رحلتي الى البوسنه والهرسك 7ليالي / 8 ايام (مع الصور ونصائح للسفر)

**الشمالي 55** · 08/05/2017 08:03 PM

يعطيك العافية

**النصيبي** · 09/05/2017 10:24 AM

أرسل أصلا بواسطة الشمالي 55

يعطيك العافية

الله يعافيك صديقي ..
شكرا ع المرور

**النصيبي** · 09/05/2017 10:27 AM

أرسل أصلا بواسطة احسن منهم

شكرا أخي @النصيبي
بس الرقم شوي إذا ممكت تعيده
لأنه اشوفه يبدأ 64 من اليسار
تقريبا خطأ

العفو صديقي .. @احسن منهم
مااعرف ليش الرقم ينكتب بالعكس
بس هو يبد ب 00
بعدين 387
بعدين 644504838

الرقم صحيح بس مكتوب بالعكس
انسان امين وتعامله جيد وتحاسبه باليوميه

**النصيبي** · 24/06/2017 01:13 PM

سبحان الله العظيم

**زيارة البوسنة** · 24/06/2017 07:42 PM

انا سائق و مرشد في البوسنة والهرسك.رقمي 00387603265046 اتصال بطريقة واتساب

**نازان** · 28/06/2017 03:32 PM

كيف نظافتها هالبلد ؟؟ ماشي بعوض

**جرح الشوق** · 07/07/2017 12:43 PM

ممكن ترسلي رقم المرشد ع الخاص

**في القمم يحلى الوجود** · 07/07/2017 02:27 PM

النصيبي
السائق يكون معك مثلا سكنت مدينة بهاتيش يجلس هناك او يروح ويجيك وقت موعد التنقل

وهل افضل بنفسي اسوق سيارة وهل نفسنا السكان في اليسار والشارع نفسنا
او الافضل سائق

**دمعة حزن8888** · 07/07/2017 11:27 PM

اخي الكريم ذكرتني بالبوسنه
بلد رائع جدا جدا
ولمن يرغب بمتابعه تقارير رحلتي سيجدها بالفيس بوك بأسم
حلم لا ينتهي

تقريرك رائع

**Beautiful Soul** · 08/07/2017 07:06 PM

تكرما أرسل رقم الشركة

**جرح الشوق** · 08/07/2017 11:21 PM

اريد رقم المرشد لو سمحتووو

أرسل أصلا بواسطة النصيبي

السلام عليكم ورحمه الله وبركاته
تقرير بسيط ومتواضع عن رحلتي الى البوسنه والهرسك اتمنى يفيد الناس اللي تخطط لزياره البوسنه

معلومات تهمك قبل السفر

افضل االاوقات للزياره من شهر 5 ل 10 ..
العمله هي المارك البوسني وبامكانك تستخدم اليورو ... الدولار الامريكي م انصحكم فيه
البوسنه والهرسك دوله طبييعه جميل جده .. لا يمكن وصفها ولا حتى الصور ما اعطتها حقها بالجمال ولكن البنيه التحتيه عندهم ما لين هناك يعني م بتحصل مجمعات كبار ولا بتحصل حدائق كهربائيه وهالسوالف يعني للي مهتم لغير الطبيعه
اللغه عندهم هي اللغه البوسنيه ولكن تحصل اللغه الانجليزيه بالمطاعم والفنادق
الاسعار ممتازه تعتبر دوله رخيصه .. الفنادق اسعارهن ممتازه والمطاعم شوي اغلى عن عمان ..

