تأخرتي في الحمل!؟ شنو شعورج قبل وبعد الحمل.. شاركينا

[محاسن]

بسم الله الرحمن الرحيم




السلام عليكم ورحمة الله وبركاته
واللهم صلِ على محمد وآل محمد الطيبين الطاهرين



الموضوع لكل عروسة تأخرت في الحمل شهووور او سنين وحملت بعد مشيئة البارئ عز وجل..


أولا أخبرينا عن شعوركِ واحساسكِ في الأشهر والسنين الا قضتينها في تأخركِ في الحمل!!!!

ثانيا أخبرينا عن شعوركِ لحظة معرفتك او علمك بالحمل!!
ثالثا أخبرينا عن شعوركِ بالحمل والبيبي مع مرور أشهر الحمل!!!
رابعا أخبرينا عن شعوركِ وقت وصول طفلكِ للدنيا!!!

خامسا أخبرينا عن شعوركِ الآن لمّا تنظرين لطفلك وهو أمام عينيك!!!!

وممكن اتخبرينا عن شعور زوجكِ اذا أحببتي في كلاّ الحالات...


هدفي من موضوعي هذا هو: معرفة الشعور والاحساس قبل وأثناء وبعد الحمل لكل عروسة تأخرت في الحمل...وكلي يقين بأني سأشارككم أحساسي يوماً من الأيام


والله يرزق جميع المتأخرت والمنتظرات بالحمل قريييييييبا يا رب...
والله يثبت حمل جميع حواملنا الجدد ويسهل وييسر عليهم حملهم وولادتهم يا رب...
والله يحفظ أولاد جميع الأمهات يا رب العالمين..



تحياتي لكم

[malak123]

الحمدلله انا ما تاخرت


لان عروس جديدة ^__^

[البسمة الدائمة]

الله يرزق كل متأخره بالحمل يا رب .......
ويقوم كل حامل بالسلامه يا رب ........
انا الحمدلله ما تأخرت بالحمل على طول حملت ما شاء الله علي ........

بس عندي كم صديقة تأخروا بالحمل والله حالتهم حاله وخصوصاً متزوجات قبلي واحسهم كثير يفكروا بالحمل ....
نصيحه الوحده ما تفكر كثير تخلي املها بالله كبير .......

[محاسن]

الله يرزق كل متأخره بالحمل يا رب .......
ويقوم كل حامل بالسلامه يا رب ........
انا الحمدلله ما تأخرت بالحمل على طول حملت ما شاء الله علي ........

بس عندي كم صديقة تأخروا بالحمل والله حالتهم حاله وخصوصاً متزوجات قبلي واحسهم كثير يفكروا بالحمل ....
نصيحه الوحده ما تفكر كثير تخلي املها بالله كبير .......

الله يرزقك بالخير ياااارب
وعقبال المتأخرات عن الحمل الله يرزقهن ويخبرنا كييييييف كااااااانت فرحتهن

[محاسن]

الحمدلله انا ما تاخرت


لان عروس جديدة ^__^

ربي يهنيك ويسعدك

[سنيوره]

أنا متزوجة من سنة وشهرين ولحد ألحين ما حملت وأنا مقتنعة إن الله يفعل ما يريد وقادر على كل شي لكن نظرة الناس أف عليهم وعلى فكرة هم ما يسألوني أنا يسألوا زوجي وعاد هو يجي يقولي وأنقهر منهم كأنهم ما عارفين ربهم..

بس الحمد الله على كل حال وإن شاء الله يرزقني في القريب العاجلويرزق كل وحدة متأخر في الحمل ... آمين

[عيون غزلان]

أنا متزوجة من سنة وشهرين ولحد ألحين ما حملت وأنا مقتنعة إن الله يفعل ما يريد وقادر على كل شي لكن نظرة الناس أف عليهم وعلى فكرة هم ما يسألوني أنا يسألوا زوجي وعاد هو يجي يقولي وأنقهر منهم كأنهم ما عارفين ربهم..

بس الحمد الله على كل حال وإن شاء الله يرزقني في القريب العاجلويرزق كل وحدة متأخر في الحمل ... آمين

صحيح الناس ما عندها غير ما حملتي ماحملتي ؟؟؟؟ وليش

[بفرض وجودي]

ربًنـــا يرزقكنً الذريهً

[JuSt FeeliNg]

يارب يرزق كل محرومة ومتأخرة عن الحمل يااااااااااااارب ,,

[محاسن]

يارب يرزق كل محرومة ومتأخرة عن الحمل يااااااااااااارب ,,

اللهم امين

[أمة الله2009]

الحمدلله واشكر له


متزوجه من 6 اشهر ..........................

وبعد ماحملت ..... بس انزعج كل ماشافتني وحده ها كيف حلمتك حامل


وانا ارد عليهم الله يسمع منكم

بس الله يوم يكتب " كن فيكون فليش العجله ""

يارب يرزق كل محرومة ومتأخرة عن الحمل يااااااااااااارب ,,

[أم القاسم]

الله يرزقك كل محرومه يااااارب،،،
انا متزوجه صار لي 8 اشهر،،وكان طبعا يظايقني لما حد يسأل عني كيف حملتي ولا بعدك،،
وليش ما حملتي،،كنت ارد عليهم كل شي بيد رب العالمين،،وكانت عمتي ام زوجي الله يهديها كل ما تشوفني
لما اروح بيتهم تمسكني ع صوب وتسأل،،ولحد ما صارت اكره اروح بيتهم،،

لين الله ما كتب لي وحملت،،والحين فالشهر الثالث والحمدلله،،

سويت فحص حمل فالبيت الفجر وصليت ركعتين شكر زوجي يشوف علي مشتغرب شو هذه الصلاة قبل اذان الفجر،،
خلصت وسلمت وشفت عليه،،قلت له رح يصير عندنا بيبي،، فرح وااااااااايد ودمعت عيونه من الفرحه،،

الله يرزق كل محرومه ويقوم كل حامل بالسلتمه!!!

