تجمع حوامل 2019

**مناار** · 22/01/2019 09:40 PM

أرسل أصلا بواسطة ERHABIA

@منار اذا يضبط موديلات شوفي من النت تحصلي كثيرر

لا ابوي هو السادة ويدفر عمره عاد تخيلي لو قلتله فيهم موديل

**بقايا ألوان** · 22/01/2019 11:38 PM

أرسل أصلا بواسطة مناار

لا ابوي هو السادة ويدفر عمره عاد تخيلي لو قلتله فيهم موديل

شكله معاناه معكم الخياطين .. روحي مطرح تحصلي

**صمت الانهيار** · 22/01/2019 11:56 PM

@ERHABIA
تصدقي انا من بدايه الحمل لين تو اعصابي نااار
حتى قبل عن افحص اقول حق زوجي خلا ابا افحص يقول ما تشوفي عمرك ترى واضح كيف متغيره علينا

والمهم لين تو ما اتحمل ولدي البكر بس والله احاول اضبط اعصابي لانه صاير يقول انتي ما تحبينا ..
وابسط صوت احس بإزعاااج ..
وبالشهر الماضي مريت بضغوطات نفسيه وحالتي كانت ع الله
والحمدلله متصبرين وربنا كريم ..

ترى عارفين السبب ف ما يصير نخسر الناس الي حولنا عشان مشاعرنا واحاسيسنا هذي الفتره

**baby boutique** · 23/01/2019 02:43 AM

أرسل أصلا بواسطة Maria2018

لانه م بالمرة يطلع الحليب ما معقولة يجلس الطفل بدون شي لحد ما يجي
المستشفيات ترفض تعطي الصناعي من كذا احتياط ناخذ
واذا ما عطيتي الطفل من البداية شوي صناعي بعدين يمكن ما يتقبله.. سبحان الله تشتغلي او يصيرلك طلعات طارئة يكون الطفل خلاص تعود ع حليبك والحليب الصناعي
طبعا انا مع الرضاعه الطبيعية بس الصناعي من اول يعود عليه الطفل حتى لو مرة كل يومين وثلاث وباقي الاوقات كله من الام
هذا رائي واكيد انتو كامهات عندكم وجهات نظر مختلفة

لا تسمعي حال اللي يخوفوكم انه ما يطلع على كثر الرضاعه يطلع المهم لما ترضعي تخليه على كل صدر ربع ساعه لان كل فتره يطلع له شي واخرها الدهون اذا ما وصل له يبكي جوعان ما يشبع شوفي فيديوهات رولا قطامي بهالخصوص. بخصوص حليب المستشفى فيه عندهم حليب خاص للمستشفى قريب من حليب الأم اذا طلبتي يعطوه لكن كبداية نصيحه لا تدخلي الصناعي حرام.

انا طفلي الاول ما دخلت عليه الصناعي الا في الشهر الثالث لظروف عملي وسفري ولا ما كنت دخلت عليه وتقبله بالعكس صار يستسهله اكثر من الطبيعي.

**baby boutique** · 23/01/2019 03:03 AM

بنات عندي سؤال من سوت سونار بالاسبوع 13 وبان جنس البيبي؟
هو انا بالدوره الاسبوع 12 بس بالسونار الاسبوع ال13 يعني يمكن الاباضه عندي متقدمه!!

انا ما ناويه اعرف الجنس ناوي اسوي حفله صغيره واخليها تحط لي النتيجه بظرف واسلمه لاختي تجهز لي بالون فيها لون جنس البيبي .. بس اخاف اسوي الحين واسوي حفل ويطلع ما نفسه

رغم ان طبيبتي ما شاء الله شاطره.

