لحقو على البنت كارهة زوجها كره العدو

**سليلة الجود** · 07/02/2011 03:52 PM

مساء الخير اخواتي

لحقو على قريبتي حامل في الشهر الثاني وكارهة زوجها كره العدو وما تطيقه خير شر مع انها تحبه كيف هذي عاد

المهم تقول اذا شافته جاتها رغبة في النزاع والعنف معه

وحاولت تتخلص من الحالة لأن في قرارة نفسها ما يهون عليها لكن الحالة لا ارادية غصبن عنها تكرهه

هل انصحها تروح شهر عند اهلها مثلا.. او انها تنصح زوجها بالابتعاد وتجنب المنزل قدر الامكان الى ان تعدي الازمة

**أستغفرك يا ربي** · 07/02/2011 03:56 PM

يا سبحان الله تحاول تفهم زوجها أن هلحاله غير أراديه عشان ما يأخذ عنها فكره
وتروح مع أهلها حتي تحس بتحسن

**سليلة الجود** · 07/02/2011 03:57 PM

أرسل أصلا بواسطة أستغفرك يا ربي

يا سبحان الله تحاول تفهم زوجها أن هلحاله غير أراديه عشان ما يأخذ عنها فكره
وتروح مع أهلها حتي تحس بتحسن

مشكورة اختي على النصحية وعسى الزوج يتفهم

**يمــنى** · 07/02/2011 04:02 PM

وحده من زميلاتي أختها صارلها كذيه بس مسكينه قامت كثير تروح بيت أهلها وماخبرت زوجها بمشكلتها عشان ماتحسسه بشي

**ريم الأريام** · 07/02/2011 04:10 PM

خبريها تروح بيت اهلها لان زوجها حتى لو يموت فيها ممكن ينفجر فجاه من اسلوبها
فاحسن تروح بيت اهلها تقوله تعبانه من الحمل وتريد تغير جو بس لا تحسسه بالموضوع

والله يسهل عليها يارب

**قلبي ملكي** · 07/02/2011 04:13 PM

الله يكون ف عونهم

**شموخ ظفارية** · 07/02/2011 04:16 PM

خليها تكثر الاستغفار والصدقة عشان تنحل جميع امورها..

**JuSt FeeliNg** · 07/02/2011 04:21 PM

فـ هالفترة من الحمل عادي غصبا عليها ومفروض الزوج يتحمل هالشئ ,,

بس اذا استمر هالشئ خليها تشوف عند حد من المشايخ يمكن حد مسولها عمل انها تكره زوجها اعوذ بالله

**أكسجين الأمة** · 07/02/2011 04:49 PM

،،،
يعني الزوج ما يعرف هالحالات مثلا ؟!

اكيد عنده خبر بهالنتائج السلبية احيانا اثناء الحمل

اجلسي بيت اهلك ...

**ام رزان** · 07/02/2011 06:12 PM

ذكرتيني بحالتي هههههه

انا يوم احمل نفس الحاله بس المصيبه اهلي بعيد ما اقدر اهرب

لازم يصبر ويستحمل هذا الشي خارج عن الاراده

الله يعينها ويتتمم حملها على خير

**كلي امنيات** · 07/02/2011 06:28 PM

احسن تروح مع اهلها لحد ما يخف

**وصـال** · 07/02/2011 06:55 PM

هي تجامل ناس كثير

فزوجها أولى بالمجامله حتى لو حاسه انها تكرهه وماطايقه شكله وريحته ماضروري تتشبث بفكرة ان هذا وحام ولازم يستحمل وتعيش جو الكره بتفاصيله ،
هو بيقدر عصبيتها بس ابدا لاتعترف له بكرهها له ولوجوده بالبيت ، بس تفهمه ان يستحمل عصبيتها ومرحله وبتعدي. ربنا ينتعها بالسلامه قبل مايهرب الراجل

**روزيز** · 07/02/2011 11:29 PM

ههههههههههههههههههههه هذا الى يسموه وحام

**مزودة3** · 07/02/2011 11:32 PM

أرسل أصلا بواسطة سليلة الجود

مساء الخير اخواتي

لحقو على قريبتي حامل في الشهر الثاني وكارهة زوجها كره العدو وما تطيقه خير شر مع انها تحبه كيف هذي عاد

