وين رايح ومن وين جااااي؟؟

[راعية البيكب]

السلام عليكم اخواااتي



هل من حق الزوجه ان تسال زوجها وين رايح بس مادايما يعني تساله مرات بس
وهل من حق الزوج انه يطلع بدون لا يخبرها ومع انه يطلع قدامها بدون حتى مايقول كلمة .؟؟؟

[muqaimi]

كل شي بالتفاهم
وحسب رأيي الشخصي من الاحترام انه قبل لايطلع يخبرني حتى لو ماكنت فالبيت رساله او مكالمه ماتضر كيف عاد اذا يطلع من قدامي وبدون مايقول

[خلف الستار]

لو ما كنتي راعية البيكب وراعية المورسيدس مثلا والله راح يقولك عالرايح والجاي ههههههههه

امزح اختي معك

والله ماعندي خلفيه فهالموضوع ان شاء الله حد يفيدك بس المفروض يعني يخبرها لما يطلع كيف يخرج بدون ولا كلمة

[Escada 11]

من باب الإحترام والمحبه والتقدير يخبرني ..

بس قبلها لازم تتفاهموا وتجلسوا مع بعض وتتكلموا في هالامور
بشرط تكون نفسيتكم جدا راقيه وحلوه

ربي يسعدك ان شاءالله أختي

[صمت الانهيار]

وعليكم السلام

من الذوق انه يخبرني انه يطلع ..مولازم يحدد وين رايح بس ما يتلبس ويطلع قدامي بلا كلمه..

ممكن ما يخبرني وين رايح امشيها له بس فجاه يطلع لاحس ولا خبر اتوقع انه شخص غير مبالي..

وف النهايه كل شخص واسلوبه .
في رجال ما يحبو تسأليه وين رحت ومع من وشو سويت عكسنا نحن الحريم نحب التفاصيل ..

بالتفاهم والمصارحه تحلو الحياه..صارحيه قوليله ما احب فيك هالشي وخبريه عن شعورك يمكن ما حاس بنفسه وتعود ع ايام العزوبيه يطلع بدون ما يخبر حد

[أنامل الأمل]

صباح الخير ..

هو يعني المفروض انه يخبرها وين رايح و وين جاي ..
بدون حتى ما تسأله .. انا احس من حقها تعرف

مثلا و هو طالع .. يقول انا رايح كذا كذا ...

[بوح الطير]

ايوا لازم يخبرها ....مو شرط المتزوج بس حتى اللي ما متزوج المفروض يخبر اللي بالبيت انا رايح المكان الفلاني.....عشان ما يحاتيوه اذا غاب فتره

المتزوج ما تزوجنها منظره انه متزوج.....اكيد والمفروض انه يخبرها انه طالع المكان الفلاني او يخبرها انه مثلا طالع مع ربعه او لا يخبرها لا تحاتي يمكن يأخر فرجعته من الدوام او انه طالع بدري للدوام...عشان ما يكون وضعها الاطرش فالزفه

[عهد ووفاء]

يعتمد على نفسية الزوج فيه ازواج ما يحب حد يسالة وين رايح ووين جاي وفيه ازواج العكس

زوجي مثلا يقولي وين رايح بس ما يحب اساله وين رايح ومتي ترجع

[سيلفا]

لو ما كنتي راعية البيكب وراعية المورسيدس مثلا والله راح يقولك عالرايح والجاي ههههههههه

امزح اختي معك

والله ماعندي خلفيه فهالموضوع ان شاء الله حد يفيدك بس المفروض يعني يخبرها لما يطلع كيف يخرج بدون ولا كلمة

ههههههههههههه حلوة راعية البيكب

عندنا بعد عضوة راعية الشبح الله يعطيكم العافية

حبيبتي احنا قبل لا نتزوج اذا امنا او حد سالنا وين رايحين نورم اسبوع ونبرطم

اطلقي القيود عن معصميه اعطيه حريته

[سيلفا]

