بنات من مرت بهالشي فترة الملكة

[قدري عالي]

انا عقدت قرآني قبل شهرين،
تزوجت زواج تقليدي ونظرة شرعية سريعه، و زوجي انسان طيب يقدرني كثير ولا يرد لي طلب،

بس مشكلتي احيانا احس ما اقدر اتقبله وأحيانا اتقبله
يعني يمكن من ناحية الشكل ما ادري كيف بتجاوز هذي النقطة وما اريد اهدم حياتي بسبب هذا
لانه احيانا يجيني شعور تردد و اقول ليش وافقت واحيانا العكس ، بس مشكلتي أقارن وأحيانا اقول ما هذا الي حاطتنه ف شريك حياتي، ع رغم وافقت ع صفاته الثانيه ومقتنعه فيها، بس نقطة الشكل متضايقتني كثير ، بنات من مرت بهالشي ، ما اريد اخرب بيتي اريد اعيش نفس باقي البنات
من مرت بتجربتي وكيف اتخلص من شعور هذا

[بنت الشاطئ22]

حياك الله أختي
إذا صفاته وأخلاقه طيبه كيفي نفسك على تقبله
الشكل خلق الله هو لا حول له ولاقوه به
ياما ناس أشكالهم حلوه بس تصرفاتهم تنرفز وتطلع الواحد من طوره
الله يسعدكم ويوفقكم

[SILVER STAR]

اختي خلاص انتي متزوجة يعني حاولي تقنعي نفسج وتتكيفي مع الوضع والمفروض من اول ما تتسرعي وقبل ما توافقي يكون فكرتي في هالنقطة واقتنعتي بشكله وشخصيته ١٠٠٪ ما بس شفتيه طيب ويشتغل والناس تمدحه خلاص موافقة!؜ ، المهم بتحصلي ناس جميلين جدا جدا بس ما مرتاحين من تجربة وما بتقدري تستحملي ثانية تكوني مكانهم وناس عادي ما جميلين ولا شي بس عايشين حياتهم برفاهية ومرتاحين الحمد لله فحاولي تركزي ع الإيجابيات وابعدي عنج الوساوس، شوفي المفروض ما اكتب لج هالرد عشان ما تصابي بالإحباط بس أحسن يمكن وحدة نفس وضعي ومحتارة، انا شخصيا الشكل عندي مهم وأعاني جدا اذا الشخص الي يتقدم لي فيه كل المواصفات الجميلة عدا الشكل أفكر مليون مرة واتعب نفسيا وانزعج أصير عصبية واسرح واجلس اتخيل أطفالي المستقبليين ولو بيصير عنصرية ضدهم وحياتهم كيف بتكون لو العائلة والمجتمع ما يتقبلهم واقارن بينه وبين اخواني واقرأ قصص وتجارب ومشاكل وإيجابيات واستخير عدة مرات واجلس ادعي طول الوقت المهم لحد ما ينتهي ردي بالرفض للأسف لأني ما قدرت اقنع نفسي وأتقبل ما اعرف ليش قلبي وعقلي ما يميل له حتى مع اصرار الناس ومدحهم للشخص انا ما اتأثر وأقول لأهلي الحقيقة اني أحب مواصفاته بس ما متقبلة شكله ابدا فما اريد أوافق وأظلمه واعيش في صراع مع ذاتي ، عادي أكون صداقات مع كل الأشكال والألوان واحبهم جدا لكن بالزواج لفئة معينة فقط ، انا أتنازل عن كثير أشياء بس الشكل للحين ما تغير رأيي وما قدرت أتنازل عنه يمكن لأن بعدني في العشرينيات ونظرتي محصورة على شخص قريب مني من كل النواحي وبعد انا البنت الوحيدة في العائلة فالإختيار يكون اصعب بكثير لأن تبحثي عن شخص واحد فقط يكمل العائلة ويكون بنظرج كامل والكمال لله عشان تعرفي انج بتعيشي بقية حياتج معاه بإختيارج وقناعتج ١٠٠٪ لأن البنت تتزوج واحد اما الولد اربعة اذا ما عجبته الاولى عادي ياخذ الثانية وحدة تعجبه؜ ، تذكري انج بنعمة ، بالتوفيق

[صمت الانهيار]

السلام عليكم

عزيزتي اذا وصلتو لاعلى درجات الحب والمشاعر بتتغير نظرتك اتجاهه
لاني اشوف ياما ناس فرق بينهم كبير شكليا بس مشاعرهم اتجاه بعض قويه ف تغطي ع السلبيات ..

