اندونيسيا//شهر فبراير//استفسار

**loolo999** · 26/01/2017 02:14 PM

السلام عليكم

عندي استفسار للي معاهم خبره ف اجواء اندونيسيا
مقررين نروحلها لشهر فبراير وهذي اول مره
كيف اجواءها؟مناسبه للسفر فهالشهر؟
لاني سمعت ان امطار وفيضانات!!
جاكرتا وجبل بونشاك و بالي هذولا الاماكن الي مفكرين فيها
وهل مناسب للاطفال لعمر سنتين؟

وشو افضل المكاتب السياحيه الي ترتب امور السفر

ولكم جزيل الشكر

**المغروور** · 27/01/2017 05:31 PM

وعليكم السلام
..

بيفيدوك الشباب مابيقصرو...

بس شخصيا ما افضل انك تتعاملي مع مكتب لانه اكيد بيأخذ فايدته وبيكون السعر غالي...الشباب هنا ف السبلة اعتبريهم مكاتب سفريات مجاني..
انا زرت اندونيسيا مره وحده قبل سنتين ورحت بوجور و بونشاك و باندونج و جاكرتا...
طبعا جاكرتا زحمة بس فيها مولات كثيرة وكبيرة و حدائق العاب و حتى باندونج تعتبر المدينه يمكن الثالثه ف اندونيسيا اقري عنها لانها تستحق الزيارة وفيها ملاهي رووعه و شارع تسوق اسمه شارع الجينز اسعاره ممكن نقول مناسبة بعض الشي ...

بخصوص الطقس الجبل بونشاك بارد ممطر طوول السنة...اما باقي الاماكن الحين يعتبر موسم الامطار معهم بس هل فيه فيضانات بصراحه ما ادري و لا اتوقع فيه فيضانات بلدانهم امرتبه امور الامطار قبل كل شي...

واي استفسار حاضرين

**ذابيست انجل** · 28/01/2017 06:46 AM

وعليكم السلام ورحمة الله

امس راجع من إندونيسيا

الأجواء روعه

امان وشعب مبتسم

م يحتاج مكتب سياحي

تواصلوا خاص برتب لكم جدول مع ارقام السواق المحترمين والاسعار هناك

تحياتي

**المسافر راح86** · 29/01/2017 10:07 AM

@loolo999
صباح الخير اختي
انا مخطط للسفر في الصيف لاندونيسيا وهذا جدولي وخلاص تم حجز كل شئ يفترض إذا فيه نيه عندكم لسفر لاي بلد لاول مره يكون كل شئ جاهز قبل فتره زمنيه
هذي مقتطفات من جدولي
بخصوص اندونيسيا تم حجز الفتره من 30 يوليو إلى 13 أغسطس
اوصل تاريخ 31 يوليو جاكرتا وع طول اتوجه إلى بونشاك واجلس فيها إلى تاريخ 4 أغسطس حاليا مؤقت حاجز فله في مجمع كوتا بس شكلي بغير الحجز إلى سيروني 3 عجبني الفندق كثير
في بونشاك محصل رقم سائق وقبل السفره بنسق معه عشان يوصلني الاماكن السياحيه الي هناك في بونشاك
وهي تامان سفاري، بحيرة الليدو،البرشوت،حديقة الزهور،الشلالات وغيرها من الاماكن
تاريخ 4 اغسطس اطلع من بونشاك للمطار ومنها إلى بالي (للحين م حجزت رحلة داخليه) بس قريب بحجز إن شاء الله في بالي بجلس الفتره من (4 أغسطس إلى 8 أغسطس) حاجز في منتجع بالي ديناستي منتجع جميل على شاطئ كوتا بقضي اغلب الاوقات على الشاطي بس بزور عدة اماكن في بالي وهي (الرافتنج، مرتفعات كنتماني،بحيرة براتان،بحيرة بيدقولـ، Bali treetop Adventure) عاد من اوصل اشةف لي مكتب او سائق يرتب لي رحله لهالاماكن)

تاريخ 8 اغسطس ارجع جاكرتا
من 8 إلى 11 حجزت فندق كيركور في انشول وبيكون هالايام اقضيها في فنتازيا ،samudraK ، الحديقة المائية..)يعني هالايام بتكون مخصصه لمنطقة انشول بالاضافه إلى زيارة منتزه تامان ميني)
من 11 إلى 13 حجزت في فندق جراندور مانجا دوا وهذي الايام حددتها للشوبينج لان المندق ملاصق تماما لمجمع مانجا دو المعروف هناك يعني من الفندق للشوبينج لا تكاسي ولا هم يحزنون

**المغروور** · 30/01/2017 09:19 AM

جدولك جدا رائع اخي....
شي منطقة اسمها باندونج تستحق الزيارة وخاصة زيارة البركان...
لكن تحذر من نقطة الشرطة اللي في بونشاك يتصيدو العرب لاي سبب تافه...
صارت معي لكن عطيتهم العين الحمراء لاني كنت قارئ عنها وماقدرولي هههههههههه

فندق ميركور في انشول حلوو لكن خذ الجناح الخاص لان الجناح العادي تعبان مكيفات تعبانه و ريحة الغرفه بالعماني خمجانه....
اذا تريد تتسوق عليك بمحلات آوت ليت خاصه للملابس بص بصراحه شي تقليد درجة اولى...اندونيسيا تعتبر رخيصه لو قارناها ب ماليزيا او تايلند...التكسي يوميته تقريبا حدود 17 ريال من الصباح لحد المغرب...
لكن جاكرتا كبيرة وعشان تلفها يحتاجلك 10 ايام عشان تلفها..
صح بخصوص باندونج فيها حديقة اسمها فنتازيا تقريبا حديقة العاب مصكرة بس رووووعه وفيها عروض كرنفالية قبل عن تبند...

