دشن ضروري

[البنفسج2014]

السلام عليكم
متقدملي شخص متزوج
هو ما كبير توه فالثلاثينات
وملتزم وخلوق
وبيخليني بروحي فبيت مستقل عن زوجته الاولى

شو الراي الحين
للعلم بستخير بس قلت بفكر قبل
رايكن يهمني

انا بنيه توني داشه 27 وجامعيه

[البنفسج2014]

اخافني اعيش متندمه لاني فكرت اصير شريكه
حاسه اني رحمانه حرمته الاولى مع اني ما اعرفها

ونفس الوقت ما ابى اضيع الفرصه لانه صعب انه نحصل ريال ملتزم مره ثانيه وانا يهمني يكون شريك حياتي ملتزم ونفس توجهاتي

[أحلى مسقط]

اختى العزيزه

مافيها شي اذا تتزوجي متزوج الشرع حلل 4 بس بشرط يعدل بينكم ويخليك ببيت مستقل ويعلم الكل زواج وعرس وبالحلال وبمعرفه الكل

اختى انتى مو كبييره ليش تتزوجى متزوج ولا خايفه ماحد يتقدم غير يمكن يجيك شاب اعزب بعد افضل لك ولكن هم لا عيب لو الشخص زين وقادر وانتى استخيري لو مافيه عيب اتوكلي على الله ترى اذا ماتزوجك بيتزوج غيرك والله اعلم النصيب وين


لا تفكري بشي ترى كل وحده بيكون لها حقوق وكيان والتزامات واجبات مختلفه بالاخير صح صعب تصيري ضره وتتزوجي منزوج بس يمكن هذا نصيبك وهل تعلمي يجيك حد بعده وهل زين ومواصفات فكري مليا خذي راي اهلك واستخيري واذا مافي شي يعيبه غير متزوج وتعيشي مستقله الله يوفقك يتمم امورك ع خير

[فتافيت السكر]

كل وحدة بتعطيك رآيها من وجهة نظرها ومن ميولها وشخصيتها
فبتلاحظي وجهات النظر تختلف..
انا شخصيا كان من المستحيلات وخارج عن قناعتي اخذ متزوج لاني ببساطه عارفه نفسي اني ما اقبل الشراكه ولا نص رجل ونص اهتمام وفكل شي لازم ارضى بالنص واتنازل
اما يكون كله لي ولي اولادي او لا..
يمكن بحكم اني عشت هالتجربه عشان الوالد متزوج ثنتين فكنت رافضه هالشي تماما

[البنفسج2014]

انا بصراحه قريت فكم منتدى نفس الموضوع
حد يايد وحد يعارض
وخفت بصراحه
احس مرات اني ما اقدر اكون شريكه لعدة اسباب ولاني لازم اهيء نفسي لتنازل عن كثير أشياء

[ibtkar]

عزيزتي مامن كبرك ليش تتزوجي من متزوج
وتضيعي حياه زوجته ؟
وشو سبب زواجه من ثانيه ؟؟
الي يتزوج ثانيه بياخذ الثالثه والرابعه
والزواج في نهايه قناعة ...
الله يوفقك

[البنفسج2014]

تراه عزيزتي لو ما تزوجته اكيد راح يدور غيري
انا وش خصني دام معزم يتزوج

تراني ما اعرفه شخصيا ولا يعرفني

[البنفسج2014]

انا ما اعلم الغيب
فرضي لو رفضت يمكن ما احصل واحد مناسب بعده
هو ما يعيبه شيء الا انه متزوج
عشان كذا متردده

[البنفسج2014]

انا بعد ابى اعيش حياتي واتمنى ما انحرم اني اصير ام

[روح الزهور]

لا تحرمي نفسك تكوني انتي وحيدة لرجل يحبك ويهتم فيك
من دون ما يهتم بوحدة غيرك . . وتنقهري اذا فضل زوجتة عنك ..
ولا اهتم فيها اكثر منك ..#!

