(تمت المعرفة)ماهي اسباب عدم دوران الاطارات عند التغريز في بعض السيارات؟

[NITRO]

السلام عليكم ورحمة الله وبركاته

كيف الحال اخواني؟

حقيقة في بالي سؤال وللحين ماوجدت له اجابة لاني كنت مفتكر شي واتضح لي شيئ ثاني

معي دودج نيترو ولما اروح وادي،فيه رملة محترمة يغرز وحتى لو شغلت دبل(طبعا السبب الاول الاطارات+عدم التنسيم)
لكن اللي مستغربنه اطاراته لبر مايدورن حتى البعض يفكرها،بدون دبل ويقلولي،ايش،مدخلنك هنا
ورحت افحص الدبل لاني شكيت،فيها حقيقة واتضح انه سليم مافيه شي قلت عجب وزن السيارة مامساعد

وتكرر المشهد،قبل يومين كنت في تنوف(الدخلة الثانية قرب الشلالات) وقدامي تاهو(داخل بدون دبل)وغرز وبالاول هو قام يحاول والاطارات ماتدور اطلاقا
فبعدين شغل دبل وطلع (السيارة وارد امريكي ltz ماعندي فكرة اذا،فيها دف لوك او لا(

انا لما شفت حالته فكرت انه طبق،في،صخرة بس لما شغل الدبل عرفت انه رملة

ففي طريق السيرة قلت بشغل دبل لانه حد خلفي (سيارة ثانية مادودج نيترو)

اما بطريق الرجعة ماشغلت دبل فلما وصلت المكان مشيت،شوية والخطأ لفيت السكان (الستيرنج+التركشن ولع(وغرزت بس الاطارات معي كانت تدور فري وقامت تفحر وتنزل تحت وشغلت مباشرة الدبل عن اطبق خير شر

وخلفي جاء راعي رانجلر ودخل بسرعة،وقدر يمشي،بدون دبل
(طبعا،هو ماهامنه لانها سيارة قديمة والظاهر مخصصنها،للوديان بس)

فما هي اسباب عدم دوران الاطارات لدى بعض السيارات عند التغريز؟اكان بدون دبل او مع الدبل؟

[NITRO]

وهذي مقتطفات للزيارة

\
\
مركز رفع الملفات

[أبوالطيب]

يمكن التركشن معك شغال لازم تبنده

[مهمة خاصة]

الافضل انك تفصل التركشن في الحصى الحميق او الرمل العميق لكي لايثبط عمل الاطارات بشكل صحيح بعض السيارات يفصل التركشن عند تشغيل الدبل وبعضها لايفصل تلقأي لازم تفصله

[رمال الحيل]

التراكشن والديفلوك او انه الدفريشن جالس على الارض من التغريز جميل الوادي نايترو

[قلم الأمل]

اتوقع إنه السبب الرئيسي هو طريقة تصميم الديفريشن والجير ، ولو حبيت تتاكد خلي السيارة تغرز ولما الاطارات ما تدور انزل تحت السيارة وشوف هل الشفت يدور ولا لا؟
بتحصل الشفت يدور بس الاطارات ما تدور والسبب انه الديفريشن المفتوح هذا نظامه، كل اطار مستقل عن الآخر وممكن يدور واحد ويتوقف الآخر ويعتمد على مقدار سماحية الديفريشن ونسبة تحويل الجير لطاقة المكينة الى عزم دوران ... مجرد وجهة نظر

[rawa7i]

السبب هو نظام مانع الانزلاق ( التراكشن )
Traction control system

اذا كنت مغرز والتراكشن شغال فالإطارات ما راح يدورن

[NITRO]

مشكووورين الغالي

التركشن ماله،دخل
لانه انا مامبندنه وكان التاير يدور عالفاضي
والتركشن يفصل مع الدبل الثقيل،بس مابشكل كلي يعني خلينا نقول50%والباقي يفصل عن طريق،زر تسويه بنفسك



