~گروشات عسولآت~

[ذنوب الموت]

مرحبا أخواتي الغاليات..


قبل فترة استفسرت عن موضوع نقص هرمون الحمل وان احتمال يكون حمل ضعيف أو لا..


للأسف فكرت ان صار معي إجهاض لأن النزيف كان مثل أنسجة الدم وكتل.. بس لما رحت المستشفى تفاجؤوا ان هرمون الحمل لا زال مرتفع..وقالولي أرجع أحلل بعد يومين

لما رجعت ..هرمون الحمل ارتفع زيادة بس بنسبة بسيطة فللأسف شكوا ان عندي حمل خارج الرحم وبالفعل وجدوه في قناة فالوب قرب المبيض الأيمن.. والحمد لله على كل حال

قالوا بداية بيكون العلاج بحقن الميثوركسات ..حقنوني الإبرة الأولى ورجعت بعد 7 أيام وللأسف الهرمون نقص بس 300 والمفترض ينقص أكثر

الدكتورة خوفتني بأنه في حالة ما استجبتي للإبرة الثانية يمكن يشيلوا قناة فالوب...وهالموضوع تاعبني كثييييييير وطول الوقت أفكر

من صار معها أو تعرف حد استجابت لهذه الحقنة وتخلصت من الحمل خارج الرحم بدون منظار أو جراحة؟؟

طمنوني الله يطمنكم

الله يعوضك عزيزتي ويقومك بالسلامة
اللي اعرفه انه بعد الإبر ينزل الهرمون بسرعة
بس ف حالتك شي غريب هذا
ويارب ما يتخذوا اجراءات معقدة ويسهل عليك

طمنينا

[Maria2018]

عارفين الوضع ما عليش منهم حتى لو يقارنونا بأمهاتهم هههههه
بيجي زمان تحصلي فيه ولدش يقارن زوجته فيش وهكذا هلم جرى
محد قانع بزمانه وما عاجبنه العجب

سالفة القرعة ترا نحن سويناها بعد وخلينا الأخ الأكبر يسحب الاسم ومشينا عليها وانتي شدي حيلش لأنه اذا تريدي تصممي ثيمات معينة باسمها لازم خلاص تكوني مرتبة امورش ومعطتنهن التفاصيل

والاجازة انا بشوف وضعي كيف بعد الولادة لأنه لو تعرضت للخياطة بصراحة يحتاجلي اقل شي ٣ اشهر اجازة استرجع عافيتي وقوتي لأني مريت بهالوضع وشفت البهدلة ع أصوول والبيبي حتى لو تعلق فيني مصيره يروح الحضانه ويتعود ماشي حل

فواحات ماتلان رهيبة
فبل أمس خذيت فواحة من ردتاغ بس بصراحة لا تقارن بفواحان ماتلان ، كانت ريحتها منعشة أكثر وتثبت واجد ف الغرفة

انا فقط سويت سكان سريع ع شراشف ماتلان وما جربتهم بس تشكيلات حلوة
وخذيت حالي من حول الإمارات عندهم تنزيلات
وعجبني وووواااجد
فيه نوع قطني كأنه مخلوط مع حرير قيمته ٨٠ ريال بس يستاهل بصراحة عجيب
ورحت هوم سنتر بعد حلوات بس لأني كلما خذيت من عندهم يغبرن بعد الغسيل فما خذيتملونات

بس البيضات اللي نفس الفنادف خذيهن وانتي مغمضة حتى مخداتهم ريش ناعم وخفيف مريحات جدا وبقيمة ٩ ريال تقريبا

اذا انتي تابعه الخدمة المدنية سمعت الشرط الجديد لاجازة بدون راتب نقدمها قبل بشهر
ما شكلي بسوي الاسم ف كل شي .. حاجات معينة فبالي
بالنسبة للفراش انا جربت مال هوم سنتر الملونه ابدا ما عجبني حقيقة ما كانن مريحات الواحد ب 30 واكثر يمكن ماخذتنه