و

التحضير للسفر //
حجزت تذاكر ل فلاي دبي .. التذكره كانت ب 145 ترانزيت دبي
جهزت الفيزا كارد باتصالي للبنك وخليتهم يفتحوها عشان اقدر استخدمها ف البوسنه
وحولت مبلغ لليورو كاحتياط
حجزنا فنادق عن طريق البوككنج
ونسنقنا مع مرشد سياحي اسمه سامر .. بوسني الجنسيه ومسلم

السفر //
تاريخ 9/5/2016 الساعه 5 انطلقنا من مطار عمان ووصلنا العاصمه سراييفو س 12:30 بتوقيتهم واستقبلنا المرشد سامر وابنه صهيب وفالطريق خذينا غدا ورحنا السكن نرتاح
طبعا هو كان مرتب لنا جدول سياحي

ابرز الاماكن اللي زرتها
مدينة موستار و الجسر القديم

جسر مدينة كونيتس

رحله بحريه في بحيرة يابلانيتشكو

شلالات كرافيستا

منبع نهر البوسنه في سراييفو

منبع نهر بونا

مدينة بوتشيل والقلعه القديمه

كهوف بيمابارى

قريه بيئية في منطقه سريديني

شلالات مدينة ياتيستا

ما قدرت اتذكر اسم المكان بس حلو ههههه

الصور كثيرره عندي وصعب انزلها كلها وراح اكتفي بهذا الكم والسموحه منكم

الحين بنتقل للأكل
صور بعض الوجبات
القهوة البوسنيه المشهورهه عندهم

لحم خروف مطبوخ بنار هادئه اكثر من ثلاث ساعات وجبه معروفه عندهم وتقريبا كانت ب 6 ريال لشخصين

وجبهه سمك ع منظر جميل جدا ..الطاولة مطلة على نهر

مشاوي غنيه عن التعريف على منظر جميل جدا وهو منبع نهر بونا

اختم موضوع الاكل بنسكافيه من منطقه ف الجبل مطلة ع العاصمة سراييفو

بعد فيه صور اكثر بس م اقدر انزلها كلها والسموحة منكم
نصيحيتي انك تنتبه للمطعم اذا كان يقدم وجبات حلال

الحين راح اتكلم عن جزء مهم وهو التفاصيل الماليه بالضبط
الكلفه الكامله للرحله كانت 470 ريال عماني
التذكره ب 145 ريال
النقل بالكامل كان ب 260 ريال عماني طول الرحله وطبعا كنا اثنين ف الواحد دفع 130 ريال
السكن كان شقه في العاصمه 6 ليالي ب 15 ريال و ليله فيه فندق بمدينه موستار ب 28 ريال مجموع السكن 120 ريال مقسوم ع شخصين ف الواحد منا دفع 60 ريال
سوينا عزبه او جمعيه كل واحد يمسيها ع كيفه ح الاكل وتذاكر دخول المتاحف و المناطق السياحيه
وكل واحد دفع تقريبا 100 ريال

ههه
بحسبها بشكل اوضح لكم
145 التذكره
+
130 النقل
+
60 السكن
+
100 العزبه
=
435 ريال عماني
والباقي كان مستلزمات خاصه لي مثل هدايا واشياء تذكاريه

النقل كان اكثر شي مكلف وبحثت كثير وتعبت وهذا كان افضل شي حصلته

التقرير شبهه مكتمل باقي اشياء بسيطه اضيفها ف وقت لاحق ان شاء الله
وسامحونا ع الاخطاء المطبعيه
واذا فيه احد عنده اقتراح او تعديل بالتقرير يتفضل وان شاء الله ما يصير خاطره الا طيب

ولا تنسوني من صالح الدعاء

اخوكم داوود النصيبي

**أهلا هلا بك** · 09/07/2017 02:52 AM

ماشاء الله رووعه

**النصيبي** · 19/02/2018 01:26 PM

أرسل أصلا بواسطة نازان

كيف نظافتها هالبلد ؟؟ ماشي بعوض

هلا وغلا
البلد نظيفه كثير
ما كان فيه اي بعوض ا
والاكل اهم شي كان نظيف

**النصيبي** · 19/02/2018 01:27 PM

أرسل أصلا بواسطة في القمم يحلى الوجود

النصيبي
السائق يكون معك مثلا سكنت مدينة بهاتيش يجلس هناك او يروح ويجيك وقت موعد التنقل

وهل افضل بنفسي اسوق سيارة وهل نفسنا السكان في اليسار والشارع نفسنا
او الافضل سائق

