محتاجه نصيحه..

[HCT student]

يمكن مب هذا المكان المناسب لموضوعي بس اريد انقل لكم مشكلة صديقتي يمكن تساعدوها ف حلها..

ربيعتي انخطبت والحمدلله كل شي تم ع خير بس اللي ضايقها انها هي ماعندها حد يروح يجهز معها حق عرسها والكل عارف ان تجهيزات العرس وايد(يعني الله ماعطاها اخوان يوقفوا معها ولا عطاها خوات يوقفن معها لان كل حد ف حاله)
المهم لما يوهم الناس اشترطوا اهلها ان عادي الولد وحد من اهله ايي يوصلها السوق عسب تتجهز البنت ماقالت شي وبعد ماراحوا الناس انصدمت ان اهلها مشترطين ع الناس انه مايسوا ملجه

اخواني واخواتي انصدمت كيف اهلها يرضوا انها هي تطلع مع واحد مابينها وبينه شي رسمي
يعني مايخافوا من كلام الناس؟
ومثل ماقلت ابوها مافكر ان الدنيا موت وحياه يعني لو هو لاقدر الله مات او مرض يتوقع ان حد بيوقف معها وخاصه ان اخوانها من النوع اللي يسوي مشاكل واتوقع انهم ع طول بينكروا انه هالريال خاطب هالبنت..

هي حاولت اتفهمهم ان هالشي مايرضي الله انها تروح وترد مع واحد حتى مب ضامنه انه بيتزوجها حتى لو معها امها..
هي تريد النصيحه وخاصه انها هي كانت تتمنى انها اتجهز حق عرسها وتختار كل شي ع ذوقها

انتظر نصايحكم.......ودمتم بود

[اخناتون]

ما دامه تم عقد القران والناس عرفت بالخطبه ويوجد عقد زواج ما هي المشكله هنا ؟ وخصوصا ان البنت لما تروح تشتري سامان لعرسها اتكون امها معها وليس شخص غريب

[اخناتون]

يمكن الزوج رجل فقير ما يقدر يسوي ملكه ومن كذا اعتذر عن الملكه

[المخ الابيض]

عـــادي وليش مكبرتنها وهي صغيره

دام أنه سوى عقد قران شرعي صارت حلاله ولزمت عليه

ويعتمد على عاداتهم وتقاليدهم

[HCT student]

ياخواني ماسوى عقد شرعي للحين والبنت ماطلبت حفله او غيره هي بس طلبت يكون شي رسمي يربطها مع هالانسان عسب محد يتأجر يرمس
والخطبه تمت بس بين اهل البنت واهل الولد

[7ooroman]

ياخواني ماسوى عقد شرعي للحين والبنت ماطلبت حفله او غيره هي بس طلبت يكون شي رسمي يربطها مع هالانسان عسب محد يتأجر يرمس
والخطبه تمت بس بين اهل البنت واهل الولد

مجرد خطبه كلام يعني

غرريبه عآدآتنآ ما تسمح لنآ نطلع مع الخطيب إذا امتلك نعم لكن بس خطبه لأ..؟!!!

يآسبح ــآن الله معظم الأهآلي يعقدوا المسآئل وخآصتآ مسأله الزوآج!

[الشاهين2010]

لا تعليق ع اهلك

ومعك الحق اختي

[HCT student]

والمشكله محد قادر يفهم هالشي..
كل ماتتكلم ف الموضوع يقعوا كلام مايسوى بس للاسف محد فكر بعقله او حتى عطاها فرصه تعبر عن اللي ف داخلها ...
هي تحس اهلها كأنهم يريدوا يبيعوا حيوان مب كأن هذي بنتهم وهذي حياتها ولازم يشاوروها ف كل شي

[الانسه]

الحين هي دام ما عندها اخوان واخوات عشان يساعدوها في التجهيزات..

بس امها وابوها موجودين ليش ما يودوها؟؟؟ ولا هم كبار في السن؟؟

اذا هم كبار في السن مثلا وما يقدروا على هالسوالف.. طيب ما عندها صديقات؟!!!

تروح مع صديقتها توديها السوق عشان تستعد

وهذا هو الحل

[منتهى]

أختي بكل بساطة البنت تتصل على خطيبها وتقول له انا موافقة اطلع معاك بس بشرط انك تعقد القران وتضغط على اهلي واذا ما تقدر انت تعال خذ مقاساتي وانا راضية بذوق خواتك

اختي فهميها بدل لا سمح لا يقعون في الحرام لانه الى الان يعتبر من غير المحرمين عليها بمعنى رجل اجنبي في الشرع
وتجنبا للقيل والقال
و بدلا من المصائب واغضاب رب العباد قوليها حياتك مو متوقفه على بضاعة او تجهيزات حياتك متوقفه على سمعتك

على فكرة ترى في تاجرات شنطة ممكن انها تتفق معاهن على شراء ما تحتاجه

اختي ترى الامور سهله وهونيها وتهون

يعني شو تشتري على ذوقها اذا كان الوضع مستحيل

تحياتي لها وباركيلها وقوليلها انت على حق وربك ما ينساك باذن الله

[الجنراله المتأمله]