بس الاقرب للاصح كلام الاخ قلم الامل لانه التركشن ماله دخل بالدوران
وفعلاالنيترو كل اطار له قوة بالنسبة للخلفي يعني اذا تمشي20كم الاطار اليمين تحصله يمشي20واليسار مايتحرك (هذا يوم رافعنها(
بس الغريبة ان الشيروكي كذلك الدفريشين مختلف القوة بس كانت الاطارات تدور طبعا اقصد2001 ونازل

بس يجوز ان نسب توزيع القوة لها دورها

[bu adm]

مافي اجابه شافيه للان

[فارس الحروب]

نقاش جيد
بس ما اعرف عن هاذي النقطه و ما من ملاك 4x4��

[صهيب الحارثي]

السبب حسب تصوري هو من نظام السياره الي ما مخصص حل مثل هذي الامور

[صهيب الحارثي]

نقاش جيد
بس ما اعرف عن هاذي النقطه و ما من ملاك 4x4��

يعتمد على توزيع الطاقه ع التواير ونفس الشي التواير لها دور كبير يعني مثلا رنج قياس ١٩ يكون كبير ف بالتالي يغوص على طول في الرمل و الرمل يدخل في فتحات الرنج فتضعف السياره ع طول عكس رنجات قياس ١٧ او ١٦ يكون التاير سميك وما في مجال يدخل الرمل في فتحات الرنج الا اذا غاصت ف الرمل @نايترو

[NITRO]

يعتمد على توزيع الطاقه ع التواير ونفس الشي التواير لها دور كبير يعني مثلا رنج قياس ١٩ يكون كبير ف بالتالي يغوص على طول في الرمل و الرمل يدخل في فتحات الرنج فتضعف السياره ع طول عكس رنجات قياس ١٧ او ١٦ يكون التاير سميك وما في مجال يدخل الرمل في فتحات الرنج الا اذا غاصت ف الرمل @نايترو

@صهيب الحارثي
نعم كلامك صحيح
كل ماصغر الرنج كل ماكانت افضلية بالرمل لانه يكون فيه ارتفاع
عكس الرنج لكبير تحصل فيه عرض وماشي ارتفاع
هو اللي معه رنج كبير يقدر يتفادى من خلال خفض،ضغط،الاطارات وقيادته،الصحيحة

انسب رنج اشوفه للاوف رود،هو 16انش

[NITRO]

حاليا،سائل ربيعي كونه اجثر معرفة عني،بعالم الاوف رود وانتظر رده عن نقطة الموضوع وعدم دوران الاطارات

[صهيب الحارثي]

@NITRO

[البرنس الصغير]

اتفق مع اللي يقول السبب من نظام السيارة

دودج نيترو

ودودج درانجو

لا تتهور فيه ما اتوقع انه ينفعك لمثل هالامور

[صهيب الحارثي]

م

اتفق مع اللي يقول السبب من نظام السيارة

دودج نيترو

ودودج درانجو

لا تتهور فيه ما اتوقع انه ينفعك لمثل هالامور

مثل ما قلت اخي نظامهم تعبان.معنا مازدا cx9 ما تدور تواير لما أحط ريوس (الرجوع).بس ع قدام يدور

[NITRO]

هذا رد زميلي

حاليا كل السيارات يآتي الدفريشين فيها منفصل
فقط الاختلاف ان سيارات تجي بدفريشين فيه قفل دائم
والبعض الاخر بدون قفل دائم

طبعا لاندكروزر والارمادا والباترول والبرادو والرانجلر والخ.. تآتي بقفل ومن كذا تحصلها الاطارات تدور مع بعض
وفيه سيارات يتم ربط الدفريشين عن طريق الدف لوك

اما التاهو والنيترو والخ.. تآتي بدون قفل وتحصل كل اطار منفصل عن الاخر والقوة مختلفة بين الاطارين
ونظام الدف لوك الموجود في التاهو (الاوتوماتيكي)لايؤدي الغرض المطلوب بنفس العاديبالدوارات اللي،بزر يدوي

والافضلية للسيارات اللي،فيها قفل في 4اطارات كالروبيكون


ومن ميزة اللي،بدون قفل انه يحافظ على توازن السيارة لو فقدت السيطرة بالدوارات وسيفتي،للدفريشين