حسب الاتفاق اللي بينكم
بس هو ياخذ سكن له بروحه ويسكن هناك

الافضل تسوق لحالك
السكان يسار
والشوارع سهله

**alomani5050** · 04/03/2018 05:41 PM

إضافة بسيطة
https://youtu.be/Dh8t3wZXbUE

**النصيبي** · 25/03/2018 10:26 PM

أرسل أصلا بواسطة alomani5050

إضافة بسيطة
https://youtu.be/Dh8t3wZXbUE

مشكور ع المشاركه

**ما يشبهونه** · 13/04/2018 06:30 PM

هل فيها أماكن للاطفال عشان يلعبوا

**سيفيك44** · 13/04/2018 08:28 PM

ما شاءالله التقرير رائع ولدي النيه للذهاب لها

**alraeed** · 27/04/2018 03:34 PM

اخي ارسل رقم المرشد

- هل لديه شركه سياحيه

وهل الاجراءات المعمول بها الان تتطلب سفرك عن طريق مكتب سياحي ؟

**الحراصي1982** · 07/05/2018 10:53 AM

ما شاء الله بلد جمييييله

ياريت ترسل الرقم في العام لمن يرغب بسفر سيتواصل معه

**النصيبي** · 21/06/2018 07:12 PM

أرسل أصلا بواسطة ما يشبهونه

هل فيها أماكن للاطفال عشان يلعبوا

وعليكم السلام
ايه فيها بس مو كثير

**النصيبي** · 21/06/2018 07:13 PM

أرسل أصلا بواسطة alraeed

اخي ارسل رقم المرشد

- هل لديه شركه سياحيه

وهل الاجراءات المعمول بها الان تتطلب سفرك عن طريق مكتب سياحي ؟

ايوا عنده شركه
وهذا رقمه

00 387 644504838

**النصيبي** · 21/06/2018 07:13 PM

أرسل أصلا بواسطة الحراصي1982

ما شاء الله بلد جمييييله

ياريت ترسل الرقم في العام لمن يرغب بسفر سيتواصل معه

00 387 644504838
رسلته اكثر من مره

**النصيبي** · 18/02/2019 10:18 PM

استغفرالله العظيم واتوب اليه

**الاستاذ الشيبة** · 18/02/2019 11:15 PM

ما شاء الله
الله يعطيك العافية من التقارير الجميلة التى اطلعت عليها قبل السفر الى البوسنة
وسافرت مع عائلتي 15 يوم وكانت رحلة جميلة ..
بحاول ان شاء الله اعمل تقرير بسيط عن الرحلة في الايام القادمة ان تمكنت

**Gumiho** · 22/02/2019 06:26 PM

أرسل أصلا بواسطة aaa

ممكن ييانات المرشد ..
صراحة تشوقت ازور بوسنه بارك الله فيك ..

ايش رايك شهر 8 او 9 بخصوص الطقس والطبيعه

زرناها قبل سنتين شهر 8
الجو لطيف ، يعني تقريبا نفس الشتاء معنا ، بس الشمس قوية
اذا كان شي غيوم الطلعة تكون حلوة ، بس اذا شمس ابدا
صرنا نطلع بعد الظهر ع فاقة

بس بشكل عام البلاد جميلة
شي جبل ايجمان فيه تلفريك والعاب للاطفال واحصنة
من اجمل الاماكن

**سيد الحارة 32** · 18/03/2019 01:30 PM

ممكن رقم السائق أخي

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: رحلتي الى البوسنه والهرسك 7ليالي / 8 ايام (مع الصور ونصائح للسفر)

أدوات الموضوع

البحث في الموضوع

نمط العرض

مواضيع مشابهه

استفسار عن البوسنه والهرسك

[ استفسار ] عطوني رأيكم عن البوسنه والهرسك

عطوني رايكم عن البوسنه والهرسك

مساعده لجورجيا او البوسنه والهرسك

البوسنه والهرسك ان شاء الله نص ثلاثه

قواعد المشاركة