يمكن الزوج رجل فقير ما يقدر يسوي ملكه ومن كذا اعتذر عن الملكه

اهل البنت هم اللي رافضين فكرة الملكة

[اخناتون]

ياخواني ماسوى عقد شرعي للحين والبنت ماطلبت حفله او غيره هي بس طلبت يكون شي رسمي يربطها مع هالانسان عسب محد يتأجر يرمس
والخطبه تمت بس بين اهل البنت واهل الولد

كيف يعني تطلع معه ولا توجد عقد زواج ولا اي شي ؟
هل هذا الشخص قالك كذاك علشان يسوي مثل المسلسلات والافلام لكي يتعرف عليكي اكثر وانتي تعرفيه اكثر ,اعذريني اختي البنت صوتها كعوره لغير محارمها وما بالك ان تتطلع مع شخص بس وعدها انه يتزوجها وهذا يعتبر غلط ف غلط

اذا صرف موضوع الخطبه بسبب هذا الشي وقالك انه لازم تطلعي معه فهناك آلاف الاشخاص الي يدورو ع بنات وما محصلين

[اخناتون]

اهل البنت هم اللي رافضين فكرة الملكة

سبحان الله هل بنتهم رخيصه معهم لهذه الدرجه علشان ما يسوا ملكه بسيطه لبنتهم او الشخص الي متقدم هو فقير ؟

[كبرياء مجنون]

أختي صديقتك تمشى ف الطريق الخطأ..

أذا هى غير مقتنعه بالفكرة وتعرف أنه اللى يصير خطأ ف خطأ ومن الاساس ماشئ عقد قران بينهم

وتعرف ذهابها معه لايعتبر غير شخص أجنبي لاأكثر...

هل ممكن توضحي شو سبب رفض أهلها لعقد القران قبل التجهيزات للعرس..

الحين ف العادة تجهز الملابس أو عقد القران ف البداية

وبعد الشخص اللى يريدها زوجه شو يظمن له بعد كل هذه التجهيزات وغيرها تتم الخطوبة الرسمية والزواج ممكن يتقدم لها شخص وأهل البنت يوافقوا بسهوله

[كبرياء مجنون]

أذا هى تقول ماعندها أخوات واخوان يقفوا معها للتجهيزات العرس

فما فائدت صديقاتها .. أنتي هنا تريدي مصلحة البنت فلماذا لاتقفي معها في محنتها..

وتتبرعي أنتي وصديقاتك وتخبريها بأنك سوف تأخذيها لشراء جميع المستلزمات والشخص اللى يريدها زوجه يستريح في بيتهم وأنتي تتوكلي ب هالشئ وتكوني فعلتي فيها خير ومعرف لن تنساه طول العمر

[شرير]

أذا أمها معها
ما أظن فيها مشكلة
و تخبر الخطيب يجيب معاه أمه أو أختة
عشان تتآآاف القلوب

بس ما تطلع وحدها معه

[الجنراله المتأمله]

سبحان الله هل بنتهم رخيصه معهم لهذه الدرجه علشان ما يسوا ملكه بسيطه لبنتهم او الشخص الي متقدم هو فقير ؟

امكن عشان ما يهلكهم وكل دقيقة يجي بيتهم

[جوهرة القصر الاولى]

تطلب عقد بين الاهلين منهم ومنها وبكذا تضمن حقها وهذا العقد ما يحتاج ملكة رسمية يعني عقد زواج بدون ملكة
والله يوفقها

[HCT student]

الحين هي دام ما عندها اخوان واخوات عشان يساعدوها في التجهيزات..

بس امها وابوها موجودين ليش ما يودوها؟؟؟ ولا هم كبار في السن؟؟

اذا هم كبار في السن مثلا وما يقدروا على هالسوالف.. طيب ما عندها صديقات؟!!!

تروح مع صديقتها توديها السوق عشان تستعد

وهذا هو الحل

امها وابوها مايقدروا لان صحتهم ماتساعد

وربايعها ما عندهن سيارات عشان يوصلنها

[HCT student]

أختي بكل بساطة البنت تتصل على خطيبها وتقول له انا موافقة اطلع معاك بس بشرط انك تعقد القران وتضغط على اهلي واذا ما تقدر انت تعال خذ مقاساتي وانا راضية بذوق خواتك

اختي فهميها بدل لا سمح لا يقعون في الحرام لانه الى الان يعتبر من غير المحرمين عليها بمعنى رجل اجنبي في الشرع
وتجنبا للقيل والقال
و بدلا من المصائب واغضاب رب العباد قوليها حياتك مو متوقفه على بضاعة او تجهيزات حياتك متوقفه على سمعتك

