رحلتي الى البوسنه والهرسك 7ليالي / 8 ايام (مع الصور ونصائح للسفر)

[النصيبي]

السلام عليكم ورحمه الله وبركاته
تقرير بسيط ومتواضع عن رحلتي الى البوسنه والهرسك اتمنى يفيد الناس اللي تخطط لزياره البوسنه

معلومات تهمك قبل السفر

افضل االاوقات للزياره من شهر 5 ل 10 ..
العمله هي المارك البوسني وبامكانك تستخدم اليورو ... الدولار الامريكي م انصحكم فيه
البوسنه والهرسك دوله طبييعه جميل جده .. لا يمكن وصفها ولا حتى الصور ما اعطتها حقها بالجمال ولكن البنيه التحتيه عندهم ما لين هناك يعني م بتحصل مجمعات كبار ولا بتحصل حدائق كهربائيه وهالسوالف يعني للي مهتم لغير الطبيعه
اللغه عندهم هي اللغه البوسنيه ولكن تحصل اللغه الانجليزيه بالمطاعم والفنادق
الاسعار ممتازه تعتبر دوله رخيصه .. الفنادق اسعارهن ممتازه والمطاعم شوي اغلى عن عمان ..


التحضير للسفر //
حجزت تذاكر ل فلاي دبي .. التذكره كانت ب 145 ترانزيت دبي
جهزت الفيزا كارد باتصالي للبنك وخليتهم يفتحوها عشان اقدر استخدمها ف البوسنه
وحولت مبلغ لليورو كاحتياط
حجزنا فنادق عن طريق البوككنج
ونسنقنا مع مرشد سياحي اسمه سامر .. بوسني الجنسيه ومسلم

السفر //
تاريخ 9/5/2016 الساعه 5 انطلقنا من مطار عمان ووصلنا العاصمه سراييفو س 12:30 بتوقيتهم واستقبلنا المرشد سامر وابنه صهيب وفالطريق خذينا غدا ورحنا السكن نرتاح
طبعا هو كان مرتب لنا جدول سياحي


ابرز الاماكن اللي زرتها
مدينة موستار و الجسر القديم

جسر مدينة كونيتس

رحله بحريه في بحيرة يابلانيتشكو



شلالات كرافيستا

منبع نهر البوسنه في سراييفو

منبع نهر بونا

مدينة بوتشيل والقلعه القديمه


كهوف بيمابارى

قريه بيئية في منطقه سريديني



شلالات مدينة ياتيستا


ما قدرت اتذكر اسم المكان بس حلو ههههه


الصور كثيرره عندي وصعب انزلها كلها وراح اكتفي بهذا الكم والسموحه منكم

الحين بنتقل للأكل
صور بعض الوجبات
القهوة البوسنيه المشهورهه عندهم

لحم خروف مطبوخ بنار هادئه اكثر من ثلاث ساعات وجبه معروفه عندهم وتقريبا كانت ب 6 ريال لشخصين

وجبهه سمك ع منظر جميل جدا ..الطاولة مطلة على نهر


مشاوي غنيه عن التعريف على منظر جميل جدا وهو منبع نهر بونا


اختم موضوع الاكل بنسكافيه من منطقه ف الجبل مطلة ع العاصمة سراييفو


بعد فيه صور اكثر بس م اقدر انزلها كلها والسموحة منكم
نصيحيتي انك تنتبه للمطعم اذا كان يقدم وجبات حلال

الحين راح اتكلم عن جزء مهم وهو التفاصيل الماليه بالضبط
الكلفه الكامله للرحله كانت 470 ريال عماني
التذكره ب 145 ريال
النقل بالكامل كان ب 260 ريال عماني طول الرحله وطبعا كنا اثنين ف الواحد دفع 130 ريال
السكن كان شقه في العاصمه 6 ليالي ب 15 ريال و ليله فيه فندق بمدينه موستار ب 28 ريال مجموع السكن 120 ريال مقسوم ع شخصين ف الواحد منا دفع 60 ريال
سوينا عزبه او جمعيه كل واحد يمسيها ع كيفه ح الاكل وتذاكر دخول المتاحف و المناطق السياحيه
وكل واحد دفع تقريبا 100 ريال

ههه
بحسبها بشكل اوضح لكم
145 التذكره
+
130 النقل
+
60 السكن
+
100 العزبه
=
435 ريال عماني
والباقي كان مستلزمات خاصه لي مثل هدايا واشياء تذكاريه

النقل كان اكثر شي مكلف وبحثت كثير وتعبت وهذا كان افضل شي حصلته

التقرير شبهه مكتمل باقي اشياء بسيطه اضيفها ف وقت لاحق ان شاء الله
وسامحونا ع الاخطاء المطبعيه
واذا فيه احد عنده اقتراح او تعديل بالتقرير يتفضل وان شاء الله ما يصير خاطره الا طيب

ولا تنسوني من صالح الدعاء

اخوكم داوود النصيبي

[tradesman]

في انتظار الصوووووور

[أبو المؤيد]

عودا حميدا

[black gold]

في أنتظار باقي التقرير والصور

[النصيبي]

ان شاء الله ولا يهمك

[النصيبي]

نزلت بعض الصور وراح انزل بوقت ثاني ان شاء الله

[النصيبي]

شكرا صديقي

[ابتسم دوما]

السلام عليكم
تقرير جميل والصور اجمل
اذا ممكن ترسل بيانات المرشد

[المسافر العربي رحلة اوربا]

اخواني اهم شيء التعامل يتم مع شركة مو مرشدين ,, الان صارت الامور منظمه ,, فقط الشركات السياحيه المرخصه تعمل ,, في حال تم التشييك عليك و التعامل مع سائق خصوصي بدون ترخيص سياحي الغرامات واجد غاليه ز هذا النطام مو بس في البوسنة في كل اروربا

