طريقة القلية

[اوساسونا8]

السلام عليكم عزيزاتي بغيت طريقة القلية العمانية ممكن الطريقة لو سمحتن

[اوساسونا8]

للرفع

[mandos]

عااااديه اذا تقصدي تقلية اللحم
طبعا اللحم بتغسليه وتنظفيه زين
ولو قدرتي حتى تشيلي منه الشحم عشان تخففي الدهون بزود
وبعدين على الطنجره مع بهارات اللحم الخاصه مثلها للشواء يعني فيها خل وثوم بزيااااااده
وتسكري عليها الطنجره لحد يجهز اللحم زين
ويبقى معاه سوب بسيط من البهارات بالثوم والخل وورق الغار
وبس نحن هذي طريقتنا معرف كيف الباقيات بيفيدونك
وهم بعد في ناس يضيفون لها صلصة الطماطم حسب الرغبه طبعا

[مطلع الاشراق]

صباح الخير

صراحة مانعمله كثير
المقادير
ملح ، كركم ، قطع من اللحم ( حوايا الذبيحه من كرش وكبد وطحال ) + قطع شحم

تغسل جيدا وتقطع قطع مناسبه وتنشف في مشخل حتى ينشف الماء بــ الكامل
من ثم نبداء في طبخها مع اضافة كمية كبيره من الملح والكركم ونتركها حتى تنضج
وتترك لتبرد ومن ثم توزع في اواني للحفظ .

* القليه
تنفع نقلي بها البصل ونضيفها في القبولي والمرق وطعمها جدا لذيذ ولكنها مش صحيه بسبب الدهون والملح

وراح اتاكد اكثر من امي
بس انا بذكر هالطريقه بس

[مطلع الاشراق]

القليه أو المقلي تقصدي ؟

[صبروامل]

هلا حبيبتي بقولك طريقتنا

* جيبي اللحم وقطعيه قطع صغار وسويله شوية ماي وخليه ع نار خفيفة والبعض مايسويله ماي لانه بروحه يطلع ماي وخاصه انه فرش

* بعدها شيلي الرغوه اللي تتشكل فوق اللحم

* بعدها ضيفي له ثوم مهروس وورق غار وزنجبيل وبقدونس وخليه ينضج شوي

* بعدها ضيفي شوي من بزار الشواء وايضا ضيفي فلفل اسود وملح وسنوت وقرفة وخليه شوي ع النار لحد ماينضج بالكامل

وصحتين وعافية

[صبروامل]

القليه أو المقلي تقصدي ؟

القليه تقصد

[مطلع الاشراق]

القليه تقصد

القليه غير عن المقلي
حسب الاسم عندنا بالشرقيه القليه هي اللى شرحت طريقتها فوق

اما المقلي
فهو لحم وثوم وزنجبيل

[صبروامل]

القليه غير عن المقلي
حسب الاسم عندنا بالشرقيه القليه هي اللى شرحت طريقتها فوق

اما المقلي
فهو لحم وثوم وزنجبيل

اللي شرحتها انا فوق نسميها قلية

وصاحبة الموضوع قالت قلية

[بودي سباركلز]

طريقتنا هي:
تقطعي اللحم قطع صغيرة وتحطي فيها شوي ماي وتركبيها ع النار مع الملح طبعا وقبلها تكوني مجهزه الثوم احسن تدقيه نكهته تكون احلى ونحن نصيف كمية كبيرة من الثوم
وبعدها ع طووول نضيف الفلفل الاسود والقرفة المطحونة نخليه يطبخ لحدما ينضج اللحم

[فتافيت السكر]

طريقتنا هي:
تقطعي اللحم قطع صغيرة وتحطي فيها شوي ماي وتركبيها ع النار مع الملح طبعا وقبلها تكوني مجهزه الثوم احسن تدقيه نكهته تكون احلى ونحن نصيف كمية كبيرة من الثوم
وبعدها ع طووول نضيف الفلفل الاسود والقرفة المطحونة نخليه يطبخ لحدما ينضج اللحم

مثلها بالضبط
بوم قرفه فلفل اسود

[قلم مختلف]

غريبه ماتسوا بصل ؟
طبعا اللحم يغلي بروحه أول مرات نغليه بالقرفه والفلفل
بعدين نحمس البصل ونضيف ثوم وورق غار وبهارات وملح مع فلفل وقرفه وزنجبيل وشويه ماي ونحط فيه اللحم يغلي مع بعض لين يستوي
ورق غار والزنجبيل حسب رغبه الشخص