عندي فيديو يشرح الامر بس للاسف مامن اليوتيوب

[NITRO]

https://youtu.be/gIGvhvOhLHU
شبيهة بالمقطع اللي رسلي اياه

[فارس الحروب]

توضيح ممتاز جدا

[Samuraifj]

هذا رد زميلي

حاليا كل السيارات يآتي الدفريشين فيها منفصل
فقط الاختلاف ان سيارات تجي بدفريشين فيه قفل دائم
والبعض الاخر بدون قفل دائم

طبعا لاندكروزر والارمادا والباترول والبرادو والرانجلر والخ.. تآتي بقفل ومن كذا تحصلها الاطارات تدور مع بعض
وفيه سيارات يتم ربط الدفريشين عن طريق الدف لوك

اما التاهو والنيترو والخ.. تآتي بدون قفل وتحصل كل اطار منفصل عن الاخر والقوة مختلفة بين الاطارين
ونظام الدف لوك الموجود في التاهو (الاوتوماتيكي)لايؤدي الغرض المطلوب بنفس العاديبالدوارات اللي،بزر يدوي

والافضلية للسيارات اللي،فيها قفل في 4اطارات كالروبيكون


ومن ميزة اللي،بدون قفل انه يحافظ على توازن السيارة لو فقدت السيطرة بالدوارات وسيفتي،للدفريشين

عندي فيديو يشرح الامر بس للاسف مامن اليوتيوب

اعذرني اخي نايترو ما اعتقد هالرد صحيح حتى ميكانيكيا غلط

كل السيارات ذات الدفع الرباعي دفريشناتها مفتوحه الا اذا السايق اغلقه في وظع الدبل فقط..

ميكانيكا غلط انك تغلق الدفريشن لان لازم كل اطار تكون له حرية الدوران منفصل عن الاخر لان فاللفات كل اطار له سرعه مختلفه عن الثاني

اغلاق الدفريشن معناته تخليهم يدورو مع بعض و بنفس القوه والسرعه...

السيارات مثل التويوتا و الجيب و نيسان فيهم نظام دف لوك (يعني تغلق الدفريشن) و يعمل فقط في وضعية الدبل الثقيل و استخدامه لظروف معينه و تفصله مباشره لا تسوق به مسافه طويله

بالنسبه لعدم دوران الاطارات بكل بساطه قوة الرمله اكبر من قوة و عزم دوران المحرك والاطارات لسيارتك

بالمختصر السياره وصلت مرحله ما ممكن تقاوم قوة الرمله

وكل سياره يختلف عزمها و نوعية الاطارات و حجمهم و غيره...

[shidhanimale]

من وجهة نظري الديفيريشن بس يقسم القوة للتاير اليمين و لليسار. فاذا التايرين مع بعض يدور ع الفاضي هذا معناته ان التواير ما محصلة تراكشن كفاية من الارض يعني ما منسم كفاية.
واذا كان تاير واحد يدور بس والثاني لا هذا من الديفريشن اللي مفتوح و الزد71 في قفل اوتوماتيك يشتغل اذا فرق كبير فال RPM بين الاطارين. فيعني لازم واحد يدور علشان القفل يشتغل.

[NITRO]

اعذرني اخي نايترو ما اعتقد هالرد صحيح حتى ميكانيكيا غلط

كل السيارات ذات الدفع الرباعي دفريشناتها مفتوحه الا اذا السايق اغلقه في وظع الدبل فقط..

ميكانيكا غلط انك تغلق الدفريشن لان لازم كل اطار تكون له حرية الدوران منفصل عن الاخر لان فاللفات كل اطار له سرعه مختلفه عن الثاني

اغلاق الدفريشن معناته تخليهم يدورو مع بعض و بنفس القوه والسرعه...

السيارات مثل التويوتا و الجيب و نيسان فيهم نظام دف لوك (يعني تغلق الدفريشن) و يعمل فقط في وضعية الدبل الثقيل و استخدامه لظروف معينه و تفصله مباشره لا تسوق به مسافه طويله

بالنسبه لعدم دوران الاطارات بكل بساطه قوة الرمله اكبر من قوة و عزم دوران المحرك والاطارات لسيارتك

بالمختصر السياره وصلت مرحله ما ممكن تقاوم قوة الرمله

وكل سياره يختلف عزمها و نوعية الاطارات و حجمهم و غيره...