بجرب اروح من حول الامارات كان مالهم زينات وبشوف بعد مال ماتلان

[Financer]

يختي عانيت سهر بالليل وصياح بالنهار
والله ان الخياطة وحدها احس عن الولادة
كملت شهرين والمنطقة تعن لا مشي ولا جلسة مثل الناس ولما راجعت المستشفى قالتلي كل شي اوكي
الخياطة صحيحة ونظيفة
وكنت اشرب بروفين مسكن والله ما يفيدني ابددددددددا واحط مرهم سمسم
ويوميا امي تغلي سعتر مع ملح عريشي طبيعي واجلس فيه

وماريد انذكر هالألم الله يبعدني عنه ياااارب هالمرة وعسى تساهيل

يالله ذكرتيني بالخياطه نعم انا نفسش عانيت من الخياطه معاناه وتولف علي ألم الخياطه مع البواسير
كنت اصيح صياح لا اقدر امشي ولا اجلس واحيانا عاد حتى ما اقدر انام من البواسير
وجلست معي الخياطه فتره طويله احس يعني بدأ يطيح الخيوط من اليوم 22 وعاد استمرت ماعرف الى متى

والحمدلله ع كل حال

[احاسيسى مجروحه]

الحمدلله قطعتي مشوار كبير وان شاء الله تساهيل ف الباقي

امين حبيبتي
بس الحركه قلت ع قبل هذا طبيعي يعني بس احس بدفشات بسيطه

[جاري الانتظار]

@جاري الانتظار

ضحكي ضحكي ..
اخبارك وكيف النونووو والسهررر مع النونو ..؟؟

مرة عال العال حوووووبي
السهر اول شيء احين الحمد لله بديت اضبط ... هههههه تميت اصيح ما حصلت وقت احط رأسي .. لكن احين ارتحت
الله يسهل عليكن و نشوفكن تصارعن الرقاد هههه😀

[جاري الانتظار]

كيفك عزيزتي وشو جديد عساك مرتاحة

الحمد لله اول حشا ما شيء راحه
ناس و زحمه و صياح و خبصه
الحين تعدل الوضع و صرنا احسن
عقبالكن يارب

[Maria2018]

السلام عليكم
اشحالكم حريم وكيف الحمال وياكم؟

الوسن عسى ربي يسهل عليج حبيبتي اتذكر فبكري سويت تحريض لاني كنت معدية موعد الولادة 10 ايام يعني كنت ف الاسبوع ال41 وكم يوم
وكان فيني السكر بس انتظم ع نهاية الاشهر والسلطاني معطيني موعد طلق وما رحت عقب رحت الخاص وسويت تحريض ونص ساعه رجعت البيت وبدت معي الالام حارة كانت وفوقه فوقه اصعب ولادة صراحه الامها كانت قويه وحارة جلست من س 11 صباح اعاني لين س 11:45 بليل ربيت وفوق هذا وقت الولادة راحت عني الالام ويقولولي دفعي وانا ما فيني الالام واخر شي سحبوه بشفاط وعاد خلوني نص ساعه والمشيمه داخل راحت فوق وتمت الممرضة مدخله يدها كامل وتسحبه بقوة وانا احس روحي بتطلع وجت غيرها تسحب وماشي فايدة واقولهم بس خلاص دخلوني العمليات ما قادرة واخر شي جت الدكتورة تترجاني خليني انا احاول اطلعها قلت لها لا ما قادرة يعورني كانه الم ولادة من اول وجديد وعاد دخلت وتمت تسحب حسيت رحمي بيطلع من مكانه واخر شي اسمعها تقول دخلوها العمليه وعاد خدروني وطلعوها بعملية