على فكرة ترى في تاجرات شنطة ممكن انها تتفق معاهن على شراء ما تحتاجه

اختي ترى الامور سهله وهونيها وتهون

يعني شو تشتري على ذوقها اذا كان الوضع مستحيل

تحياتي لها وباركيلها وقوليلها انت على حق وربك ما ينساك باذن الله

تسلم ع مرورك الطيب

[HCT student]

كيف يعني تطلع معه ولا توجد عقد زواج ولا اي شي ؟
هل هذا الشخص قالك كذاك علشان يسوي مثل المسلسلات والافلام لكي يتعرف عليكي اكثر وانتي تعرفيه اكثر ,اعذريني اختي البنت صوتها كعوره لغير محارمها وما بالك ان تتطلع مع شخص بس وعدها انه يتزوجها وهذا يعتبر غلط ف غلط

اذا صرف موضوع الخطبه بسبب هذا الشي وقالك انه لازم تطلعي معه فهناك آلاف الاشخاص الي يدورو ع بنات وما محصلين

اخوي انت فاهم الموضوع غلط

اهل البنت هم اللي رافضين الملكه لان يقولوا يمكن ماتتفق معاه ويطلقوا او مثلا يصيرله شي وتترمل

ما اعرف ليش نظرتهم للحياه غلط

[HCT student]

أختي صديقتك تمشى ف الطريق الخطأ..

أذا هى غير مقتنعه بالفكرة وتعرف أنه اللى يصير خطأ ف خطأ ومن الاساس ماشئ عقد قران بينهم

وتعرف ذهابها معه لايعتبر غير شخص أجنبي لاأكثر...

هل ممكن توضحي شو سبب رفض أهلها لعقد القران قبل التجهيزات للعرس..

الحين ف العادة تجهز الملابس أو عقد القران ف البداية

وبعد الشخص اللى يريدها زوجه شو يظمن له بعد كل هذه التجهيزات وغيرها تتم الخطوبة الرسمية والزواج ممكن يتقدم لها شخص وأهل البنت يوافقوا بسهوله

هي اصلا رافضه تتطلع معاه حتى ولو امها معاهم
ومثل ماذكرت قبل هم ماعطوها سبب مقنع لرفض الملكه

[HCT student]

أذا هى تقول ماعندها أخوات واخوان يقفوا معها للتجهيزات العرس

فما فائدت صديقاتها .. أنتي هنا تريدي مصلحة البنت فلماذا لاتقفي معها في محنتها..

وتتبرعي أنتي وصديقاتك وتخبريها بأنك سوف تأخذيها لشراء جميع المستلزمات والشخص اللى يريدها زوجه يستريح في بيتهم وأنتي تتوكلي ب هالشئ وتكوني فعلتي فيها خير ومعرف لن تنساه طول العمر

ياليت اقدر اساعدها بس انا نفس حالتها ماعندي حد يوصلها وانا ماعندي سياره

[HCT student]

امكن عشان ما يهلكهم وكل دقيقة يجي بيتهم

حتى لو ماسووا ملكه هو كل اسبوع بيي عشان يشتريلها وحسب ماشرطوا اهلي يريدوه هو يوصلها عسب تتجهز

[رهين الأمل]

بأختصار أختي لا تروح بروحها تروح مع امها خالتها

صديقاتها وبكذا تتجنب الفتنة وتتجنب كلام الناس

ودام الولد خطبها رسمي مافيها شي يوصلها

بعدين اذا مافي ملكة على طول عرس عادي

فيه ناس تسوي الملكة والعرس بيوم واحد يمكن هذا القصد

[فارس عمان ثلاثه]

بالتوفيق للجميع

[خيوط الليل]

عادي يعتبر زوجها شرعــا .. ما يحتاج ملجه ..

[abn_alarab83]

الله يسهل عليهم وينور قلوبهم

[حريتي]

مافيها شئ تروح معاه لو امها معاهم ....صدقيني الرجال لما يشوف الام مع بنتها مايقدر يسوي شئ وخصوصا هو عارف ان مافيه شئ رسمي مابينكم

عادي اختي لا تكبرين الموضوع

فيه بنات وحيدات امهم وابوهم وعادي يتزوجو والامور طيبة وكل واحد يرتب اموره على حسب ظروفه

عيشي حياتك واستانسي لانه على حسب مانسمع ايام الخطوبة لا تعوض والمفروض انها اجمل ايام فلاتخربينها بالهم والنكد والتفكير الدنيا ماتسوى

جهزي على حسب ذوقك وذوق امك واستانسي مافيها شئ

[dm3t 2lm]

السالفه ومافيها أهلها , البنت مضايقها موقف أهلها حسب فهمي
اذا البنت ماقدرت على اهلها تقدر على خطيبها تشترط له انهم مايطلعوا لحالهم عالاقل امها وخواته اذا عنده خوات
ثاني شي حبيبتي في مواقع كثيره تبيع بضايع وتسلمها للبيت يخف عليها النص من زهبتها وماراح تضطر تطلع معاه دوم ,, واذا ماتعرف انتي ساعديها
وبالبركه ان شاءالله