شو ما عاجبك فيه بالضبط ..يمكن هندامه او لحيته ولا شووو لانه هذي الاشياء تتغير ..

هل كل اهله كذا ،،لانه ملامح الجمال متفاوته بين البشر

لا تخلي وساوس الشيطان تأثر فيج ،،
صدقيني اذا هو وسيم ولكن مثلا اسمر هالشي عادي احسه..
الرأي رأيك ..اتمنى تنظري للجانب الايجابي منه
روحه واخلاقه وسمعته وافعاله الطيبه ..
اما بياضه وشكله وهندامه هذي الامور مع المحافظه تتغير ..

الا اذا بينكم فرق عرقي هذا شيء اخرر ..


وما اقدرر افتي بالموضوع كثير ..لاني انا وزوجي متوالفين ولله الحمد

ربي يجمله بعينك ويجملك ف عينه ويكتب لكم الي فيه الخير

[ذنوب الموت]

أولا مبارك عليك الزواج وعساه راحة واستقرار
ثانيا عشان استفسارك بسألك كم نقطة
وبغض النظر عن الطبقات الاجتماعية اللي ما بتدخل فيها فيها لأن كل شخص فاهم

- أولا إحساسك صائب و في محله لأنه زواج تقليدي وبدون مقدمات وتعارف وهذا بنفسه خذيه من جانب إيجابي لا تاخذيه من منظور سلبي بس لأن بعض البنات زواجهن كان مختلف ولا تستبعدي ان زوجك نفس الشي يحس باللي تحسي فيه!!!!! ترا فترة الملكة ما هينة ومستحيل تقدروا تتقبلوا بعض من أول أيامكم لأن الإنسان ما مخلوق على عجل !!

- ثانيا ايش اللي ما عاجبنك في شكله؟ وبغض النظر عن جماله ووسامته بسألك هل هو مرتب؟ وريحته حلوة؟ ولحيته وشعره مناسبين لذوقك اوكي؟ وهندامه نظيف؟ وذوقه ف الاختيار الشخصي على مستوى؟
اذا كل الأجوبة نعم ف حاولي شويه تتغاضي عن الشكل لأن عشرة العمر بتفهميها بعدين لما تشوفي تضحياته عشانك وعشان أولادك وبتفهمي ان الشكليات مجرد قشور واللب هو المهم ف الحياة
ولكن أشدد على نقطة مهمة: نحن ما نقدر نقولك ايوا استمري معاه او فركشي الخطوبة لأن ذوقك مختلف وذوقنا مختلف وتجاربنا ف الحياة والزواج مختلفة ما نقدر نعطيك مقاييسنا في الحياة!
اذا لونه ما عاجبنك ف هذا شي انتي تحدديه وانتي اللي تقرري تختاريه او لا ! لأن لون الإنسان ما بيتغير هذا ربه خالقنه كذا ولكن الهندام والنظافه وغيره هذا كله بيتغير

وأخيرا اذا اطلعتي على حساب الدكتور جاسم بتحصلي مليون استفسار مشابه لاستفسارك
وإجابات الدكتور ف الصميم يعطي كاش وبشكل واضح ف أتمنى يفيدك

ودعواتنا لك بالتوفيق والسداد

[قصة خيال]

كانت معي زميله مرت نفس حالتك فتره الخطوبه اذكر كانت نتردده لدرجه انها تبكي وكل سبب شكله ما على ذوقها استغفر الله
طول الوقت تفكر ومحتارة كل صفاته إحلاقيه ممتازة ولد ناس وجيرانهم كان يعرفوا اهله بس النقطه الوحيده انه ما واصل للجمال اللي هي كانت تتمناه متوسط الجمال وفيه بعض السمار بسبب شغله الميداني

استشارت كم شخص وتواصلت معه وتغير تفكيرها 180 درجه صارت تنجذب له وربك تمم لهم على الخير الحين معهم اطفال ولما تتذكر كيف كانت حالتها تضحك ع نفسها

نصيحتي لك فكري فيه من كل نواحي اخلاقه وضعه المادي إسلوبه اذ كانت كل هالمميزات فيه راح يكون ملك جمال في نظرك

الله يتمللك ع خير
ولا تنسي لإستخارة والله ينور دربك

[عذبةالمشاعر]

غيري طريقة تفكيرك ونظري للأمور بنظره إيجابيه
وليس سلبيه ..
الأهم من الشئ كله هي حسب ما ذكرتي || المقارنه || ..
بعديها ..بعديها وبعديها ..

