استفسار عن الشركه العمانيه لاداره المطارات

**كلبآنيه** · 01/03/2016 07:32 PM

السلام عليكم

احد ردوا عليه من الشركه العمانيه
لادارة المطارات لوظيفه
Technology Innovation & Intelligence Specialist
؟؟
وأحد يعرف كيف طبيعه اختباراتهم!؟؟

**مهندسة الشبكات** · 01/03/2016 08:28 PM

وعليكم السلام
أنا رسلولي وكنت مسجله ف وظيفتين وطلع كلهن ف نفس اليوم

صراحه ماعندي فكره عن طبيعة اختباراتهم أتمنى حد يفيدنا

**نور89** · 01/03/2016 08:39 PM

me too

رسلولي و ما عندي فكرة واضحه عن الاختبارات
افيدونااااا

**نور القمر93** · 01/03/2016 08:42 PM

سبحان الله نفس الموضوع جاية انزله
لوظيفة إدارة مادري اذا نفس الاختبار يكون أو لا

ليت حد يفيدنا، للضرورة

**المافيا-2009** · 01/03/2016 08:47 PM

ولا أنا

**alsmoo** · 01/03/2016 08:51 PM

شو الرسالة اللي مطرشينها لكم ؟!

**هجير99** · 01/03/2016 08:58 PM

وانا بعد راسلين لي الاختبار الاسبوع القادم لوظيفة
service desk operator
حد يفيدنا عن طبيعة الاختبارات لو تكرمتوا

**alsadisaid90** · 01/03/2016 09:05 PM

انا ردوا علي بالرفض ليش ما عرف،، اوين غير مستوفي الشروط..
ممكن رقم مكتبهم لو سمحتوا

**نور القمر93** · 01/03/2016 09:20 PM

هذا اللي حصلته من مواضيع قديمة

"" الامتحان هو شوية طويل بس الاسئلة مش صعبة

اول شي اسئلة عامة عن عمان والعالم والدول والعواصم ...
و بعدها اسئلة ف الرياضيات (جمع و طرح وضرب وقسمة) *يمنع استخدام الاله الحاسبة*
وقد تكون ف اسئلة لفظية ف تحويل مثال من الكجم الى جم او الامتار

وبعدها اسئلة عن المطار ( انصح بقراءة صفحات موقع الشركة)
واخيرا اسئلة متعلقة بالوظيفة

^
^
*ملاحظة مهمة / الامتحانات تختلف من وظيفة الى اخرى

هذا كان تصور احدى الامتحانات اللي تقدمت لها

كل التوفيق""

**نور القمر93** · 01/03/2016 09:23 PM

أرسل أصلا بواسطة alsadisaid90

انا ردوا علي بالرفض ليش ما عرف،، اوين غير مستوفي الشروط..
ممكن رقم مكتبهم لو سمحتوا

هذا من موقع الشركة

مطار مسقط الدولي :
معلومات الرحلات ( 24 ساعة ) : 24519223 968+ - 24519456 968+
المكتب الرئيسي : 24341000 968+
فاكس : 24518088 968+
البريد الالكتروني : [email protected]
@alsadisaid90

**alsmoo** · 01/03/2016 09:23 PM

البعض يقول مقابلات بدون أختبار
والبعض يقول في أختبار وعقب مقابلة

أعتقد يعتمد على نوع الوظيفه .

**هجير99** · 01/03/2016 09:35 PM

اهمه كاتبين فالمسج assessment test
معناته اختبار بس هل في مقابلة بعده لا ادري !
ومكان المقابلة في وزارة الخدمة المدنية .. الاختبار هل بيكون تابع للخدمة المدنية ام للشركة العمانية لادارة المطارات؟؟

**المرزوقي16** · 01/03/2016 10:32 PM

الله يوفقكم ان شاءالله بس حاولو تسترجعو اللي دارسينه ترا الاختبار بالانجلش

**حور الباطنة** · 01/03/2016 10:47 PM

ان شاء الله خير
يعني الاسئلة اختياريه مثل اختبارات الخدمه؟؟

**moonwey** · 01/03/2016 11:03 PM

أرسل أصلا بواسطة حور الباطنة

ان شاء الله خير
يعني الاسئلة اختياريه مثل اختبارات الخدمه؟؟

ايو
..

