هاذ يخجلوا ولا يتمدحوا ولا شو يعني .؟؟؟؟ تساؤلات كثيرة خطرت على بالي يحبوا يسويوا حاجات خارج البيت أكثر من داخل ولا اللي بالبيت ما يسولفوا ولا يضحكوا ولما يجتمعوا مع أصدقائهم أصوات ضحكهم لين مسافة بعيدة تنسمع ..طيب ما أحق الأهل بعرف بتقولوا أنه نفس الأعمار والميول والمواهب لأنكم من نفس الجيل ..ترا كمان أنته من عائله وحده وأخوان تتشاركوا بكل شي من صغركم ..ترا هاذ كله اللي قلته شفته وسمعت عنه بس ياليت للأفضل ..عشان نكون الأفضل لانا أبناء وطننا الحبيب ..لاتنسيوا تصرفوا على طبيعتكم لأكن له حدود والأدب زين كمان التعاون ...وخليكم كوووول على طول مثل قولت سيح اليحمدي الله يذكره بالخير طلعوه مسكين ..





    شباب اليوم
    فيوم من الأيام كنت طالعه ظهر ما أتذكر ليش بس شفت موقف أول مره أشوفه شباب ماشيين بالسيارة وشو مسويين تراه متعودين نسمع صوت الميوزك بس عاد هما مزودينها فاصخين صداريهم ومستهويين يفتروا بالشوارع ليش ناقص يحملوا معاهم مسدس وعصايا رجال عصابات بالله عليكم شو هاذا ؟؟؟ تراه نحنا ما فبلاد الأجانب (( الله يالدنيا تغيرنا وصرنا أبناء هذا الزمان لا تفكر باللي راح يصير وفكر بالمحال )) أقول شو ناقص وراح يتخليوا عن كل شي الله يعين بعدين ..صايره الحياه مظاهر بس ..ولا اللي مسوي عمره متشدد بالدين ((مطوع)) عوين يأمر بحاجه ويسوي حاجه ولا اللي تغيره حرمته للأسوأ بعد ما كان متشدد ..فيوم وليله أولاد البلاد يصيروا للأسوأ ..الله جعل الناس لهدف لعمارة الارض وكمان يكونوا حياتهم ويرفعوا أسم بلدهم ودينهم بين كل الشعوب ..شكلي شوي طولت بس والله كل يوم أشوف حاجه غريبة يطلعوها ولا الملابس اللي شوي وبتطيح وباين الأحمر أنا فيوم كنت بمركز تجاري وشفت كذا حاله وأضحك و قلت طاح الجينز مالك وطبعا ما فهمني والسلاسل اللي معلقنهن أنا لما أشوف هاذي الاشكال بس أضحك ما أقدر أسوي حاجه بهذاك الوقت بس حبيت اليوم أقول وبصوت عالي تعبنا من هاذا الحاله رجعوا لأصلكم يالله بسرعة لا تروحوا لالاأسوأ لأني أعرف أنهم شافوا على حد ثاني كله تقليد ..
    هذا كله عن الشباب وأقول وأكرر ما الكل البعض الحين على الصبايا البنات بليز تعبنا من سالفه سنان الجمل وما في أستجابه شالوا العباه ولبسوا التيشيرت والجينز ورفعوا الحجاب وقالوا تحررنا نحنا أحرار ؟؟ تفاهه كلام ماله معنى وين الحريه ؟؟ يكفي كل واحد عليه بنفسه صح ولا لا ؟؟ كل واحد يريد مصلحته فيوم داخله مول صادفت بنت متحوله كامل باقي حجابها قلت يمكن ما شالته لأنها تعاني مشكله بشعرها مرت من جنبي كشخت كنت بضحك لأكن قلت لا تفكر اني عاجبتني لأكن عيوني ما يخونني عرفت أني أتمصخر ..الله يعين كل شي تحول ..((يجيلك يوم تندم على ما سويت ))



    تحياتي
    Dream girl in a dream world
    لاحد يزعل مني لاني أقول الصراحه (ليش الصراحه تعتبر كذب وخداع ؟؟)
    اذا في أي تعليق أو ملاحظه عادي ترا أتقبل كل الآراء والمقترحات ..حياكم البيت بيتكم ..
     التوقيع 
    [SIZE="4"]من هالحيـ|ــــاه أنا تعلمت الكثيــــر
    .. تعلمت السعاده..
    .. تعلمت الألم..

    .. تعلمت ان الحياه لحظة فـــرح وساعة ألـــــــم
    أستاذي الأول في الحياه هو الأمل
    ودرسي الأول كان (خَ ــلك بوجه الألم راقي)تعلمت أشياء وأشياء وأشياء
    \\ كل الناس تعيش بس من اللي فيها يتعلم!!هذا الأهم
    dream girl in a dream world[/SIZE
    ]

  2. #2
    تاريخ الانضمام
    22/11/2010
    الجنس
    أنثى
    المشاركات
    3,887

    افتراضي

    الله كريم

  3. #3
    تاريخ الانضمام
    17/08/2010
    الجنس
    ذكر
    المشاركات
    5,022

    افتراضي

    ابداع صراحه
    شكرا على ماخطته اناملك
    اتمنى ان يغلق الموضوع

  4. #4
    تاريخ الانضمام
    03/04/2010
    الجنس
    أنثى
    المشاركات
    2,586

    افتراضي

    وااااااااااايد كلام ... عاد ما فيني بارض

  5. #5
    تاريخ الانضمام
    11/04/2010
    الجنس
    أنثى
    المشاركات
    3,581

    افتراضي

    موضوع نايس عسى الله يهدي الدفشين بو كذا
     التوقيع 
    (( ربـيّ اجـعِل لنا راحـهہً ،تسِع الكـوًن بمًا فيـهہّ|.
    ‏♡ ♬ ))

  6. #6
    تاريخ الانضمام
    26/09/2009
    الجنس
    ذكر
    المشاركات
    18,043
    مشاركات المدونة
    28

    افتراضي

    بارك الله فيك
    مخالف لضوابط الطرح والنقل ..
     التوقيع 
    ثمّة شيء ناقص
    لاأدري ماهو ، لكن الذي أعرفه أنه لايكون كذلك
    إلا في غيابهم.!

مواضيع مشابهه

  1. أهم مواضيع القسم تجدها هنا(اخر تحديث في 11-02-2012)
    بواسطة aloooone في القسم: سبلة الألعاب الإلكترونية
    الردود: 51
    آخر مشاركة: 17/05/2012, 11:58 AM
  2. ملتقى الشراكة مع المجتمع:مجلس الشورى و الاعلام و المجتمع
    بواسطة Tawasul في القسم: سبلة السياسة والاقتصاد
    الردود: 0
    آخر مشاركة: 21/05/2011, 05:34 PM
  3. خمسة مواضيع شيقة............ هذه عدة مواضيع أرجو أن نستفيد منها
    بواسطة ترا في دمعتي قصة في القسم: السبلة الدينية
    الردود: 1
    آخر مشاركة: 07/05/2011, 10:28 AM
  4. الردود: 6
    آخر مشاركة: 02/03/2011, 08:16 AM

قواعد المشاركة

  • ليس بإمكانك إضافة مواضيع جديدة
  • ليس بإمكانك إضافة ردود
  • ليس بإمكانك رفع مرفقات
  • ليس بإمكانك تحرير مشاركاتك
  •