لكل شخص ميزه وجمال مختلفه يتميز بها عن غيره ..
ودام نظرتك للشكل أنها أهم عن المحتوى والمعدن لي
هي أساس نجاح العلاقه .. ف كيف راح تكون حياتك لو
كان العكس ..

ويش فايدة الشخص إذا كان عكس لي أنتي حظيتي به لحين؟
حمدي ربك على الموجود عشان لا تفقديه ..
لأن غيرك فاقد لي حاصله عليه ولي فاقدتنه ..

الأهم محتوى الشخص وباطنه وليس خارجه وظاهره فقط ..
بكرر غيري تفكيرك وقولي الحمدلله وحافظي على زوجك لأن
خلاص صار نصفك ..

الله يوفقك ..

[خلف الستار]

كان المفروض قبل لاتتسرعي وتوافقي الشكل اول حاجه انتي شفتيه قبل عن تعرفي اي شي عنه وتعقدي قرانك يعني اتوقع انك وافقتي وكان شكله ما هامنك
ليش الحين تقارني وتشوفيه مشكله من شروط اصلا النظره الشرعيه اذا راها او راته اسرته او سرها ,,
دام انتي من النوع اللي يقارن ومن النوع اللي ما يتقبل الشكل بسهوله راح تعاني مستقبلا وبتضلي تقارني وبتشوفيه ما نفس مستواك
يا انك تتقبلي الامر وتنظري للجوانب الايجابيه الاخرى فيه يا انك تفركشي كل شي والسبب اللي راح تتذكريه دائما انه ماتقبلتي شكله وهو لا له حول ولا قوه في شكله
واولا واخيرا صلي استخاره وربك الميسر

[رحيق الندى]

راح يتغير تفكيرك بعد الزواج

[الشيخة ميرا]

انا عقدت قرآني قبل شهرين،
تزوجت زواج تقليدي ونظرة شرعية سريعه، و زوجي انسان طيب يقدرني كثير ولا يرد لي طلب،

بس مشكلتي احيانا احس ما اقدر اتقبله وأحيانا اتقبله
يعني يمكن من ناحية الشكل ما ادري كيف بتجاوز هذي النقطة وما اريد اهدم حياتي بسبب هذا
لانه احيانا يجيني شعور تردد و اقول ليش وافقت واحيانا العكس ، بس مشكلتي أقارن وأحيانا اقول ما هذا الي حاطتنه ف شريك حياتي، ع رغم وافقت ع صفاته الثانيه ومقتنعه فيها، بس نقطة الشكل متضايقتني كثير ، بنات من مرت بهالشي ، ما اريد اخرب بيتي اريد اعيش نفس باقي البنات
من مرت بتجربتي وكيف اتخلص من شعور هذا

مُبارك لكِ عقد القِرأن.

أغلب البنات تمر بـ هالمرحلة ... دائما ثِقي بالله ما إختاره لكِ فهو خير...وإحمديه غيركِ لم يُرزق.

أختي مرت نفس حالتكِ وكانت مترددة ..بس أقنعاها وأهم شي الأخلاق وأمور أخرى كثيرة تغطي عـ الشكل.

فكري في أخوانكِ يمكن الله ماعطاهم جمال فكيف شعور البنات...مجرد مثال!

الله يرزقني وأعيش هالشعور

وكيف اتخلص من شعور هذا

شوفي الأمور الأخرى الجميلة في حياتكم ...والجمال ترا مو كل شي ..يكفي جمالكِ يغطي عليه وأخلاقكِ الرفيعة.