بصراحة بنات انا شايفة انكم تعقدن الامور شوية

هذة عشرة عمر تراه ما حياة مال كم شهر .............بيجلس عمره كله يخبرها وين رايح ووين جاي ..........تو الحريم وهن الحريم ممشيات حياتهن على الواتس اب فلان انا رايحة المكان الفلاني وعاد هي اصلا موجودة في المكان الفلاني

يا حبيباتي خفن شوي عاد هذا ما كله تفاهم ومشاعر وحب وعشق وحقوق زوجية بل بل بل طلعتوها من عيونهم هذة الزيجة

[راعية البيكب]

مشكورات اخواتي ع الردود


انا مااخنق حد بس مثل ماقالن بعض الاخوات ان من بااب الذوق انه يعبرها لانها مامنظرة بس كلمة مامحتاجة شي

لكن لما يكون الزوج بدون مشاعر الزوجة شو تسوي

[لوليتا2013]

من باب الاحترام

بس يوم ما يبغي يقول عادي قدامه الرحمان

ما يحتاج يقول وربي يحفظه وين ما يكون

[قمر تركي]

من باب الاحترام والتقدير للزوجة يخبرها
وكما قالت لوليتا ما يبغى يقول الله يحفظه
ليش اصدع راسي
..

[نسيت أنسى1]

فعلا من الذوق والإحترام انه يخبرها
ما لزوم ولا واجب عليه

[أحلى مسقط]

عادي جيدا ايوا زوجها لابد تساله تطمن عليه وتعرف وين يروح الزواج مشاركه في كل شي يعني صرتوا روحين في جسم واحد فلابد كل حد يعرف عن الثاني ويستاذن منه ويخبره

الا اذا كان في فجوة بين هالزوجين ولا مشاكل هذاك شي ثاني بس الطبيعي كل حد يسال الثاني ويقول له وين رايح طالع الخ

[الانسه صفاء]

يخبرها بس ما شرط يقولها وين رايح

[ibtkar]

عادي ..يخبرها وين رايح وين جاي
وهي من حقها تساله
//
ويعتمد على مدى قوه العلاقه بين الزوجين

اذا من نحن صغار نشوف لما الام والاب يطلعوا
يقولوا لنا وين رايحين ومن وين جاين
ف هذه العادات تكتسب من التربيه

[سيلفا]

بصراحة انا مصدومة من الردود حتى في هذة الامور البسيطة

يعني شوي حطن نفسكن مكانه ....ولو 5 دقايق الزوجة تفكر اللحين زوجي شو تفكيره بيكون

يمكن يقول في نفسه هذة اللي تبيني اخبرها وين رايح وين جاي شو تشوفني لعبة بايدها واشياء كثيرة يحدث فيها نفسه وبالتالي يقول انا ما راح اخبرها بشوف شو يصير

ماله خص بالمشاعر ولا له خص بالاحترام .........الاحترام ان هاالرجل اختارني من بين الالاف البنات وفتح لي بيت وامني على بيته وعياله ..المشاعر ان هاالرجال وقت الازمات انا اعرف انه راح يكون عزوتي

المشاعر انه يقوم ويصحى جنبي

صدقوني لازم تخففن شوية الرومانسية اللي عندكم ولا راح تنهاروا على اقل شيء ..................... خبرني جزاه الله خير ما خبرني الله حافظه لا تخلي الشيطان يلعب بافكارك الا اذا كان فيه اشياء ثانية تحسي فيها منه بالتقصير وعاد تشوفي كل شيء انه تقصير


يعني لو قال لي انه رايح عند ربعه مثلا ايش راح يزيد فيني ولا ينقص

[روح الزهو]

كلام عين العقل اختي سيلفا

تفكيرك منطقي جدا

[ريممي]

بصراحة انا مصدومة من الردود حتى في هذة الامور البسيطة

يعني شوي حطن نفسكن مكانه ....ولو 5 دقايق الزوجة تفكر اللحين زوجي شو تفكيره بيكون

يمكن يقول في نفسه هذة اللي تبيني اخبرها وين رايح وين جاي شو تشوفني لعبة بايدها واشياء كثيرة يحدث فيها نفسه وبالتالي يقول انا ما راح اخبرها بشوف شو يصير