[batman]

الله يرزقك كل محرومه يااااارب،،،
انا متزوجه صار لي 8 اشهر،،وكان طبعا يظايقني لما حد يسأل عني كيف حملتي ولا بعدك،،
وليش ما حملتي،،كنت ارد عليهم كل شي بيد رب العالمين،،وكانت عمتي ام زوجي الله يهديها كل ما تشوفني
لما اروح بيتهم تمسكني ع صوب وتسأل،،ولحد ما صارت اكره اروح بيتهم،،

لين الله ما كتب لي وحملت،،والحين فالشهر الثالث والحمدلله،،

سويت فحص حمل فالبيت الفجر وصليت ركعتين شكر زوجي يشوف علي مشتغرب شو هذه الصلاة قبل اذان الفجر،،
خلصت وسلمت وشفت عليه،،قلت له رح يصير عندنا بيبي،، فرح وااااااااايد ودمعت عيونه من الفرحه،،

الله يرزق كل محرومه ويقوم كل حامل بالسلتمه!!!

ما شاء الله الف الف الف مبروك الله يرزقنا بالحمل السليم المعافى

[Um 3li]

انا متزوجة من سنه و 8 أشهر ولحد الحين ما حملت
وكل شيء طبيعي عندي وعند زوجي

دعواتكم لي بالحمل

[كفاني غرور]

الله يرزق كل محرومه يارب العالمين..

[miss whatever]

الله يرزق كل محرومه يارب العالمين..

اللهم امين

[swmah]

الله كريم

[تبيان]

موضوع جميل_ربي يرزق الجميع كل الخير_‏ فعلا الأرزاق بيد الله وحده_يارب يثبت حمل كل حامل ويقومهم بالسلامة

[محاسن]

انا متزوجة من سنه و 8 أشهر ولحد الحين ما حملت
وكل شيء طبيعي عندي وعند زوجي

دعواتكم لي بالحمل

اختي الله يرزقك ويرزقنا

[القلب المتفائل]

(رب هب لي من لدنك ذرية طيبة إنك سميع الدعاء )
اللهم إني أسألك باسمك الطاهر الطيب المبارك الأحب إليك الذي إذا
دعيت به أجبت وإذا سئلت به أعطيت وإذا أسترحمت به رحمت وإذا
استفرجت به فرجت إن ترزقني الذرية الصالحة ...
اللهم آآآآآمين

يا الله
اللهم إني أسألك بحق هذا الإسم العظيم الأعظم الكبير الأكبر الذي
إذا دعيت به أجبت وإذا سألت به أعطيت وإذا استغثت به أغثت وإذا
استرحمت به رحمت وإذا استنصرت به نصرت وإذا استحفظت به
حفظت أن تعجل لي بالذرية الطيبة

صاري 8 سنوات من تزوجت ولم يرزقني الله بالذرية
حملت طبيعي مرتين واجهظت
الله كريم

ملف مرفق 647775

[زوجة رجل مهم>]

ربي يرزق كل محرومه بطفل تقر عينها به يا رب

[كيان بلقيس]

(رب هب لي من لدنك ذرية طيبة إنك سميع الدعاء )
اللهم إني أسألك باسمك الطاهر الطيب المبارك الأحب إليك الذي إذا
دعيت به أجبت وإذا سئلت به أعطيت وإذا أسترحمت به رحمت وإذا
استفرجت به فرجت إن ترزقني الذرية الصالحة ...
اللهم آآآآآمين

يا الله
اللهم إني أسألك بحق هذا الإسم العظيم الأعظم الكبير الأكبر الذي
إذا دعيت به أجبت وإذا سألت به أعطيت وإذا استغثت به أغثت وإذا
استرحمت به رحمت وإذا استنصرت به نصرت وإذا استحفظت به
حفظت أن تعجل لي بالذرية الطيبة

صاري 8 سنوات من تزوجت ولم يرزقني الله بالذرية
حملت طبيعي مرتين واجهظت
الله كريم

ملف مرفق 647775

الله يصبرك اختي و يرزقك قريبا غير اجل باذن الله ..

قصة لامست وجداني كثيرا.. سانزلها بعد قليل باذن الله و اتمنى ان تجدي فيها السلوى

[كيان بلقيس]

وصلتني بالبريد من اخت عزيزة ..

====


قصتي مع الامومة ..

اليوم حآبه اشاركم بقصتي
اللي عشت ايامها وساعاتها لحظه بلحظه
انا بالاساس كنت متردده في كتابتي لها الموضوع
كنت خايفه اني انفهم غلط
او ماوصل هالموضوع بالصوره اللي ابيها
فأتمنى من كل قلبي اكون عند حسن الظن واعجب نفسي
،،
عنوان القصه ~
الامومة

الشخصيات~
( انا وكل شخص بحياتي نعتبر من شخصيات وابطال هالقصه )

وقت احداث القصه ~
Four Years ago
تقريبا منذ اربع سنوات "