وفرضا انتي كنتي الزوجة الأولى .. وزوجك خلوق وملتزم ونوى يتزوج
توافقي احد يتزوج عليك.. ؟! ...

وانتي توك 27 ما من كبرك.. فراح يجيش المناسب الي ما متزوج #!

موفقه

[البنفسج2014]

ارجوكن لا تصعبن علي الموضوع وتحسسني بالقسوه
اهي اهي
انا بعد مريت بحالات رفض من قبل وسبق كتبت موضوع عن هالشيء واني صرت مهزوزه

[قمرالسلطنة22]

حسيت من ردودك انك موافقه عليه بنسبة٩٠٪‏ لانه فيه مميزات ماموجوده بغيره..
شوفي اختي اذا زوجته موافقه هـي واولادها وحاسه انه بيعدل مابينكن فتوكلي على الله ..
.
.
.
وبالنهايه الراي الاول والاخير لك انــyouــت... هذي حياتك وانتي تقرري ايش يناسبك ..
ربي يوفقك

[البنفسج2014]

انا موافقه لشخصه
وما موافقه بسبب الضره


شباب هالايام نادر تحصلي فيهم اللي ع دين يعني اقصد مطوع
احس بيتفهمني اكثر من غيره وبيقدرني أكثر من الشخص العادي
لانه لنا نفس الاهتمامات

[البنفسج2014]

اللي مرت بتجربة انها تكون زوجة ثانيه اتمنى تتواصل معي ع الخاص بلييز

[MISS LOPEZ]

اهم شي انتي عادي تكوني رقم 2 ؟
ومستقبلا ممكن 3 و 4 بعد

اذا الرقم مايهمك تريدي تتزوجي ويكون عندك اولاد ف توكلي اختي ووافقي
بالتوفيق

[صمت الانهيار]

السلام عليكم

موضووع محير جدا ..
بس انتي بعدك صغيره وفرص الزواج من اعزب كثيره ..

المتزوج يمكن يتزوجك وبعدين تصير مشاكل مع زوجته ويختار انه ينفصل عنك خاصه لو معه عيال ف هو ما بيشتتهم عشان حرمه لايعرفها ولا تعرفه ..وبكره بيقول ما ع مزاجي وبيكون طبعه مزواج وعادي ياخذ الثالثه او يطلق ويتزوج ..


استخيري ولا تقولي اخاف ما يجيني غييره ..تفائلي خير واطلبي الخيره من رب العالمين ..



برغم اني ما اشجعك تكوني زوجه ثانيه ..لانه بكل سهوله ممكن يتنازل عنك مجرد ما طاح موضوع الزواج من راسه ..
واعرف شخصيا حد كذا وما مداه شهرر ع زواجه وطلقها عشان بيته الاول ما يتهدم والعيال ما يتشتتو وبالنهايه هو تزوج وقتنع ومن شبع منها تنازل عنها ع طووول برغم كان يركض وراها سنين .


ربي يوفقك لو كان خير لك ربي يسهل امرك وان كان شر ف ربي يصرفه عنك ويعوضك بالاحسن

[ام اليقظان]

السلام عليكم

موضووع محير جدا ..
بس انتي بعدك صغيره وفرص الزواج من اعزب كثيره ..

المتزوج يمكن يتزوجك وبعدين تصير مشاكل مع زوجته ويختار انه ينفصل عنك خاصه لو معه عيال ف هو ما بيشتتهم عشان حرمه لايعرفها ولا تعرفه ..وبكره بيقول ما ع مزاجي وبيكون طبعه مزواج وعادي ياخذ الثالثه او يطلق ويتزوج ..


استخيري ولا تقولي اخاف ما يجيني غييره ..تفائلي خير واطلبي الخيره من رب العالمين ..



برغم اني ما اشجعك تكوني زوجه ثانيه ..لانه بكل سهوله ممكن يتنازل عنك مجرد ما طاح موضوع الزواج من راسه ..
واعرف شخصيا حد كذا وما مداه شهرر ع زواجه وطلقها عشان بيته الاول ما يتهدم والعيال ما يتشتتو وبالنهايه هو تزوج وقتنع ومن شبع منها تنازل عنها ع طووول برغم كان يركض وراها سنين .