ماله خص بالمشاعر ولا له خص بالاحترام .........الاحترام ان هاالرجل اختارني من بين الالاف البنات وفتح لي بيت وامني على بيته وعياله ..المشاعر ان هاالرجال وقت الازمات انا اعرف انه راح يكون عزوتي

المشاعر انه يقوم ويصحى جنبي

صدقوني لازم تخففن شوية الرومانسية اللي عندكم ولا راح تنهاروا على اقل شيء ..................... خبرني جزاه الله خير ما خبرني الله حافظه لا تخلي الشيطان يلعب بافكارك الا اذا كان فيه اشياء ثانية تحسي فيها منه بالتقصير وعاد تشوفي كل شيء انه تقصير


يعني لو قال لي انه رايح عند ربعه مثلا ايش راح يزيد فيني ولا ينقص

كلامك صحيح،، ابدا ما اله علاقه في الاحترام والمشاعر،، ما كل تصرف نشوفه ما يعجبنا نعتبره عدم احترام وانا مستغربه بعد بصراحه بهذه الردود لانها سلبيه،، زوجي انا مرات يخبرني لما يريد يتاخر واذا عنده شغله وما يتاخر ما يخبرني

[أحلى مسقط]

مش سالفه علاقه واحترام يعني لابد يكون في مشاركه بين الزوجين

واللي تقول مااساله لا سمح الله صار شي في البيت وماحصلته يعني وين بتدوره جهازه مسكر ولا مصيبه صارت

انا احس عادي تساله وهو اصلا من نفسه يقول لها وين رايح


يعني بالله عليكم في حرمه ماتعرف وين زوجها رايح وجاي او طالع

مو شرط يقول لها كل تحركاته بس لابد يقول لها وقت يطلع

الا الاماكن القريبه مثل المسجد والاماكن متعود يروحها وتعرفها

بس لو رايح طالع مكان بعيد ولا مكان تسوق يمكن احتاجت شي ولا الاهل جيدا عادي تساله ويخبرها والعكس صحيح

[عيون الجرناس]

اختي مثل هالامور ... لابد بالتفاهم والمصارحة
اسأليه من حقي اعرف وين رايح حتى يكون عندي علم لا صار شيء ..
كذلك نحن الاثنين لابد كل واحد يكون صفحة بيضا للاخر وان كان من الاصغر الامور ك الخروج من البيت


بعض المتزوجات .. يحبن ان يفسرن كل تصرف ع هواهن... ولا يفتحن المجال للنقاش والمصارحة مع شريك حياتهن... وهذا اكبر خطأ
لانه الصمت لاشياء لاتعجبك اي توضيح له بأن الامور طيبة

[waves]

أنا أحس إنه من باب الذوق يخبر هو بدوره ......بس ناحية ثانية المفروض إن نحنا نخفف من الأسئلة خاصة إذا كان أغلب الطلعات يخبر عنهن خاصة إلي تكون مكان بعيد او فيها تأخير غير كذا مالمفرض كل مرة نسأل

[Sara AlHashmi]

مو كل الرجال نفس الشيء وهذا الإختلاف أسبابه كثيره منها نوع الشخصية وتربية أهله..
مثلا إحنا في بيتنا الشباب مايخبروا أهلي أنهم طالعين او هين سايرين او من وين جايين واذا أحد سألهم من وين جاي؟ بيرد عليك ما من مكان.. ههههه
فكيف لما هذا النوع من الشباب يتزوج.. بيحس نفسه مخنوق لو زوجته ٢٤ ساعه لازقة فيه بكل الأحوال من مسجات من اتصالات و٢٤ ساعه تسأله وين انت؟ وين رايح؟ مع من جالس؟ من ساير معك؟ و و و وتجلس تنكد بنفسها إذا ماخبرها.. الرجال مايحتاج تسأليه كل هالأسئلة ..
طبقي قاعدة التطنيش... طنشيه لا تسأليه وراح بنفسه يجيك يخبرك شو سوى في يومه.. لكن إذا مايخبرك شي عن يومه ولا كيف قضاه ويفرح لما بديتي طنشيه فهذا وراه إن... يمكن متزوج عليك بالسر ولا يقابل الحب ههههه
امزح امزح اصلا انتوا الحريم كذا تكبروا الموضوع من لا شيء والخيال ماشاء الله مغامرات ألف ليلة وليلة ههههه
استهدوا بالله يعني مالازم زوجك طالع يقولك وين رايح كل مره.. يمكن رايح السوق او رايح يزور اهله او رايح المسجد او رايح يصلح سيارته او او او