الفصل الاول :
"بغرفتي وبين هالخلاقين والحوووسه
ماباقي شئ الا ويوصل زوجي
الا الان مابعد خلصت ووراي الف شغله وشغله
افف وشو له ننزل الرياض اصلا
ورى مانعيد بالشرقيه ونرتاح من هالحوووسه
بس زهق هنا ماعندك احد "
,,
هذا كان لسان حالي قبل 4 سنوات من الآن
وبعيد الاضحى
حامل بالشهر الثالث
بعد انتظار دام خمس سنوات ؛
مشينا للرياض
اول يوم بالعيد كان حلوو وماشي حاله
كلن خامد ببيته
ثاني يوم طلعنا للبر حسيت باجهاد رغم اني جالسه اغلب الوقت
كان الجو مررره برد
بعضنا بات بالمخيم
لكن انا وزوجي رجعنا لبيتنا ِ
دخلت الحمام ’ يكرمون السامعين
الا اشوف بقع بنيه "
قلبي صار ينبض بقوووه حسيت رجولي مو قادره تشيلني
الرجفه سرت بجسمي كله
طلعت لزوجي وانا احسني خايفه من ايش وليش مادري !!
سولفت له عن اللي صار
هداني بكم كلمه رغم اني مابينت له اني قلقاانه ابدا
من بكره يكلموني البنات ويطلبوني اروح معاهم لستار سيتي ~
وافقت ووكلت امري لله
طلعنا بعد المغرب والساعه 10 يجي زوجي ويشيلنا ونروح بيت اهله
هناك انصدمت انه صاير معاي نزيف خفيف
كلمت زوجي جوال وقلت له
سويت الوضع طبيعي قدام هالناس ,,
رجعت البيت وانا الخوف ماليني
محد حولي لا أمي ولا اخوتي بس انا ’
كنت ادعي ان الله يكتب لي الخير وين ماكان وكيف ماكان راضيه ِ
ذيك الليله ماقدرت انام اتقلب من جنب للجنب الثاني
زوجي الى الان مو مآخذ الامور بجديه
او انا مافهمته ،
طلع النهار وماصدقته يطلع ؛ صحيت زوجي وطلعنا للدكتوره بمستشفى المواساه بالرياض
بعد الفحوصات والسونار
سألتني الدكتوره اذا انا سويت سونار (اشعه تلفزيونيه ) قبل كذا
قلت لها اني باقي ماسويت
قالت لي انو الحمل كان كيس فقط وبدون جنين
وان هالشئ يصير بنسبه كبيره وهالنزيف شئ طبيعي لانه حمل بدون جنين
واني لازم اسوي عملية تنظيف قبل يصير معاي نزيف شديد ويصير مضاعفات ومو زين لي
طبعا هالكلام كان غريب وجديد علي
حسيت كل كلمه تقولها مثل الصاعقه على راسي
وحسيت بهمً وهم ًوهم ً
قالت لي الدكتوره تبين اكتب لك تنويم ؟
قلت لها لا !!
وانا ببالي اذا بدخل المستشفى ماراح ادخله الا وانا بالشرقيه
زوجي كان متعاطف معاي لابعد درجه
بذيك اللحظات حسيت بقوه فيني وحسيتني لاشعوريا صرت افكر بعقلي ومو بقلبي
صممت اني ماراح ادخل للمستشفى الا وانا بالشرقيه
ليش مدري ؟!
،،
وبالفعل رجعنا البيت ع الساعه 9 الصباح
شلنا شنطنا ومشينا للشرقيه
رغم تساؤلات الاهل بس قالهم زوجي ان العمل كلموه ويبونه يداوم
اول ماوصلنا الشرقيه رحت للمستشفى على طول
وهناك سمعت نفس الكلام اللي قالته لي الدكتوره قبل
كتبو لي تنويم ومن بكره راح يسوون لي عملية تنظيف :
الى الان محد من اهلي او اهل زوجي يدرون بشئ
من بكرا الصباح تجي النيرس تجهزني للعمليه ..
بذيك اللحظات كان بخاطري كلام كثير ودي اقوله لزوجي
جاني شعور اني ممكن ماصحى او بموت هيييك افكار
,,
دخلت العمليات الغرفه كانت جدا جدا بارده
كنت احس بضيقه بس قااانعه بأن هالشئ اللي قاعد يصير لسبب
ودايم كنت اقول لنفسي :
"وعسى ان تكرهوا شيئاً وهو خير لكم ’ وعسى ان تحبوا شيئاٌ وهو شر لكم "
دكتور التخدير كان عند راسي ؛
دخل الابره بيدي .. .. ..
وهذا كان آخر شئ اتذكره بغرفة العمليات َ
صحيت بغرفة الافاقه
كنت احس ببرد وكنت اتألم واصحى شوي وارجع اغفى شوي ٍ
بعدها ودوني غرفة التنويم وهناك زوجي كان ينتظرني
تقريبا مرَ من الوقت ساعه .. ساعه ونص ؛
كنت اتألم وبنفس الوقت احس بدووخه وغثيان ’
وبعد ماريحت شوي وعطوني مسكنات
كلمت امي ابلغها "
تمنيتها لو كانت عندي او قريبه مني ,,
جلست بالمستشفى يومين وعقبها طلعت ; وبدت حياتي ترجع لوضعها الطبيعي
نهاية الفصل الاول.
*