وحد نادوه ف قسم Administrator

؟

**كلبآنيه** · 01/03/2016 11:04 PM

بليييز اللي عنده خلفيه عن اختباراتهم يفيدنا

انا اختباري يوم الخميس الاسبوع الجاي ان شاءالله

**المرزوقي16** · 01/03/2016 11:04 PM

فيه الاختياري وفيه اكمل وتعبير وووو
الاسئله العامه والماث تكون اختياري والانجلش فيه الاختياري وفيه الكتابه
الاختبار ما صعب بس يباله تركيز والاختبار ساعه ونص ويمنع اصطحاب الهاتف والحاسبه ولا مانع من اصطحاب ورقه وقلم
واهم شي البطاقه الشخصيه والقوى العامله
بدون البطاقه الشخصيه ممنوع تدخل وممنوع تدخل متاخر

**حور الباطنة** · 01/03/2016 11:47 PM

أرسل أصلا بواسطة moonwey

ايو
..

وحد نادوه ف قسم Administrator

؟

ايوا انا مسجله administrator

**moonwey** · 02/03/2016 09:18 AM

أرسل أصلا بواسطة حور الباطنة

ايوا انا مسجله administrator

او زين
متىً امتحانك

**مهندسة الشبكات** · 02/03/2016 09:52 AM

ياخي حيرتونا الحين ايش المقصود امتحان ول مقابله!!!

**كلمة إستثنائية** · 02/03/2016 10:21 AM

أنا معاكم رسلولي

يصرف بليسكم واجدين

خفو كل مكان مزاحمينا عليه

أعوذ بالله

**المرزوقي16** · 02/03/2016 10:35 AM

أرسل أصلا بواسطة مهندسة الشبكات

ياخي حيرتونا الحين ايش المقصود امتحان ول مقابله!!!

امتحان فقط

**حور الباطنة** · 02/03/2016 11:01 AM

الامتحان بيكون الثلاثاء ان شاء الله
انتي مسجله @moonwey؟

**dallessandro** · 02/03/2016 11:40 AM

السلام عليكم
هذي الرسالة حال الاختبار في الوزارة الخدمة المدنية
انا قدمت قبل واختبرت
اختبار يجي نص الاسئلة من الشركة نفسها يعني عن معلومات المطار
رياضيات وحسابات
ويجيك اسئلة من الوزارة
تختبروا وتشوف نتيجة وتروح عاد هما بيردوا عليك اذا نتيجة النهائية مالك فوق
اذا اتصلوا فيك بيكون مقابله في المرة الثانية
الله يوفق الجميع

**كلبآنيه** · 02/03/2016 12:58 PM

الاختبار بالعربي او الانجلش!؟
وكم مدة الاختبار!؟؟

**المافيا-2009** · 02/03/2016 10:21 PM

شي اسألة من التخصص ؟؟

او كله اسألة عامة و رياضيات ؟؟؟؟

**امير الشوق 007** · 03/03/2016 01:59 AM

هلا وغلا

شباب عندي سؤال الاختبار يوم الأربعاء بيكون في وزارة الخدمة المدنية ولا في مكان اخر.؟

**هجير99** · 03/03/2016 08:52 AM

أرسل أصلا بواسطة امير الشوق 007

هلا وغلا

شباب عندي سؤال الاختبار يوم الأربعاء بيكون في وزارة الخدمة المدنية ولا في مكان اخر.؟

مكان الاختبار مكتوب في المسج اللي راسلينه لك شوفه

**امير الشوق 007** · 03/03/2016 11:14 AM

أرسل أصلا بواسطة هجير99

مكان الاختبار مكتوب في المسج اللي راسلينه لك شوفه

مكتوب وزارة الخدمة المدنية مسقط.
يقصدون اني اسير وزارة ولا مكان ثاني.؟

**هجير99** · 03/03/2016 11:34 AM

أرسل أصلا بواسطة امير الشوق 007

مكتوب وزارة الخدمة المدنية مسقط.
يقصدون اني اسير وزارة ولا مكان ثاني.؟

ايوا وزارة الخدمة المدنية

اسم المؤسسة	موقع المؤسسة
الوظيفة	المستوى التعليمي
وقت الدوام	نوع عقد العمل

الموضوع: استفسار عن الشركه العمانيه لاداره المطارات

أدوات الموضوع

البحث في الموضوع

نمط العرض

استفسار عن الشركه العمانيه لاداره المطارات

مواضيع مشابهه

استفسار عن وظائف الشركه العمانيه لادارة المطارات

وظائف اليوم الاثنين 26/12/2011 وظائف جريدة الوطن + الشركه العمانيه لاداره المطارات

الشركه العمانيه لاداره المطارات OAMC

استفسار لاعضاء مجلس اداره الشركه العمانيه لاداره المطارات

استفسار لاعضاء مجلس اداره الشركه العمانيه لاداره المطارات

قواعد المشاركة