[بودي سباركلز]

المشكلة ان البنات يتسرعن ع الزواج عن يفوتهن القطار مثلما هو متداول مع اني ضد هالعبارة

النظرة الشرعية ما تكون سريعة لازم تشوفيه وتقتنعي فيه شكلياً واخلاقياً

انا ما اقول ما مهم الشكل والملامح انا بالنسبة لي هالامور جداً مهمة لاني افكر بعد عن اولادي مستقبلاً
خلاص عاد حبيبتي طاح الفاس بالراس
الحين ركزي على الصفات الايجابية اللي فيه اكثر من شكله

[هرمون السعادة]

راح يجي يوم وتقولي وتشكري ربك انك وافقتي عليه ..

دائما ما اروح الأسواق وأشوف أزواج ضد بعض ف الشكل وعيالهم حلوين ما شاءالله

بس من تصرفاتهم ويبين في وجوههم انهم مرتاحين لبعض

لا تخلي عذر تافه يهدم لك زواجك وتخسري وتندمي بعدين

[هدى 90]

ربي يتمم لك على خير
عزيزتي الجمال ماكل شي في الحياه اهم شي الراحه النفسيه ودينه واخلاقه
الجمال ماهو كل شي ياماااا شفت وشفت بس والله الله يعطي شي وياخذ شي
لا تفكري بالجمال لان في النهايه بيروح
ربي يتمم لك على خير

[جوري السلطنة88]

اذا صفاته زينه
راح تشوفينه ملك جمال
بس يبيله وقت
مو بسرعه
( المقارنه)
اذا تركتيها نص المشكله انحلت
..

الحرمه بعد الزواج وايد تغير الريال بشطارتها
بتنظفه و بترتبه
وايد لاحظت هالنقطه
رياييل يتغيروا جذريا بعد الزواج ماشاءالله
والسبب الحرمه وشطارتها وسنعها,,

ابعدي عنج بليس
وشوفي بعين الجمال والحب
وربي يتمملكم ع خير حبيبتي

[زورق]

مع الأيام بتشوفيه أجمل رجل مر في حياتك مهما كان لونه وشكله بس لاتفكري حاليا بها الشي ابدا شوي شوي راح تتقبيليه ويصير ملاك في نظرك

[ibtkar]

انا عقدت قرآني قبل شهرين،
تزوجت زواج تقليدي ونظرة شرعية سريعه، و زوجي انسان طيب يقدرني كثير ولا يرد لي طلب،

بس مشكلتي احيانا احس ما اقدر اتقبله وأحيانا اتقبله
يعني يمكن من ناحية الشكل ما ادري كيف بتجاوز هذي النقطة وما اريد اهدم حياتي بسبب هذا
لانه احيانا يجيني شعور تردد و اقول ليش وافقت واحيانا العكس ، بس مشكلتي أقارن وأحيانا اقول ما هذا الي حاطتنه ف شريك حياتي، ع رغم وافقت ع صفاته الثانيه ومقتنعه فيها، بس نقطة الشكل متضايقتني كثير ، بنات من مرت بهالشي ، ما اريد اخرب بيتي اريد اعيش نفس باقي البنات
من مرت بتجربتي وكيف اتخلص من شعور هذا

عزيزتي
يمكن انتي م مقتنعه فيه كزوج؟؟ تزوجتي بس كذا بدون قناعه
ويمكن انتي كنتي تحبي شخص ثاني
وتجلسي تقارني
لان مافي وحده اختارت الشخص بكامل عقلها وبعدين تقول ما اقدر أتقبل زوجي
اكيد في سالفه حول الموضوع
عالعموم دام زوجك يحبك وحاطنك في عيونه
لاترفسي النعمة وحافظي عليه بمرور السنوات والتضحيات راح تتقبليه وتحبيةً


وإذا امور ثانيه نفس م ذكرت أخت جوري تقدري تعدليه بكل سهوله

أتمنى لك حياة سعيدة

[روح الزهور]

اسمحيلي اختي "
شهرين عآاقدة قرآنك وتجيي تو تقولي ما متقبلة زوجك ؟!
ليش مسواية النظرة الشرعية ؟ مآ شفتية ؟ ما وافقتي علية ؟!
ما اقتنعتي فية كـ زوج ؟! "

استغرب الوحدة تشوفه ويشوفهاا وبعدين يشتغل
العقل ما غاوي وما حلو شكلة وما متقبلتنة وكيف
تو اتقبلة وو !

