استفسار بخصوص حبوب لتاخير الدورة للعمرة

[أين العدالة]

السلام عليكم ورحمة الله وبركاته



هلا بنات بغيت استشيرك؟؟



انا بروح العمرة تاريخ 18/ 1 / 2011م


وموعد دورتي 24 / 1/ 2011م



واريد اكل حبوب تأخر الدورة


فحبت اسال شو اسم هالحبوب؟؟ ومتى اكلهن بالضبط؟ وكم مرة باليوم؟واخاف اكون حامل هالشهر فهل هالحبوب لهن تأثير على الحامل؟؟

ارجوا مساعدتكن العاجلة

[ظل ظلي]

مرحبا

اسم الحبوب primolut N

تاخذي اعتقد حبيتين في اليوم صباح ومساء

وعشان الحمل .. سوي فحص حمل ... وبتعرفي ..

وعن تاثيره بصراحه ما اعرف ع الحامل

واتمنى لك عمره مقبوله وسعيا مشكورا وذنبا مغفورا باذن الله مقدما

ولا تنسيني والبنات بالازواج الصالحين

بارك الله فيك

[أين العدالة]

اف حبتين؟؟؟ بنساهم

ماتنفع حبة وحدة

[أحلى مسقط]

اختي روحي لاي عياده خبريها بتعطيك الوصفه

انا كذا سويت ولازم تاخذيها قبل بيوم

[الشـيم]

لازم تستشيري دكتورة نساء

[الياسمينة]

صباح الورد..
مثل ماقالو الاخوات احسن تستشيري دكتورة نسائية لانها هي بتفيدك اكثر من السبلة وخصوصا ماتعرفي اذا كنتي حامل اولا..

وعندي طلب لو سمحتي.. " ادعي لي وللجميع بالذرية الصالحة"

[حياتو أنا]

انصحك لا تاكلي
فيه وحده من اهلي بعد زواجا اكلت حبوب
وبعدها صار عندها عقم وطلقها زوجها
الله يستر من هالحبوب
وانتي براحتك

[dream222]

دوفستان تاخذينه من اليوم ال 14 للدوره وتوقفيه قبل ماتبينها تنزل ب 5 ايام ومايضر بالعكس هوه يقوي الرحم ومايجي العقم من مره وحده طبيا الحبوب ماتضر ولو كنتي حامل تنصح الطبيبات له لانه مثبت للحمل انا كنت استخدمه قبل

[ReeMaz]

افضل تروحي عياده وهم يخبروج

انا مره رحت قالوا لي مفروض قبل الدوره بـ اسبوعين

بس لاني متأخره عطوني الحبوب وقالوا لي اخذ حبتين

بس اذا كنت رايحه من وقت فـ يكفي حبه وحده

بس يفضل تشوفي العياده وتتأكدي اذا كنت حامل او لأ

[أين العدالة]

مشكورات خواتي

سمعت عن تحليل الدم الرقمي يبين اذا حامل فوقت مبكر ياترى موجود فعمان

[إبراهيمية]

روحي عياره افضل وأأمن لك
سألي الدكتوره وبتخبرك

قبل العمره اختي راحت للدكتوره خبرتها بموعد الدوره وعطتها حبوب وارشادات
ولا تنسي ابره الوقايه من المركز الصحي

بالتوفيق ولا تنسي اخواتك من دعوه بالخير والهدايه والتوفيق،,.

[ليالي شرقية]

عزيزتي حبوب بروملت ان اخف واحسن انواع الحبوب وابد ماتسبب عقم وتاثيراتها الجانبية خفيفة وتروح من 3 الى 6 اشهر
تاخذي حبة واحدة فقط لو بديتي تاكليها قبل موعد الدورة باسبوعين بس اذا كان الموعد اقل من كذا تاخذي حبتين

نادر تاثيرها ع الحامل بس يفضل الفحص قبل لا تبدئي تاكليها
فحص الدم احسن من عينة البول واسرع
وطبعا اذا الموضوع مر عليه اكثر من اسبوعين فخذي عينة من البول قبل صلاة الفجر لان تركيز هرمون الحمل يكون اكبر
العيادات تسوي الفحص للدم باقل من 6 ريال اذا حابة تتاكدي اكثر

عمرة مقبولة باذن الله

[*العنيده*]

عزيزتي اذا بغيتي روحي مركز صحي وخبريهم بتسيري العمره وبيعطوكي الحبوب وابره الوقايه

اما اذا حامل ترا الدوره ماراح تنزل ^_* فما يحتاج تاخذي الحبووووووووووووب

الله يوفقك وتروحين وترجعين بسلااااااااااااامه ودعوااااااااااااااتك