ربي يوفقك لو كان خير لك ربي يسهل امرك وان كان شر ف ربي يصرفه عنك ويعوضك بالاحسن

@صمت الانهيار
بوركتي ع اجابتك

[ام اليقظان]

انا موافقه لشخصه
وما موافقه بسبب الضره


شباب هالايام نادر تحصلي فيهم اللي ع دين يعني اقصد مطوع
احس بيتفهمني اكثر من غيره وبيقدرني أكثر من الشخص العادي
لانه لنا نفس الاهتمامات

موضوعك بأمان محير جدا ..
انت موافقه عشان شخصه بس مسأله
الزوجه الثانيه هذه حطتنها عثره بطريقك ..

والموضوع ما سهل ابدا .. تبني سعادتك على تعاست
الاخرين .. تقولي ان الموضوع مايخصك !!اذا ما تزوجك
بيتزوج وحده ثانيه .. !! يعني مايريدك لشخصك
فقط يريد زوجه ثانيه ..سواء كنني انتي او غيرك..!!

انصحك بالاول تسألى عن الاسباب اللي دفعته لهذا
ولا تقولي صعب ..هذا حقك ..حاولي توصلي لناس
قريبين منهم مثلا جيرانهم وتسألوا عن اخلاقه
وتصرفاته مع اهل بيته ..
انت مقتنعه انه على خلق ودين لانه ملتحي !! وهذا ابدا
ماشرط .. ساعات تكون الامور مقلوبه ..
تحصلي شباب بدون لحيه بس بمنتهى الاخلاق والادب
وملتزمه .. الالتزام عمره ما كان متعلق بلحيه او شكل ..

بخصوص وعوده لك "يكون لك سكن مستقل"
فاقولك مثل عماني " عند الخطبه اللسان رطبه "
في حالتك لازم تنظري للموضوع من ناحيه ماديه بعد
لانه بيصرف على بيتين .. وبيكون له بدل العائله عائلتين
التزاماته ومسؤولياته كزوج ورب اسره بيكون مقسم لك
ولزوجته الاولي ..يعني راح تتحملي عقبات هذا الامر
ماراح يكون متواجد معك طول الوقت وممكن حتى
يطرى على اهل بيته او اولاده طاري في الوقت اللي المفروض
يكون مخصص لك ..ولابد انك تتقبلي الامر ..

بس صدقيني مهما حاولت جاهده الغيره بتكون موجوده
وصعب ان احد يشاركك بزوجك .. المرأه بطبيعتها تحب
التملك للأشياء اللي تحبها ..والظروف قد تخليها
تقدم تنازلات من اجل الامور اللي ماتريد خسارتها كامله
بس ماراح تكوني راضيه عن نفسك ..

افضل قرارت الانسان النابعه من عقله ..
انتي ادرى بنفسك وبقناعتها ورغباتها واكيد
حاطه تصور لزوجك المستقبلي
فلا تاخذي كلام وتجارب الاخرين
بكل شي فيه الايجابي والسلبي ..

اهم شي ركزي على معرفة الامور الاساسيه
المبهمه امامك .. عشان تتوضح لك الرؤيا..
ولا تنسي الاستخاره .. امر مهم كثير
كرريها لين تحصلي الاجابه المقنعه..

