وكالة نيسان ببركاء تريد تصلح سيارتي ب650ريال وأنا صلحتها ب500بيسة..

[البوسعيدي 9909]

بسم الله الرحمن الرحيم

مثل ماشفتوا في العنوان
الإسبوع الماضي إشتغلن عندي ليتات مال العداد مال السيارة
إشتغل عندي ليت الفرامل وليت الإرباج وليت الهاند بريك وليت البترول
بأختصار الكل إشتغلوا إلي في العداد
وبعدين رحت الوكالة وخبرتهم بالمشكلة وقالولي لازم نفحص السيارة بالكمبيوتر ع نخبرك بالمشكلة
ووافقت على ذلك وقالولي حط السيارة وتعال العصر وحطيتها عندهم ورحت عنهم وجيتهم العصر
وقالولي تصليح سيارتك مع التخفيض الخاص ب650ريال والتصليح مضمون وبإذن الله
والأعطال هي مثل ماقالولي :
1_ بوستر البريك عطلان بالكامل
2- سنسرات وعددها 2 مال البوستر
3- كتاوت مكينة البي بي أس

وحاولت أجادلهم ينقصوني بالسعر بس بلا فايدة
وقالوا التصليح هو ب970ريال ومع التخفيض الخاص خليناه ب650ريال
وهذا سعر الخاص لأنك زبوننا الدائم..

وقلت بفكر وبشوف كيف وبرد عليكم
وقالولي إذا وديتها الفرع الرئيسي يصلحوها ب1000ريال وزيادة
لأن أعطالك كثير مكلفة..وإحنا عطيناك هذا السعر لأنك زبون دائم لهذه الوكالة..

وبعدين طلعت السيارة من عندهم ورحت كراج درجة أولى في بركاء إسمه ( اللمسة الفنية)
وخبرت الفورمن (المسوؤل) بالمشكلة وشاف المشكلة وقالي إفتح البونيت وفتحته وقالي روح إشرب شاي وإرجع
ورحت وبعد ربع ساعة رجعت وقالي خلاص السيارة صلحتها وقلتله ويش المشكلة وقال مافي مشكلة بس أيل بريك ناقص كثير
وخلاص أنا سوي زيادة أيل بريك
وبالفعل رحت أشغل السيارة وجميع الليتات أطفأت
وقلتله بكم في صلح؟ وقالي بانسو بيساه(يعني 500بيسة) تقريبا سعر الأيل بريك

والحمدلله ع كل حال

وقبل 3أيام رحت وكالة العذيبة وفحصت السيارة بالكمبيوتر ب30ريال
والحمدلله قالوا السيارة مافيها أي عطل..

والسلام عليكم ورحمة الله وبركاته

[مهندس صريح]

زين سويت
كانن بيغيبن عليك 650 ريال
الوكالات تراهن ما من تصليحهن واسعارهن خياليه

[القائد السلطاني]

واجد منه هاذا الكلام اخي .......... الوكالات كلها ضحك على الناس


بس كان مفروض ما تذكر اسم الكراج (( والا عشان الدعاية ))

[البوسعيدي 9909]

واجد منه هاذا الكلام اخي .......... الوكالات كلها ضحك على الناس


بس كان مفروض ما تذكر اسم الكراج (( والا عشان الدعاية ))

ذكرت إسم الكراج لكثرة الفهم للمصلحين هناك..تخيل عرف مشكلة السيارة بدون كمبيوتر

[شرير]

من خلص السيرفس المجاني
ما طبيتها الوكاله

أبسط مثال
تغير فلتر هواء المكيف ( شغل أيدهم ) قالوا آخر شي بـ 4 ريال
قراءة كتيب التعليمات و غيرتة خلال 5 دقائق وحدي

[البوسعيدي 9909]

زين سويت
كانن بيغيبن عليك 650 ريال
الوكالات تراهن ما من تصليحهن واسعارهن خياليه

باغيين يضربوهن الفلوس
والغم يقولولي لاتروح الفرع الرئيسي هناك ب1000ريال وزيادة

[الحق حق]

شوف كيف ؟؟؟؟

بـــ 650 ريال !!!!!!!!!!!

واااااااعجباه !!!!!!!!!

وفي التأني السلامة .,, هذا المثل مو بس في السياقة ترا حتى في تصليح السيارات

[nafartit]

ياااالله معقولة .... حراميه

[المحقق90]

كل الوكالات كذا صديقي حرااااااااامية

[شحشوحة]

nothing new
معروف النيسان قليل الإحسان هع

[صقور السماء]

وين يدور هذا الكراااج ؟؟

[Legend of Love]

شووف كيف ..
عيل زين ما استعجلت ...