الطفل الثاني اجاني الالم طبيعي تقدمت عن موعدي ب 4 ايام ولكن مافي ارحم عن الطبيعي صراحة الالام كانها مال الدورة باردة وترتاحي فترة بين الم والم حتى اني كنت مداومه بادية الالام معي س 7 صبح وجيت الدوام وانا ما عبالي الالام ولادة كملت دوام لين س 12 ظهر شوي بدا يحمى وعاد استاذنت وطلعت استوعبت متاخر اني ف ولادة هههه وعقب 3 ساعات ولدت وتفاجو اللي فالدوام يقولو كيف كنتي مداومه وعادي ما مبين عليج شي وفجاة ربيتي الحمدلله ان شاء الله هالولادة تكون كذا باردة مثل اللي قبل

انا حاليا فالاسبوع ال37 كم يوم والمور طيبة لحد تو بس تجيني ليه بين فترة وثانيه ومنتظرين ع حسب الجدول السهالة ي ربي

يالله سمية تجربتك الاولى اليمة جلست اتخيل كيف الوضع
عسى هالمرة تكون مثل الثانية واسهل ان شاء الله

[جاري الانتظار]

دعواتك لنا خيتي لما تقومي ترضعي نص الليل عطينا دعوة حلوة عسى ربي يخفف عنا ويكتبلنا ولادة سهلة يسيرة

الله يسهل عليكن يارب و عليكن بالمشي و الماي و الحديد

[صمت الانهيار]

@غلا الشمس
وعليكم السلام ورحمه الله وبركاته
يا هلاا وغلااا فيج

بينا وبينك شهر وشي تقريبا

الله يسهل علييج يارب ..
بضيفك للقائمه الحيين

[Maria2018]

@روحي فدى عمان
يالله حبيبتي الله يعوضش خير
معافايه ان شاء الله وما تشوفي شر

ماعندي فكره صراحه عسى البنات يفيدوك

@صمت الانهيار
اصلا هالمره انا حاسه انش بتجيبي بنت سبحان الله

وعاد احلى شي تجهيزات البنوتات تلمي حتى اشياء ما مبغايه

انصحش ع الافرولات لان الفساتين شويه تبهدل ف سن صغير الى ما تبدأ تجلس ع الاقل

ذيك الساعه عاد ابدي بالفساتين
@Maria2018

ههههههه ضحكتيني
احس اغلب الرجال كذا يجيبو أسماء مال اول

انا الى ولدت كنا ما متفقين ع الاسم وضرابة
بعدين بالغصب اتفقنا

@Financer

انا عشان اتجنب الضرابة لين الولادة احسلي اسوي القرعه وافك نفسي ترا لو طلع الاسم اللي يريده المرة الجايه دوري عاد اختار بدون ولا ينطق بكلمه
ويجيني شور اني ما اخبره عاد بجنس البيبي الجاي ادب حاله

[Maria2018]

@روحي فدى عمان

ان شاء الله كله بينزل بدون تدخلات جراحية لا تخافي ووكلي الامر لله عسى ربي يفرحك المرة الجاية ب بيبي سليم وفمكانه الصحيح
ولا تخافي لو بقت قناة وحده ترا عادي تحملي مثل باقي البنات ما عليك اي باس
@غلا الشمس @نسايم الفرح

نورتو التجمع .. عسى ربي يكتبلكن حمل سهلا يسيرا وولادة سهله باردة
كيف فحصتو جنس البيبي ؟ باربي ولا كابتن ماجد

[Financer]

@Financer

انا عشان اتجنب الضرابة لين الولادة احسلي اسوي القرعه وافك نفسي ترا لو طلع الاسم اللي يريده المرة الجايه دوري عاد اختار بدون ولا ينطق بكلمه
ويجيني شور اني ما اخبره عاد بجنس البيبي الجاي ادب حاله

يبالي اسويها سالفه القرعه بس اخاف يكون اسم ابدا ما عاجبني ما يهون علي اسمي ولدي ولا بنتي به

[صمت الانهيار]

@Financer
هههه الكل متوقع لي بنووته
حتى هنا الي يسالني اقولهم شوفوو من اربي وبس
الله يسهل الامور ان شاء الله
انا ما احب البس الصغار ملابس خبصه يعني لو بنوته ما بلبسها فستان
الا يمكن من تبدي تجلس وحتى اولادي كذا كله افرولات وقليل جدا اذا بنطلون وقميص
احس النونو يتبهدل وفوقه القماط وووو..
بس ع فوادي شفت ذاك الفستان وعاد شريته بمقاس اكبر شوي..