الفصل الثاني ~
اقلب الدجاج ع الفحم وانا الافكار تآخذني وتوديني ِ
معقول اكون حامل ؟
يمكن متأخره مو شرط اكون حامل !
يمكن .. ويمكن
كلها كمن يوم وحسيت اني لازم اسوي تحليل
سويت الفحوصات وطلعت بالفعل حامل "
مارح اوصف لكم فرحتي
كنت مشتاقه احس فيه يتحرك ببطني
كنت مشتاقه اعرف وش نوعه بنت ولا ولد
صرت اتخيل نفسي وانا أمً
حبيته وكنت انتظر جيته للدنيا
بالصدفه اختي كانت حامل وكنا تقريبا بنفس الوقت
كنت انا قبلها بشهر تقريبا او شهر ونص
بشرت امي واهل زوجي وفرحوا لي ..
راحت ايام وجت ايام ,,
وع الشهر السابع كنا بالصيفيه وكلن مأجز ورايح لاهله ْ
حجزت لي ونزلت لأهلي
الكل كان متواجد اخواني واخواتي ..
كان فيه مناسبات زواج لعيال عمتي وعمي
انا مو من هواة هالمناسبات
بس عشان خاطر عمتي قررت اروح
لبست وكشخت انا واخواتي وكانت اختي الحامل بعد موجوده
,,
بعد اسبوع قررت اروح للعياده اتاكد ان كل شئ سليم وبخير ..
وبالفعل رحت مع واحد من اخواني
والحمدلله طمنتني الدكتوره وقالت لي كل شئ سليم وصرفت لي فيتامينات وحديد
رغم اني كنت حامل بس كنت محلووووه مع الحمل
كان شكلي كيييوت وهالشئ كنت اسمعه من اللي حوالي "
بعد خمس ايام تقريبا ، العتب ع الذاكره
كلمني زوجي يبلغني انو اذا حبيت نسافر احجز لي وارجع الشرقيه ،
طبعا انا استاااانست بس قلت خلَ اتأكد من الدكتوره اول
اذا ممكن اروح طياره او لا
وبالمره تعطيني ورقة ركوب طياره في حال طلبوها مني ِ
وبالفعل صحتني امي الصباح
عساس يكون المستوصف مافي زحمه ولان الوالد فاضي وقتها وماعنده شئ
غيرت ملابسي وطلعت ,
ابوي جلس بالسياره ينتظرني وانا دخلت
ماكان فيه زحمه فدخلت ع طووول للدكتوره ،،
استغربت مني توي جايتها ومسويه لي اشعه وكل شئ سليم !
فقلت لها اني بس حابه اتأكد من وضعي عساس السفر وهيك يعني
قالت لي اوك من عيوني اشوف لك سونار بعد
حزتها كنت ابي اشوف كم وزن الجنين لان اختي لما راحت سالت عن وزن اللي ببطنها
فاشتغلت عندي غيرة الحريم وقلت حتى انا بسال
وانا عالسرير والدكتوره تطالع الشاشه قدامها ..
سألتها : كم وزنه دكتوره ؟
الدكتوره : انتي ليش ماسألتيني بزيارتك الاولى ؟
انا : نسيت , وذكرتني اختي ’
الدكتوره : ....... هدوووء
كانت جدا جدا هاديه وملامح وجهها شككتني انو فيه شئ ؛
سألتها : وش فيك دكتوره فيه شئ ..
ماقالت ولا كلمه ِ
بس لفت شاشة الجهاز بصوبي وكانت تأشر لي ع القلب ؟
خفت .. وكنت اقول لنفسي لاتفكرين بالشينه
طالعت الجهاز الا القلب وااااقف
صرت انا وهالقلب مثل بعض ، بحالة سكووون بس هو للأبد !
طلعت الدكتوره لمكتبها وانا تميت امشي وراها وكأني انسان آلي ..
بلا احساس او حتى رووح
ظليت جالسه عندها واطالعها " كنت ابي هالكلام يتغير
كنت ابي حلً ,,
قال لي وهي تطالع اوراق قدامها عالمكتب : خلااص يماما روحي للبيت وربي !!
مانطقت بأي كلمه طلعت بس مو مثل قبل
انا ماصرت انا
ومستحيل ارجع انا , هالصدمه ماكانت الاولى بحياتي
بس كانت الأمر ً
كنت وحيده وولدي بداخلي بس انا وهو كنت انتظره كل ليله يتحرك بداخلي
صرت حافظه حتى الاوقات اللي يتحرك فيها
صرت اانا وهو واااحد
//
طلعت للوالد بالسياره
وسالني وكأني اسمعه الحين وكأن هالشئ توه صاير امس
تبين شئ قبل نروح للبيت او قبل تسافرين ؟
حزتها كنت ابي اكون بعالم غير العالم وبمكان غير المكان
انفجرت ابكي والوالد يسال وش فيه؟
قلت له ولدي ماات خلاص
عصب ومثل كل اب قال لي الدكتوره اكيد غلطانه ومابقى شئ الا وسبً عليها
قلت له .. انا شايفته بالجهاز ، انا شايفه قلب وااقف ماينبض
الوالد صار حيران زعلان شالً همي ازود وازود ~
وصلنا للبيت ودخلت غرفتي
دخلت امي شافتني ابكي استغربت بس خاافت
سالتني قلت لها اسالي ابوي ؟
ابوي ماقدر يتكلم او مايبي يتكلم
رجعت لي امي واطيح بحضنها وابكي واقول لها ولدي يمممه ولدي خلاص
شهقت وقالت تعوذي من ابليس
ع بالها اني متوهمه او مو متأكده "
هديت من البكاء شوي .. بس من داخلي كنت اتالم واتالم