[المسافر العربي رحلة اوربا]

السلام عليكم
تقرير جميل والصور اجمل
اذا ممكن ترسل بيانات المرشد

اخي اهم شيء تتعاملو مع شركة مو مرشدين ,, الان صارت الامور منظمه ,, فقط الشركات السياحيه المرخصه تعمل ,, في حال تم التشييك عليك و التعامل مع سائق خصوصي بدون ترخيص سياحي الغرامات جد غاليه

[النصيبي]

وعليكم السلام اخي
بيانات المرشد على الخاص ارسلك
عنده شركه سياحيه صغيره اسمها جواهر البوسنه

[النصيبي]

اخواني اهم شيء التعامل يتم مع شركة مو مرشدين ,, الان صارت الامور منظمه ,, فقط الشركات السياحيه المرخصه تعمل ,, في حال تم التشييك عليك و التعامل مع سائق خصوصي بدون ترخيص سياحي الغرامات واجد غاليه ز هذا النطام مو بس في البوسنة في كل اروربا

تسلم ع المرور والنصيحه ..ما كنت اعرفها بصراحه

[شمالي ذهلي]

السلام عليكم
شكرا على التقرير الجميل
اذا ممكن ترسل بيانات المرشد

[أبو الأزهر]

تقرير جميل جدا

[النصيبي]

السلام عليكم
شكرا على التقرير الجميل
اذا ممكن ترسل بيانات المرشد

تم الرد ف الخاص

[النصيبي]

تقرير جميل جدا

تسلم كثير ..شهادتك اعتز فيها

[ارسنالي222]

تقرير جميل
ممكن تذكر لنا فنادق
وكم تكلفته كامله لرحلتك
وشكراا

[النصيبي]

تقرير جميل
ممكن تذكر لنا فنادق
وكم تكلفته كامله لرحلتك
وشكراا

انا سكنت في شقه معظم الايام ب ٣٥ يورو تقريبا ١٥
وفي فندق ٤ نجوم ب ٢٨ مع الافطار
التكلفه تقريبا كانت للشخص ٤٧٠ ريال

[زلفى بركاء]

تقرير رائع
شجعتنا كثير ع زيارة هذه الدوله العجيبه
بس استفسار
كيف بخصوص الأطفال هل متعب لهم الرحله والتنقلات
وكم كامل التكلفه مع طفلين تقريبا

[aaa]

ممكن ييانات المرشد ..
صراحة تشوقت ازور بوسنه بارك الله فيك ..

ايش رايك شهر 8 او 9 بخصوص الطقس والطبيعه

[النصيبي]

تقرير رائع
شجعتنا كثير ع زيارة هذه الدوله العجيبه
بس استفسار
كيف بخصوص الأطفال هل متعب لهم الرحله والتنقلات
وكم كامل التكلفه مع طفلين تقريبا

شكرا كثير شهادتك اعتز فيها
التنقل ما كثير متعب ..
عادي يقدرو يتحملو ..
والله كم كامل ماادري صراحه بس توقعي ع ١٢٠٠ واقل عاد ع حسب انت كيف بتصرف وكم بتصرف

[النصيبي]

ممكن ييانات المرشد ..
صراحة تشوقت ازور بوسنه بارك الله فيك ..

ايش رايك شهر 8 او 9 بخصوص الطقس والطبيعه

هلا فيك صديقي
دوله جميله جدا ان شاء الله راح تعجبك

الطقس م عندي فكره كيف بيكون بالضبط
بس انا سألت المرشد
قال عندهم من شهر ٥ ل شهر ١٠ افضل الاوقات للزياره

اتمنى لك سفره موفقه

[ربيع الجنوب]

السلام عليكم ورحمة الله وبركاته
اخوي الكريم الله يخليك ولا عليك امر بغيتك ترسل رقم شركة او سائق في البوسنة لاتواصل معه لانه مسافر هناك بعد العيد ان شاء الله واكون شاكر لك

[m58321]

السلام عليكم


أخي ارسلي رقم المرشد او السائق ..



في أي طيران حجزتوا؟؟؟



تقرير جميل وصور الأكل تشجع :يمي يمي: .....

[النصيبي]

السلام عليكم ورحمة الله وبركاته
اخوي الكريم الله يخليك ولا عليك امر بغيتك ترسل رقم شركة او سائق في البوسنة لاتواصل معه لانه مسافر هناك بعد العيد ان شاء الله واكون شاكر لك

ان شاء الله ف الخاص
اتمنالك رحله سعيدهه وموفقه

[النصيبي]

السلام عليكم


أخي ارسلي رقم المرشد او السائق ..



في أي طيران حجزتوا؟؟؟



تقرير جميل وصور الأكل تشجع :يمي يمي: .....

ان شاء الله بالخاص
حجزت طيران دبي
ههه عقبالك تروح وتجرب اكلهم

[أسد الصحاري]

ما شاء الله جميل جدا
وأحلى شي الشلالات والأكل ههههههههه

[النصيبي]

ما شاء الله جميل جدا
وأحلى شي الشلالات والأكل ههههههههه

ههههه تسلم ع المرور
عاد الاكل وانت صايم له تأثيرررر

[هرمون المودة]

أخي هل تحتاج البوسنة إلى تأشيرة لدخول أراضيها.؟

وإذا تكرمت ارسل لي رقم المرشد

جزيت خيرا..

[النصيبي]

أخي هل تحتاج البوسنة إلى تأشيرة لدخول أراضيها.؟

وإذا تكرمت ارسل لي رقم المرشد

جزيت خيرا..

لا تحتاج للعمانين

الرقم ابشرر بالخاص