حياك الله صديقي
الظاهر ماركزت في الكلام

صديقي يقول ماشي سيارة دفع رباعي الدفريشين مالها متصل
الفرق انه هناك فيهن قفل دائم(الاطارين يدورن مع بعض)وسيارات بدون قفل(كل اطار له قوة مختلفة)

الية الربط،بالدف لوك تختلف عن القفل الدائم
القفل الدائم يخلي الاطارين يدورن مع بعض والقوة مامتساويه
اما بالدف لوك تحصله متساويات يمين20يسار20

خليني اوضلحك اكثر

اللي بدون قفل
تحصل الاطار اليمين يمشي20اليسار تحصله مامتحرك ولما ترجع ريوس السيارة ثقيلة تكون وحتى ماترجع بنفسها لزمن مع ريس(نفس النايترو والتاهو)الاخرولما تغرز مايدور ولا اطار
وللعلم التاهو الدف لوك ماله الكتروني ويستغل بدون دبل

مع قفل
الاطارين يدورن مع بعض اذا تحرك اايمين اليسار يتحرك
انته لو متابع شرح الفيديو للتندرا بتشوف كيف الطريقة
انه القوة قبل مثال تروح تاير اليمين ومن ثم مباشرة تروح صوب اليسار
وحتى انته لو تلاحظ لما تغرز تحصل اطار يوقف قبل والاطار الثاني بعده ماوقف والفارق جدا بسيط،يعني الشغلة سريعة بالانتقال بالقوة


مع الدف لوك
يمين20بتحصل يسار 20

[NITRO]

من وجهة نظري الديفيريشن بس يقسم القوة للتاير اليمين و لليسار. فاذا التايرين مع بعض يدور ع الفاضي هذا معناته ان التواير ما محصلة تراكشن كفاية من الارض يعني ما منسم كفاية.
واذا كان تاير واحد يدور بس والثاني لا هذا من الديفريشن اللي مفتوح و الزد71 في قفل اوتوماتيك يشتغل اذا فرق كبير فال RPM بين الاطارين. فيعني لازم واحد يدور علشان القفل يشتغل.

نعم الدفريشين له دور
بس كلام ربيعي انه للان مافيه سيارة دفع رباعي الدفريشين مفتوح

هو رسلي الفيديو وكان ذلك الشخص يشرح الالية كيف بس ماحصلته للاسف،باليوتيوب

[hurricane 164]

في الاودية في عوامل كثيرة تعتمد على مشي السيارة اثناء قطع الوادي
مثل حجم الدفريشن اللي كل ما زاد معناته عندك عزم تمشي بالوادي بسرعه بطيئة
بدون توقف او ثقل على المركبة لان دورة المسننات تكون اسرع داخل الدفريشن

و عامل اخر هو قوة السيارة و نوع الاطارات .

و يفضل عدم فصل مانع الانزلاق لانك ف الوادي تحتاج كل نقطة
من التماسك ولا بيفلت عليك الموتر و يهايش بسبب الماء الجاري!

و ف العادة عند نزول الوادي يسحب معه رمل و حصى مثل الطين وهذا
الوضع خطير نوعاً ما و تحتاج تكون منسم عشان الاطار يدور براحته ولا بتشوف نفسك
مغرز و توايرك ماسكنها هذا النوع م الطين.

