اريد بس حد يوضح لي وين موقعي من الاعراب؟انتظر والا ما انتظر..لا50000ولا 150

[رتايم]

السلام عليكم

اخواني اللي يعرف او صادف حاله نفس حالتي..يبرد فوادي ويقولي شو تصنيفي فالقوى العاملة
انا خريجة 2010 بتخصص علمي من الجامعة
سويت بطاقة قوى عاملة شهر 10
استلمت المكرمة شهر 3..لظرفين...اولهم لان القوى العامله تأخرت فتطبيق القرار 4 شهور مثل ماالكل يعرف
والشي الثاني لظروف سفري
رجعت البلد نفس يوم قرار ال150
جددت بطاقتي تاريخ 3 مارس

تو لاجاتني مكرمة ولا رسالة ولا اي شيء يدل اني موجودة فقوائم ال50 الف
ويوم سألت..كانوا كل مرة يتحججوا بشيء..مرة انتظري القوائم وايدونحن نمشي بالدور...ومرة غيري رقم حسابك
واااااااااااخر مرة قبل اسابيع..قالولي انك مجدده تاريخ 3مارس وعاد الله اعلم فحالتك


الحين شو اسوي؟؟؟
الربع توظفوا واني فالبيت

[بنت الباطنة شمال]

عاااد نحن نفس الحالة بس الفرق ان من المحدثيين لحد 27-2 وعطونا ال 150 بس التوظيف قالوا لنااا مع السلامة والله يعوضكم,,,,,,,,,,,,,,,

[رتايم]

المشكلة اني الفرق بيننا..انكم خلاص معروفين انكم من ضمن ال50000وباكر لو صار ما صار بتقدروا تحتجوا..وتطالبوا بحقكم

بس انا اخافني انتظر معكم..ويوم الكل يجيه نصيبه..يكون فاتني الفووووت..عاد بعدين بيقولولي وين كنتي نايمه باباه..

[جوليا 99]

يالله الله كريم
كلها أرزاق
موفقة باذن الله

[قرضاب]

ما فهمت قصتك زين

انا مطلعه بطاقه القوى العامله ع شهر عشره ,, يعني مثلك بالضبط ,, بس كنت دوم اراجع القوى العامله , اذا ما كان اسبوعيا , وجتني رساله ادخال رقم الحساب ودخلتها ع شهر مارس ,,, تقريبا نفس حالتك ,, لكن انا استلم  شهريا ولله الحمد ,,

انتي اعتقد نفس حالة اخووي ,, اخووي مطلع شهر عشره البطاقه نفسي ولكنه ما كان يراجع القوى العامله بأستمرار وما وصلته رساله اضافه الحساب ,, لكن انا دشيت الموقع وحصلته غير نشط وادخلتله رقم الحساب ع شهر مارس ,, وليومك هذا هو ما استلم شي ابد ,,

[رتايم]

ما فهمت قصتك زين

انا مطلعه بطاقه القوى العامله ع شهر عشره ,, يعني مثلك بالضبط ,, بس كنت دوم اراجع القوى العامله , اذا ما كان اسبوعيا , وجتني رساله ادخال رقم الحساب ودخلتها ع شهر مارس ,,, تقريبا نفس حالتك ,, لكن انا استلم شهريا ولله الحمد ,,

انتي اعتقد نفس حالة اخووي ,, اخووي مطلع شهر عشره البطاقه نفسي ولكنه ما كان يراجع القوى العامله بأستمرار وما وصلته رساله اضافه الحساب ,, لكن انا دشيت الموقع وحصلته غير نشط وادخلتله رقم الحساب ع شهر مارس ,, وليومك هذا هو ما استلم شي ابد ,,

انا مطلعتا شهر 10 ولما نزلت المكرمة ما كانت تلحق تنتهي..فنزلت لي المكرمة وبعدها سافر شهور برره..ويوم نزل القرار كنت بره..وبيني وبينكم ما كنا منتبهين لسالفة التحديث ..خصوصا ان بطاقتي جديدة

والشيء اللي محيرني..انهم حاطين هالتاريخ حجة....بدليل ان ال6000 اللي توظفوا كلهم ناس قدماء جدا يعني اقدمهم سنة 1984 ومنهم مايعرف شكل البطاقة كيف؟
وحتى المعلمات اللي نزلت اسماءهن..اعرف وحده من الاهل خريجة 2008 ماعندها علوم شو صاير..وسةت بطاقة شهر 3..ونزل اسمها...


لازم المعيار يكون واضح...والا اشرايكم...؟

[قرضاب]

ما اريد احبطك ,,, بس وفقا لقانون القوى العامله ,,لازم تحديث كل ثلاثة اشهر,, مع انك اعتقد استلمتي مكرمه الاربعين اللي هي مائتين وخمسين

وع فكره اخوي نفسك بالضبط مسجل ومطلع البطاقه شهر عشره ,, وكان يحدث بس عن طريق النت ولما دشيت الموقع حصلته غير نشط ,, ومع اني حدثتله واضفته الحساب ع شهر مارس وصار نشط ,, بس مانزلوا له اي شي

موضوع الستة الاف تبع الخدمه المدنيه كان حسب الاقدميه ,, ونفس الشي التربيه ,,,

اقولك بيني وبينك فكلا الشيئين ما راحوا ع المحدثين والمستحقين هههه ,, راحوا ع سنة التخرج.. ومحدث وغير محدث ومستحق هذه مجرد تسكيته ,, حتى يلهوا الباحثين عن عمل

[أكسجين الأمة]

...
انتي 2010 ..
احنا 2008 ...

[علي المطوع]

دور لك ع وظيفة ولا تنتظر شيء اذا المستحقين ما حصلو شيء

[رتايم]

اختي قرضاب واكسجين الأمة...
صح كلامكم..مثلل ما توقعت..هم ابدا ما خذوا عالتحديث الا فسالفة المكرمة عشان ما تخسرهم..اما فالتوظيف فأبدا ابدا ما خذوا عليها..
جاري الانتظار...

اخوي علي...!

ياليت كنا شراتكم نقدر نشتغل فأي مكان..