@جاري الانتظار
نعم انه اول اياام تعب وارهااق
مع تعب الولاده والسهر مع النونوو .. واذا في ناس عاد صابي عمرك
انا يوم اكون بمسقط مع الوالده الامور طيبه وهدوء ماشي زيارات كثيره
يعني ع الاقل شوي ارتاح من زيارات الناس والجلسه خاصه من يغفى النونو اي وقت تتمني النومه

بس هناا من ارجع بيتي عاد حريم الحاره يقيلن مع المربيه
وهالمره النيه اكون ف بيتي بس واايد احااتي هالنقطه
لازم اقووم من غبششه ولا بيقولن راقده ومدري شوو..

الله يعين ويسهل الامووور

[ذنوب الموت]

اذا انتي تابعه الخدمة المدنية سمعت الشرط الجديد لاجازة بدون راتب نقدمها قبل بشهر
ما شكلي بسوي الاسم ف كل شي .. حاجات معينة فبالي
بالنسبة للفراش انا جربت مال هوم سنتر الملونه ابدا ما عجبني حقيقة ما كانن مريحات الواحد ب 30 واكثر يمكن ماخذتنه

بجرب اروح من حول الامارات كان مالهم زينات وبشوف بعد مال ماتلان

لا تابعة الحكومي ولا الخاص
انا مكس حكوميخاص
وهذا وحده سالفة بعد مشددين واجد علينا يالله ما تمشي امورنا بالساهل

خذي لفة بعد ف محل ف البهجة نسيت اسمه والله كنت رايحة شوفنج بس ههههه
بصراحة جميلات جددددا ما قادرة اطلع ما شاريه شي و ف نفس الوقت الرواتب ما نازلة
اول ما تدخلي من البوابة الرئيسية يجي يمين
بس اسعارهم يعني تووب شويه

[ذنوب الموت]

الحمد لله اول حشا ما شيء راحه
ناس و زحمه و صياح و خبصه
الحين تعدل الوضع و صرنا احسن
عقبالكن يارب

يالله ارتحتي وعديتيها ع خير
وعقبالنا الله يسمع منك

[ذنوب الموت]

امين حبيبتي
بس الحركه قلت ع قبل هذا طبيعي يعني بس احس بدفشات بسيطه

ف بداية الثامن ما المفروض تقل
لأنه ستل فيه وسع للرفسات والشوتات
لكن استلقي ع ظهرك وعطيه شويه كم ضربة منيه مناك
بيتحرك زين ان شاء الله

[صمت الانهيار]

@Maria2018
الحمدلله ما نتضارب عشان الاسم ههههه

البكرر ع اسم ابووه
والثاني كناا محتااارين ويش نسمي لانه الاسمين حلوين
انا من ربيت خلاص سميت الي هو اختاره..وهو جى قال لاهله الي انا مختارته
ههه
المهم ثاني يوم قلت له خلاص نسميه امير ع اختيارك
قالي لا سميه فيصل دام ف خاطرك الاسم
سميناه امير ..
واخوه فتره تم يناديه اميرفيصل هههه
والحين كذالك اقوله نغير يقول لا من زمان ودك خلاص مثبتين تقريبا عليه

[ذنوب الموت]

يالله ذكرتيني بالخياطه نعم انا نفسش عانيت من الخياطه معاناه وتولف علي ألم الخياطه مع البواسير
كنت اصيح صياح لا اقدر امشي ولا اجلس واحيانا عاد حتى ما اقدر انام من البواسير
وجلست معي الخياطه فتره طويله احس يعني بدأ يطيح الخيوط من اليوم 22 وعاد استمرت ماعرف الى متى

والحمدلله ع كل حال

والله البواسير وحدهن سالفة
يلتهبن وقت الحمل بسبب الضغط ويزيدن وقت الولادة
وعاد بسبب الخياطة والبواسير يصير دخول الحمام من أصعب المستحيلات

[صمت الانهيار]

@احاسيسى مجروحه
الله يسهل عليك ما تبقى من شهور حملك
وخلاص يالله ضبطي الشنطه واموررك..