و بشكل عام الامريكي قليل تحصل فيه مواتر فيها زر خاص بالدف لوك
سيارات الجي ام اغلبها تجي بدف لوك ميكانيك في الخلف يشتغل اول ما يفر التاير
و يقسم القوة ٥٠/٥٠ مثل اليوكن و التاهو و السييرا والسلفرادو و يعتبر افضل نظام
في السيارات الامريكية و محد ينافسهم فيه لانه مصمم م فترة طويلة و نفس الشي يشتغل عندك
وانت تمشي دفريشن او بال H او بال L . عيبه الوحيد ممكن يتاخر يوم يشبك خاصه اذا السيارة
قديمة جداً . والدف لوك اليدوي معروف ف التويوتا او النيسان و تحصله مرات ف بعض سيارات الفورد
و يأدي غرضه باكمل وجهه عيبه مرات ما يشبك عندك اذا كانت السيارة مغرزه ف وضعيه صعبه

عندك نظام ثاني و هو limited slip differential و هو مشابهة لطريقة عمل الدف لوك و منتشر
في السيارات الامريكية مثل الدودج رام و السيارات اليابانيه .
كيف يشتغل هذا النظام ؟
هذا النظام يعتمد ع البريكات . يوزع الطاقة خلا التحكم بالبريك بحيث يجبر الاطارات
الخلفية انها تدور بنفس القوة ولكن عيبه يشتغل فقط ف الدبل الثقيل و لازم التواير تكون
كلها ماسكه ف الارض عشان يشتغل بفعالية اكبر ! و عيب اخر ممكن يستهلك البريك باد و البريك دسك
حسب استخدامك للدبل الثقيل !


و النظام الاخير هو الدفريشن المفتوح او open diff موجود ف البوشنب و الربع
والشيروكيات و الجيبات الرانجلر القديمة و الارماد و بعض النياسين و السيارات الامريكية.
نظام سيء في الاوف رود اذا ما تعرف تسوق اول ما يفر التاير او يطلع ف الهواء اعرف انك ما جاي تطلع
و يعتمد ع خبرتك ف السواقه


شكراً

[NITRO]

في الاودية في عوامل كثيرة تعتمد على مشي السيارة اثناء قطع الوادي
مثل حجم الدفريشن اللي كل ما زاد معناته عندك عزم تمشي بالوادي بسرعه بطيئة
بدون توقف او ثقل على المركبة لان دورة المسننات تكون اسرع داخل الدفريشن

و عامل اخر هو قوة السيارة و نوع الاطارات .

و يفضل عدم فصل مانع الانزلاق لانك ف الوادي تحتاج كل نقطة
من التماسك ولا بيفلت عليك الموتر و يهايش بسبب الماء الجاري!

و ف العادة عند نزول الوادي يسحب معه رمل و حصى مثل الطين وهذا
الوضع خطير نوعاً ما و تحتاج تكون منسم عشان الاطار يدور براحته ولا بتشوف نفسك
مغرز و توايرك ماسكنها هذا النوع م الطين.

و بشكل عام الامريكي قليل تحصل فيه مواتر فيها زر خاص بالدف لوك
سيارات الجي ام اغلبها تجي بدف لوك ميكانيك في الخلف يشتغل اول ما يفر التاير
و يقسم القوة ٥٠/٥٠ مثل اليوكن و التاهو و السييرا والسلفرادو و يعتبر افضل نظام
في السيارات الامريكية و محد ينافسهم فيه لانه مصمم م فترة طويلة و نفس الشي يشتغل عندك
وانت تمشي دفريشن او بال H او بال L . عيبه الوحيد ممكن يتاخر يوم يشبك خاصه اذا السيارة
قديمة جداً . والدف لوك اليدوي معروف ف التويوتا او النيسان و تحصله مرات ف بعض سيارات الفورد
و يأدي غرضه باكمل وجهه عيبه مرات ما يشبك عندك اذا كانت السيارة مغرزه ف وضعيه صعبه

عندك نظام ثاني و هو limited slip differential و هو مشابهة لطريقة عمل الدف لوك و منتشر
في السيارات الامريكية مثل الدودج رام و السيارات اليابانيه .
كيف يشتغل هذا النظام ؟
هذا النظام يعتمد ع البريكات . يوزع الطاقة خلا التحكم بالبريك بحيث يجبر الاطارات
الخلفية انها تدور بنفس القوة ولكن عيبه يشتغل فقط ف الدبل الثقيل و لازم التواير تكون
كلها ماسكه ف الارض عشان يشتغل بفعالية اكبر ! و عيب اخر ممكن يستهلك البريك باد و البريك دسك
حسب استخدامك للدبل الثقيل !


