مشكله ظهور شعار المفتاح الاصفر

[يحيى المعولي]

السلام عليكم رحمة الله وبركاته
كل عام انتم بخير

لدي مشكله ظهرت اليوم ف السياره من نوع انفنتي جي 35 مديل 2007
السياره لا تشتغل مع ظهور علامة المفتاح الأصفر > يظهر ف الطبلون شعار سياره ومفتاح اصفر

عملت فحص كمبيوتر بلا فايده برمجة مفتاح بلا فايده
غيرت بطاريه المفتاح بلا فايده

حد صادف هذه المشكله ويفيدني

[أبوالطيب]

هذا يعني انه السيارة مقفولة وما تحس انه موجود مفتاح معك يعني معك مشكلة في المفتاح السيارة ماتتعرف عليه

[NITRO]

وعليكم السلام والرحمة

يقولو شي قطعة في الالتيما تخترب منها تحت السكان
ف يجوز انه نفس الخلل

يمكن @هامور مدلل معه خبرة

[هامور مدلل]

هلا نيترو
انا ما صادفتني ذي المشكلة
بس مثل ما قلت يمكن القطعه بو تحت الستيرنج ملوسه
يبالها دق بشيء خفيف واذا طلع منها السبب تقريبا يبالها تغيير

[abdulaziz12]

إفصل الفيوز مال الاستيرنج لوك
بتحصله في الفيوز بوكس

[هامور مدلل]

المعولي. .. شوف الحل:


إذا كانت مولعه في الطبلون لمبة
الكي تبع المفتاح

والسياره واصلها الكهرب
والمفتاح بمكانه كما في الخطوه الأولى
ولمبات الفرامل شغاله
والمرواح ماتشتغل من نفسها كما في الخطوه الرابعه

والموتر مايفتح معاك الدقه الأولى نهائيا

فالخلل عندك من جهاز صغير يكون مكانه تحت الدركسون
وأعتقد الجهاز موحد على الألتيما والمكسيما
لكن يفضل وللضمان حقين الألتيمات يشترون حقات ألتيما
والمكسيما يشترون حقات المكسيما
تجنبا لفروقات داخليه مانعلمها

الجهاز هو كمبوتر صغير مسؤؤل عن الدركسون
أو مايمسى بالقفل الإلكتروني للدركسون
يكون مكانه تحت الدركسون وليس بداخل الدركسون




الحل طال عمرك
تروح لأقرب تشليح
وتشري هالقطعه
قيمتها تقريبا بحدود ال400 ريال (( شروه 3 أشخاص بهالسعر تقريبا ))
وأشترط على راعي المحل إن ما أشتغلت السياره برجع القطعه
ولاحظ كيف يفك الرجال القطعه
وركبها بنفسك في البيت

وأول ماتركبها بيشتغل موترك زي العسل
وبدون أي برمجه ولا أي شيء


وسلاااااااااااامتكم

[suliman112]

@يحيى المعولي

اذا انت من مسقط في محل ف سوق الخوض اسمه المفتاح السحري روح عنده وبيفك هذي القطه الي تحت الستيرنج وبيبرمجها وبتروح المشكلة للابد ومابترجع ان شاء الله لكن بيظل شعار المفتاج ظاهر ومابيروح حتى مع البرمجة وعيبها انه الستيرنج لما تبند السياره مابيقفل مثل اول وبيكلفك هالشي بحدود 50 ريال