ما تريدية قولي من البداية ماحد بيغصبك ع شيء !
ولا حد بيجبرك علية ! ما شفتية زين طلبي صورتة
ما رضيتي بالصورة اطلبي نظرة شرعية ثانية "
ما اقتنعتي فية قولي ما ابغاة شكلة ما عجبني"

اغلب البنات "
يقولن عادي ما يهم الشكل اهم شيء روحة واخلآقة
وتوافق وبعدين تقول يا ليتني ما وافقت علية
ما متقبلتنة الحين شكلة ما عآجبني لو يعرف
حتى بمشآاعرك هذة بينجرح ويقول ليش
وافقت عليي "

عموما "
تقبلية كـ زوج "
لانك من البداية وافقتي علية رغم انك شايفتنة
احنا بعصر الحمد لله ما حد يتزوج والا وهو
شآايف الطرف الثآني "
مع مرور الوقت بتحبية وبتحبي روحة وشكلة
لا تكسرية وتتجاهلية وتقللي من اهتمامك
فية لانة شكلة ما عآجبنك دامة يحبك
وما مقصر بحقك اعطية نفس القدر والإهتمآم
عيشي لحظة الاهتمآم الملكة اجمل فترة
اذا افسدتيهآا بتفكيرك بتروح عليك لحظآات
وايام تتمنيهآا ترجع بعد زواجك عيشي اللحظة
وعيشي اجمل فترة قبل زواجك وافهمي زوجك
وتقبلية وتفاهموا "

في النهآية ...
تحملي كآمل مسؤولية قرارك اولا "
وموافقتك علية ثآنياً "

اما الكلآم بعد عقد القرآن "
لا يغني ولا يسمن من جوع الا اذا تبغي
تدمري نفسك افسخي خطبتك واختاري
بو احسن منة شكلا ويمكن يجيك اخس
منة اهتماماً وبتندمي "

عموما موفقة

[غديرالحجري]

عزيزتي . شعور بتردد طبيعي في اول الايام ولكن لازم تقنعي نفسك خلاص انتقلتي لمرحلة جديدة وفيها تحديات و تغيرات قد تكون الاولى من نوعها بنسبة لك
الله يوقك حبيبتي

[روح منسية]

انا عقدت قرآني قبل شهرين،
تزوجت زواج تقليدي ونظرة شرعية سريعه، و زوجي انسان طيب يقدرني كثير ولا يرد لي طلب،

بس مشكلتي احيانا احس ما اقدر اتقبله وأحيانا اتقبله
يعني يمكن من ناحية الشكل ما ادري كيف بتجاوز هذي النقطة وما اريد اهدم حياتي بسبب هذا
لانه احيانا يجيني شعور تردد و اقول ليش وافقت واحيانا العكس ، بس مشكلتي أقارن وأحيانا اقول ما هذا الي حاطتنه ف شريك حياتي، ع رغم وافقت ع صفاته الثانيه ومقتنعه فيها، بس نقطة الشكل متضايقتني كثير ، بنات من مرت بهالشي ، ما اريد اخرب بيتي اريد اعيش نفس باقي البنات
من مرت بتجربتي وكيف اتخلص من شعور هذا

@قدري عالي
ذكرتيني بنفسي

أول ما تزوجت ما تقبلت زوجي عشان تصرفاته يعني مثلا طريقته لما ياكل وجلسته والى آخره مع انه زوجي رجال والنعم فيه والكل يمدحه ووايد ناس تحترمه وتحبه وله مستواه فعايلتهم حتى عماته وخواله يستشيرونه وله كلمة فالبلد

اعتقد أنتي مثلي صعب نتقبل الاخرين بسهولة وصعب نتأقلم مع اشخاص جدد في حياتنا
أحيانا كنت احس بالندم لاني تزوجته

وهذا كله لاني من بيت بيئته مختلفة وانا دايما كنت اقارن زوجي بأخواني وبأبوي لاني كنت أتمنى واحد نفس شخصية أبوي الله يحفظه

لكن الحمدلله فالنهاية حبيته وأدعو ربي دايما يحفظه لي وما يفرقنا عن بعض
وكل الي يضايقني من ناحية أسلوبه وطريقته فالاكل كان مجرد توهم وأنا كنت أنظر إليه من جوانب سلبية

والحين لقيته بالعكس يضحي عشاني ويقدمني فالخير على نفسه وعلى الاخرين اللهم لك الحمد