الكل ع بآله اني انام وانا لاليلي ليل ، ولا نهاري نهار
تعبت وتعبت نفسيتي "
رحت لكذا مستشفى والكل يقول لي ارجعي ومتى ماجاك طلق تعالي ؟
خفت يصير بجسمي تسمم
حياتي انقلبت موازينها فوق ... تحت
كنت انام وانا حاطه يدي ع بطني وكأني اقول الى الان انت ملكي ومو لاحد غيري
كنت احبه وأبيه حتى وهو ميت ،،
الكل كان يحاول يهون لي الأمر .. بس انا ولدي ماهان علي ؛
من بكرا زوجي اصر ومعاه الوالد اني لازم اسافر للشرقيه
وبعدها يصير اللي يصير
لان الديره مافيها مستشفيات ذاك الزود ,,
بالواسطه لقيت لي حجز درجه اولى بس للرياض
ومن الرياض بيجي زوجي ونمشي سياره او بنلاقي حجز
بالفعل طلعت من بيت اهلي وامي واخواتي يبكون كأني مفارقتهم للأبد
بس رغم كل شئ الا ان دموعي كانت قاسيه علي
وصلني الوالد واخوي الكبير للمطار
وبعد عدة نصائح ودعاوي من الوالد ركبت الطياره
اخوي الثاني بيستقبلني بالرياض
وصلت وانا احس بتعب فظيييع من السهر والتفكير والحزن ،،
جا زوجي للرياض من بكرا الصباح
ومشينا ع طوول للشرقيه لانو مافيه حجوزات
اغلب هالوقت احس اني كنت مخدره وماحس باللي قاعد يصير حولي
يمكن الصدمه شلًت تفكيري وعواطفي !!
اول ماوصلنا سألني زوجي اذا نروح للمستشفى ع طوول
وانا كنت حابه اروح للبيت اول وآخذ لي دش
" كنت ابي احس برآآحه بس مو عارفه شلون "
خلصت وع طووول للمستشفى ..
ومن الطوارئ حولتني الدكتوره ع طوول للتنويم
اتذكر ان النيرس ركبت لي المغذي وانا ماآحسيت فيها
كانت دموعي تنزل بس بحرقة وبدون صوت
جتني دكتوره مصريه مع تغيير الشفتات
وكنت انا حاطة الـ Tvعلى توم وجيري
رغم اني ماكنت اتابع والناس بوادي وانا بوادي
بس زوجي شغله لي وماغيرت القناة
فكانت ع سبيس تون
دخلت علي وفحصتني بعدها قامت وهي تبربر بالانجليزي للنيرس
وتقول : Lets her watch cartoons now and then ، I know what I should
do to her !!
(خلوها تتابع الكارتوونز الحين وبعدها انا اعرف وش راح اسوي فيها )
طبعا هالكلام بصيغة سخريه "
وماكانت تدري اني اعرف انجليزي ,
فكانت تتوعد انها بتعطيني طلق صناعي عشان تفتك من شريً
عقب ساعه تقريبا .. بديت احس بالآلآم الطلق
وظليت ساكته وادعي .. ادعي من الله يهون علي كل عسير ويكتب لي الخير ؛
فجأة وبعد وقت طويل تجي نيرس عجوز فلبينيه
تقيس لي الضغط ، الا تشوفني خلااااص قربت اولد وانا بغرفة التنويم !!
طلعت بسرعه ونادت الدكتوره
تجي المصريه ومعاها كذا وحده من الممرضات سوت لي كشفيه وانا اصيح واقول ولاده انقلعي عني ؟
هي ً خافت بشكل فظيع لانو مسؤليتها تشيك المرضى ؟
نزلوني ع طووول وبسرير الغرفه نفسه لغرفة الولاده
وهناك استقبلتني دكتوره هنديه
شافتني وجلست تهااوش لاني كنت خلااااص منتهيه ::
ولسى باقي بملابسي اللي جيت فيها من البيت ؟!
فقامت تهزئ بالدكتوره المصريه وكانت تقول لها راح اكتب فيكي تقرير بالاهمال
وبعد ربع ساعه او اقل يمكن ولدت
كان همي الوحيد .. اشوفه .. اشوف ولدي
كنت ابي صورته تظل ببالي ،، مابي انساه
شفته وماشاء الله كان جميييييييييل لابعد حد
اتمنى ان الله يرزقني بولد بمثل جماله
رغم انه كان ميت قدامي
بس ماكنت اشوفه ميت ؛ كان ملاآك وطير من طيور الجنه "
كلها دقايق ويجي زوجي ويخلص باقي الاجراءات
سمينا ولدنا : محمد
رغم انو كنا مخططين نسميه فيصل
انا كان معاي نزيف حاد , فعطوني مغذي خاص وأبرً
جلست بالمستشفى يومين وعقبها سافرت لامي بس هالمره انا لحالي ومحد معاي
,,
زوجي كمل اجراءات الدفن وكل شئ صاآر اصبح كاآن
نهاية الفصل الثاني .
*

[/COLOR]

[كيان بلقيس]