المهم تقول اذا شافته جاتها رغبة في النزاع والعنف معه

وحاولت تتخلص من الحالة لأن في قرارة نفسها ما يهون عليها لكن الحالة لا ارادية غصبن عنها تكرهه

هل انصحها تروح شهر عند اهلها مثلا.. او انها تنصح زوجها بالابتعاد وتجنب المنزل قدر الامكان الى ان تعدي الازمة

هذي برووحها شغلان..
هذا وحام..
معنا منه

امي كذا..تقز البابا

**°ღ°♥ بنت قابوس ♥°ღ°** · 08/02/2011 06:15 AM

مثل مـآقـآلو آلآخوآت
آحسن تروح بيت آهلهـآ ..

آلله يكون في عونهـآ

آلوآحـآم آنوآع

**دمي ولا دمعة أمي** · 08/02/2011 08:33 AM

ذكرتوني بنفسي هالحالة جاتني ف الحمل الأول ف كنت كارهه زوجي والبيت حتى إسمه ما اريد يذكروه قدامي .......... لدرجة إن في مرة كنت طالعة مع أهلي اتمشى ف مسكين اشتاقني ورسلي صورته ع تلفوني ولا ما استحملت وقمت ارجع بالمختصر كان يلوعني .............بس المسكين استحملني

**فيونكا** · 08/02/2011 09:06 AM

الله يكون فعون الزوج دام زوجته تتوحم عليه

المفروض هنا الزوج يتحمل و يراعيها لان هالشي ما بإيدها

شكل البيبي بيطلع نسخة من ابوه ههههههه

**ازهار** · 08/02/2011 09:18 AM

عادي كل رجال هالايام يفهمو هالامور ليش ما تخبره
عشان يفهم الوضع انا صارلي نفس هالحاله وخبرت زوجي وتفهم الامر الموضوع جدا بسيط ما يريد تعقيد هاذي حاله عاديه والكل يعرفها وتصير دايما
وعاد الولد ان شاء الله بيصير نسخة ابوه خخخخخ مثل ولدي

**ابتسامة صمت** · 08/02/2011 09:32 AM

الله يعينهم صراحه
الوضع جدا صعب للأثنين
لو تخبره بحالتها أفضل وهوة أكييد بيتفهم الوضع وأذا تحس نفسها ما قادره تستحمله
تروح تغير جو بيت أهلها أحسن للأثنين
الله يسهل عليها يا رب

**miss mughairi** · 08/02/2011 09:32 AM

أعرف 2 تزوجوا عن حب
و الحرمة حملت على طول ما شاء الله
و جاتها الوحام بأنها كارهة زوجة و ما طايقة حتى تشوف شكله
و راحت بيت أهلها
و الموضوع كبر و طفش الرجال و صل الموضوع للمحكمة
و القاضي رفض يحكم
و خبر الرجال يصبر على حرمته لين تولد
و بعد الولادة راحت عنها الحالة

سبحان الله

و الحين سمن على عسل
ما شاء الله الله

لازم تفهم زوجها باللي يصير معاها
و أن شاء الله خير

**الغدير العجمي** · 08/02/2011 11:06 AM

ياسبحان الله
انا سمعت من جدتي انه في حريم كذا يكون الوحام عندهم انهم يكرهون الزوج فاحسن لها تروح عند اهلها تريح لحد الشهر الثالث تنتهي فترة الوحام او ان حد يكلم زوجها ويشرحله الموضوع عشان هو يبتعد شوي و يقدرها و اذا عصبت يسكت عنها

**عذبة الكلام** · 08/02/2011 11:51 AM

عادي حبيتي أكثر الحريم يصير لهم نفس الموضوع أهم شيء أنتي تخبري زوجك بالحالة اللي تمري فيها وروحي بيت أهلك وعسى ربي يثيت اللي في بطنك أنا مثلك أول شهرين كرهت زوجي وأصلا أنا مريضة وكنت بيت أهلي بس لما أشوفه تلوع كبدي بعدين كرهت بيت أهلى ،،،،،،،،،،،،،، ورجعت مره ثانية بعد شهر أكرهه بس الحمد لله أنا فهمته الموضوع وهو موه يسوي غصبا منه تقبل