**سكون العاصفة** · 23/01/2019 06:50 AM

أرسل أصلا بواسطة مناار

مسكينة يا انا محد عبرني ورد علي وانا داير راسي تو بصيح

امس رحت محل الي يخيط ملابس للوالدات مع البيبي وعندهم اشياء حلوة بس قالت انهم مزحمومين وما بتقدر تجهز طلبي ياريت الي تعرف محل يضبط هالامور تخبرني لبسات بالدنتيل وقصات حلوة

والي تقدر تساعدني ف خياط يضبط القطن ف حدود مسقط ويعمل قصات اكون شاكرة لها

منار روحي الخوض سنتر محل اسمه بيبك فيه هالسوالف

ملابسي القطن افصلهن فمطرح معهم قصات حلوة واسعارهم فالموديل مال ريالين

**صمت الانهيار** · 23/01/2019 07:08 AM

@baby boutique
كلامك صحيح بخصوص الرضاعه الطبيعيه ،،
كلما كثرتي رضاعه كلما يدر الحليب سبحان الله ومع النوم والراحه كذالك

واساسا الحين في وسائل لتخزين الحليب ويستمر عليها الطفل ولو ف المرضعه بس الحليب هو حليب الام
اذكر العضوه ام فيصل .. ماشاء الله ذكرت تجاربها واهتمامها بالرضاعه الطبيعيه برغم انها موظفه ..

..
بخصوص جنس البيبي يفضل بعد فتره ..
ذكرت سابقا اني ناقشت وسألت دكتورتي
شو الاسباب الي تؤدي للغلط بالتشخيص برغم الاجهزه والخبره تطورت
لانه ثنتين كل موعد يقولو لهم فيك بنوته
ومن ربن طلع ولد ..برغم انه الولد يكون اوضح

المهم انها قالت لي الغلط يصير لما تكون اعضاء الجنين ما نازله بشكل كافي
مثل الخصيه ممكن تكون صغيره وصعب يكشفوها بالسونار وممكن ما نازله وتكتمل وتنزل بالاشهر الاخيره قبل الولاده ..ومعروف الاشهر الاخيره ما يبين جنسه بسبب وضعيته الا قليل ..

وشخصيا بالبكر خبروني ولد وبالثامن قالت الدكتوره بنت
وخلتني ف حييره الى الولاده ..
الثاني ما كان يبين الجنس الا بمنتصف السادس لانه كان صغيرون

وهالحمل من الرابع تقريبا ..

نسأل الله العفو والعافيه والتساهيل

**موناليزا2018** · 23/01/2019 07:09 AM

صباح الخير كروشات ... ان شاء الله الكل بصحه وعافيه...

انا فصلت قطنيات حق الحمل وبالمره هما نفسهم حق الاربعين فصلتهم واسعين وفي ازرار من قدام عشان الرضاعه .. فصلت عدد مناسب ومفكره نهايه شهر 3 اروح افصل لي غيرهم حق ايام العيد لان ولادتي في نهايه رمضان تقريبا ان شاء الله.

**Umn00ra** · 23/01/2019 08:32 AM

/

**سكون العاصفة** · 23/01/2019 09:00 AM

أرسل أصلا بواسطة موناليزا2018

صباح الخير كروشات ... ان شاء الله الكل بصحه وعافيه...

انا فصلت قطنيات حق الحمل وبالمره هما نفسهم حق الاربعين فصلتهم واسعين وفي ازرار من قدام عشان الرضاعه .. فصلت عدد مناسب ومفكره نهايه شهر 3 اروح افصل لي غيرهم حق ايام العيد لان ولادتي في نهايه رمضان تقريبا ان شاء الله.

صباح النور ياهلا

حلو انا كذا مسويه بعد فصلت للحمل وزيدت حق الأربعين بعد..

**بقايا ألوان** · 23/01/2019 09:21 AM

صباح الخير كروشااااتنا ...

اي شهر مناسب عشان نعمل اشعة التشوهات ؟؟

**صمت الانهيار** · 23/01/2019 11:03 AM

@موناليزا2018
انا مفصله ترا من كم شهر قطنيات وكذا وسيعه ومريحه
وان شاء الله بفصل غيرهم بعد فتره..

وبعدها للعيد ان شاء الله لزوم نخلص ونضبط امورنا .. بعدين ربطه مع النونو والوقت قصير والخيايط ما يستقبلوو..