الفصل الثالث ~
بعد تجربتي الاخيره من الحمل ووفاة ولدي
حسيت اني حآبه اجلس فتره قبل احمل مره ثانيه
،،
بس للأسف كلها يمكن سته شهور وبعدها عرفت بحملي
في البدايه كنت خايفه لابعد درجه
الصدمه باقي مأثره على نفسيتي
كنت احس اني بفقد اللي ببطني وبأي لحظه ..
الشهور الثلاثه الاولى محد درى بحملي ابدا
من باب ان الوحمً بيكون اخف اذا ماعلمتي احد
بس هوً هو ً،،
عقبها الكل عرف واول شخص طبعا كانت الوالده
الله يخليها لي ,.
اتذكر اني في يوم من الايام حلمت بحلم
وهو كأن فيه احد اعطاني وردة .. ثمن رجع اخذها مني
كأني زعلت من قلب ليش انو اخذوها مني مره ثانيه !
بعدها تجي امي تمد لي بشت رجالي ابيض ومطرز بذهبي
وكان مسفط بطريقه مرتبه وكأنه جديد
خذيته منها وكنت جدا مبسوووطه ,,
مسكته بيدي شوي بعدين رجعت شالته معاي ؟!
فسرت الحلم وقالوا لي اني بجيب ولد
وان امي بتساعدني بتربيته ..
مع الوقت بديت احبه وطبعا ع الشهر الخامس قالت لي الدكتوره انو ولد
بدى يتحرك .. فبديت اتعلق فيه اكثر واكثر
اتذكر كنت احط ريموت التلفزيون ع بطني وانام ع ظهري
فكان لما يتحرك , اشوف الريموت يتحرك "
بعد تجربتي الأولى صرت حريصه اكثر على زيارة الدكتوره باستمرار
وعلى اخذ الفيتامينات واسبرين الاطفال
" "
كنت خايفه من الشهر السابع والسبب ان ولدي الاول توفى وانا بالسابع
لكن الحمدلله بولدي هذا عديت السابع بأمان وبنص الشهر الثامن
قررت اني انزل لاهلي
كنا بالصيفيه .. وكانوا الاهل كالعاده مجتمعين ببيت ابوي "
اول مانزلت رحت ع طول وفتحت لي ملف بمستوصف خاص
قررت اولد عند امي واتنفس عندها
وهي بعد كانت مصره اني اولد عندها ..
شريت اغراض البيبي كلها من الشرقيه
وحطيتهم بشنطة سفر لحالها مع اغراضي تبع النفاس
كنت مستانسه لابعد حد .. لدرجة ماتصدقون كنت اتقضى له
واروح للبيت واغسل ملابسه واجلس اشمهم وكأني اشمه
ادري بتقولون انهبلت ,, بس جد تجيني لحظات كنت احس اني اشم ريحته!
،,،
طبعا انا نزلت لاهلي بلحالي ,
وبعد اسبوعين نزل زوجي
وأخدني مره ثانيه للمنستوصف
وبالفعل طلعنا بعد صلاة الظهر للمستوصف
دخلنا ع الدكتوره فقلت لها اني بولد عندها وبكذا حولتني للاشعه التلفزيونيه
وبعد الانتظار دخلنا لدكتور الاشعه
كنت مشتاقه مرره اسوي سونار
اتذكر آخر مره سويت فيها اشعه كانت بالشرقيه وبالضبط قبل سفري لاهلي
كنت حابه اتطمن ان كل شئ كان اوكي
حتى اني سويت اشعه ثلاثية الابعاد
تدرون لما سويتها وش شفت ؟
شفته قاعد يمص اصبعه <~ اشتقت له
وقتها كنت بطير من الفرحه اتذكر حتى النيرس بغت تتشقق
سألني الدكتور بأي شهر واذا ولدت قبل كذا او لا
واذا عندي عيال او لا ؟
استغربت كل هالاسئله !
وبعد ثواني من الصمت اللي عمً المكان
طالع زوجي وقال : الرحم مافيه مووويه ابد ,
انا مو قاعد اشوف اي مويه حوالين الجنين
وهالشئ خطر عليه ,
تدرون وش كانت ردة فعلي
ضحكت "
طالعت الدكتور وجلست ابتسم واضحك
بس بخوف .. وبعبره
كنت اضحك بس ضحكه كنت احسها تقطع الحلق
خووف ~> هذا كل اللي كنت احس فيه
زوجي كان يطالعني وكانه خايف من ردة فعلي وبنفس الوقت مستغرب ؟
حولنا الدكتور على طول لنفس الدكتوره
كنت اطلع الدرج وانا مو حاسه بأي شئ ، رجعت ذيك الآله اللي بلاروح
كنت افكر وش سويت ؟
ليش ؟
وش السبب؟
كنت ادور اجوبه لأسئله تعصر قلبي وعقلي "
بس مالقيت اي جوآب
دخلنا ع الدكتوره
شافت تقرير دكتور الأشعه وقالت : انتي لازم تسوين عمليه حالا"
لانو بصراحه الولد قاعد يعاني داخل جسمك !
طالعتها ثم طالعت زوجي
كل الامور جت فجأه ومن غير اي مقدمات
توه صورته ببالي وهو قاعد يمص اصبعه
والحين تقولون لي يعاني وتعبان ؟
كانوا ينتظروني اقولهم قراري
ترددت .. خفت ..
قلت لزوجي بروح لامي اول
وبصلي صلاة المغرب بعدين اشوف ,,
الدكتوره اصرت اني لازم ارجع واذا مارجعت لهم لازم اروح لاي مستشفى ثاني
عشان اتأكد انو كلامها صح 100%
طلعنا من المستوصف وع طووول لبيت اهلي
لقيت امي واختي بالحوش
امي حست على طووول انو فيني شئ
قلت لها على كل شئ صار معاي
كنت ابي اسمع رايها ..
بعد الصلاه .. جتني امي وقالت لي :
"يابنتي اللي الله كآتبه لك بيصير ولو كنتي بعلبة , انتي روحي لمستشفى حكومي
وشوفي اذا قالوا لك نفس الكلام معناته توكلي على رب العالمين ووكلي امرك لله
وانتي صغيره ..وربك بيرزقك ان شاء الله
واذا هالشئ فيه خيرَه لك الله يحييه "
صراحةً كلامها ريحني كثيير كنت محتاجه اسمعه ومن امي بال>ات
//
بهالوقت كان زوجي ينتظرني بالسياره
طلعت له وانا احس انو كل شئ ملخبط وماني عارفه وش راح يصير معاي ؟
قررت اني اروح مستشفى حكومي عشان اتأكد
وبالفعل دخلت قسم الطوارئ ومنه ع قسم النساء والولاده ,
من بعد صلاة المغرب الى الساعه 9 المساء
وانا انتظر اي نتيجه
كنت لحالي لان زوجي ممنوع يدخل قسم النساء
كنت محتاجته يكون جنبي
كنت خاآيفه "
بعد فحص الدكتوره طلع معاها نفس الكلام انو لازم ولاده لانو مافيه مويات
حولوني على طووول لغرفة الولاده ،
وطوول هالوقت ماقدرت اشوف زوجي
جد جد كنت خايفه
ظليت بغرفة الولاده وتحت الملاحظه الى الساعه 1 الفجر
كانوا حاطين جهاز لنبضات قلب الجنين
كنت اسمع صوت دقاااات قلبه
كنت احسها ونيسي بذيك اللحظات , كانت هي الشئ الوحيد اللي باقي محسسني بالراحه
مع التعب والخوف والقلق ... غفيت "
فجأة يدخل الدكتور .. يقرا تخطيط القلب ..
يكلم النيرس ويقولها بالانجليزي طبعا
جهزيها لغرفة العمليات
هنا حسيت بفرحه وش سرَ هالفرحه مدري