**ساعة صمت** · 08/02/2011 12:09 PM

هالشي طبيعي عند بعد الحريم اللي يحملن

خليها تروح بيت اهلها لين تستقر حالتها
وترتاح
وعقب الله يسهل عليهى

**شكسبيره** · 08/02/2011 12:16 PM

هههههههه
والله بليه الحريم
انا بفتره حملي ولمده اسبوعين تقريبا كنت اشم فم زوجي خايس
وعارفه انه وحام بس الريحه ما تنطاق تدوخ
وصبرت وصبرت وصبرت
ويوم صارحته زعل
هههههههههههههههههه
وقام يتكلم وراسه على صوب
خخخخ

**Reefal** · 08/02/2011 12:41 PM

مثل ماقالوا بعض الأخوات
الأفضل توضح له إنها في حالة مزاجية تصير لأغلب الحوامل وانه لو ما يمانع تريد تروح بين اهلها لغاية مايستقر الوضع
الله يكون بعونها

اتمنى لو ربي رزقني وحملت اتوحم بحب زوجي اكثر خخخخخخخخخ
بيطفر حده

**Miss Prestige** · 08/02/2011 05:01 PM

يس يس ...

خالتي وزوجة خالي كذا ...

وحده فيهم كرهت زوجها وراحت بيت الاهل

والثانيه تشمه خايس ==== لوووول هذي قويه ...

عموما الاثنين تحملوا .. فتره وتعدي بس عاد معقوله كلش كلش ما يصير نتحكم بالوحام ؟؟؟
يعني مايصير الحرمه تحط ببالها ان هذا وحام .. ومشاعر كاذبه ؟

**عطر رومانسي** · 08/02/2011 09:17 PM

وهو ما يعرف بهالسوالف؟!

**مندوبة ناسا** · 08/02/2011 09:24 PM

أرسل أصلا بواسطة miss mughairi

أعرف 2 تزوجوا عن حب
و الحرمة حملت على طول ما شاء الله
و جاتها الوحام بأنها كارهة زوجة و ما طايقة حتى تشوف شكله
و راحت بيت أهلها
و الموضوع كبر و طفش الرجال و صل الموضوع للمحكمة
و القاضي رفض يحكم
و خبر الرجال يصبر على حرمته لين تولد
و بعد الولادة راحت عنها الحالة

سبحان الله

و الحين سمن على عسل
ما شاء الله الله

لازم تفهم زوجها باللي يصير معاها
و أن شاء الله خير

و انا معاكي فـ هذي النقطة

الله يسهل عليها و يتمم حملها على خير

**عذبة الكلام** · 09/02/2011 08:37 AM

أرسل أصلا بواسطة رجائي جنة ربي

هههههههه
والله بليه الحريم
انا بفتره حملي ولمده اسبوعين تقريبا كنت اشم فم زوجي خايس
وعارفه انه وحام بس الريحه ما تنطاق تدوخ
وصبرت وصبرت وصبرت
ويوم صارحته زعل
هههههههههههههههههه
وقام يتكلم وراسه على صوب
خخخخ

ما تقولي تو أمس أشم ريحت زوجي دواء وجالسة أقوله روح رحتك دواء وهو يضحك من خاطر بعدين زعل عجب بسير أراضيه أقوله مال وحااااااااااااااااااااااا اام أنا في الخامس يعني لحد الحين أتوحم

**أجمل حب** · 09/02/2011 09:00 AM

وابوي سكتوا وما خفي كان اعظم انا كذا بس احاول اجامل عشان ما ازعله

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: لحقو على البنت كارهة زوجها كره العدو

أدوات الموضوع

البحث في الموضوع

نمط العرض

لحقو على البنت كارهة زوجها كره العدو

مواضيع مشابهه

خليفة بن زايد حاكم العين السابق :سوف نجعل العين درة مدن عمان الداخلية !!!

لحقو شبابneed for speed shift 2 نزل

قواعد المشاركة