وجبات سريعه :الشاورما /كفتة البطاطا/كفتة التونا/باكورة البطاطا/صينية التوست/لقيمات بالكاسترد

**الم الهواجس** · 06/07/2011 02:41 AM

مرحبا خواتي حبيت أحط لكم بمناسبة شهر رمضان الكريم ، الوجبات السريعة:

وصفة الشاورما

المقادير :
دجاجة مسلوقة ومفتتة
كرتونة ماجي دجاج اللي فيها حبتين
2أو 3بصلات مقطعة ناعم
خس مقطع صغير جدا
مخلل خيار مقطع صغير
طماط مقطع شرايح ناعمة
شوي زيت
ملح
ورق لف السندويش
خبز الحجم اللي صغير تفتحينه بالنص وتقطعينه مثلثات صغيرة يعني الخبزة الوحدة تصير 8 قطع
خلطة الصوص ( اللي بندهن فيه الخبز)
4ملاعق روب + 2 ملعقة طحينة + قطرات عصير ليمون + فص ثوم مهروس

الطريقة :
أول شي نحمر البصل شوي ثم نضيف الدجاج المفتت ونخليه دقايق يتحمر ويا البصل، نضيف مكعبين الماجي ونتم نحرك لحد ما يتغير شوي لون الدجاج ، وتتغير ريحته وطعمه وممكن نعدل الطعم بالملح ،،،

نفرش الخبزة المثلثة وندهنها بالصوص ، وبعدين نحط عليها الدجاج والخيار والطماط والخس (أهم شي ما تكثرين عشان السندويشة تطلع صغيرة وضعيفة ونلفها بورق لف السندويش) ،،،

تصفينهم بصحن التقديم بيكون حجمهم صغير ولذييييييذ ،،،

نصيحة جربوهااااااا ومابتندمون ،،،،

وصفة كفتة البطاطس

المقادير:

5 حبات بطاط مطبوخات ومقشرات ومهروسات
ربع كيلو لحم مفروم
بصله متوسطه مبشوره
ملح حسب الرغبه
معجون طماط ملعقة أكل
فلفل أسود وجرفه شويه
زيت
2 بيض
بقصمات او الخبز المطحون اللي ما يعرف شو اسمه

الطريقه

1 - نقلي البصل لين يحمر نضيف عليه معجون الطماط ونحركه شويه بعدين نضيف
الحم المفروم والملح وفلفل والجرفه لين ينشف ماء الحم ثم نرفعه من على النار

2 - نخلط الحم ويا البطاط المهروس ونخلطه زين نشكله على شكل أصابع او كور ونغمسه
فالبيض ثم البقصمات

3 - نسخن الزيت بس تكون كمية الزيت تغطي الكفته وتكون الكفته جاهزه إن سقط
وحده وراء الثانيه مجرد ماتاخذ الون الذهبي

((( ملأحظه هامه جدا لأزم الزيت يكون حار جدا جدا جدا عشان ما تنفتح حبات الكفته)))

وصفة كفتة التونة

المقادير:

علبة تونة صغيرة مصفاة من الزيت
-2حبة بطاطس مسلوقة ومهروسة
-1بصلة مفرومة ناعما
-1ملعقة عصيرليمون
02ملعقة كزبرة مفرومة
كمون 0ملح0فلفل اسود
زيت للقلى
-للتغطية بيض0بقسماط0

الطريقة:

تهرس التونة ناعمة ثم تخلط مع البطاطس والبصل-وتوضع البهارات والملح وعصير الليمون والكزبرة وتخلط جيدا وتشكل حسب الرغبة ثم تغطى بالبيض والبقسماط وتقلى بالزيت وتقدم

باكورة البطاطا

المقادير:
1 بطاطس كبيرة الحجم
1 ملعقة صغيرة بيكينج باودر
1 كوب طحين ابيض
نصف ملعقة صغيرة كاري
1 ملعقة صغيرة ملح
1 كوب ماء
زيت للقلي

الطريقة:
تقطع البطاطس شرائح رقيقة
وتنخل المكونات الجافة
ثم يضاف الماء ويخفق جيدا حتى يتجانس الخليط.
تغمس شرائح البطاطس في الخليطة لمدة 30 دقيقة.
ويسخن زيت بارتفاع 2 سم على نار هادئة.
وتلقى واحدة وتلو الاخرى في الزيت وتحمر جيدا.

وصفة صينية التوست

المقادير:

2 كيس توست (استعمل توست بالحليب لانها وايد طعمها حلو)
دجاج مسلوق
جزر مبشور ملح بهارات
ذرة
حليب
قشطة
2م ك جبن كرافت سائل
الطريقة
نصف التوست بصينية البايركس ثم نشربها لالحليب ونعمل الحشوة ( بالتاوة نقلي البصل والدجاج والفلفل البارد والجزر والذرة والزيتون وقليل من الكاتشب ) توضع فوق التوست
ثم نضع طبقة التوست فوقها ونشربها بالحليب ونعمل الصلصة (قشطة+ 2 م ك كرافت+مايونيز)
ندهن الوجه وندخلها بالفرن اسفل ثم اعلى

وبصراحه انا جربت النقانق بعد وااايد لذيذه

وبالعافية!!!

