آنا الصحيب اللي لو رجوله حبت ... اقصد رفاقي واخذ بميمونها

[سليمان بن سعيد]

انا الصحيب اللي لو رجوله حبت
اقصد رفاقي واخذ بميمونها

وانا الذي يكفر ليا صحابه اغضبت
كني على عرش الهرم فرعونها

صدقانك اللي لا ضمت واتكالبت
دنياك في جورن عطتك عيونها

تعرف ميامنها وتعرف ماكسبت
ماهي بممسوخه عساف رسونها

تمسك يدن خضرا بصابعها نبت
ريحان طيّـبها وفعّا غصونها

ولا غمامن ظَـلّـلت واستوعبت
واسحنفرت واثعنجرت بمزونها

واندام ديمومه على ما قد ربت
واجتاح مهبوبه على محزونها

هذي الرجال اللي عليها شيبت
اعداك منها وعضعضت بسنونها

ما همّني مقيول ولا سبسبت
حكوات وانقالت ترا يعيدونها

يمديه يحقد من ورا ماحدودبت
والخنز ما فاده طلوع قرونها

اصبر عليها لين تحرق مااحطبت
يجعل بلا نفسه على مكنونها

ولا الحرار ارتاح لا ما شرعبت
واضيق لو بقيت حبيس سجونها

والصاحب اللي كلمته ماتثعلبت
ياخذك في افق السما مضمونها

تلقا فعوله من بياضن مااحجبت
ويجر سمعه تطربك بلحونها

[فارس عمان ثلاثه]

جميل أخي ...واصل لتصل

[أبن أولاد شمس]

أستمر

[بيبرس العماني]

صح الله لسانك شاعرنا
نص جميل بجمال الفكر

تحياتي

[سليمان بن سعيد]

أشكركم أحبة الشعر ��
@فارس عمان ثلاثه @أبن أولاد شمس @بيبرس العماني