[بنت عمان 19]

يؤؤؤؤؤؤ سرقة عيني عيننك هعععععععععع

[مهندس صريح]

باغيين يضربوهن الفلوس
والغم يقولولي لاتروح الفرع الرئيسي هناك ب1000ريال وزيادة

1000 ريال
علووووه بتجيك خرفه قويه كانت
سلمت بالسلامة

[الفسفور]

الحذر واجب من الوكلات ناس بدون ضمير همها الفلوس وبس وانتة مال اول شخص ولا اخر شخص يسو فية كذا

[البوسعيدي 9909]

من فترة وديت أنفنتي مال أخوي الوكالة وهي الوكالة نيسان مال بركاء
وفيها صوت شوي عند المكينة وجاء الفني ويأشر بيده على دينمو تشرش ويقول هذا كمبريسر خراب
ويده تؤشر على دينمو تشرش ....
ههههههه
يحسبني ثوررررررررر

والله نصب قدام عيونك

[البوسعيدي 9909]

وين يدور هذا الكراااج ؟؟

عند زكيت بالقرب من دوار بركاء

[ممرض شاطر]

ماشي كلام
من كل مكان .... أكل

[صيف وشتاء]

ياااااربي
جشع وطمع
وين الرقابه
حراااام كان بيروحن عليك 650 ريال بلاش
ولكن الله يمهل ولايهمل
بس زين انك مااستعجلت
بالتوفيق اخي
وهذي عبره للجميع

[همس الوجدان]

صحيح هذا الكلام انا بدلت فلتر البترول في الوكالة قيمته 28 ريال وتركيبه ب8 ريال .

[البوسعيدي 9909]

ياااااربي
جشع وطمع
وين الرقابه
حراااام كان بيروحن عليك 650 ريال بلاش
ولكن الله يمهل ولايهمل
بس زين انك مااستعجلت
بالتوفيق اخي
وهذي عبره للجميع

تصدق كنت ناوي أعطيهم 550ريال ع يصلحوها
بس الحمدلله ماأستعجلت

[ضياء السندس]

مساء الخير اخوي وجمعه مباركه
المعذره اخي العزيز
بس ايش نوع سيارتك الي اذا نقص زيت الفرامل فيها ---- ايشتغلن جميع اضواء التحذير بطبلون السياره

[البوسعيدي 9909]

مساء الخير اخوي وجمعه مباركه
المعذره اخي العزيز
بس ايش نوع سيارتك الي اذا نقص زيت الفرامل فيها ---- ايشتغلن جميع اضواء التحذير بطبلون السياره

نيسان أرمادا 2007

[almzage]

الوكالة يريدوا ينهبوا الفلوس بس

[صخراوي]

ف الاصل هذه مشاكل سيارات النيسان

لي تجربه مع الوكاله ، سيارتي جديده من الوكاله ، مره تعرضة سيارتة لضربة كوره فوق التاير الامامي

وستوت همصه بسيطه ف السيارة ، رحت الوكالة قالولي سيارتك يحتاج انك تخليها معنا ما لا يقل عن اسبوع

والتصليح بيكون باكثر من 70 ريال ، قلت لا ما اقدر استغنى عن سيارتي كل هالمدة ، رحت البيت وسويت قوة من ضعف

وفتحت الغطاء البلاستيكي اللي فوق التاير ، وجبت قطعة قماش ولفيتها على شكل دائرة ، وضربت مكان الهمصه من داخل

ورجعت الهمصة لمكانها الطبيعي ، والحين لا أثر ولا حتى خدش في مكان الهمصه ، وسلمآ لفلوس والوقت ..

[صخراوي]

واجد منه هاذا الكلام اخي .......... الوكالات كلها ضحك على الناس


بس كان مفروض ما تذكر اسم الكراج (( والا عشان الدعاية ))

مثل هالكراج يستاهل اننا نسويله دعايه وبالمجان ...

[آفاق نزوى]

صراحه لما اسرفس سيارتي الكيا وكاله احس نفسي مسرفس كايين

[البوسعيدي 9909]

ف الاصل هذه مشاكل سيارات النيسان

لي تجربه مع الوكاله ، سيارتي جديده من الوكاله ، مره تعرضة سيارتة لضربة كوره فوق التاير الامامي

وستوت همصه بسيطه ف السيارة ، رحت الوكالة قالولي سيارتك يحتاج انك تخليها معنا ما لا يقل عن اسبوع

والتصليح بيكون باكثر من 70 ريال ، قلت لا ما اقدر استغنى عن سيارتي كل هالمدة ، رحت البيت وسويت قوة من ضعف

وفتحت الغطاء البلاستيكي اللي فوق التاير ، وجبت قطعة قماش ولفيتها على شكل دائرة ، وضربت مكان الهمصه من داخل

ورجعت الهمصة لمكانها الطبيعي ، والحين لا أثر ولا حتى خدش في مكان الهمصه ، وسلمآ لفلوس والوقت ..

الظاهر إنك خبير أخي

[special case]

ما تستغرب كل شي يصير هالايام ..

[صخراوي]

الظاهر إنك خبير أخي

المسأله مش مسألة خبير أو شي من هالقبيل

من خلال خبرتنا ف السيارات ، اصبحنا نعرف شو فيها

بس مشكلتنا اتكاليين ، يعني ما نحاول نعرف شو سبب المشكله