[البنفسج2014]

اشكركن ع الردود
ممكن يكون ردكن مبني على انكن متزوجات

دام الشرع حلل
ما اظن اني غلطانه اذا فكرت بنفسي
ما ابى اصير انانيه
لكن انا بعد انسانه محتاجه سند بعد ربي
خاصه اني يتيمه
ما ابى احط نفسي مكان زوجته
لانه انا لي ظروف تجبرني اني افكر وما ارفض من البداية هالعرض

[بنت السالم]

تزوجي وتوكلي يمكن الريال هذا خيره
ولو جاك واحد مو متزوج ويطلع مافيه خير
لا أحسنلج عصفور في اليد ولا عشرة ف الشجرة واهم حاجة الريال مطوع

[صمت الانهيار]

@أم اليقظان
شكرا ع تعليقك��


..//..
@البنفسج2014

نحن متزوجات يعني ما ردينا عليج رد عاطفي ..
لانه لما كنا بنات كان تفكيرنا نفس الشي
عادي اخذ متزوج عادي اخذ مطلق وعادي وعادي

بس من تزوجنا اكتشفنا هالشي صعب..سواء ك زوجه اولى او ثانيه
وكم عمره الخاطب؟؟ وليش يبي يتزوج الثانيه شو الاسباب هل هي نزوه وحب للتجديد والتغير ولا اسباب اخرى؟

شو موقف اهلك من هالامر؟؟

بالنهايه الاستخاره والدعاء واختيارك هو الي يحدد ..
وعامه امر الزواج محير لانه خطوه كبيره بالحياه وفيه تضحيه ومستقبل مخفي ونسأل الله ان يكون سعيدا..

[mandos]

ياحوائيات كل وحده ترد عليها تعطيها رأيها
بتعطيها رأيها تتخيل نفسها مكانها كيف بتقرر

طبعا
أولا وأخيرا سمعي ويش رأي أمك واخوانك واخواتك
ثانيا عرفي السبب ليش محتاج للثانيه إيش السبب
ثالثا حلو تعرفي رأي زوجته الأولى لاتصيروا بمشاكل مالها أول ولاآخر وهي تخرب موضوعكم إذا رأيها رأي عصبي رافض مثلا
وبالأخير بعد ماتعرفي اجابات هالأسئله كلها بتقيسي على نفسك وظروفك وإمكاناتك وتحملك ورغبتك ومعاييرك بنفسك
واستخيري الله طبعا
فالخيرة فيما يختار الله عز وجل
قد ترتاحي لقرار حاسم وتجاهدي نفسك لتعيشي قرارك بنفسك وتغيري ف نفسك أشياء من شخصيتك عشان قرارك

تقبلي مروري أختي
عسى الله يكتب لك الحياة السعيده يارب
.

[روح الزهور]

اشكركن ع الردود
ممكن يكون ردكن مبني على انكن متزوجات

دام الشرع حلل
ما اظن اني غلطانه اذا فكرت بنفسي
ما ابى اصير انانيه
لكن انا بعد انسانه محتاجه سند بعد ربي
خاصه اني يتيمه
ما ابى احط نفسي مكان زوجته
لانه انا لي ظروف تجبرني اني افكر وما ارفض من البداية هالعرض

اذا انتي.مستعدة للزواج .. وتتحملي الغيرة الي بتصير من الزوجة الأولى والي
ممكن تنكد عليش ويمكن حتى من التقصير بـ الحقوق من قبل الزوج .. ما انة بس انسان ملتزم
وخلوق ممكن يكون عآدل بينك وبينهآا بـ كل شيء وبتكوني مستعدة لأي تقصير وبتكوني مستعدة
لأي تعامل ولأي تفضيل ممكن يصير..من قبل الزوج للزوجة الأولى ..فـ اذا انتي مستعدة تتحملي كل شيء ..
فـ وافقي بعيدا عن ظروفك الي تجبرك وبعيد حتى عن وضعك .. وفكري بنفسك قبل أي
شيء .. وتوكلي.. #!

وبـ المناسبة اذا انتي مقتنعة.تمآم الاقتناع فية وتريدية .. فـ ليش كتبتي موضوع تريدي
راينآ .. لو وافقتي من دون ما تلجأي لنآا..لاني اشوفك موافقة علية وراينا ما بيهمش
فـ توكلي وخلي الردود الي رديناها ع صوب ...#

وربي يوفقك ويسعدك ويعطيك قد نيتك #!