@بقايا ألوان
فحص التشوهات بالشهر السادس .. سواء بدايته او منتصفه..

**baby boutique** · 23/01/2019 11:12 AM

@صمت الانهيار

اهم التجهيزات هي اغراض حفظ الحليب حتى لو شي غالي هي اللي راح تنفع الطفل مدى الحياه ما ملابس وقماطات. انا صراحه جدا ندمت دخلت على ولدي الاول صناعي لان من دخلته قل عندي الحليب وهالطفل ما ناويه اطلاقا ادخل عليه الصناعي يمكن اللي يتابع حسابي يعرف اني اسافر شهريا لتركيا عشان كذا ناويه اخذ ثلاجه وحافظات حليب للبيبي وابدا ما ادخل عليه صناعي والله يقدرني.

بخصوص جنس البيبي اللي بعدين قالوا لك بنت طلع صحيح بنت؟ عن اروح اجهز وبعدين يطلع الجنس غير

خاصه احس لو بنت ما ببقي شي في السوق.

انا بولدي طبيبتي بالخاص قالت لي ولد وكل المستشفيات الحكومية قالوا لي بنت الغريب حتى لما عملت سونار التشوهات يفترض يفصيلي ويوضح اكثر قالت لي بنت من الفرحه رحت السوق بحماس اشتري بعدين رجعت لطبيبتي قالت لي متاكده انه ولد وما فيه اي شك الحمدلله سمعت لها ورجعت اللي اشتريته حاولت اخذ اشياء حياديه وطلع صح ولد.

**baby boutique** · 23/01/2019 11:18 AM

اللي يدورن ملابس نفاس وولادتهن بعد شهر 2 نحن عندنا خدمة الشراء من تركيا نستقبل طلبيات ونحن بتركيا ارخص من سعر السوق ((تقدروا تشيكوا الهايلايت في الحساب عشان تفهموا الفكره)) حتى تجهيزات البيبي ممكن اوفر لكم بسعر أفضل.

هذا حسابنا @baby_boutique.16

**صمت الانهيار** · 23/01/2019 11:26 AM

@baby boutique
ترى في شفاطات وثلاجه او شي كذا
لانه الاخت موظفه وتقول اخذ وقت البريك وتفرز الحليب لولدها.. يعني تاخذ الجهاز معها
وفيه مكان للتبريد .. وكذا استمرت ترضع اولادها طبيعي ولو بالمرضعه..
ومن ترجع البيت هي ترضع الطفل ف كذا ما يخف الحليب عنها.

..

وبخصوص السونار
لااا بالبكر جبت ولد
من الرابع بالخاص قالت ولد والحكومي قالت احتمال ولد
والطامه اني رايحه العسكري بالثامن وكلي ثقه فيهم قالت بنت ..

هنا دار راسي ورحت لعياده اخرى قالت خلاص البيبي مغلق ع نفسه وصعب اشوف الجنس
ف لحضات الولاده يقولن لي من الم الطلق وهيئتك تجيبي بنت.. من ربيت طلع ولد
ههههه
والثاني ولد بس ما وضح الا اواخر السادس ..

وهذي المره كل مراجعاتي قالو بنت .. واخر مراجعه كان نقاشي مع الدكتوره وهي تشرح لي وانا اقول لها ماشوف غير خطوط بيضا واسود..
وعاد من شرحها تطمنت تقريبا وصراحه جهزت نفسي وعسى خيير .. وخلاص الشنطه جاهزه باقي البس عباتي واروح اربي ههههه

**صمت الانهيار** · 23/01/2019 11:27 AM

@مناار @سكون العاصفة

الي تدور ملابس
خذي افكار من هالحساب بس عاد يبغاله خياط شاطر يضبط الموديل
@hareer_deebag

اشياء خفيفه للاربعين..

**نتاليا** · 23/01/2019 11:32 AM

امين يارب العالمين

مشكورات اخواتي على الردود عسى ربي ماتشوفن غير الخير والسعاده في حياتكن

**baby boutique** · 23/01/2019 11:34 AM

@صمت الانهيار

شكلك من حملك لولادتك مغامرات مع المستشفيات

.. الله يسهل عليك ولادتك ويقومكم بالسلامه.

