مشكلة العرس

[secret of life]

خاطري حد يفهمني ليش الواحد يسوي عشى ب 3 الاف وراتبه 200 ريال ؟؟؟؟؟؟؟؟؟؟
ترى ما موجود هذا الشي ف الاسلام
ليش هالاسراف ؟؟؟؟؟؟؟؟؟

[بيرنولي]

ليش انزين وش فيها ؟

[engineered]

تراه اذا ما سويت عشى بتتكلم عليه الناس

اخوي سوى عشى في الملكه للحريم وللرجال ب5 الف..

[ملكه الحيل]

ترا عررس لاه ويعزم ناس لازم يعشيهم...

[tutti frutti]

هع طيب يعني بتخلي الناس يجوا العرس ويطلعوا بدون عشا!

[الأخلاق الوارفة]

اخوي
الشخص لو ما مقتدر كان ما بيسوي

[غربة فتاه]

انا اروح عروس عشان اضرب عيوش

[الجمر الملتهب]

حد يتبرع ويخبره

[عماني مسقطي]

وانت ليش تسوي بـ 3000

المقربون وكفى

[صدى الشارع]

احتراما وتقديرا للحضور الذين ارادوا مشاركته فرحته

واعتبرها صدقة وبركه بيوم العرس

[الجمر الملتهب]

تراه اذا ما سويت عشى بتتكلم عليه الناس

اخوي سوى عشى في الملكه للحريم وللرجال ب5 الف..

ياربي
في الملكة بس هذا

[الحــــــــــارثي]

فلوووووووس عند العماني

[نظرة غير]

كل واحد وميزانيته...

لو ما عنده ما سوا ب هالمبلغ

[فارس عمان ثلاثه]

العزاء الحين يخسر فيه الانسان أكثر من العرس,,,لاتكون بخيل لان الفرحه ما تنعاد مره ثانيه

[ارادتي في انطوائيتي]

وليش ماتقول كرم
ترا ناس كثيره معزومه

[ضي البيارق]

ربي يعينك
النااااس عااد مفرووض عليهم من يتعشووا يدعوولهم بالخير مب يدجوا العشي وبباي

[مهندس صريح]

ما شرط ب 3الاف...بس شو بيسوي لازم عليه

[جنح الظلام]

يعني لازم يعشيهم وثلاثة الاف بعد واااااغيابنا

[شذى الورود]

ع حسب ميزانية المعرس...
اذا مب قادر يدفع فليش يضغط ع نفسه ويسوي لنفسه ديون وعوار راس!!؟؟ ....،،،،

[YahyaSaid82]

لغير المقتدر احسن يشارك في عرس جماعي
اذا شي بالولايه ففيه تحل البركه
اعرف كم عريس مقتدر شارك فعرس جماعي
ليكون الزواج زواجا تكتنفه البركه

[صخراوي]

خاطري حد يفهمني ليش الواحد يسوي عشى ب 3 الاف وراتبه 200 ريال ؟؟؟؟؟؟؟؟؟؟
ترى ما موجود هذا الشي ف الاسلام
ليش هالاسراف ؟؟؟؟؟؟؟؟؟

هذا واحد يحب المظاهر ...

[اللوجستي22]

عشان البركة ؟؟؟؟بعدين بصراحة حاليا وايد ناس ما تآكل لحم غير بالمناسبات يكفيك تكسب اجرهم

[مهندس صريح]

ان شاء الله صندوق الزوااااااااااااااااج جاي

[دانة نزوى]

يعني ليش عيل عازم الناس

بتطلعهم بدون عشاء مثلا!!!

او بتسوي بو فضائح

احسن الواحد عاد لما يتكرم يسوي شيء محترم

ويظهر امام الناس بصورة مشرفة

ما يسوي اي كلام والسلام

وبعدين ربنا بيباركله في هذا اليوم

[شرير]

عشان يرمى الاكل بعد العشى

[بدر الكندي]

يا أخي ما في شي (إجباري) و(لازم)

حسب ميزانيتك ، ولا تحمل نفسك فوق طاقتها. إنت متزوج علشان تفرح ما علشان تستدين.

[عشقي وطن]

" يعني راتبه 200 العشاء لازم يكون ب 200 ياااااااااهي معادله "؟؟!!

[االملاح الأزوري]

بثلاثة آلاف حشـــا بيكون عازم البلاد كلهـــا

الحمد لله الامـــور طيبه فـ السنوات الماضيه واجد شي عروس جماعيــه وتخفف المصاريف كثيـــر ..

[نون]

التفيشرهـ أو طلبــآآت المدآآآم

[khalid119]

كلامك منطقي ..اشوف كذا وايد شباب..ولما تتقرب منهم تتغرب..ونقولهم يااخي ليش تكلفون انفسكم عملو حج الاهل والجرن فقط..
اعرف زميل لي ع قد حالة فقط عزم اهلة والجيران ..وعمل عرس بسيط والاكل ماتجوز 600ريال.وانا احية ع عقليتة وشجاعتة ليش يكلف نفسة..\
بس بعض الاحيان الوحد يضل مجبور نحن بالعائلة لازم الواحد اقل شي يدفع للعزيمة مابين 5الى 6او7الاف ريال ليش ماادري ولما تكلم الشياب مايرضون
يالله بنرضيهم لما نريد نتزوج الاهم شيابنا راضين ومستانسين كذا تكمل فرحة العرس ..ومن الحين مستعد ومرتب امور حتى لو كلف 10الاف ريال
الوحد يصبر ويرتب امورة حتى لو تاخر سنتن او اكثر الاهم انة حقق الشي لي يريدة..بعدين بصراحة كيف اكون قادر اتزوج واني ماعندي حتى ادفع الاكل للضيوف شو ذنبها البنت اعيشها في
وضع صعب صح القناعة كنز بس بهذا الزمن من حقها تعيش مثل باقي البنات هذي نضرتي ورئي اتمناء مايزعج احد عسبيل المثال
اني الكل يقول لي تزوج واولهم ابوي ..بس ارفض الزواج وماارد احد يساعدني لااني رجال والرجال لازم يعتمد ع نفسة والاهم من هذا كلة يوفر البيت المناسب او المسكن والحياة الكريمة واخر شي يجي يتكلم عن المهر والعشاء الضيوف لاانة في نضري الشاب الجاد يبني نفسة وبعدها يكون قادر انة يتحمل مسؤلات الزواج وحتى ماريفة ..تقبلو مروري بصدر رحب