يمكن لاني كنت احسه تعبان دآخل جسمي
ويمكن لاني مشتاقه له يجي لها الدنيا
كنت احس انه بخير .. بس مدري اذا هالاحساس صادق او انا قاعده اوهم نفسي ؟
,,
دخلوني غرفة العمليات
كانت كالعاده باآآرده مرره
كانت دكتورة البنج على يدي اليمين
والممرضه والدكتور اللي راح يسوي العمليه
مدري اذا فيه احد غيرهم بس انا ماشفت الا ذولي ؛
جلس الدكتور يبربر بالانجليزي عباله مافهم
كان يقول : هذي متأكدين انها حامل ماشوف فيه اي بطن ؟
ردت عليه النيرس وقالت :
تراها تفهم انجليزي
الا يجي وهو يبتسم ويقول انا كنت اقووول : ... وعاد نفس الكلام ْ
حزتها كنت ابي كل شئ ينتهي وبس
مابي اسمع احد .. ومابي اشوف احد
بس ابي اعرف كل شئ بيصير معاي وش راح يكون
تعبت اعيش وانا انتظر !
سألتني دكتورة البنج وهي تبتسم .. هالحرق اللي بيدك وش منه ؟
رديت وقلت لها : كنت اطبخ ..
قالت : تعرفين تطبخين ؟
.......
وهذي كانت آخر مره شفتها وسمعتها فيها
افتح عيوني واحس كل شئ مشوش
اتألم رغم اني ماحس بشئ
ممرضه معطتني ظهرها جالسه تكتب
تطالعني وترجع تكتب
مازلت ماحس بشئ بس اتأوه من الالم ؟
غفيت مره ثانيه ,،
ممرضتين يحاولون ينقلوني لسرير ثاني
وحده تصارخ علي وتقول يالله قومي هنا
وتضرب بكفها على السرير بقوووه
ضعف .. ضعف
هذا كل اللي احس فيه
حاولت قد مقدر احرك نفسي بس مو قادره ؛
شوي الا تسحبني بيدي والثانيه تدفني
,,
بغرفة التنويم وقبل صلاة الفجر
ألم وألم
أطالع بيدي .. سوارة المولود لونها ازرق
ابتسمت
معناتها جبت ولد ؛؛
تفتح الستاره الحرمه اللي بجنبي بالغرفه
تعطيني مويه , وتسألني اذا معاي مرافق
مقدر اتكلم .. بس ابكي
الغرفه ظلام والمكان هاادئ
تجيب الممرضه اغراضي من الامانات ومعاها جوالي
فتحته , ودقيت على زوجي
يرد بسرعه ,
> الو <
الوو ..
> اهلين , كيفك وش صار معاك <
توني طالعه من العمليات
> الحمدلله على سلامتك <
الله يسلمك
> اخبارك <
تعباآآنه تقدر تجيب امي ؟
> ابشري بعد الصلاه امرها واجيبها <
> مع السلامه <
مع السلامه ؛
,,
صكيت السماعه
تجي الممرضه وتجيب لي مسكن
سالتها عن ولدي وقالت مدري هو بالحضانه الحين لانه باقي ماكمل 9 شهور ..
//
طلعت من المستشفى وولدي طبعا لا ؛؛
كان بالحضانه .. ووضعه الصحي ماكان مفهوم
كنت تعبأآنه مره وهالشئ يمكن فيه خيره لانه الهاني شوي من التفكير الكثير
دخلت المستشفى بعدها لانه جتني شبه جلطه بالرئه
ولدي جلس بالحضانه شهر كامل
ماقدرت ازوره فيها الا مرتين
كنت اتشحذ اهلي او زوجي يودوني له عشان اشوفه بس كانو يتهربون
ماكانوا يبوني اتعلق فيه , بلاهم مايدرون اني عشقته من اول منخلقت روحه ببطني
قررنا نرحله للشرقيه
وبالفعل رحلناه , ورفض زوجي اكون معاهم "
بعدها بكم يوم ورغم اني باقي ماجبرت عمليتي قررت اروح له بالشرقيه
وصلت المطار وع طول للمستشفى
كبر وتغير علي كثير .. بكيت اول ماشفته
شعوور غريب كنت احسه
كنت اتمنى بس اقدر اضمه لصدري بس مو قادره
لان جسمه كان كله وايرات ( اسلاك )
شئ للحليب وشئ للتنفس ...
دكتور المخ والاعصاب يقول انو حتى لو عاآش ماراح يعيش طبيعي
بيكون وضعه جدا صعب
بالنسبه لي ماهمني هالشئ كنت احبه بكل حالاته كنت بس ابي اكون معاه
كان قلبي يتقطع عليه يوميا
خصوصا لاجا الليل واضطريت ارجع البيت
حسيت اني أم قآسيه لاني كنت اخليه لحاله "
جلس بالمستشفى خمس شهور ..
كنت اشوفه كل يوم قاعد يكبر ؛ كنت اقول الله كريم ياما يقولوا الاطباء ومايصدقون !
الدكتور كان يشوفني افرح واستانس لاشفته يكبر ويزيد وزنه
بس كان يقولي : هالاشياء ماتعني انه بخير ,
//
وفي يوم من الايام
يجي زوجي للبيت ويقولي ان المستشفى استدعوه
شكل الولد تعبان ؛
على طول رحنا
<~ مو قادره اكتب ...
كان تعبان .. كان ينازع الموت
لاول مره اقدر اشيله فيها واضمه
حسيت روحه تطلع قدامي
ضميته , شميت ريييحته
دعيت ربي يكون شفيع لي يوم الدين ~
تأملته ؛ ابي احفظه
ابي اشبع منه ؛ كنت احس انها راح تكون آخر مره اشوفه فيها "
يشيله زوجي من يدي
تضمني ممرضه بريطانيه .. انفجرت ابكي "
بكييييت ولاول مره ابكي بهالحزن ,
طلعت من عنده وبكل خطوه كان قلبي يتقطع
احساس الام اللي تترك ولدها للموت
كنت ادري انه بيموت بس مو قادره اسوي شئ
لو اقدر افديه بروحي ..
قمة الالم ؛ تشوف اللي تحبهم يتألمون وماتقدر تسوي شئ !
//
الساعه 3 الفجر ,
يدق جوال زوجي ؛ مسكت انفاسي وعبراتي
حسيت انه ماات "
بس صدقوني انه مازال حي بقلبي وبروحي
عايش معاي كل يوم وكل ليله
*
انتهى
وقائع ~
جبت بنوته مثل القمر , عمرها الحين ثلاث شهور
حملي فيها كان جدا صعب وتعبت وتنومت بالمستشفى اكثر من مره
بس اهم شئ سويته ,,
* واضبت على قراءة سورة البقره يوميا ، اكذب اذا قلت اني ماكنت اطوف ايام بدون مقراها
بس كنت احاول قد مقدر اقراها "
* كنت آخذ ابر مثبته كل اسبوع ابرتين .
* كنت ارقى نفسي ، واستخدم زيت زيتون مقري بالاضافه الى موية الشرب
كانت مقري عليها ..
* وصلت شهري الخامس ومحد كان يدري بحملي حتى امي بس انا وزوجي
حتى الناس حاولت اقلل من طلعاتي لهم ,,
* من خلال كل هالتجارب وفي حالات مرضي حسيت اني صرت اقرب لاخواني واخواتي
اكتشفت انو في ناس يفكرون فيك وشايلين همك بس ماكنتي منتبهه لهم "
* عرفت ان كل شئ بهالدنيا له جانب سلبي وايجابي
فعسى ان تكرهوا شيئا وهو خيرُ لكم والعكس صحيح ّ،،
* هالتجارب قوتني وماكسرتني
&
في الاخير احس ان كل شئ بيد رب العالمين كنت الجأ له باستمرار
واستودع نفسي ومن في بطني رب العالمين