**مناار** · 23/01/2019 02:17 PM

أرسل أصلا بواسطة سكون العاصفة

منار روحي الخوض سنتر محل اسمه بيبك فيه هالسوالف

ملابسي القطن افصلهن فمطرح معهم قصات حلوة واسعارهم فالموديل مال ريالين

هلا والله @سكون العاصفة

انا كنت افصل ف مطرح بس من توفى الخياط الله يرحمه جربت عند كم واحد وما يضبط اذا الخياط الي تخيطي عنده يضبط الجلابيات عطيني اسم المحل ووصفيلي المكان

كم وحدة وصفتلي خياطين ف بركاء بس بركاء واجد بعيدة علي

**مناار** · 23/01/2019 02:18 PM

أرسل أصلا بواسطة صمت الانهيار

@مناار @سكون العاصفة

الي تدور ملابس
خذي افكار من هالحساب بس عاد يبغاله خياط شاطر يضبط الموديل
@hareer_deebag

اشياء خفيفه للاربعين..

@صمت الانهيار

شكرا صمت على الحساب الحين بتابعة واذا عندك الخياط الشاطر توصي فينا وخبرينا وين موقعة

**مناار** · 23/01/2019 02:24 PM

أرسل أصلا بواسطة baby boutique

اللي يدورن ملابس نفاس وولادتهن بعد شهر 2 نحن عندنا خدمة الشراء من تركيا نستقبل طلبيات ونحن بتركيا ارخص من سعر السوق ((تقدروا تشيكوا الهايلايت في الحساب عشان تفهموا الفكره)) حتى تجهيزات البيبي ممكن اوفر لكم بسعر أفضل.

هذا حسابنا @baby_boutique.16

ما فيه موديلات للامهات كلها لصغار

**مناار** · 23/01/2019 02:27 PM

أرسل أصلا بواسطة موناليزا2018

صباح الخير كروشات ... ان شاء الله الكل بصحه وعافيه...

انا فصلت قطنيات حق الحمل وبالمره هما نفسهم حق الاربعين فصلتهم واسعين وفي ازرار من قدام عشان الرضاعه .. فصلت عدد مناسب ومفكره نهايه شهر 3 اروح افصل لي غيرهم حق ايام العيد لان ولادتي في نهايه رمضان تقريبا ان شاء الله.

انا بعد اريد افصل كذا الاقطان مغسلة وجاهزة باقي نشلهم الخياط

**صمت الانهيار** · 23/01/2019 02:52 PM

@baby boutique

حملي الثاني وهذا كله اروح الخاص ..
اما الحكومي غاسله يدي منهم .. وسوء الخدمه
افتح الكرت وخلاص ما ارجع لهم ربي لا يحووجني ..

انا اتابع ف الساره والمسك .. تعرفيهم صح

..
@مناار
بصراحه ما اعرف خياط مضبوط
كل مره مكان ،،
واخر لبسات مسويتهن ساده .. اهتم ف نقشه الثوب اكثر من الموديل

**Nmariq2** · 23/01/2019 03:57 PM

كروشات اخباركم؟

أقول من راحت سنتر بوينت بعد ما خلصو التنزيلات؟
احس جابو بضاعه شوي احسن حتى اخذت من عندهم تقريبا 6 لبسات .. حبيتهم بس دورو واجد ..بين الأغراض والملابس بتحصلو

**baby boutique** · 23/01/2019 04:09 PM

@مناار تابعي رحلتنا لتركيا نهاية 2 راح اعرض لبسات نفاس وقطنيات مالهم حلوات .. فيه اعتقد في وحده من الهايلايت موجود صور مع الاسعار.

**baby boutique** · 23/01/2019 04:16 PM

@صمت الانهيار
انتي من السويق؟ اعرف الساره بس المسك وين؟!! انا اراجع مع القادسيه الساره رحت لهم مره كان زحمممممه ما احب انتظر عاد اشرد من زحمة الحكومي اروح للخاص!!