[عزف الوتر]

اشكركن ع الردود
ممكن يكون ردكن مبني على انكن متزوجات

دام الشرع حلل
ما اظن اني غلطانه اذا فكرت بنفسي
ما ابى اصير انانيه
لكن انا بعد انسانه محتاجه سند بعد ربي
خاصه اني يتيمه
ما ابى احط نفسي مكان زوجته
لانه انا لي ظروف تجبرني اني افكر وما ارفض من البداية هالعرض

استغرب
دامك موافقه ومفكره فوضعك وظروفك وحاسه ب احتياجاتك فليش هالاستشارة
حاليا انتي وكأنك جالسه تقنعي نفسك بنفسك
شوفي اللي يناسبك وتوكلي لان الاغراب في مسألتك مالهم دخل في حياتك


ونقول مبروك عليك يا عروسه واسسي نفسك من البدايه انك انسانه مش للمتعه وتغيير النفسية بل خليك محور كامل متكامل كزوجه ووضحيه له من البداية
لا يغرك انه متدين مربي لحيه ترى الدين مش باللحا
الدين اخلاق وسمعة ما تبين الا مع العشرة

[عزف الوتر]

اشكركن ع الردود
ممكن يكون ردكن مبني على انكن متزوجات

دام الشرع حلل
ما اظن اني غلطانه اذا فكرت بنفسي
ما ابى اصير انانيه
لكن انا بعد انسانه محتاجه سند بعد ربي
خاصه اني يتيمه
ما ابى احط نفسي مكان زوجته
لانه انا لي ظروف تجبرني اني افكر وما ارفض من البداية هالعرض

استغرب
دامك موافقه ومفكره فوضعك وظروفك وحاسه ب احتياجاتك فليش هالاستشارة
حاليا انتي وكأنك جالسه تقنعي نفسك بنفسك
شوفي اللي يناسبك وتوكلي لان الاغراب في مسألتك مالهم دخل في حياتك


ونقول مبروك عليك يا عروسه واسسي نفسك من البدايه انك انسانه مش للمتعه وتغيير النفسية بل خليك محور كامل متكامل كزوجه ووضحيه له من البداية
لا يغرك انه متدين مربي لحيه ترى الدين مش باللحا
الدين اخلاق وسمعة ما تبين الا مع العشرة
وعشان يطبق الشرع حلل 4 بما بعيد يتزوج الثالثه والرابعه
ويمكن بيكتفي بيك اذا وجد واقتنع ب اللي يتمناه

[MISS LOPEZ]

استغرب
دامك موافقه ومفكره فوضعك وظروفك وحاسه ب احتياجاتك فليش هالاستشارة
حاليا انتي وكأنك جالسه تقنعي نفسك بنفسك
شوفي اللي يناسبك وتوكلي لان الاغراب في مسألتك مالهم دخل في حياتك


ونقول مبروك عليك يا عروسه واسسي نفسك من البدايه انك انسانه مش للمتعه وتغيير النفسية بل خليك محور كامل متكامل كزوجه ووضحيه له من البداية
لا يغرك انه متدين مربي لحيه ترى الدين مش باللحا
الدين اخلاق وسمعة ما تبين الا مع العشرة
وعشان يطبق الشرع حلل 4 بما بعيد يتزوج الثالثه والرابعه
ويمكن بيكتفي بيك اذا وجد واقتنع ب اللي يتمناه

كلامك صحيح خصوصا الي ب الاحمر

[البنفسج2014]

والله انا رفضت قبل شوي
شكرا لكل من شارك بموضوعي

[البنفسج2014]

انا يالسه اناقشكن لا اكثر
بالعكس يهمني رايكن
واسفه اذا ثقلت عليكن بردودي

[أحلى مسقط]

ليش رفضتى الاسباب

[البنفسج2014]

لانه شفت انه سلبيات هالزواج اكثر من ايجابياته
مهما كابرت تبقى هاذي الحقيقة
تعبت من التفكير
وقلت اريح نفسي واخذ قرار نهائي