[وحدي مع الله]

انا متزوجة من سنه و 8 أشهر ولحد الحين ما حملت
وكل شيء طبيعي عندي وعند زوجي

دعواتكم لي بالحمل

انا نفس الشي متزوجة من سنة و 6 اشهر وبعدني ما حملت
واكره شي نظرات الناس كأن فيني شي غلط ولحمدلله على كل حال
انتظر رحمة ربي واملي بقدرة ربي كبير وعلى الاقل ارد عليهم برد مقنع شوي يسكتهم
الا وهو انه زوجي يشتغل في الصحراء اسبوعين بس يكون معي واسبوعين ف صحرى
ومن اغتسل يروح هو ماشي فرصة يصير حمل في هذي الفترة وهو ما قادر يغير دوامه الله كريم ويصبرنا ع كلام الناس دعواتكم خواتي

[محاسن]

يا الله
فعلا هذي القصة اثرت علي
سبحان الله
علينا جميعا بقراءة سورة البقرة والاستغفار ثم الاستغفار ثم الاستغفار

[محاسن]

انا نفس الشي متزوجة من سنة و 6 اشهر وبعدني ما حملت
واكره شي نظرات الناس كأن فيني شي غلط ولحمدلله على كل حال
انتظر رحمة ربي واملي بقدرة ربي كبير وعلى الاقل ارد عليهم برد مقنع شوي يسكتهم
الا وهو انه زوجي يشتغل في الصحراء اسبوعين بس يكون معي واسبوعين ف صحرى
ومن اغتسل يروح هو ماشي فرصة يصير حمل في هذي الفترة وهو ما قادر يغير دوامه الله كريم ويصبرنا ع كلام الناس دعواتكم خواتي

ربي يرزقك زيرزقني يارب العالمين

[ظفارية بنت الشيوخ والعز]

بعدني ما حملت خخخخخخخخخخ

[محاسن]

بعدني ما حملت خخخخخخخخخخ

الله يرزقك اختي ويرزقنا ان شاء الله

[اميرة الحقول]

تعرفوا الشي الي ماحلو

ان الي تتأخر عن الحمل تحس ان الكل يشوف عليها بنظرات

وهذا ما صحيح

نفس زوجي حمي متأخره سنه ونص تقريبا

زكلمتني مره ان الكل يسمعها ويحسسها

وانا بأمانه جلست اشوف اذا حد يقولها شي

والله الكل ما مهتم وهي تشرس زوجها ع اهله اوين يقولوها

وانا بنفسي اشوف عمره ما حد ذكرلها الموضوع وما مهتمين من اصله

عندهم عااادي

فالي تقول يشوفوا علي بنظرات انا احس انها مريضه نفسيا

لانك بنفسك تفسري كل شي

وربي يرزق الجميع بأطفال عسولين