@alwasen
يارب تكوني بخير انتي والنونو ..
وتدخلي تبشرينا بولادتك ..

[قبس صحار]

ما شاء الله عليكن ما ألحق ع كل السوالف

مبارك للحوامل الجديدات
وهلا بكن معنا فالتجمع


@روحي فدى عمان
انا ربيعتي فأول حمل لها كذا قالوا حمل خارج الرحم
وفالحكومة قالن لازم عملية وبمكن المبيض يتضرر
فهي راحت مسقط لعيادة خاصة ما اذكر اذا عطوها ابر او حبوب
بس قالوا تتابعهم اسبوعيا وتقريبا جلست ٣ ل ٤ اسابيع تتابعهم
ونزل الحمل بروحه ع اللي عطوها اياه

احسن تروحي مكان ثاني تتأكدي قبل لا تسويي عملية

[نسايم الفرح]

@روحي فدى عمان

ان شاء الله كله بينزل بدون تدخلات جراحية لا تخافي ووكلي الامر لله عسى ربي يفرحك المرة الجاية ب بيبي سليم وفمكانه الصحيح
ولا تخافي لو بقت قناة وحده ترا عادي تحملي مثل باقي البنات ما عليك اي باس
@غلا الشمس @نسايم الفرح

نورتو التجمع .. عسى ربي يكتبلكن حمل سهلا يسيرا وولادة سهله باردة
كيف فحصتو جنس البيبي ؟ باربي ولا كابتن ماجد

بوي بعدنا في الوحام نهيس هههههه

[نسايم الفرح]

بعطيكن حل للبواسير في فترة الحمل، بعد بحث في النت وجدت أن الحل هو الثلج .. تلفي الثلج بشي وتحطيه على مكان البواسير لازم تتحملي الالم وتكرري اكثر من مرة ماكثير هو غالبا يبدأ يخف بسرعة
بس كثير فادتني وتخلصت منهن من زمان ماشفتهن كنت حامل ومارجعن الحمدلله



بالنسبة للخياطة الافضل تتجنبوها بتمارين كيجل والتدليك بالزيت كذا ان شاء الله تولدي بدون شف
وغالبا الولادات الي بعد الاولى يكونن بدون شق وخياطة حماس

[بقايا ألوان]

الوحام يبكي

[نسايم الفرح]

الوحام يبكي

وانا اشهد ، صراحة مرات ابكي ..

[نسايم الفرح]

ما شاء الله عليكن ما ألحق ع كل السوالف

مبارك للحوامل الجديدات
وهلا بكن معنا فالتجمع


@روحي فدى عمان
انا ربيعتي فأول حمل لها كذا قالوا حمل خارج الرحم
وفالحكومة قالن لازم عملية وبمكن المبيض يتضرر
فهي راحت مسقط لعيادة خاصة ما اذكر اذا عطوها ابر او حبوب
بس قالوا تتابعهم اسبوعيا وتقريبا جلست 3 ل 4 اسابيع تتابعهم
ونزل الحمل بروحه ع اللي عطوها اياه

احسن تروحي مكان ثاني تتأكدي قبل لا تسويي عملية

هو ممكن ينزل بالابر والحبوب ، لكن مرات العملية أأمن لان كل ماكبر الحمل خارج الرحم يكون الامر خطير جدا على الام

[قبس صحار]

هو ممكن ينزل بالابر والحبوب ، لكن مرات العملية أأمن لان كل ماكبر الحمل خارج الرحم يكون الامر خطير جدا على الام

