مشكله لم أعرف لها حل ( نتعة القير )

**AJMAWI** · 29/06/2014 10:43 PM

مرحبا شباب
شو المشكله إذا السياره من تدوس عليها كانها تدق يعني ما تعطيك سلاسه غيار يعني كنك تحس بنتعه بسيطه
هذي المشكله معي فسيارتي لكزس es300 موديل 2003 وأيضا كامري 2002 نفس المشكله
والسيارتيين مشيك عليهن كامل ولا فيهن أي مشكله لا من كراسي مكينه ولاقير

رحت مع كذا شخص ومحد فادني بشي خاصه انه تشك انجن ما والع وبيقالي يبالها فحص
وايل قير مبدل مع فلتر

حد قالي سنسرات speed sensor

وغيرناهن اكثر عن مره وماشي فايده بعده لما تدوس وتبطل الريس وترجع تدوس يدق موتر !!

**GTO 67** · 29/06/2014 10:52 PM

هاذي مشكله تقريبن لكل يعني منها .
اعتقد من سناسر مخ الجير .

**sony lover** · 29/06/2014 11:03 PM

هذي المشكله فلكزس es كثير وما اعتقد يلها حل

**AJMAWI** · 29/06/2014 11:42 PM

أرسل أصلا بواسطة GTO 67

هاذي مشكله تقريبن لكل يعني منها .
اعتقد من سناسر مخ الجير.

قصدك SOLENOID !!

بس الي مستغرب منه شو الي يخربهم !!

أدق وصف للمشكله في تنظيم تغييرات القير بين السرعات !!

**AJMAWI** · 29/06/2014 11:44 PM

أرسل أصلا بواسطة sony lover

هذي المشكله فلكزس es كثير وما اعتقد يلها حل

أنا فحصت السيارة بالكمبيوتر وما بين معي شي بحكم أن التشيك أنجن ما وألع أصلا

أيش همه القطع المسؤله عن تنظيم تغييرات القير بين السرعات ؟!

نقدر نقول بين سرعه عاليه لسرعه بطيئه مفاجئه والعكس ؟!

**AJMAWI** · 29/06/2014 11:47 PM

بالنسبة للكامري بدلنا 4 مرات speed sensor
الي يجي في مكانيين فالجير وهم نفس القطعة
ولها تعريفين
1- SENSOR, TRANSMISSION REVOLUTION
2- speed sensor

**AJMAWI** · 29/06/2014 11:48 PM

أما اللكزس فقط فتحتهم ونظفتهم ورجعت أركبهم وللأسف نفس المشكله !

**مريض المحبة** · 30/06/2014 01:14 AM

سمعت ان هذي المشكله لها علاقه ب TPS سنسر
او الثروتل وحساساته ه
سمعت بس ما متأكد وحتى انا اعاني منها بصراحه هالمشكله بس بشي خفيف...

**NITRO** · 30/06/2014 02:01 AM

حقيقة ما اقدر افيدك
قد يكون طبيعي دام في السيارتين بنفس الحال

**AJMAWI** · 30/06/2014 10:01 AM

أرسل أصلا بواسطة مريض المحبة

سمعت ان هذي المشكله لها علاقه ب TPS سنسر
او الثروتل وحساساته ه
سمعت بس ما متأكد وحتى انا اعاني منها بصراحه هالمشكله بس بشي خفيف...

SENSOR, THROTTLE POSITION (FOR E.F.I.)

قصدك هذي ؟!

والله شو أقولك الشخص الي قالي عن سنسرات الجير بعد قالي عنها
لكن هذي المشكله لها ميزانيه خاصه تختص بالريس بعد

**العميل السري FBI** · 30/06/2014 12:25 PM

كلهن كذاك الاي اس 300/330 من 2002 الى 2006 وحتى 2007/2008 نفس المشكلة

**AJMAWI** · 02/07/2014 12:43 PM

أرسل أصلا بواسطة العميل السري FBI

كلهن كذاك الاي اس 300/330 من 2002 الى 2006 وحتى 2007/2008 نفس المشكلة

بحاول اليوم أبدل سنسر الثروتل و السنسرات ال2 وعسى خير ...