[قلم مختلف]

بسأل امي بعد

[أم ومضة]

تاخذي اللحم المقطع والمغسول
وشخليه
وبعدين بهريه بهارات الشواء
وخذ صفرية الضغط وحطي فيها زيت ومن يسخن كبي فيه اللحم وخلطيه وخليه فترة علشان يتسبك بالبهارات
بعدين قيسي له الماي وخليه مال نص ساعه

[silentfeelings]

انا بعد اعمله بنفس طريقة بودي سباركلز بس احيانا اضيف بصل

[بوح الطير]

القليه غير عن المقلي
حسب الاسم عندنا بالشرقيه القليه هي اللى شرحت طريقتها فوق

اما المقلي
فهو لحم وثوم وزنجبيل

نفسنا كذا ...القلية غير عن المقلي
القلية بعد الانتهاء تستخدم ك دهن
اما المقلي فهو اللحم المقطع مع شوي شحم وبهارات وثوم وملح وعلى نار هادية مع التقليب لحد ما ينضج اللحم ..ممكن تضيفي شوي ماي فالقاع او بدونه عادي...بامكانك تضيفي مع اللحم بصل مقطع شرايح و فلفل رومي..ويميييي

[أم فراس ونبراس]

تعددت الاختلافات فالطبخ بس الاعتماد كله ع البهارات والثوم
احنا اهلي نحط اللحم بعد الغسيل فالصفريه بدون ماي بعد فتره الماي بروحه يطلع بعدها نظيف بزار شوا تكون الوالده مجهزتنه فيه ثوم وفيه خل وكل حاله وبعدها يكون جهز
اما اهل زوجي
نفس الطريقه بس هما يسوا فيه بصل وفلفل كبير وطماطم حبتين او حبه
يعني في اختلاف

[بودي سباركلز]

اول مرة اعرف القلية يسوولها بهارات وبصل
نحن هذا نعتبره صالونة لحم

[البسمة الدائمة]

صباحكن خير ...

المسميات تختلف بالفعل نحن نسميها غير واهل زوجي غير ... نحن نضيف لها ثوم وبهارات وبصل تطلع لذيذه مع البصل بدون تحميس طبعا من يبدا يختلط اللحم مع البهارات نضيفه وبعضهم ما يحطوا ....بس اهل زوجي ما اتذكر بصراحه كثير طريقتهم ...

[asma al busaidi]

عباره عن شحم أعتقد هذي قصدها الأخت

نحن نسميه الحميس نختار الشحم بس ونخليه في الطنجره لحد ما يذوب الشحم بس راح تلاحظي إنه ما يذوب بشكل كامل من بعد حطي ملح كميه لا بأس بها وبهار شوي أو تكتفي بالكركم بس وكوني حذره ما تضيفي ولا قطرة ماء

[mandos]

عباره عن شحم أعتقد هذي قصدها الأخت

نحن نسميه الحميس نختار الشحم بس ونخليه في الطنجره لحد ما يذوب الشحم بس راح تلاحظي إنه ما يذوب بشكل كامل من بعد حطي ملح كميه لا بأس بها وبهار شوي أو تكتفي بالكركم بس وكوني حذره ما تضيفي ولا قطرة ماء

دهن الشحم بيكون
في استخدامات خاصه لدهن الشحم؟
أو عادي بستخدمه لأي طبخه ببالي ؟؟؟

[بودي سباركلز]

عباره عن شحم أعتقد هذي قصدها الأخت

نحن نسميه الحميس نختار الشحم بس ونخليه في الطنجره لحد ما يذوب الشحم بس راح تلاحظي إنه ما يذوب بشكل كامل من بعد حطي ملح كميه لا بأس بها وبهار شوي أو تكتفي بالكركم بس وكوني حذره ما تضيفي ولا قطرة ماء

تاكلوا شحم
ما يلوع!؟؟؟!

[asma al busaidi]

دهن الشحم بيكون
في استخدامات خاصه لدهن الشحم؟
أو عادي بستخدمه لأي طبخه ببالي ؟؟؟

في ناس تستخدمه مكان الزيت يلي يباع في الأسواق

هذا اول وقليل صار يستخدمه الحين

[asma al busaidi]

تاكلوا شحم
ما يلوع!؟؟؟!

أيوه عزيزتي أول هذا كان الماده المستخدمه للطبخ والقلي وما في زيوت مهدرجه مثل الحين
وعلى كلام جداتنا الله يحفظهن له طعم مميز ومذاق ولا أروع