وبخصوص انشول دخول المجمع بفلوس...وبما انك ساكن في الفندق و طبعا الفندق داخل المجمع بيعطوك تصريح لكل شخص انه يدخل مره وحده ف اليوم..يعني تقدر تطلع و تدخل المجمع مره وحده واذا طلعت مرتين طبعا تدفع فلوس ع الدخول خلها ف بالك..بس الدخول بسعر رمزي تقريبا ريال واحد لكل شخص اذا ماخانتني الذاكرة...

وفيها اشياء ثانية اقري عنها وبتعرفها اكثر.....
والسمووووحه

**ذابيست انجل** · 30/01/2017 09:40 AM

انا سكنت في فندق محترم في وسط سوق باندوق الليله ب 14 ريال
في جاكرتا قريب سوق الجمله الليله ب 12-ريال فندق محترم
بونشاك فله ثلاث غرف ب 14 ريال

ايجار السائق 14 ريال

الأماكن كثيره

عندي صور كثيره لأماكن مختلفه بس للاسف بسبب الحجم والعدد ك اقدر اضيفهن ف السبله

إللى يريد التفاصيل يتواصل معي خاص ويرسل رقم تلفونك و برسل له كل شي

**المسافر راح86** · 30/01/2017 09:44 AM

@المغروور
تسلم اخوي معلومات طيبه حقيقه
لكن عندي سؤال بخصوص السكن في انشول هل يوجد باصات او نقل ف الفندق للاماكن السياحيه داخل انشول ؟
او كيف اذهب مثلا لفنتازيا وغيرها من المواقع؟
وكيف بخصوص المطاعم هناك في انشول؟
بخصوص محلات اوت ليت خل هذي ف مجمع مانجا دو؟؟

**المغروور** · 30/01/2017 10:06 AM

هلا اخوي...بخصوص النقل ما اقدر افيدك...بس نحنا كنا عوائل وكنا ماخذين تكسي ينقلنا ع كل الاماكن لكن مالحقنا نروح كلها لان كنا امخلين يوم وحده حال انشول بس طلعت مدينة كبيرة والعاب كثيرة...
واذا كنت تريد تروح حال المجمعات او الالعاب خارج انشول طبعا فيه تكاسي تجيب سياح تنزلهم وانت ممكن تستأجره مره ثانية تحصلهم يحوطو قدام الفندق...
مطاعم انشول اللي شفته مطعمين ..مطعم سي فوود اسمه تقريبا بندر جاكرتا مو متأكد و بيتزاء هت..انا شخصيا طربت بيتزاء هت لان بندر جاكرتا مزحوووم كان وماشي مكان مره...وكنت طالع من الالعاب منهد حيلي وماخلصني انتظر لين تفضي طاولة...
لكن هل شي مطاعم غيرها خارج ما ادري لاني ماشفت غير ذيلا بس....

ايوا مجمع مانجا دوا فيها بعد اوت ليت...لكن بتحصلهن ف بونشاك وباندونج واجد...حتى جاكرتا فيها بس خبر راعي التكسي و بيوديك..بس المجمعات التجارية اللي معهم تكفي وزووود اقصد ف جاكرتا...

عسى اكون افدتك بشي....

**المسافر راح86** · 31/01/2017 08:47 AM

أرسل أصلا بواسطة المغروور

هلا اخوي...بخصوص النقل ما اقدر افيدك...بس نحنا كنا عوائل وكنا ماخذين تكسي ينقلنا ع كل الاماكن لكن مالحقنا نروح كلها لان كنا امخلين يوم وحده حال انشول بس طلعت مدينة كبيرة والعاب كثيرة...
واذا كنت تريد تروح حال المجمعات او الالعاب خارج انشول طبعا فيه تكاسي تجيب سياح تنزلهم وانت ممكن تستأجره مره ثانية تحصلهم يحوطو قدام الفندق...
مطاعم انشول اللي شفته مطعمين ..مطعم سي فوود اسمه تقريبا بندر جاكرتا مو متأكد و بيتزاء هت..انا شخصيا طربت بيتزاء هت لان بندر جاكرتا مزحوووم كان وماشي مكان مره...وكنت طالع من الالعاب منهد حيلي وماخلصني انتظر لين تفضي طاولة...
لكن هل شي مطاعم غيرها خارج ما ادري لاني ماشفت غير ذيلا بس....

ايوا مجمع مانجا دوا فيها بعد اوت ليت...لكن بتحصلهن ف بونشاك وباندونج واجد...حتى جاكرتا فيها بس خبر راعي التكسي و بيوديك..بس المجمعات التجارية اللي معهم تكفي وزووود اقصد ف جاكرتا...

عسى اكون افدتك بشي....

@المغروور
تسلم صديقي

**مسوق مجموعة العز للسياحة** · 05/02/2017 08:07 PM

اخي تواصل معنا مجموعة العز للسياحة عبر وكيلنا 95405848

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: اندونيسيا//شهر فبراير//استفسار

أدوات الموضوع

البحث في الموضوع

نمط العرض

اندونيسيا//شهر فبراير//استفسار

مواضيع مشابهه

استفسار عن اندونيسيا

استفسار عن السياحة في اندونيسيا

استفسار عن رحلة إلى اندونيسيا

[ استفسار ] استفسار عن اندونيسيا

استفسار حول اندونيسيا ،،

قواعد المشاركة