**العز1** · 03/07/2014 12:33 AM

هذي المشكلة موجودة في هذا الموديل وهذي النوعية
لا تشكك ولا تخسر فلوسك ﻷنه اﻷمر طبيعي

**AJMAWI** · 07/07/2014 03:19 PM

أرسل أصلا بواسطة العز1

هذي المشكلة موجودة في هذا الموديل وهذي النوعية
لا تشكك ولا تخسر فلوسك ﻷنه اﻷمر طبيعي

اها نزين نبي الحل مكرهتني هالحركه فالسياره

غيرت سنسرات speed sensor
ونفس المشكله

**نورس الشاطى** · 07/07/2014 10:08 PM

**هلال الجابري** · 08/07/2014 12:00 AM

السلام عليكم اخي

اخي المشكلة ف الجيرر وموجوده بكثره ف الكامري واللكزس من النوعية يالي ذكرتهم

واخي بس هذا ما مضر ف السياره وعادي تمشي السياره ل خمس سنوات واكثر
واذاتبدل جيرر شو الفايدة
لان الجير الصاحبي بتحصل 1 من عشر جيرات وما فيه نتعه

وانا عندي كامري موديل 2000
وفيه نفس الشي وسرت مع كهربائي ماهر وفاهم ف الشغله وقالي هالكلام
وعندي واحد من الاهل لكزس أي اس 300
موديل 9وفيه هالحركة والحين بيكمل السنة الخامسة واموره طيبة ...

**GTO 67** · 08/07/2014 07:32 AM

شوف تحليلي على انه مخ جير بسباب سناسر يلي فيه عباره عن صمامات تسد مجاري زيت او تفتح مجرا
فا مجرد ما تغير جير من Rالى D ينتع
قد يكون بسباب سرعات لغلق صمام ( سبرنجات )

**دار الكرامة** · 14/07/2014 04:25 AM

ثروتل بوسيشن سنسر
نظف الثروتل بدي مبدأيا وبعدها شوف
Throttle position sensor هو الي له علاقة بتغير الجيرات وسنسر IAC idle air control نفس الحاجة فالثروتل بدي يعطي السيارة سلاسة في تبديل الجير.

**AJMAWI** · 14/07/2014 11:42 AM

أرسل أصلا بواسطة هلال الجابري

السلام عليكم اخي

اخي المشكلة ف الجيرر وموجوده بكثره ف الكامري واللكزس من النوعية يالي ذكرتهم

واخي بس هذا ما مضر ف السياره وعادي تمشي السياره ل خمس سنوات واكثر
واذاتبدل جيرر شو الفايدة
لان الجير الصاحبي بتحصل 1 من عشر جيرات وما فيه نتعه

وانا عندي كامري موديل 2000
وفيه نفس الشي وسرت مع كهربائي ماهر وفاهم ف الشغله وقالي هالكلام
وعندي واحد من الاهل لكزس أي اس 300
موديل 9وفيه هالحركة والحين بيكمل السنة الخامسة واموره طيبة ...

بالفعل المشكله فاللكزس من 2002 ل 2006 ES
و الكامري من 2002 ل 2006

لكن ما معقوله هذي المشكله مالها حل

وأنا جالس أسوي بحث عن المشكلة فالنت حصلت أسباب المشكلة كامل

وبطرحها بإذن الله

**AJMAWI** · 14/07/2014 11:44 AM

أرسل أصلا بواسطة GTO 67

شوف تحليلي على انه مخ جير بسباب سناسر يلي فيه عباره عن صمامات تسد مجاري زيت او تفتح مجرا
فا مجرد ما تغير جير من Rالى D ينتع
قد يكون بسباب سرعات لغلق صمام ( سبرنجات )

ما أعتقد عزيزي لان هذي الصمامات اذا يكون فيها مشكله مباشره يولع تشيك إنجن + الموتر ما يغير غياراته

**AJMAWI** · 14/07/2014 11:46 AM

أرسل أصلا بواسطة دار الكرامة

ثروتل بوسيشن سنسر نظف الثروتل بدي مبدأيا وبعدها شوف
Throttle position sensor هو الي له علاقة بتغير الجيرات وسنسر IAC idle air control نفس الحاجة فالثروتل بدي يعطي السيارة سلاسة في تبديل الجير.

قد يكون من هذه المشكلة بالفعل ولكم لحد ألحين بعدني ما جربت

بجرب وعسى خير ...