أيوه بس لو تاخذ أكثر من رأي يكون أضمن لها
حتى ما تتلوم بعدين

[ذنوب الموت]

الوحام يبكي

أنشهد �� �� ��

[Okara]

مساء الخير


حامل جديدة

أريد أسأل اذا تعرفن محل يبيع ملابس حوامل و مرضعات أو حتى حساب انستغرام

[ERHABIA]

@Maria2018
لاااا من يمل من التسوق والتجهيز ههههه لين اخر لحضات بعدنا نشتري
كيف تثقي تاخذي اون لاين .. انا اشوف حاجات حلوه بس بصراحه احس مااقدر اجازف واطلب
برغم اشوف وايد ناس عادي يشترو وكذاا..
خاصه اني شايفه محلات توفر ملابس روعه واسعارها حلوه ..
//
وبخصوص الولاده انتي بكرر .. لا تركضي المستشفى ع طول الا ف حاله نزول ماي المشيمه او دم
واذا الم ومغص تحملي وتنفسي بالطريقه الصحيحه،، واحسبي شده الالم تراه يكون مثل الم الدوره بس شوي اقوى يمسك شوي ويخليك ترتاحي ويتكرر كذا لين يكون متتابع..

@ذنوب الموت
الخياطه حدها اسبوعين مع الاهتمام وتجفيف المنطقه الامور طيبه
والي تطول تروح عياده تاخذ ابره وتسهل ف تجفيف الخيوط
وابشرك بالثاني ان شاء الله خياطه بسيطه ويمكن ما تحتاجي..
خااصه اذا ما ضغطتي ع المنطقه وقت الولاده .. اقصد قبل اللحضه الحاسمه..
لانه في منهن يضغطن والرحم بعده ما متهيء وهالشي يسبب تمزقات ووووو
@سميه
سبحان الله مأجوره يارب.. والحمدلله الولاده الثانيه سهله
والثالثه باذن الله اسهل .. الله يقومك بالسلامه يارب


@ERHABIA
جلسسي انتي مكانك ،، ان شاء الله بتفصلي الكندوره بس لين تتاكدي ولي العهد جاي بالدرب

@روحي فدى عمان
يالله عزيزتي بالفعل وضعك صعب شوي ..
بسس ان شاء الله يكون الامر سهل
حسب معرفتي والي اسمعه حمل خارج الرحم ينزل بالادويه او ممكن تدخل جراحي وتكون عمليه سهله
ويضطرو يشيلو قناه فالوب اذا الحمل كبير ..
بس هذا ما يعني انه ما تقدري ع الحمل مستقبللاا
يصير حمل بمبيض واحد ..

استخيري رب العالمين وكثري من الاستغفار وادعي انه ربي يعطيك الحكمه والقرار الي فيه الخير لك..
ربي يسهل امرك يارب

يالله الله يسمع منك يارب وافصل ذيك الكندوره الصغنونه

[احاسيسى مجروحه]

ف بداية الثامن ما المفروض تقل
لأنه ستل فيه وسع للرفسات والشوتات
لكن استلقي ع ظهرك وعطيه شويه كم ضربة منيه مناك
بيتحرك زين ان شاء الله

ههههههه احيانا اجلس اضرب يمين ويسار
ويبدي شوي يتحرك
اكثر شي دفشات فوق احس مكان واحد @ذنوب الموت

[QUOTE=صمت الانهيار;50135705]@احاسيسى مجروحه
الله يسهل عليك ما تبقى من شهور حملك
وخلاص يالله ضبطي الشنطه واموررك..


خلاص عاد ضبطت امورى اشتريت ملابس وقماطات وافرولات
وشتطه وسويت حال النونو لبسات باسمه
باقلي أشياء بسيطه

والحين جاري تجهيز التوزيعات
واشتريت صواني
وضبت تعليقه الاسم
فيعني باقي اشياء ببسيطه
اريد ارسل الصور بس كيف ارفعهن @صمت الانهيار