[بوح الطير]

اذا الحرمه تعرف وين رايح ووين جاي ما معناه انها 24 ساعه هالكتنه بالسؤال

من حقها تعرف ....واصلا هو من غير سؤال يخبرها وين رايح طبيعي من الذوق والاتيكيت اذا متعودين على النظام

[بريق السعاده]

من باب الاحترام انه يقول
بس لو ما قال عادي حافظنه الله

[سيلفا]

مش سالفه علاقه واحترام يعني لابد يكون في مشاركه بين الزوجين

واللي تقول مااساله لا سمح الله صار شي في البيت وماحصلته يعني وين بتدوره جهازه مسكر ولا مصيبه صارت

انا احس عادي تساله وهو اصلا من نفسه يقول لها وين رايح


يعني بالله عليكم في حرمه ماتعرف وين زوجها رايح وجاي او طالع

مو شرط يقول لها كل تحركاته بس لابد يقول لها وقت يطلع

الا الاماكن القريبه مثل المسجد والاماكن متعود يروحها وتعرفها

بس لو رايح طالع مكان بعيد ولا مكان تسوق يمكن احتاجت شي ولا الاهل جيدا عادي تساله ويخبرها والعكس صحيح

يعني فديتك احنا موه مقطوعين من شجرة الاهل موجودين الموبايلات اللحين مقربات كل شيء واذا حتى الاهل محد الجيران ما يقصروا

واللحين كل وحدة صافة سيارتها وحدها

انا اللي ابي اقوله حال طارحة الموضوع لا تخلي الشيطان يدخل على افكارك من باب ما يهتم فيني ما يحبني ما يحترمني

تراه هذا اسهل باب للمشاكل لان الحرمة عاطفية بطبعها

[ثقتي بك كبيره]

يمكن القصد انه مشي من قدامها وما قال ع اقل انه طالع ما لازم يقول وين ومع من والساعه ووووو

بس ع اقل يقول انا طالع تبغي شي يعني ع اقل اعرف انه طلع وما في البيت ما اجلس ادوره وف نهايه يكون طالع من البيت وانا خبر خير

[سيلفا]

اذا الحرمه تعرف وين رايح ووين جاي ما معناه انها 24 ساعه هالكتنه بالسؤال

من حقها تعرف ....واصلا هو من غير سؤال يخبرها وين رايح طبيعي من الذوق والاتيكيت اذا متعودين على النظام

الحقوق اللي الاسلام كفلها لنا والحمد لله رب العالمين وهي كثيرة لا تدخل من ضمنها هذة الاسئلة ........

يا بوي لا تكبروا السالفة لعنوا الشيطان وكل ما خرج ادعي له الله يحفظك وربي حافظك وبروحه راح يتغير مع الايام ويبتسم لك قبل لا يطلع ويسالك تريدوا شيء

بس كل ما طلع تبرطمي وتنتظري يخبرك وهو ينتظر منك تهتمي

المحاصاة اكثر شيء يكربني في اي علاقة

مع احترامي طبعا لرايك اختي الكريمة @بوح الطير
مجرد اختلاف وجهات نظر انا اطبق هذة الطريقة في حياتي واحس اني انا مرتاحة وزوجي مرتاح من هذة الناحية

[بوح الطير]

[QUOTE=
هذا القصد اختي@ثقتي بك كبيره
[MENTION=219260]سيلفا[/MENTION]