**AJMAWI** · 14/07/2014 11:49 AM

من خلال بحثي عن المشكلة وجدت أحد المواضيع المطروحة في هذا المنتدى
تخص نفس المشكلة

سلاسة التعشيق ... هل تليق بسيارة لكزس؟

toyota4arab.com/forum/t2264.html

وأن الشركة حطت تحديث لبرمجة القير و صنفتها ع أساس أنها مشكلة وهذا رقمها tc004-03r

us.lexusownersclub.com/forums/topic/3584-02-06-transmission-hesitation-problems

وهذا موضوع كامل يتكلم عن نفس المشكلة

**AJMAWI** · 14/07/2014 11:52 AM

ع حسب الشي إلي إستخلصته من كل هالشي

أن شركة لكزس نزلت تحديث لبرمجة القير
وأن هذي البرمجة تحل المشكله بنسبة 95%

والتحيث لازم يكون عن طريق البرنامج الأصلي التابع لتيوتا و لكزس

**نشيد_الصمت** · 17/07/2014 05:42 PM

السلام عليكم
بشكل عام يجب عدم الخلط بين اشارة check engine واي عطل بالسيارة ،، يعني ربما عندك مشاكل كثر بالسيارة وماشرطة check engine يضيء.. check engine يضي لما يصير اي حاجة تزيد من انبعاثات الكربون ،،، بمعنى لو صار عندك مشكلة فمنظومة تبريد السيارة او الجير او الستيرنج او الايبي اس او الوسايد او حتا المكينة بالنفس بس المشكلة ما اثرت على انبعاثات العادم ،، مماراح يشتغل

بخصوص مشكلتك يعتمد على حجم النتعة بين الجيرات الي تتحدث عنها..اذا كانت خفيفة فهذا شي طبيعي سيارة عمرها مايقارب 11 او 12 سنة !! حتى اذا كنت بدلت قطع في الجير بيظل الى اذا بدلت للسيارة مكينة وجير جديدات عالزيروا وقتها بتحصل فرق كامل. . ومثل ما تتطرق بعض الاخوة انه تحديث السوفتوير تبع الجير وايضا المحرك يخفف من هذه المشكلة على حجمها مثل ما اشرت بس مش يلغيها،،

مع خالص شكري وتقديري

**وسام الأمجاد** · 02/11/2016 03:58 AM

لو انه الموضوع قديم، بس حبيت اشارك لانه -بعون الله- انحلت المشكلة المشابهة لطرحكم والي واجهتها فسيارتي والمتمثله في النتعه(القساوة) عند تبديل الغيار الآلي( يعني تحسه الجير ما ناعم). المهم قبل لا أسرفس الموتر وديته فحص كمبيوتر وطلع عندي مشكلتين وهي :
1- سنسر يجي خلف المكينة فوق(اظن سمى حساس الاكسجين)
2-حساس عند الثروتل اعتقد يسمى(Mass air flow sensor/MAF)
المهم طلبت السنسرات من الوكالة وبدلتهم+ نضفت الثروتل+بدلت آيل وفلتر الجير. النتيجة: الحمد لله الجير تبديله ناعم جداً واموره طيبه.

المهم هذي صورة السنسرات. **صورة سنسر الاكسجين للتوضيح الي قدام المكينة ما الي خلف؛ الي فالخلف ما صورته.

**وسام الأمجاد** · 02/11/2016 04:01 AM

👆👆👆👆👆

Cc: @AJMAWI @مريض المحبة

**الزاوية الحادة** · 02/11/2016 11:17 AM

يمكن كرسي جير لان في السيارة 4 كراسي 3 حال مكينة وواحد جير ...لكن حسب السيارة

**أبوالطيب** · 02/11/2016 03:10 PM

اي نوع من الايل مال القير مركب

لانه بعض الشباب يركبون ايسدلكووو ويسببب هذي النتعه في القير

ركب مال الوكاله

**مريض المحبة** · 02/11/2016 05:06 PM

أرسل أصلا بواسطة وسام الأمجاد

��

Cc: @AJMAWI @مريض المحبة

الحمد لله اخوي انحلت مشكلتك
أشكرك عالمشاركة لتعم الفائدة

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: مشكله لم أعرف لها حل ( نتعة القير )

أدوات الموضوع

البحث في الموضوع

نمط العرض

مشكله لم أعرف لها حل ( نتعة القير )

مواضيع مشابهه

&& علامات ليلة القدر .. كيف تعرف ليله القدر ؟ &&

حاس بضيق وتعب

حاس بضيق وتعب

ملل وتعب وحر......

قواعد المشاركة