و النظام الاخير هو الدفريشن المفتوح او open diff موجود ف البوشنب و الربع
والشيروكيات و الجيبات الرانجلر القديمة و الارماد و بعض النياسين و السيارات الامريكية.
نظام سيء في الاوف رود اذا ما تعرف تسوق اول ما يفر التاير او يطلع ف الهواء اعرف انك ما جاي تطلع
و يعتمد ع خبرتك ف السواقه


شكراً

ماشاء الله عليك
بس الغريبة انه الغالب يقول انه لما تدخل وادي وفيه رملة الافضل ان تطفي التركشن لانه بيخرب عليك وبتغرز السيارة
وفعلا انا لاحظته عندي لما اشتغل السيارة راحت تحت(طبعا اقصد بالمرلة الناعمة)اما الرملة القوية مفيد لانه يساعدك صراحة
بس يقولو هالامر يسبب تلف للتركشن فمن ك1ا الافضل تفسله

بالنسبة للدف لوك التلقائي هو النظام بالجي ام الغريبة يشتغل حتى بدون دبل ,وحقيقة ما اثق في شي تلقائي
لادفع رباعي مستمر ولا دف لوك تلقائي لانه يمكن يخونك وانته ماعارف ومن بين الامور اللي قرأتها انه بس يشتغل مع الريس المنخفض

نظام lsd هذا موجود باللنفنتي الكيو56+الاف جي+الراف فور الثنائي
وهو مفيد بالطرق الصخرية يعني بالمختصر يعمل صح مع الارض اللي مافيها زحلقة او تربة متحركة
اما بالطرق الرملة وهالامور فاشل بمعنى الكلمة جربته مرة وحده في رملة ومافاد بشي

بالنسبة للدفريشين المفتوح بحسب زميلي انه مافيه للان سيارة حديثة بالدفريشين المفتوح
وفعلا بحثت مثالا عن سيارات نيسان وطلعلي فقط الزد

شاكر لك الغالي

[Samuraifj]

ماشاء الله عليك
بس الغريبة انه الغالب يقول انه لما تدخل وادي وفيه رملة الافضل ان تطفي التركشن لانه بيخرب عليك وبتغرز السيارة
وفعلا انا لاحظته عندي لما اشتغل السيارة راحت تحت(طبعا اقصد بالمرلة الناعمة)اما الرملة القوية مفيد لانه يساعدك صراحة
بس يقولو هالامر يسبب تلف للتركشن فمن ك1ا الافضل تفسله

بالنسبة للدف لوك التلقائي هو النظام بالجي ام الغريبة يشتغل حتى بدون دبل ,وحقيقة ما اثق في شي تلقائي
لادفع رباعي مستمر ولا دف لوك تلقائي لانه يمكن يخونك وانته ماعارف ومن بين الامور اللي قرأتها انه بس يشتغل مع الريس المنخفض

نظام lsd هذا موجود باللنفنتي الكيو56+الاف جي+الراف فور الثنائي
وهو مفيد بالطرق الصخرية يعني بالمختصر يعمل صح مع الارض اللي مافيها زحلقة او تربة متحركة
اما بالطرق الرملة وهالامور فاشل بمعنى الكلمة جربته مرة وحده في رملة ومافاد بشي

بالنسبة للدفريشين المفتوح بحسب زميلي انه مافيه للان سيارة حديثة بالدفريشين المفتوح
وفعلا بحثت مثالا عن سيارات نيسان وطلعلي فقط الزد

شاكر لك الغالي

نظام ال A-trac فالاف جي فاشل ومايفيد بشي وما مفيد فالرمله؟؟؟

اسمحلي اخي ماعرف وش ارد صراحه

[NITRO]

نظام ال A-trac فالاف جي فاشل ومايفيد بشي وما مفيد فالرمله؟؟؟

اسمحلي اخي ماعرف وش ارد صراحه

مامركز تراك

نتكلم عن نظام LSD وليس الاي تراك
هذا النظام مقارب لعمل الدف لوك فايدته الاكبر بالطرق المستوية او الصخرية
@Samuraifj