أرجو المساعدة حصلت الجير كما الريشة ما يعشق ابداً

[وسام الأمجاد]

بسم الله

امس نزلت السوق وبندت السيارة، المهم خلصت ورجعت اشغل السيارة ويوم بغيت احط الجير فالD حصلته مثل الريشة يعني ما يعشق أبداً( لا DولاP ولاR ولاشي)وخفيف كنه منفصل البر عن المكينة ويظهر فالطبلون العلامة على الN مخلنه.


ويش المشكلة بالضبط سيم منقص او بيب او ويش وهل المشكلة بسيطة!!.. صراحة دار الراسي الجير ما كان في مشاكل ابداً 😪

[الفخر عنوان]

هلا أخي
نوع السيارة هي نيسان صح خخخخخخخخ بتحصل الكيبل متبطل من مكأنه تحت ديكور الجير داخل السيارة
حصلت نفس المشكلة في أكثر من سيارة من نيسان ما أعرف هل هو عيب مصنعي الله أعلم
المهم عندك حلين الأول تغيير الكيبل كامل وهو مكلف
الحل الثاني تركب مسامير صغار اكثر من واحد عشان تثبت الكيبل مكانه هو نفس الخاتم أخر الكيبل هو اللي أقصده

[وسام الأمجاد]

أهلاً الحبيب...

لا والله أفالون..النيسان عزيز😎
اليوم شليتها برافعة وديتها الكراج ومثل ما قلت الميكانيكي يقول تقريباًمن الكيبل، بعده ما اشتغل فيها عشان يتأكد.

المهم بكم تغييره الكيبل تقريباً؟

@الفخر عنوان

[كراش 001]

بسم الله

امس نزلت السوق وبندت السيارة، المهم خلصت ورجعت اشغل السيارة ويوم بغيت احط الجير فالD حصلته مثل الريشة يعني ما يعشق أبداً( لا DولاP ولاR ولاشي)وخفيف كنه منفصل البر عن المكينة ويظهر فالطبلون العلامة على الN مخلنه.


ويش المشكلة بالضبط سيم منقص او بيب او ويش وهل المشكلة بسيطة!!.. صراحة دار الراسي الجير ما كان في مشاكل ابداً 😪

نفس المشكلة صارت عندي امس في لانسر موديل 2009 وخذيتها برافعه فحص كمبيوتر وخبروني خربان كمبيوتر الجير وسنسر السرعه و2 سنسر يركب على الجير.
ولحين محتار وش اسوي فيها حصلتهن بالوكاله سعرهن 500ريال بس!!

[NITRO]

@كراش 001
روح العين او دبي ،زميلي معه لانسر جي تي 2008 ويقول الاسعار فرق عن عمان بواجد

[كراش 001]

تشكر نيترو راعي بلادي على المعلومة
غريبه حصلت اسعار العين والشارقة نفس اسعار الزبير !!
صاحب الكراج يقول افضل تدور جير كامل بيكلفك اقل.
مصيبه المستوبيشي

[وسام الأمجاد]

نفس المشكلة صارت عندي امس في لانسر موديل 2009 وخذيتها برافعه فحص كمبيوتر وخبروني خربان كمبيوتر الجير وسنسر السرعه و2 سنسر يركب على الجير.
ولحين محتار وش اسوي فيها حصلتهن بالوكاله سعرهن 500ريال بس!!

عزيزي اذا نفس المشكلة معناته الكيبل ويقدر الميكانيكي يتأكد بيفك الديكور عند الجير داخل وبيحصل الكيبل متبطل(يسمى كيبل الجير). المهم انا موتري صلحته الاسبوع الماضي ب10 ريال واموره طيبة😂
عندك حلين تغيير الكيبل او تصلحه وانصح بتغييره لأنه التصليح يمكن يرجع ينقطع باي وقت، انا صلحته كحل مؤقت وبغيره عاد بعد فترة. لا تخسر فلوسك وتشرى سنسرات وغيرها، تأكد قبل من الكيبل

[رمال الحيل]

اخي معاك الكيبل تصليحه ٥ ريال