@Nmariq2 انا ما احب جودة سنتربوينت ابدا بيبي شوب ايام زمان كان حلو الحين للاسف جودتهم ما حلوه يحببوا الملابس مع الغسل.
احب اخذ من عندهم ادوات البيبي المراضع واغراض الحمام والالعاب.

**Umn00ra** · 23/01/2019 06:43 PM

��تخفيضات كبرى لدى فاشن بوتيك��

تصل الى 35 % ��

ابتداءا من اليوم

الملابس بكل انواعها 35%
أسرة الاطفال مع مستلزماتها وعربات الاطفال10%
أدوات المطبخ والمنزليةوالزينة والهدايا والعطور 10%

سارع فبعض الكميات محدودة

يسري العرض من تاريخ 23/1/2019 حتى 10/2/2019

اذا اردت ان تصلك تخفيضاتنا وعروضنا ارسل 7b فالواتس اب الى الرقم 95800023

⏰اوقات الدوام ⏰
من ساعة 9 صباحا الى 1 ظهرا
ومن 4.30 عصرا الى 10 ليلا

رابط موقعنا نزوى غاف الشيخ
https://goo.gl/maps/fhfTvAvcGR32

شاهد بعض منتجاتنا من هنا��

https://bit.ly/2H1T1Wj

حسابنا فالانستجرام��

https://instagram.com/boutique7b7?ut...=1e9rmp2o5ba5j

أضفني على Snapchat! اسم المستخدم: fab7b https://www.snapchat.com/add/fab7b

**Umn00ra** · 23/01/2019 06:44 PM

منار اذا بغيتي تفصلي انا باخذ القطع تبعي واسويلهم حركات للحمل والنفاس مره وحده عندنا خياط شاطر....

**صمت الانهيار** · 23/01/2019 08:31 PM

@baby boutique

انا من مسقط ولكن متزوجه هناا ،،
المسك الي عند الدوار صوب السوق الاخضر..
معقول ما تعرفيه؟ مركز طبي شامل .

الدكتوره الي فيه زينه وراجعت معاها سابقا وهذا الحمل كذالك..
ترى اروح لها بسبب الزحمه ع الساره .. ولكن روحي من وقت ماشي زحمه
الزحمه ف الويكند معاها ماشاء الله ..

انا ان شاء الله بكره بروح عندها للمتابعه..

@Nmariq2
ما رحت لهم لا وقت التنزيلات ولا الحين ..
ملابسهم فقدت جودتها ..
ماخذه فنايل داخليه فقط اما الافرولات ما اخذ معهم
اول الملابس ممتازه والحين اول غسله تتوسع وتحبب..

شوفو محل بيبيكو فيه اغراض حلوه واليوم بادين تنزيلات ع كل شي
اتابع حسابهم بالانستجرام وحبيت بضاعتهم ..
لكن للاسف ما صارلي اروح لهم..

bebiko_000

**مناار** · 23/01/2019 09:19 PM

أرسل أصلا بواسطة Umn00ra

منار اذا بغيتي تفصلي انا باخذ القطع تبعي واسويلهم حركات للحمل والنفاس مره وحده عندنا خياط شاطر....

وين الخياط حبيبتي

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: تجمع حوامل 2019

أدوات الموضوع

البحث في الموضوع

نمط العرض

مواضيع مشابهه

~كروشات عسولاتتجمع لأجمل حوامل 2019..}

[ معروض ] اجمل المفروشات 2019,احدث المفروشات 2019,موديلات مفروشات 2019

[ معروض ] اجمل الفساتين للبدينات 2019,احدث موديلات فساتين للبدينات 2019,احلى فساتين للبدينات 2019

[ استفسار ] احدث الشنط نسائية 2019,اجمل موديلات شنط نسائية 2019,اجمل الحقائب النسائية 2019

[ معروض ] اجمل فساتين حوامل 2018,احدث فساتين حوامل 2018,احلى موديلات فساتين حوامل 2018

قواعد المشاركة