وصفة لقيمات بالكاسترد

المقادير :
2 كوب دقيق
2 ملعقة كبيرة حليب مجفف
2 ملعقة كبيرة كاسترد (( ممكن تستبدليه بالنشا ))
1 ملعقة كبيره سكر
2 ملعقة صغيرة خميرة فورية
رشة ملح
¼ ملعقة صغيرة هيل ناعم
¼ ملعقة صغيرة زعفران
½ كوب لبن خاثر (( اللبن العادي ))
1 كوب ماء دافئ

الطريقة ::
في طاسه العجانة الكبيرة نضيف جميع المقادير مع بعض وتخلط جيدا
ثم تترك تخمر من نصف ساعة إلى ساعة حتى يتضاعف حجمها

وبعدين نحمي الزيت الغزير وتصب اللقيمات ثم نشيلها وتوضع في مصفاية ثم نضعها في الشيرة وتقدم .. وتزين بالفستق

وعلى فكرة هذي الطريقة خذتها من منال العالم وطلعت لذيذة وانا احبها اكثر من اللقيمات العادية.

وهذا جهاز اللقيمات

ودعوة حلوة منكم تكفيني....

**عمانية تاج العين والرأس** · 06/07/2011 08:14 AM

جاء في وقته
الله يعطيكي الصحة والعافية اختي

ننتظرك برمضان.......احسك من الان نشيطة

**شوق الروح** · 06/07/2011 08:54 AM

الله يجزيك الخير الغلا
ويرزقك الذريه الصالحه

والأكلات مبين انها شههههيه ..وبتنفعنا لذي الفتره بدل التردد الدائم بإنا ويش نسوي للعشااء

الى اللقاء

**آسرآر** · 06/07/2011 09:56 AM

يمي يمي
تسلم الاياااادي

**دروب منسيه** · 06/07/2011 12:01 PM

أسميك جوعتيني

تسلم يديك

**الم الهواجس** · 06/07/2011 01:58 PM

يالله عليكم بالعافية ...

انا بنزل لكم وصفات قبل رمضااان

اكيد محد عنده وقته يدش النت الحين سجلو الوصفة وعقب بس ارجعو لها....

ورمضان كريم...

**دنيا التفائل** · 06/07/2011 02:03 PM

يمي

امووووووووت ف الشوارما

جزاك الله خير

مشكوووووووووره ع الوصفات

**أكسجين الحياة** · 06/07/2011 03:39 PM

يمـــــــــــــــــــــــ ـــي روووووووووووعة
احنا كفتة البطاط نسويها شكل غير
لكن الي مبينة الان نسميا كتليس

سلمت الايادي

**الم الهواجس** · 07/07/2011 01:56 AM

بالهنا والعافية على قلوبكم...

**work** · 07/07/2011 04:27 AM

مشكورة عزيزتي على المجهود الرائع

**فجر الهدى** · 07/07/2011 09:52 AM

غايته العذاب

**عطر رومانسي** · 07/07/2011 11:56 AM

مشكووورة أختي على الأكلات اللذيذة...

الله يعطيك العافية

**وميض الإحساس** · 07/07/2011 05:50 PM

طريقة سهلة وحلوه.....

**amool** · 07/07/2011 06:13 PM

أرسل أصلا بواسطة الهدايه30

غايته العذاب

صدقتي حبوبة

**قلبي ملكي** · 08/07/2011 02:10 AM

يميييييييييييي روووووووووووووووووعه

تسلللللللللللللم الايااااااااااااااااااادي

من وين اخذتي مكينه اللقيماااااااات

**الم الهواجس** · 08/07/2011 02:41 PM

شاكرة للجميع مروركم الحلو

**أجمل الذكريات** · 08/07/2011 06:09 PM

مـشـكـوره

**الم الهواجس** · 09/07/2011 02:03 AM

العفوووووو...

**فوق النجم** · 09/07/2011 12:06 PM

وين ينباع جهاز اللقيمات؟ اللقيمات لما أسويها لازم يجي فيها ذيل

دايما أسأل ومحد يجاوبني

**موجيدل** · 09/07/2011 02:16 PM

الله يعطيش العافية.

**ترانيم القلب** · 09/07/2011 07:03 PM

سلمت الايادي المبدعه الله يسعدج
جهاز اللقيمات شفته يباع في رامز ومراكز التجاريه الكبيرة

**سفيرة العبير** · 09/07/2011 08:23 PM

يممممممممممممم

**الم الهواجس** · 09/07/2011 10:20 PM

شاكرة لكم مروركم اللذيذ.....يم يم

**الم الهواجس** · 10/07/2011 01:40 PM

استغفر الله

**الم الهواجس** · 11/07/2011 12:22 AM

استغفر الله

**أمي تاج راسي** · 11/07/2011 10:09 AM

تسلم ايدينج

**الم الهواجس** · 13/07/2011 01:55 AM

بالعاااافية على قلوبكم...

**التاجرة شوق** · 13/07/2011 02:16 AM

يسلمو

**الم الهواجس** · 13/07/2011 02:06 PM

العفووو فديتج...

**الم الهواجس** · 14/07/2011 01:56 PM

وييييييييينكم....

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: وجبات سريعه :الشاورما /كفتة البطاطا/كفتة التونا/باكورة البطاطا/صينية التوست/لقيمات بالكاسترد

أدوات الموضوع

البحث في الموضوع

نمط العرض

وجبات سريعه :الشاورما /كفتة البطاطا/كفتة التونا/باكورة البطاطا/صينية التوست/لقيمات بالكاسترد

مواضيع مشابهه

كيس البطاطا / يعلمنا درس فل نستفيد منه

الة تقطيع البطاطا

قواعد المشاركة